肉餅哥小炒料理 (已結業)

到大圍探朋友後一起到 ”肉餅哥” 吃晚飯. 朋友說它們在大圍很有名, 認真要試一下啊 ^^餐廳外觀很特別, 幸好不用排隊, 呵呵. 看到餐牌有幾十款肉餅選擇, 實在非常意外, 還可以選擇蒸或者煎, 原來肉餅也可以有這麼多做法及配搭. 點餐還有老火靚湯及飲品餐牌上看到 ”口水雞” 好像很美味的樣子, 點了一個來試. 口水雞半隻雞肉非常滑, 醬汁調教得很香辣, 非常之惹味. 足三兩花膠肉餅配南瓜粥有3大塊大大的花膠, 看到都很開心, 滿滿的骨膠原, 是女士恩物花膠好滑, 在喉嚨會感受到 ”張住” 的感覺, 加上茨汁味道配合得非常好, 非常美味! 真心推介~

有沙田友介紹過肉餅哥，今日終於一試！7點左右到已經有人龍，等左10分鐘到就有位啦！間鋪都幾大！聽聞以前係「冬菇亭」來的。Menu好多選擇，多款肉餅，又有小食。未order已經比兩碗湯我地，唔通知道我地無乜湯水飲涼拌豬手，又係花先生鐘意既菜。爽口，對我黎講就太辣，花先生就覺得辣道岩岩好。蝦膏蟹棒肉餅（煎），超正！唔通大澳既蝦膏惹味啲？煎得香口但唔燶。蝦膏無蓋過蟹棒鮮味，十分推介！墨汁魷魚肉餅（蒸），雖然蒸無煎咁香口，但保留左原汁原味！食到好多魷魚粒，足料！南瓜粥有南瓜溶，唔係好綿個類粥，我覺得配肉餅幾夾！海味雜茶煲，上菜時不禁「嘩」左一聲，因為估唔到咁大煲！好足料，有雜菜、蝦乾、魷魚鬚、粉絲等等。粉絲吸收左啲海味同菜湯，正！整體花先生覺得偏淡，但我就覺得岩岩好。塊塊肉餅都份量十足，絕不欺場！我地坐bar枱，可能較近射燈，愈食愈熱⋯ 但我聽到其他食客話好大風要熄冷氣⋯⋯對於無飯夫婦黎講，肉餅好有住家feel 下次來好想試下肉餅漢堡包！

去開大圍，想食點傳統與新派的。。肉餅哥！有好多款肉餅呀~坐低點好菜就來了。。湯！俾大家滋潤一下！無耐就來了！先來小食。。口水雞！一件件佈滿辣油的雞~好香呀！mmm..好辣好滋味！肉質滑滑，仲好有葱味！開晒胃去迎接肉餅飯！來喇。。原隻鮑魚肉餅飯！真的鮑魚連殼咁上~淋上了鮑魚汁，連肉餅也受惠！即試啖！鮑魚唔硬夠淋呀~肉餅蒸得好！有肉味又吸收了鮑魚汁~撈飯太美妙了！另一個。。金沙蛋黃肉餅飯！wow! 上檯就好精彩！金黃色ga~等唔切喇！wow流沙蛋黃好香，就咁撈飯都店呀！肉餅煎得香脆，配上流沙蛋黃，天大的美味呀！就這樣撈白飯食就好好了！不會太膩呀~

今日約左朋友係大圍附近,想食港式既晚餐。見到呢間有好多唔同配搭既肉餅，好多配搭都係平時係其他地方食唔到既，就入嚟試下。一入到去佢裝修以木爲主，全部都係木枱木櫈，整體感覺好舒服。老火湯。我地嗌左2個肉餅餐，跟餐配老火湯。入邊有紅蘿蔔、冬瓜同栗米，細細碗但好足料。飲落唔會有好重味精，飲完都唔會口渴。霸王雞。有半隻雞既份量，2個人食好夠。食落有d似平時出邊食既白切雞，上邊有一條條蔥調味，係底會有豉油同麻油，沾嚟食落個味道岩岩好。雞肉食落好嫩，煮得岩岩好，唔會有雪味。鮮味蟹粉肉餅。唔止肉餅面佈滿蟹粉，就連肉餅入邊都有混入蟹粉。好足料食落好夠味，蟹粉既味道好香，可以配埋佢個菜飯食。。肉餅肥瘦適中，食落岩岩好。原隻波士頓龍蝦肉餅。連頭尾原隻龍蝦上碟，龍蝦肉全部混曬入肉餅裡邊。食落啖啖都有龍蝦肉，味道無蟹粉肉餅咁濃，可以食到龍蝦既鮮味。兩隻蟹鉗最後都可以開嚟食，全隻龍蝦既肉都可以食曬。支裝西瓜汁。另外我同朋友都嗌左西瓜汁，飲落同鮮榨西瓜汁一樣，無溝水，西瓜味好香甜。

男朋友住大圍，我住長沙彎，經常都會坐286X回家。最近發現在巴士站前新開了一家食店 - 肉餅哥。男朋友話早已在網上聽聞過肉餅哥的事跡，所以叫我一試。粗略估計佔地都有800尺以上。空間好大，工業風設計非常有香港風味。今天想吃菜，叫了個海皇雜煲，失望。竟然有點失色，因為湯的味道太淡了。不過勝在賣相靚，海鮮夠多，菜多雲耳多，點上鼓油更感鮮味！(湯建議落多一點點鹽)男朋友說可惜了個湯。重頭戲來了，惹味鵝肝煎肉餅飯！（$108）賣相都係無得頂，煎的肉餅火候控制得非常到胃。師傅果然夠實力阿！鵝肝也不是便宜貨，足料之餘入口即溶⋯一試難忘。而且份量好多！大件夾抵食，一百蚊你食塊鵝肝都唔夠啦！我這個夢想成為美魔女的女人，要試既一定係花膠肉餅飯，仲要叫蒸的！原汁原味呈現花膠和肉的結果。朋友都話肉餅配花膠好怪，但我覺得就好似男同女咁，完全意料之外既完美配搭。花膠不像出面很膠的那種，如果很膠的話便會太漏。花膠足足手掌咁大！驚為天人！女孩子的話建議與朋友share一個飯，量太多啦！無謂浪費美食嘛

入大圍等朋友放工食飯, 朋友說有間百變肉餅飯有很多款式，問我有否興趣試試看？ 就去了這間位於美林邨的大圍肉餅哥。我們七點前已入座，慶幸早到，否則晚一點便坐無虛席。望下餐牌，真的至少有20款或以上的肉餅選擇，還有其他小炒及前菜等等。 肉餅的配搭很多很特別，除咗傳統的蒸肉餅方法還有煎肉餅，我跟朋友研究了很久， 最後叫了一個足三兩花膠蒸肉餅、鮮味蟹粉煎肉餅及口水雞，跟肉餅的飯可選擇白飯或菜飯，飲品除了有例湯之外還可以選擇樽裝果汁。落單不久，口水雞及兩個肉餅飯很快便上臺了。口水雞份量是半隻，但看上去很大碟而且很多肉，隱約聞到香辣的雞肉味，筷子夾上去雞件很有份量很重手, 雞肉的質地很嫩滑, 只是口水雞真的有點辣，但只要不混進太多雞上的辣醬料一齊吃都可接受。足三兩花膠蒸肉餅，絕對足料抵食，肉餅上面鋪滿了兩塊厚大的花膠，花膠煮得軟腍，蒸肉餅口感實在多肉而且很多汁，肉餅送飯一流，只是覺得花膠上的茨汁有點多, 小一點會更佳。叫了個蒸肉餅，於是另一個蟹粉肉餅要了個煎的，蟹粉煎肉餅成個先得金黃香脆，肉餅上面鋪了一堆蟹粉，肉餅入面有少少蛋黃及蟹膏，令到成個肉餅變得更加鹹香惹味，肉餅其實都很大塊， 絕對也是真材

24歲就創業，已經開設了兩家分店，也在中間經歷過不少風浪。這些都是在網上報導之中見過的，我說的是「肉餅哥」。自從看過他的報導以後，說是好奇也好，說是支持也好，總之我就很想來它的店試試看。由荃灣整肉餅，整到開分店，其實心中倒是蠻配服他。今次就跟他來到位於大圍的肉餅哥試試看。星期日晚上7時，這裡已經座無虛席，門口更是排了長長的人龍，要不是決心要試到這家店的肉餅，相信我老早已跑到別的地方狠狠吃一頓了。話說回來，這邊一共有成32款肉餅，總有一款合心水，而我，卻選擇了好一陣子才揀到心目中所想要的。 流心芝士肉餅 ($72) 可選煎或蒸，也可以選擇白飯或菜飯。究竟肉餅可以怎樣做也做到流心呢？我也很好奇。我點的是煎肉餅，它的味道香得很，加上芝士的幽香，真令人食指大動。肉餅肥瘦剛好，入口略帶咬口。未切開肉餅以前，已經見到芝士在肉餅四周溢出；把肉餅切開以後，中間夾雜著芝士，而且見到芝士緩緩流出，幽香的味道輕輕撲到鼻子裡去，叫芝士控實在難以忍受。 入口時肉味香濃，肉味之中夾雜著淡淡的芝士香氣，而且芝士並不是故亂放上肉餅上，而是放在肉餅上以後還有烘過的，使芝士的香氣更為突出。肉餅帶點點彈牙，當中還有

之前見報紙介紹肉餅哥，其實已經好想試。從來冇諗過肉餅可以有咁多變化，佢嘅創意肉餅確係令我有股好奇心想試一試，咁啱今日經開大圍，終於有機會拜會一下。✨見到門口有個肉餅排行榜，一場黎到一定要試吓第一位✨六點幾嚟到已經好多人，好彩早黎唔駛等位。餐廳design 簡單得黎有d 格調，賣肉餅也賣image.✨單係肉餅款式已經好多，好立克，果醬，台式柚子肉餅，呢d 口味真係好破格，但我個人比較保守唔敢試😂，不過我欣賞佢嘅創意同膽識。✨除咗肉餅仲有小食小炒等等，一場黎到點都要叫番啲。✨跟餐先黎個老火湯，無湯料唔知係咩湯添。不過應該係冬瓜煲豬骨果類，味道幾清甜，感覺無乜味精。✨加$12可以要新鮮果汁，番石榴味唔係太甜，都幾好飲，奇異果就酸酸甜甜，果汁係香港製造。✨霸王雞（$88半隻): 見有好多人都叫就試下，真係連個頭都有一半，不過如果剔走佢會吸引d😆。講番個雞真係幾嫩滑，配埋d京蔥同豉油好香。隻雞都幾肥美，d 皮金黃色好靚仔，不過食食下有d 肥都係走皮食。✨鮮味蟹粉肉餅（$99): 揀咗蒸既，面頭蟹肉係幾鮮味，肉餅就食到微微蟹粉味，可以再濃d就更好。✨佢個肉係肥瘦適中，帶點肥膏係幾好食既。✨我幾鍾意

踩完單車覓食大圍，去左美林冬菇亭食「肉餅哥」。肉餅選擇超級多，今晚決定食煎肉餅。心大心細之下，最後食左呢啲：口水雞半隻（$88）口水雞味道酸酸辣辣，而且辣味係慢慢出黎咁，好刺激！煎蝦膏蟹棒肉餅飯（菜飯加$2）（$69）味道好濃，煎肉餅更香口，超好送飯！一咬已經有蝦膏香。鵝肝煎肉餅飯（菜飯加$2）（$108）鵝肝都煎得幾香，冇「騷」味，下面嘅肉餅冇蝦膏肉餅咁濃味，可以點少少豉油撈飯都仲得！汽水（$5/支）仲有例湯每人一碗，好飽喔！

幾中意在舊區食舊野但又怕受傷害⋯⋯所以古古怪怪尋幽訪勝的周圍去看下午五時見到有街坊入呢間食餅哥便放 心況且下午茶時間有什麼e 郁下午茶餐夠cheap 先看到餐牌這早餐不貴更好感吃早飯索性叫霸王雞一客Open rice 有食記介紹話足半只88$口水雞同價我們怕太辣還是霸王雞易受用最正是送一冬瓜湯十分滿意菜心也滿意沒油沒醬油很少地方肯這麼清著名足三兩花膠肉餅午餐價只108$兩大塊手板般長的花膠鋪面下面大煲菜飯上一大塊煎肉餅結果本人食花膠飽了六時多座無虛席我們通氣飽暖⋯⋯埋單走了剛

上網見到肉餅哥好像很受歡迎、心想肉餅都是差不多味道，就抱著一試無妨的心態去吃個晚餐。想不到一間肉餅專門店都那麼受歡迎、平日晚上店門外聚滿了一堆等入座的街坊和專程駕車來的情侶。等了十五分鐘終於有位了、要搭抬都沒所謂啦。真的有很多款肉餅：黑松露鵝肝、芝士、龍蝦、墨汁魷魚、連老干媽豆豉肉餅也有。老干媽簡單是當年留學英國的良伴、用來煮中菜一流款款都想試、胃只有兩個，最後選了金沙蛋黃肉餅和足三両花膠肉餅。先送來例湯，清清地應該沒加味精。足三両花膠肉餅有三大塊在上、以煲仔送上。花膠比較有咬口、紅燒汁伴菜飯很好美味。然後是十月份排行第一的金沙蛋黃肉餅。我最愛的鹹蛋黃鋪滿整個肉餅、鹹香味十足。蛋黃的油份跟肉餅的軟嫩好夾、用來送飯好正！

放工要陪男朋友去大圍拎D野，點知附近原來有久聞已久的肉餅哥！鍾意新奇古怪東東的我，黎到肉餅哥當然唔會食普通的肉餅啦！雖然餐廳位於屋村內，但環境一D都唔馬虎！地方闊落，仲好有Stylish tim。先飲碗老火湯，除左每碗湯都有蘿蔔外，味精唔重，唔會愈飲愈渴。由於好想飲甜野，所以我們仲叫左兩枝新鮮果汁飲。先黎半隻霸王雞！好夠葱花，好惹味。重點係雞皮唔算太厚，肉又夠實，係健康之選！男朋友係芫茜人，所以叫左份蒸芫茜肉餅飯。芫茜佈滿肉餅內外，芫茜粉絲一定要黎朝聖！由於我都食芫茜，所以我都食左一半。蒸肉餅比較Juicy，芫茜同肉餅的味道都幾夾。另外，我叫左份「豪氣之選」惹味鵝肝肉餅。本身諗住個呢個套餐$108，鵝肝大得去邊呀，點知..... 又大又厚到呢！仲要一隻食指咁長！外脆內軟的鵝肝會係肉餅上，鵝肝的油香會滲入下層的肉餅，咁樣就可以肉餅味道層次更加昇華！鵝肝肉餅只提供煎肉餅。外皮香脆的肉餅，入面唔會乾，都幾好食。肉餅哥價錢合理，肉餅多花款又好食。想下次黎試埋流心芝士肉餅同比較傳統的金沙蛋黃肉餅！

去左旅行成個星期，返黎香港特別想食港式食物 所以就去左大圍既肉餅哥。我同朋友就係夜晚時段食，等左一陣位，不過都係超短時間。老火湯好耐未飲過港式既湯，因為外國個邊無湯飲。好足料下 到左主菜方面，我同朋友一人點左一個肉餅飯。呢度既肉餅飯類型好多，我同朋友點左惹味鵝肝煎肉餅配白飯，另外要左個蒸原隻波士頓龍蝦肉餅配菜飯一齊開心share 黎食 惹味鵝肝煎肉餅配白飯一上黎個陣比個飯嚇親，肉餅超大個 因為好肚餓既關係，所以呢個size 對我黎講唔太大，同埋我本身食量唔細，但如果你食量細，可能真係可以3個人食兩個，另外再點小食都得。 鵝肝配肉餅我真係第一次試，估唔到甘夾，呢個飯推介 蒸原隻波士頓龍蝦肉餅配菜飯龍蝦超大隻，影相黎呃like 唔錯 哈哈 飲品我同朋友就要左橙汁同番西榴汁。2枝果汁都好好飲，建議大家可點黎配肉餅飯。

今晚想吃花膠，又唔想自己整，記得之前老公帶我去過肉餅哥，於是就和他來到大圍，我們從土瓜灣來到都唔駛半個鐘，呢間分店比荃灣大好多，坐位寛闊，仲出咗好多新野食，又有啤酒飲，呢間改良版又幾好喎。我當然叫咗足三両花膠肉餅($108)，件花膠足足有個煲咁大，如果我去街市買都要百幾蚊，依家唔駛浸發過程，即刻有得食真係太方便。之前我係屋企想食花膠，要用一日浸，浸完又要除腥味，真係幾麻煩。今次加強版比上次好味，因為有個紅燒芡汁提味，比較我自己整差不多，我好推介呢個。👍👍👍👍👍我老公就要了鵝肝煎肉餅($108），塊鵝肝煎到好甘香，而內裡又剛好熟，食落有種回甘的滋味在舌頭上，如果可以多塊鵝肝就仲好😂😂😂，至於肉餅也煎得好香脆。另外叫了一個口水鷄($88)，真係半只鷄，醬汁調教得好香辣，而且雞肉好滑。食緊飯時，叫了兩杯asahi啤酒($28)，呢種啤酒係酒吧要賣成五、六拾蚊㗎，而且D啤酒泡仲係黃金比例😋😋😋我們倆個飲飽食醉，無加一，都係$364，而且張單印明如果服務唔滿意仲可以whatsapp 投訴，呢個肯定管理層好有決心改善服務，讚👍

肉餅啲人會覺得係好平民係屋企貪方便先會煮既間 但係呢間餐廳決定以肉餅創出一條血路 憑住一支AK....唔係... 憑住一塊肉餅去開拓佢嘅夢想！ 大圍多野食就人所共知 好似我地呢啲馬鞍山美食沙漠人點都要爬出黎食好西 呢間肉餅哥都係做街坊生意見到價錢牌 哇咁抵既 佢既裝潢仲好style同highclass既感覺 我覺得似cafe多啲 坐得好舒服 每個set都包一個湯同野飲 味精味唔算太濃 而且仲好足料tim 招雞口水雞 啖啖肉 可以友人唔食得辣 我唯有辛苦啲自己一個食晒佢 啲辣味唔會遮晒啲雞肉既鮮味 啲雞肉仲好嫩tim 我叫左個吉列肉餅 超!!!大!!!!塊!!!! 咁厚肉仲加個油飯 肉餅炸得岩岩好脆同埋都好香 而唔會太油 而油飯就都唔會比人覺得太膩 味道perfect match <3 友人叫左個金沙蛋黃飯 可能正值中秋 食蛋黃岩岩好 呢個雖然無吉列肉餅咁好食 但係蛋黃都好足料每塊都有 我feel到佢熱量龐大 小妹不敢恭維 歡迎男性勇士挑戰 個朋友最尾都食晒佢 因為佢個人比較鐘意蛋黃 肉餅哥既價錢都好親民 味道都唔錯 環境仲好靚tim 應該好快會再去多次