肉餅哥小炒料理 (已結業)

近期大熱人氣爆燈的肉餅哥，終於可以一試了，早去唔洗排隊好lucky. 打開個menu, Wow!! 不得了，甘鬼多款，又有選擇困難症……四個女仔一人一個餐再share 食。梗係要揀個夠分量既足三兩花膠肉餅食下睇下又真係幾夠秤，補下骨膠原先，好黏好QQ，好想飲碗花膠湯潤下。原隻龍蝦肉餅，配左個米粉，圖文相附, 真係成隻龍蝦擺喺你面前，啖啖肉，好食。最有HOME FEELING 的金沙蛋黃肉餅配番個南瓜粥至LIKE的墨汁魷魚肉餅飯，煎的，唔好睇外表烏卒卒甘，同個肉餅最夾，煎得又香脆!無主家飯食，食下肉餅尋回家的味道，價錢尚算抵食，大大碟，食到你飽。

成日聽人講話去食肉餅哥評語各有不同，等我同男友食下究竟乜料黎到大圍依間，環境都幾寬敞，又夠光猛坐底之後就黎左兩碗湯之後我地點左兩個餐一個小食「口水雞」 雖然係小食，但份量都唔少而且都幾辣，好開胃雞啖啖肉，肉質較為結實「好立克肉餅」其實最主要係想食依個估唔到味道都唔錯，雖然係好立克但唔算好甜，而且佢加左蔥同燕麥一齊整再細嚐會嚐到有啲薑味所以整體個汁有少少似魚粥既味道唔係坊間講到咁奇怪「鮮味蟹粉肉餅」揀選以煎既方法去煮食落特別香口外層煎到帶點香脆蟹粉味道亦好似蛋黃味餸飯一流西柚汁西瓜汁

老實講，肉餅係好味既，但係個飯真係好差，又硬似未熟，仲有一陣味。上次去食菜飯都覺得有一陣怪味，但今次食白飯更嚴重，個人覺得食餅哥主打肉餅配飯，那個飯真係要改善！希望店主留意，真心想再幫襯

見到呢間荃灣既熱店黎左大圍開分店，評價都幾好甘，所以晚餐黎試下初初開嗰個月都好似要排隊，不過今次閒日夜晚都仲有好多空枱，地方幾大，環境都算舒服叫左餐後，就上左碗例湯，味道啖一般，所以都冇影相大概10-15分鐘食物送上足三兩花膠煎肉餅花膠真係有成塊面甘大，鋪左係肉餅嘅上面，質地爽身有d似食豬皮。配上d汁食唔錯，不過比較膩。肉餅食得出比例好多肉，可惜煎得比較乾。蟹粉蒸肉餅上面有d蟹粉同蔥，蟹粉令到肉餅更鮮，如果蟹粉多d會再好，呢個配搭幾match雖說係蒸 但肉餅都係比較乾身，唔係太多肉汁，扣分仲加左碟菜，個菜正常烚菜冇乜特別今次叫既款都係偏貴嘅肉餅，味道都唔錯但唔算勁好味，未能令到我有驚喜。無論係蒸/煎肉餅都較乾，餸飯食唔太夠汁。好既肉餅除左多肉，肉汁都好重要!有機會都會返黎試下其他較傳統ge肉餅同埋菜式較單一，如果可以加多d小食或者炒碟菜甘，感覺會多元化d，冇甘齋。

食開呀媽整嘅肉餅多數係蒸，得豉油味，覺得好dry. 見人地讚哩間有得食煎嘅肉餅好食，收工專程過黎食！收工有啲遲😢 黑晒 影得唔好...其實佢個裝修真係幾靚下...！1個餐有湯有肉餅有野飲，都幾抵！main point個湯並唔味精！好味！叫左個原隻龍蝦肉餅，見有飯/粥/米粉揀，覺得龍蝦應該要系水入面嘅，所以揀左米粉. 米粉比較清淡，搭上啲啲龍蝦鮮味，加上肉餅反而咸淡適中. ok ge! 另外一個金沙蛋黃肉餅配南瓜粥，粥較為清， 南瓜味弱啲啲，岩嘅，因為個蛋黃太正！但好飽！ 哩個要share一人兩三啖！ 好香！佢個花膠肉餅花膠份量真係好足！食落去第一個感覺就係：哇，係骨膠原呀！😂😂 哩個揀左蒸，因為覺得哩味應該健康少少先補身😂最後哩個係我最愛，墨汁魷魚肉餅！唔好見佢黑蚊蚊，但佢個咬口同味道係四個裡面最特別！好正！魷魚同肉好match，加埋墨汁不得了！ 勁快食晒哩個呀！野飲我就揀左柚子汁，都係好飲嘅！

食得西餐多，都想下口味……咁岩之前係其他朋友口中得知“肉餅哥”，所以今次就約埋其他朋友一齊食番餐中菜一入到去，就有一種好舒服既感覺，因為樓底都幾高且時候尚早，餐廳未係太多人，可以選擇坐近窗邊……一打開menu, 真係不得了，平時聽得最多既通常係“梅菜肉餅”，但我真係冇諗過會有咁多肉餅既菜式，基本上諗到既一定有，諗唔到既都一大堆最後我地叫左以下呢幾款龍蝦肉餅-但係外表都贏晒墨魚肉餅- 雖然外表麻麻地，但超級好味，推介花膠肉餅- 呢個我覺得骨膠原好重金莎肉餅-呢個配飯好似較適合總括而言，我覺得好有家的感覺，非常好……下次會再黎

Wa....黎到最近幾有話題性ge肉餅哥 其實佢由荃灣開分店黎到沙田 我都相信佢有返咁上下質素先可以做到開分店👍🏼👍🏼今次就叫左4款肉餅試試佢： 金沙蛋黃蒸肉餅，墨汁鱿魚煎肉餅，足三両花膠肉餅同原隻龍蝦煎肉餅。其實大部分肉餅都可以選擇蒸同煎 但無論配邊樣都好 終始好似煎比蒸更好食👍🏼👍🏼🤤金沙蛋黃肉餅，好似好普通但真係好好食 可能我係蛋黃迷所以最喜愛呢種 都係令我最回味的一種 ❤️❤️而墨汁魷魚煎肉餅，最快清哂係呢碟 佢有一種好香的味道 中間又有魷魚粒的口感 幾特別😍😍足三両花膠煎肉餅，海量花膠去配肉餅 好似花膠搶左肉餅個主角位 而且花膠比較漏 所以都剩下花膠食唔哂🤤🤤原隻龍蝦煎肉餅，失敗之處我地係叫左米線去配上 結果成隻龍蝦就係個湯入面 但龍蝦唔算細 龍蝦肉鮮甜 下次龍蝦配飯或南瓜粥都比較好🤣🤣總結 肉餅哥的肉餅都幾大份 唔係呃人 而且味道好正 而且裝演都幾型格 會下次再食 住得近就好喇😭😭可以成日落去食晚餐😭😭

有朋友住這一區說有家肉餅值得一試。我們看著地圖摸著過來，不帶任何期待。從店面的風格到服務到食物，都很是驚喜滿意。我對肉餅沒太大興趣所以點了口水雞，好好吃！男朋友當然就點了他平時喜歡的金沙蛋黃肉餅，吃的我們倆開心極了。價錢也適宜，兩人吃了$150，飽飽的。肉餅選擇非常多，絕對有你喜歡的口味，還可以要蒸或煎。肉餅哥，大推！

想食肉餅哥好耐㗎喇!!! 大圍分店等咗幾個月終於開店喇! .肉餅選擇真係勁多(餐牌有幾頁紙都係肉餅呀!!!).嚟個餐前小食先掙扎緊要四季豆定雲耳, 店員就話不如雙拼啦!!! 又好喎! 就整個涼拌四季豆拼雲耳涼拌四季豆夠爽脆, 有微微嘅Wasabi味道涼拌雲耳就係麻麻辣辣既.金莎蛋黃肉餅 (可蒸 / 炸)呢個係我平日在家中最常食的肉餅但佢就係微調版就係個蛋黃微調喇! 呢個蛋黃.惹味鵝肝肉餅(煎) 又鵝肝...見到呢個配搭, 我有咩可能唔食呢?首先, 鵝肝份量一睇就知好足料外皮燶咗啲, 但內層口感剛好, 滿足肉餅外脆內Juicy, 食得出的確係"手打"而且煎過嘅肉餅, 味道特別香+$2轉油飯, 油飯顏色似黃薑飯, 味道 & 飯感偏淡 & 偏乾

肉餅哥聽就聽得多，最近有朋友食過都話正，於是今晚決定同同事試試放工後我地撘火車大圍站A2出口出，其實距離火車站唔算遠，一路往前行10分鐘就到了。地方唔算細，都坐得舒服餐廳出面見到呢個排行榜，我哋就揀咗1號金沙蛋黃肉餅同埋3號足三兩花膠肉餅一黎到已經好興奮，因為見到我最愛嘅咸蛋黃同埋好健康嘅菜飯。飯可以選擇菜飯、南瓜飯、同白飯，賣相100分，食落當然好好味，呢塊肉餅係蒸的，相對冇咁油膩。仲有大食嘅朋友一定夠飽，女仕們叫少飯就好D真係好大塊花膠喎賣相好吸引，肉餅係煎嘅，比蒸嘅香脆份量夠曬大除咗肉餅飯，雜菜煲一樣出色好豐富，而且份量都唔少話明肉餅哥，當然専門賣肉餅啦除左正常調味，仲有D好特別嘅味道做賣點，例如:好立克、咖啡煉奶、果醬同柚子。呢四款味道係最吸晴下次黎一定會試下兩個人食到勁飽勁滿足先$271，唔貴喎雖然冇加一服務費，當然佢哋嘅服務係唔錯啦。服務員夠多又有禮貌，值得一讚。下次會帶埋屋企人來

肉餅哥，顧名思義，就是專吃肉餅的餐廳。原來這間餐廳有分店的，主店在荃灣，分店在大圍，今日我們光顧的是大圍分店。一入門口，店面很新淨又寬敞，已加了不少分。到點餐了，我們點了兩個餐，一份是果醬肉餅（煎）配飯，一份是金沙黃金肉餅（煎）配南瓜粥。南瓜粥有些清淡，南瓜味也不些濃，有點失色；金沙黃金肉餅味道很好，有煎的酥酥脆脆的香口，配搭面層的碎咸蛋黃，味道一流。嚐過一口黃金肉餅，再配一口南瓜粥，一解油膩，二來回香，實是一絕。再來是果醬肉餅，落單時有點膽心，但到吃過第一口後，卻意外的驚喜：香口的煎肉餅，塗上酸甜的果醬，有點像糖醋骨的味道，是既驚又喜的一道菜。

肉餅哥都聽朋友講過，話成間鋪都係食肉餅，仲有好多唔同花款既肉餅，好得意見係大圍肉餅哥竟然開左間分店，趁機會係中午食飯時間去試一試佢以前既冬菇亭亦都因為領展改造變成新式既外貌，但裏面既大樓底仲係無變，坐得好舒服小食仲叫左口水雞，唔太辣，幾開胃今次我地叫左個龍蝦肉餅油飯，大大隻龍蝦放係飯上面同，好靚，而且龍蝦兩個大蚶仲有肉食唔係殻黎嫁😂😂叫得龍蝦肉餅唔係得個樣既，肉餅入面混入左啖啖既龍蝦肉，仲煎到好香脆添，而飯就轉左做黃油飯，略嫌油左小小而另一個就叫左墨魚肉餅，而且簡左蒸既方式，而飯亦都轉左做菜飯，雖然肉餅黑麻麻，但食落好香墨魚味順帶一提係肉餅哥幫襯完仲有得免費泊車一小時，都真係幾方便嫁

點呢一款肉餅嘅時候，我哋有問過職員到底揀蒸好定還是煎好，店員諗都唔使諗就答左煎！咁好啦，我哋就一於揀煎。叫呢個肉餅嘅時候係特登揀菜飯，因為覺得食太多肉怕滯，所以就想要啲綠色嘅蔬菜去幫助消化。菜飯裏面嘅菜份量都唔少，保證每一啖都有菜入口 ; 而流心芝士肉餅比我想像中做得出色，難怪有咁多人推介。肉餅面頭嗰塊芝士都有返咁上下厚，而且用火槍燒過燶燶地，更加可以吸引到我嘅食慾; 煎過嘅肉餅增加左香脆嘅口感，切開肉餅裏面嘅芝士係流心拉絲，芝士同肉餅出奇地夾，食晒成塊都唔會覺得滯，正呀原來肉餅哥除咗肉餅做得出色之外，佢嘅炸雞脾都唔弱——輝哥e級炸雞脾隻炸雞髀唔單止係大隻，而係巨型！大過我部iPhone呀！隻脾唔係得個大字，味道都好好。雞皮炸得鬆脆，肉又夠多，而且嫩滑，無雪藏味 呢隻雞脾做下午茶一流

今日同太太嚟到大圍區覓食，知道肉餅哥係度開咗分店，咁當然要去試一試啦。我去到餐廳覺得裏面好闊落，一啲都唔會話坐得好迫，而且都好夠光猛睇下個餐牌，選擇唔少，仲有免費泊車唔好以為淨係女人先鍾意食花膠，其實我都好鍾意，男人都需要滋補下嘅。於是我就叫咗一個有好多好評嘅足三兩花膠蒸肉餅配南瓜粥 (其實係想食菜飯，不過見到好多人都話肉餅哥嘅肉餅份量一啲都唔細，所以我先至揀咗要南瓜粥，夜晚唔想食太飽，怕肥) 足三兩花膠蒸肉餅終於上枱喇！真係唔係講笑，花膠嘅同肉餅嘅比例幾乎係一比一，甚至乎可以話係多過肉餅，係完全遮蓋左塊肉餅！呢幾塊花膠嘅係唔係好高質素我就唔知道，但係＄99食到咁樣份量嘅花膠仲想點🤤心靈上已經覺得係超值！蒸肉餅好香豬肉味，點d豉油就更加香，肥瘦豬肉比例均勻; 花膠嘅軟硬程度亦都適中，食到"雪雪聲"呀！連坐係我隔離嘅太太見到我食得咁滋味，都忍唔住偷左我兩塊花膠食南瓜粥亦都係值得讚一讚，粥煮得夠綿，聞到有淡淡的南瓜味，而且唔會過熱，上枱後可以馬上入口第一次食肉餅哥已經有好好嘅體驗，下次一於再嚟試其他款式嘅肉餅

琴日約左成班朋友想食大牌檔，知道附近有間新裝修的大排牌出名食肉餅，所以一齊去試下。入到去坐低，未落單，侍應首先比左人頭數量既湯我地飲先，再比我地慢慢睇餐牌揀野食。 去到睇餐牌先發覺基本上都係得肉餅😂，咁我地就黎左個肉餅盛宴。 每個肉餅可以揀煎或蒸同埋選擇配白飯/米粉/南瓜粥。（$69）煎既極辣鬼椒肉餅，辣椒同肉餅明顯分開，食到辣椒粉個個餅位都的確辣，愛辣可以試下。（$69）煎既XO醬帶子肉餅，好香口，襯少少xo醬既味肉餅都出味d。（$59）招牌菜之一，蒸既好立克肉餅，個肉餅幾好食，其實唔重好立克味，但口感夠特別都唔錯，個肉餅汁幾濃加上面少少燕麥，無諗落咁伏味濃。（$99）煎既野味鵝肝肉餅，其實肉餅係普通煎肉餅，鵝肝都好香口。（$69）煎既芥末沙律肉餅，肉餅同個個芥末汁同想像中襯，可以一試，好開胃。（$99）蒸既鮮味蟹粉肉餅，望落好吸引，蒸到蟹粉同肉餅幾襯，雖然蟹粉味唔會好鮮甜但都唔錯。蟹粉個汁都好襯白飯食。（$59）煎既椒鹽煎肉餅，望落無咩睇頭，但好脆口，佢比左個豉油點下，吊下味。（$59）煎既泰式冬陰公肉餅，酸酸甜甜幾特別，有個汁撈飯。（$88）海皇雜菜煲，有雜菜蝦仁鮮魷帶子粉絲，湯