肉餅哥小炒料理 (已結業)

係兩年前到去過荃灣的肉餅哥，事隔一排原來係大圍都開左一間分店，餐廳位置係一個屋村內。星期六7點幾入到餐廳，已經見到有好多人已經食緊了。坐低後，職員先放低例湯。個湯無咩味精味，而且有D蓮藕食下。今次我們叫左一份蒸的金沙蛋黃肉餅。肉餅上面舖滿香噴噴的鹹蛋黃。蒸肉餅的好處係可以食到肉餅的肉汁，味道非常Juicy好食，難怪呢款肉餅會長期上餐廳的Top List！切開後就會見到流心的鹹蛋黃油口味好香，送飯一流！另外，屋企人就叫左一份煎的潮州家鄉肉餅。潮州家鄉肉餅係咩？其實係韭菜、花生、馬碲、冬菇、沙葛。呢個肉餅同頭先唔同的係煎肉餅比較香口，加上多款有口感的材料，口感非常豐富。忘記講tim，個肉餅除左白飯、南瓜粥、米粉外，仲可以+$2轉菜飯tim！最後，屋企人想食多少少蔬菜，所以就叫左個海皇雜菜煲。菜煲的海鮮都有好多，除左有蝦仁、鮮魷外，仲有帶子！食到尾熱熱地，想飲下凍野，我就叫左枝忌廉飲下，屋企人就揀左一枝枝裝茶。整體黎講，餐廳的CP值高，好食又唔貴。重點係平時係出面好難揾個坐得舒舒服服的地方食肉餅，呢到就可以滿足大家了。

幾個月前來食過～我幾中意呢度,今日系積富街剪完頭髮行5,6分鐘就到,天氣又好邊行邊曬太陽,門前的黑板餐牌公告2月份最受歡迎的是N.o 1,金沙蛋黃肉餅 - N.o 2,流心芝士肉餅 - N.o 3,足三兩花膠肉餅。我地2點半下午茶時間食正餐,先來碗老火靚湯,大大舊蓮藕,粟米,很足料。芥香木耳～芥辣味剛好,不會太嗆辣,配木耳一齊食清新爽口！我依舊愛食金沙蛋黃肉餅$62~大約等10多分鐘就到了,煎香既肉餅不油膩,流沙金沙蛋黃非常吸睛,份量爆滿,很邪惡,一定要同朋友分享!!肉餅,金沙蛋黃比例一比一!!每口都充滿肉餅與蛋黃,整個卻不會很咸呀!鮮味蟹粉肉餅$99~肉餅煎得外層香脆,蟹粉超多呀,豪華肉餅飯!蟹粉超鮮味,好誇張呀!仲有幾款肉餅想食,希望下次來食流心芝士肉餅～鵝肝肉餅～墨汁魷魚肉餅～柚子肉餅！咁多選擇真系長食長有,唔怕悶！

很久以前，在荃灣工業區放工後，遠遠見到一間餐廳有一堆人等位，於是本著嘗試的心態吃了第一次的肉餅哥，其黃金肉餅到現在還是印象深刻。後來，有朋友吿知肉餅哥衝出荃灣，走入大圍，於是某天「肉餅癮」發作，便去這分店試一試。今次點的當然有黃金肉餅，另外點了兩個，分別是芝士肉餅和黑松露帆立貝肉餅。飯方面，可選白飯或菜飯。黃金肉餅－咸蛋黃鋪滿整個肉餅，咸香的蛋黃夾上香口的肉餅，香腔散發陣陣的香味。芝士肉餅－芝士先鋪在肉餅上，而肉餅中亦夾雜了芝士，簡直芝氣迫人。 黑松露帆立貝肉餅－大大粒帆立貝，加上香濃的黑松露醬，十分香口。一如概往，肉餅哥百變的肉餅變出百樣的味美食物。

肉餅是家常菜式，但要食好味既肉餅卻不容易。很多店鋪的肉餅也變化不多，非常傳統。肉餅哥卻變化多多，有好立克肉餅、金黃咸蛋肉餅是推介之選，肉餅上鋪滿金黃的咸蛋黃蓉，咸香惹味，拌飯一流。香港很少地方食到這種咸蛋肉餅飯，一般都是中間加一顆咸蛋。今次食到這種肉餅飯，實在是突破傳統的驚喜。黑松露帶子肉餅，帶子非常大粒，上面鋪滿黑松露，令肉餅提鮮，味道的層次更豐富。流心芝士肉餅飯，芝士半溶地鋪在肉餅上，本以為只有一片，一咬之下，半溶芝士在肉餅中間流出來，味道非常配合，芝士迷會充滿喜悅。

呢到主打食肉餅， 有十多種， 我本人覺得配花膠；好立克味；龍蝦最特別， 但個人未作出嘗過😂呢到外觀幾特別， 一間屋仔咁， 內面好大， 可以坐好多人，無咁怕要等位。我同朋友都唔怕膽固醇超標，分別叫了金沙蛋黃肉餅（煎）&鮮味蟹粉肉餅（煎）可以俾客人簡煎或蒸～金沙蛋黃肉餅（煎）材料好足， 真的好多好多蛋黃👍🏻好香， 肉餅與蛋黃比例1:1鮮味蟹粉肉餅（煎）呢份肉餅比金沙蛋黃細了一些， 但啖啖都重蟹粉味， 都係用料十足芥香木耳口味幾新穎午餐時間（11:30-5:00）還包列湯，（白飯/南瓜粥/米粉）及飲品

今日黎到大圍，見到有間餐廳叫肉餅哥、個名咁得意，就試吓睇下你係咪整肉餅整得咁好味先。見到個餐牌真係呆左，原來食肉餅都可以有咁多選擇，大大話話都有成30幾種肉餅俾你揀。頭盤我嗌左個泰式鳳爪酸酸辣辣，好開胃，而且配料好多。鳳爪爽口而且無骨，啱晒我依啲咁懶嘅人。點左個鹹蛋蒸肉餅見到個肉餅我啲口水已經垂涎三尺，好大碟肉質好鮮味，配上鹹蛋黃嘅香味，呢個配搭一絕，而且唔會覺得好油膩。佢做得最好嘅地方就係配上菜飯，啱晒我依啲平時唔鍾意食菜嘅人都會覺得你一個配搭一絕，可以中和反啖啖肉嘅感覺。

好耐冇黎肉餅哥食晚飯啦！今日心癢癢又想黎食肉餅。上次試過龍蝦粥，今日就揀第二款。金沙蛋黃肉餅（配白飯） $72肉餅可以選蒸或煎，由於有點喉嚨痛，我點了蒸的。最令人驚喜係蛋黃份量超多！好香，最近蛋黃薯片咁hit，其實呢個肉餅都應該hit🤩跟一碗湯吉列肉餅（配白飯） $69朋友點吉列肉餅，我喉嚨痛冇食，但朋友話好香口，又夠創新，唔錯。迷你一口炸餃子8粒 $28忍不住食左兩粒，炸得金黃色，夠香脆，好味！支裝新鮮奇異果🥝汁 $18支裝新鮮西瓜🍉汁 $18

剛開業各類肉餅飯真的味道不錯，光顧多次。春節后第一次來到，今次午餐點了：1/ 肉餅哥秘制雞扒飯2/肉餅面所有肉質和味素下降😫奶茶無香味，同時縮小了杯子，不夠喉。好失望！

自上次食左一次肉餅哥之後, 就覺得十分抵食成日去, 全日早餐, 小食都試左好多唔一一盡錄之前都講過喇,  服務食物都超級好, 難怪愈來愈多人, 開始要排隊喇!今次7點幾8點去排左5分鐘隊(其實都好快~)今次約齊人腳,  四個人先敢嗌依個"招牌菜"有花膠ge肉餅啊~~~~~~~~~好大塊花膠好補好識歎既感覺!花膠好大好大塊, 個飯底白飯但有汁ge, 花膠唔算十分入味,有少少碼, 不過以價錢取勝啦 另外再叫左個XO醬肉餅配菜飯**今次全部都叫蒸肉餅,   食過煎既覺得太熱氣(因為佢係半煎炸,都多油架)其實未點菜己經飲左個例湯, 係好飲個種有料個種湯,唔係味精,飲左無頸渴就知, 飲完好舒服, 點知點菜個餐又包多個花膠湯,實在係好----極! 平時唔夠湯水呀除左花膠肉餅, 仲叫左個豬手,  今鋪補足哂我啲骨膠原喇卦?四個人食花膠餐都係三百幾咋~

上網見到有專食肉餅嘅餐廳，好奇心驅使之下，尋晚同朋友去左呢度食飯。餐廳幾闊落，都算係幾多位嘅，同埋始終美林離大圍火車站有段距離，人流唔多，唔洗等又唔洗排，即刻有位，幾好。打開份menu，真係有勁多款肉餅，千奇百趣，好似乜都可以加落去咁。本來想叫京蔥羊肉肉餅，但係冇曬，於是叫左糖醋汁肉餅，感覺就有d hea，只係普通肉餅加左d甜酸汁咁，一般般，而且糖醋汁同肉餅唔係話特別夾，搞到好似d學校canteen頹飯咁，求其有飯有肉有汁就算嗰d，所以唔推介。另外兩個friend就叫左流心芝士肉餅，呢個就好少少，d芝士燒過，真係可以拉個隻，正。呢度每位顧客送一碗湯，肉餅可以配飯/南瓜粥/米粉，都算大碗嘅，飲品另加。每個餐大概六七十蚊左右，如果個肉餅嘅配料係貴野就會再貴d，例如帶子同花膠。個人覺得略貴，定價有d高，可能因為我食嗰個糖醋汁肉餅真係太頹，成$59覺得唔值；流心芝士肉餅幾好食，但$72都係有d貴，因為只係放左塊燒過嘅芝士，其實唔應該咁貴囉。不過，有機會的話可能會去多次，因為真係有太多款奇奇怪怪嘅肉餅，好想知其他係點，例如好立克肉餅，真係聞所未聞，試下伏都好。建議大家去就去盡d，試d出面唔會有嘅

以肉餅為名的肉餅哥小炒料理，總店在荃灣，賣得不錯的成績之下，在大圍開分店，相信只是肉餅都能有著如此好成績，廚藝一定不差。平常不愛吃那麼多肉，但吃著一口肉餅，也被其味道和口感所吸引著，確實是沒有白來。肉餅選擇也有幾十款，份量一點都不少，送上的餐湯也味道濃郁，難得短短1年多的時間，如此得到大眾人仕的歡心。******************************肉餅哥小炒料理位於大圍美林邨內，就是以前大排檔改裝而成。附近有個巴士站，坐車前來也是很方便。因為是大排檔改裝，所以肉餅哥小炒料理的地方也很大，坐位非常之多。這夜前來的都以年青人為主，也有些是夫婦帶著小朋友，也有些是情侶，看來肉餅哥的做法可以吸引不同類型的食客。不要以為肉餅哥只食肉餅，都是選擇不多，單看餐牌，肉餅種類一點都不少。以晚飯套餐供應的肉餅，配每天的老火湯，可以選上飯、米粉或南瓜粥，改菜飯只需加HKD2。配上罐裝飲品或汽水只需加HKD5，果汁只需加HKD12。還有其他飲品有不同的收費，加油菜只需HKD12，叫一份肉餅餐便可以加錢成為好豐富的晚餐了。除了肉餅套餐為主，還有些小菜和小吃選擇。飲品款色不多，因為沒有水吧，所以都以現

今日經過大埔, 晚飯想食個飽飽,見到肉餅哥就衝咗入去, 因為已經唔係第一食肉餅哥,知道個份量好足一定夠飽,😉😉食咗咁多次都未試過佢嘅鵝肝肉餅飯,今次就試下, 原來佢個鵝肝有兩種煮法, 一種係香煎, 香煎出嚟嘅鵝肝肉質嫩滑,外脆內嫩入口即溶, 另外一種應該係煮熟後再煎, 肉質比較結實,但係鵝肝味比較出,肉質有少少粉粉地,都算唔錯。香煎花膠肉餅飯,香煎肉餅上枱已經好香, 最吸引嘅係沐滿喺肉餅面既花膠汁同大大塊花膠😁😁

今日去咗大圍美林邨探朋友， 到六點幾， 朋友帶我落去食飯， 佢話呢度啲肉餅幾好食，所以佢帶我嚟呢度食返個肉餅飯。入到去打開餐牌我首先叫了一個 足三兩花膠肉餅我首先叫了一個 足三兩花膠肉餅。個飯埋到黎嗰啲肉餅又大塊 花膠又多，兩塊大花膠差唔多遮住成個煲，份量幾乎係兩個人都夠食仲有湯同嘢飲跟住再加多一個小食share，呢個係榴槤炸彈有三粒，咬落好週脆，裏面係好大好重嘅榴槤味呀，好好味，再點左少少沙律醬，更加美味嘞。正！

肉餅哥好耐之前就想食但一直都冇機會入到咁遠，難得今日有時間就入嚟大圍拜會下佢啦~(≧▽≦)/~位於冬菇享嘅肉餅哥好闊落，好好坐🙆🏻‍♂️🙆🏻‍♂️先揀左個花膠肉餅($108)😛😀 花膠真係好大塊，汁又好鮮甜，而肉餅揀左蒸嘅，撈埋食好正！仲有小小起膠🤤 另一個揀左龍蝦肉餅($128)🦐🦐龍蝦幾大隻，好juicy😎肉餅揀左煎嘅，入面有唔少龍蝦肉所以好香口同彈牙🤠 小食嗌左芝士薯波($28)😛 咬落去芝士滿溢🤡 薯粒又夠多😝😝

上 Facebook 睇到大圍嘅美食推介，其中一間見到肉餅哥。感覺挺吸引的，有點像家庭會煮的東西，所以很久沒吃肉餅的我便去了試試！位置係在屋邨入面嘅，不算太易找。室內環境幾有特色，而且地方十分寬敞。我們點了兩款食物，一份肉餅一份雜菜煲，另外有湯附送的。首先是足三兩花膠肉餅。我們揀咗蒸的，面頭有好多花膠，完全遮住咗塊肉餅！食落肉餅唔錯，鮮甜肉味。表面灑上了一些蔥花，色澤不錯。份量都算幾多的～不過建議大家都可以試下煎，因為比較少屋企會煎肉餅，較有新鮮感。當然，蒸也是不錯的吧！花膠咬落彈牙滑溜，而且充滿海鮮汁嘅味道。底下有大量白飯，岩哂大食嘅各位。至於海皇雜菜煲就有好多海鮮配料同菜。味道偏淡少少，不過啱哂啲鍾意食得清淡啲嘅人！材料方面有蝦、帶子、椰菜花、菜芯等等，份量都算多，夠兩個人食。價錢方面，非常合理親民，50-70蚊，岩哂平日或假日晚餐嘅選擇！