肚餓了串燒烤焗專門店 (已結業)

見到咁多正評 又係黃 ，就諗住值得試下啦點知伏到爆（而家睇返負評先知大家都係咁樣比人呃左入去） 野食味道：真係好差。第一次食咁難食既串燒。見佢推介燒豬頸肉：肥到無眼睇。重點係根本就唔係燒，係完全做唔到脆口！又係見佢推介既燒牛舌：韌到🤦🏻‍♀️牛柳粒：老 燒雞翼同燒茄子：正常整體串燒醃得唔好/有d根本無醃。d料唔得。飲品選擇：好多都話無。無紅白清酒其中一款汽水無，連生啤都無。同伴唯有試佢d粗口啤：難飲！服務態度：唔太好。果日身體唔飲得凍野同甜野，想要一杯暖水/熱水，都堅持唔比。 唔比係道理，但好無奈同唔以客為本囉性價比： 極低。食串燒一向都唔平。呢個價錢（每人$200，係食唔飽的）呢個質素 ，真係請我都唔食。最後，我同同伴根本食唔飽，但已經唔想再食佢d野。寧願轉場再食飽🤦🏻‍♀️d正評到底係買返泥？定係以前曾經好過？🤦🏻‍♀️我同同伴一致認為：伏爆。不了。ps 只影了第一碟既燒茄子，其他已經無晒癮再影

今晚繼續光顧良心小店，尖沙咀有間好旺既串燒店，仲有手工啤酒🍻，岩哂年輕一代收工去輕鬆一下！果然，上到去真係好旺場🧞‍♂️坐低叫支男士首選好朋友先，淨係個啤酒樽都贏晒，一定要打個卡先🧞‍♂️東革阿里味道帶苦澀，有啲似人蔘，飲開重麥味既朋友可以試吓🧛‍♂️可能多人幫襯，串燒要等耐啲，款式就好多種可選擇：海鮮/雞/牛/羊/豬/蔬菜🧚‍♂️芝士蟹籽玉子燒有滿滿的芝士，岩哂芝士控，燒起好香。鹽燒牛切牛舌有五大件，一定要叫。好重牛味，咁大件都唔會話燒到老哂🧚‍♂️除左鹽仲食到少少咖喱味，有驚喜微辣肉碎原條燒茄子🍆 好juicy，加埋肉碎令燒茄子多個層次，不過我覺得可以再辣啲🧛‍♂️自家製惹味燒雞肉串，每枱都叫，我哋當然又試下🧞‍♂️雞肉好滑溜，燒完既表面保留左啲雞油，好香！食完原味，可以自己再落啲孜然粉仲正汁燒原隻魷魚，呢個等得最耐，但食到炭火烤既味道，好用心。魷魚鬚好爽，最岩送手工啤🧞‍♂️

餐廳係尖沙咀食肆林立既商廈入面 旺中帶靜 入到去見到一排排整齊既酒櫃同你打招呼 仲有好多款特色既手工啤酒 勁岩酒鬼們 配埋主打既串燒就係完美組合👍🏻朋友不太好愛酒 咁今晚就唔飲酒以可樂代酒 一樣咁chill姐😙主打串燒 仲有炸物 價錢中等 可以係紙上瘋狂點汁燒北海道原隻魷魚🦑有兩大條魷魚原條咁上 勁吸引 魷魚好新鮮厚肉 彈牙完全唔韌 值得一讚既係個醬汁 令魷魚既味道更豐富 鹽燒厚切牛舌👅牛舌有5件 每件都有一定既厚度 有肉汁之餘勁厚切 超滿足😆 encore之選！同雞腎串 每件都幾大舊 有5舊 夠哂咬口 燒既時間控制得唔錯😚 秘製醬汁燒豬頸肉性價比之選 好大份有好多件 絕對唔洗擔心唔夠食🤤 頗厚切 燒得幾香 啖啖肉蒜蓉燒扇貝扇貝唔算大隻 但新鮮 加上超多蒜粒 重口味之選芝士蟹籽玉子燒勁抵食 份量夠 性價比高👍🏻 好濃蛋香 口感有層次 味道剛好 上面鋪滿蟹籽 芝士都足夠 成功做到拉絲效果🤤 而黃金燒廣島蠔 一份兩隻 燒得都幾香同夠哂熱🔥 食落都覺得夠新鮮 上層既沙津好開胃 沖淡咗食咗一輪串燒既油膩感 另外仲嗌左串燒芝士丸同燒墨魚丸 燒墨魚丸係黑色個種 感覺上墨魚味比較出 燒過既串燒 加

在尖沙咀肚餓了吃串燒，環境暗暗哋幾有feel, 傾偈飲嘢一流！有好多唔同嘅本地手工啤！ 大部分為香港原創！menu有過40款嘅唔同種類嘅串燒！椒鹽燒星加坡白魚蛋，燒大辣牛丸，兩種丸類都非常爽彈，燒牛舌， 牛舌嘅厚度非常厚身！燒到外層幾香，牛既濃香陣陣滲出，質感好 挺身！咬落去既口感好豐富，必叫之選！芝士蟹籽玉子燒，質感豐盈，芝士蟹籽做topping,口感更有層次，玉子燒蛋香特色燒免治雞肉棒，內層 夾雜住雞軟骨，令到好有咬口，而且個醬汁超級惹味，非常出色。珍寶日本帆立貝，幾鮮味而且唔會乾身，仲keep到嫩嫩既感覺，不錯！

我喺香港唔多食串燒店，因為怕又貴又唔飽，但係同事極力推薦呢一間串燒店，佢覺得好好食，咁另一半又鍾意食串燒，就嚟咗試吓啦！ 環境位於亞士厘道嘅食肆商廈，唔算難搵，小店座位唔多，不過枱與枱之間都寬敞坐得舒服。餐牌同事同我講黃金薯條係招牌，可惜是日未有供應，唔緊要試咗佢啲串燒先。粗口啤(diu) $78 有唔同款式嘅特色粗口啤，我揀咗呢款東革亞里味道嘅啤酒。飲落口真係幾重中藥味，我自己唔係幾啱飲。安格斯牛柳粒 $79 食串燒點少得嗌牛肉？牛肉燒到外面有焦香，但係內裏又唔會乾晒柴，食落大少少肉汁，配啤酒一流。雞肉串(兩串) $39 呢個勁抵食！ $39有兩串，而且每串都有五件，仲要係五大件，冇骨，絕對係啖啖肉，雞肉本身已經醃咗未，唔會食到雪藏味，而且醃得幾好食，香口得來雞肉亦都幾滑身，必食！勁辣跳舞雞翼(兩隻) $30 另一半好鍾意食雞翼，既然係燒雞翼，一定要嗌啦！仲要有好多唔同款式，我哋兩個都鍾意食辣，所以揀咗呢款勁辣跳舞雞翼。面頭燒到微燶，不過食落去就唔覺得辣，相比之下更鍾意食雞肉串。汁燒原隻魷魚 $69 呢個等候時間就比較長少少，不過見到實物就覺得等待都值得，有兩隻原隻魷魚，燒汁塗滿整隻

係尖沙咀staycation，食完晚飯，又想買D野食番酒店食，就諗起呢間肚餓了。之前一直都想去試好耐都未試，今次就諗住買D番酒店食，而且我地食晚飯間餐廳仲要同肚餓了係同一座樓添，真係好方便，緊係要順道試下啦。叫左最愛的豬頸肉、牛舌、雞泡魚乾價錢都有少少貴嫁...不過好好食既而且份量都唔少，所以都抵番。店內冇乜人，得兩枱客，串燒即叫即整，等左15分鐘左右。豬頸肉唔會話好肥咬唔爛，但係又有口感，而且都有成十條喎牛舌都唔硬，好好味，好牛味雞泡魚乾就差D，超硬...咬都咬唔爛，好辛苦先咬得晒所有雞泡魚乾佢串燒上面D調味粉同汁幾好味下次有機會再食可以試多D其他食物!

夜晚HH之前想食少少野，咁岩見到呢間串燒，就決定去試下。呢間串燒係開下午6點到零晨1點，平時可以訂定位去食。今次我哋叫左七樣野食，分別係以下。勁辣燒雞翼$30每次食串燒都必點嘅雞翼，食得辣嘅朋友一定要試吓，燒雞翼加辣粉好香，而且燒到金黃色，食到肉質鮮嫩多汁😍燒豬頸肉$69覺得份量都足夠，而且厚度切得適中，不會太厚，食到肉質結實。蒜蓉牛油焗雜菌$48雜菌很重蒜蓉味道，而且錫紙會有汁，令到雜菌更惹味。蒜蓉燒原條茄子$49燒完條茄子令到嘅時候見到勁多蒜蓉鋪喺上面，好香，食落都有少少辣。黃金薯條$62呢個薯條都係幾期待，佢加咗鹹蛋黃撈薯條🍟每一條都食到鹹蛋黃味，而且佢一嚟到係好香鹹蛋黃味，啱啱炸起熱辣辣食👍🏻👍🏻日式燒韭菜$25日式燒韭菜就不是辣的，他的醬汁是甜甜的，識起上來都幾有咬口。芝士蟹籽玉子燒$38又係份量好十足，見到有超多蟹籽係玉子燒上。玉子燒非常厚實😋😋熱辣辣食個陣仲會有芝士拉絲餐廳仲有好多款唔同嘅手工啤酒，而且餐廳內嘅裝飾也非常特別，絕對適合同朋友聚會。有機會下次會再去試埋其他串燒。

肚餓了串燒烤焗專門店主打串燒及多款不同手工啤酒!粗口手工啤酒 $78五款港產粗口手工啤酒, 粗口字包裝搶眼吸睛, 當然要試下! 啤酒加入天然草藥 東革阿里, 可以增強男性性功能所需嘅荷爾蒙, 有壯陽功效! 回甘味重, 麥芽味頗突出, 帶少少藥材味, 好有特色!鹽燒牛舌 $68牛舌頗厚切，內裡保持軟淋多汁, 牛味相當濃郁, 正!雞肉串 （兩串） $39有兩串雞肉串燒, 肉質嫩滑, 而且非常厚肉! 性價比很高, 推介!芝士丸 $22丸內嘅芝士好流心, 邪惡呀!安格斯牛柳粒 $79肉質軟嫩, 如果能夠改為厚切, 就更好!燒黑豚肉 $49豚肉好厚身, 味道不錯!蒜蓉茄子 $49蒜蓉非常多, 如果油嘅份量能夠減少, 就更好! 自行加少少孜然粉, 更滋味!黃金薯條 $62薯條炸至脆口, 咸蛋黃分佈平均喺薯條上, 如果能夠加入適量鹽, 味道會更佳!

2020年9月30日 星期三今晚係迎月夜，好多人都準備返屋企造節，同時為黎緊既4天假期安排唔同既活動。當然我都唔例外，今晚就去我公屋企，一家人食飯。咁我冇理由兩手空空上去，於是就決定喺尖沙咀買外賣上去一齊分享今次選擇嘅餐廳位於商廈之中，位置唔算太難搵，一出lift就見到餐廳。一入去就望到兩排放滿酒嘅酒櫃添餐廳主打係串燒，類似日本嘅居酒屋，所以有好多串燒嘅款式可以選擇，價錢都唔算太貴其實由餐廳去到我公屋企都需要大約一個小時車程，不過去到打開食物嘅時候，大部份食物仍然係暖嘅。首先有呢個鹹蛋黃炸薯條，一打開已經聞到好濃烈嘅鹹蛋黃味道，咬落去薯條仍然係脆身嘅，而且份量都唔少，點埋茄汁簡直係一流之後有汁燒北海道原隻魷魚，冇諗過會咁大隻，切開仲見到有汁流出黎，彈牙又唔靱。至於下面既係川式燒韭菜，夠晒麻味，越食越開胃最後仲有呢幾款串燒，包括鹽燒厚切牛舌、明太子雞翼、燒大辣牛丸同秘製醬汁燒豬頸肉，每一款都好入味，特別係大辣牛丸，食落去第一下好似無乜事，但原來辣勁會慢慢湧上黎，都幾刺激。至於牛舌真係好厚切，感覺好滿足，每一啖咬落去都充滿牛味，唔會太硬身見到屋企人食得咁滋味，我都覺得好開心

亞士厘道上樓嘅呢一間串燒店， 勝在地點夠方便， 又有串燒食又有啤酒飲， 三四知己坐埋一齊傾下計， 可以減減壓。自家製惹味燒雞肉串，以串燒嚟講極度厚肉，雞肉嫩滑而醃得入味，廚師細心除去雞皮，食得多都唔會有罪疚感。特色燒免治雞肉捧，雞肉棒口感紮實，配上照燒汁同埋七味粉已經相當好味，如果有埋個月見汁點下嘅話，相信會更加相得益彰。燒大辣牛丸，竟然連牛丸都有令人滿足嘅牛味，咬開個橫切面見到粒粒細碎嘅辣椒，絕對辣得過癮， 愛辣嘅朋友值得一試。芝士蟹籽燒玉子，從其他食友嘅相片見到呢個玉子燒咁特別就嗌咗一份嚟試下，蟹籽嘅脆卜卜口感同玉子嘅軟綿綿非常配襯，味道方面亦係兩極，蟹籽嘅鹹鮮同玉子嘅清甜相輔相成，再加上芝士呢個中間人，真係好食到無朋友。香燒金菇牛肉卷，肥牛外層燒得香脆，金菇盡索牛肉嘅精華，加上黑椒同埋牛肉呢個絕配，沒有不好吃的理由。勁辣跳舞雞翼，雞翼肉質嫩滑，辣度嚟講我會俾譚仔三小，對於食開中小辣嘅我未至於要跳舞。自家製金黃醬廣島蠔，廣島蠔蠔身飽滿，口感滑嫩，廚師將蠔嘅熟度掌握得啱啱好，入口非常 Juicy，個金黃醬有少少以 Mmayonnaise，同個蠔味好夾。微辣肉碎原條燒茄子，大大隻嘅原條

呢日約左 foodie 喺尖沙咀食串燒😚無諗過第一次見已經傾唔停口🤣🤣 呢間仲要係黃店！就梗係要支持下💛不過可惜嘅係餐牌有好多都賣曬🥺食唔到最想試嘅黃金系列😭😭😭整體覺得啲野食普通，性價比唔高🥺燒豬頸肉 （$69）豬頸肉好juicy，食落充滿油脂香👍金菇牛肉卷（$39）牛肉有啲鞋口🙈好彩金菇夠濕潤，如果唔係應該會好乾🤭自家製惹味燒雞肉串 一份有兩串，雞肉幾嫰滑，調味唔錯，推薦👍 鹽燒厚切牛舌（$68）幾驚喜🤩塊牛舌真係好厚！肉質爽口彈牙，唔錯👍芝士燒扇貝（$68）味道不過不失，烹調時間短返少少個口感可能會再彈牙啲🤔（撚）支裝手工啤酒（$78）香港特色啤酒造型好正呀🥰 忍唔住嗌返支黎試吓！每支都有唔同嘅味道～ 「撚」呢支仲有啲橙香味，都幾特別！#大大力懲罰黃店💛-肚餓了串燒烤焗專門店 (尖沙咀)📍尖沙咀亞士厘道17-19號6樓

肚餓了去食串燒夜！秘製醬汁燒豬頸肉 $69最多份量既一項，哈哈！自家製醬燒黑豚肉 $49黑豚肉嘅樣正正方方，有啲似牛肉粒！算軟口，比起牛肉！唔會乾巴巴，加左孜然粉同辣粉好食d！肉汁香燒餃子雞翼 $49泡菜在內，仲以為會係明太子嗰啲，通常都係。不過泡菜都幾好食，唔太辣，少少提味效果。雞肉好嫩嫩，一叉咁岩爆少少汁，連個雞翼尖都好juicy！汁燒北海道原隻魷魚$69汁燒有日本風感覺！魷魚鬚個位最好食，甜甜夠濕無乾焦位，讚！蒜蓉燒原條茄子 $49必食串燒既菜式！蒜蓉多多，重口味。茄子肉一絲絲咁叉，一口接一口又唔算熱氣！川式燒韮菜 $25帶甜味中和辣感，孜然粉夠哂味！超級重口味人士可以自行加調味粉，放喺枱度任加！加食左客！韮菜真係好好食，又無黑，濕濕地燒香，正！黃金薯條 $62咸蛋黃薯條係依餐唯一澱粉質！咸香濃濃，食埋依個好飽！鹹蛋黃成四五隻係原隻，仲未計黐住喺薯條嗰啲鹹蛋黃，超重料！本來見隔離枱個牛仔骨好大份，仲想叫牛仔骨，但見飽就無加了。水 $8朋友好唔食得辣。雖然盡量都唔叫辣野，但都有一、兩樣。佢穩陣起見都係叫支水，哈哈！8蚊同7仔差唔到啦。熱柚子蜜$18因為食串燒有啲熱氣，所以叫柚子蜜潤

最近去咗一間尖沙咀既串燒小店, 座位喺高枱和椅, 店內地方寬敞, 幾岩朋友聚會吹水啤下幾relax! 牆身有好多酒樽做裝飾, 幾有氣氛!🍺我地先點左佢最吸睛就係佢既粗口手工啤, 有5款唔同口味, 揀左"吊" (為免被ban, 原字請睇圖XD), 酒精濃度唔高, 飲落麥味幾出, 少少偏苦, 另外點左Sapporo生啤, 夠晒大杯, 岩晒同朋友啤啤佢🍻~🍴黎到食物方面, 選擇都幾多, 最出色既係雞肉串, 有2串, 肉質嫩滑, 加埋掃上雞肉既甜醬汁好夾, 必點😋! 每次食串燒都會食牛舌, 呢到牛舌喺厚切, keep到彈牙, 不過上枱前, 已經撒滿孜然粉, 略嫌落得太多, 有d蓋過左牛舌原味道, 建議店員可以改為提醒食客自己落孜然粉, 咁就可以自行控制想落嘅分量~ 金菇肥牛卷, 肥牛燒到岩岩好, 唔會乾身, 金菇幾足料, 數量好多又夠濕潤, 咬落去爆汁, 好惹味!燒豬頸肉切得薄身, 肉質結實, 燒至金黃色岩岩好, 唔會太乾身, 皮邊燒得香口脆身!🍟黃金薯條係加左咸蛋黃, 薯條有少少乾身overcook左, 略嫌咸蛋味唔夠香, 但咸蛋分佈平均, 岩晒配啤酒一路飲一路食🍺~🍆蒜蓉茄子係開邊焗, 好

好耐冇食串燒啦！今日決定同女友去肚餓了串燒烤焗專門店食返夠本。餐廳唔算大，不過坐得舒服，而且有一定空間感。傢俬以木為主，另外以酒樽作裝飾，充滿格調。- 燒火辣牛丸🌶第一道串燒已經搞到心口㷫烚烚🥵，牛丸唔算太多汁，不過幾爽彈結實，辣味後勁凌厲，心口久久未能平復🤣- 自家製惹味燒雞肉串雞肉好大件，外皮有少少焦香，見到已經流晒口水🤤，食落肉質軟嫩多汁，而且甜甜地。- 蒜蓉燒扇貝扇貝唔算大隻，不過鮮甜度十足，另外蒜蓉醬完全覆蓋晒成隻扇貝，蒜蓉醬越多越正😍- 燒豬頸肉豬頸肉燒得幾香口彈牙，份量亦多，差唔多有12件左右。- 燒雞髀菇串孜然粉均勻地灑上雞髀菇串，令原先清脆彈牙既雞髀菇更香更惹味。- 芝士蟹籽玉子燒玉子燒好甜但蛋香欠奉，口感較結實，上面既芝士可能因溫度方面變得硬，失去拉絲既效果，個人有少少失望🙆🏼‍♂️- 火辣黃金薯條 🌶喺女友嘅慫恿下叫左呢個火辣黃金薯條，粗薯條炸得金黃香脆，但辣度連食慣辣既女友都招架不住🤣串燒配啤酒可謂天作之合，餐廳有一系列既粗口手工啤，仲要係本土製造😱見到呢個「柒」啤就會令人諗起香港唯一既柒婆，飲得特別痛快。

同朋友係尖沙咀食晚飯，又唔係好餓就去食串燒😛蛋控必點既蟹子拉絲玉子燒 ($38) 玉子燒蛋味好濃郁，甜甜地，唔係入面乾淨淨果隻蛋卷，最鐘意呢一種既玉子燒☺️ 面頭啲芝士仲要係拉絲，正到爆😍之後叫左唔同既串燒，肉類既揀左鹽燒厚切牛舌 ($68) 好厚既口舌好有咬口！雞腎 ($33) 同雞軟骨串 ($39)都做得幾岀色，燒得好香～另外都叫左少少海鮮，芝士燒廣島蠔 ($68)同蒜蓉燒扇貝($68) 海鮮都幾新鮮，燒一燒味道更鮮甜🤤不得不提仲有汁燒北海道原隻魷魚($69) 2大隻魷魚塗上燒汁，好惹味，魷魚味好突岀😍 食落都唔乾身，好味性價比高🤤