臨記車仔麵 (已結業)

估唔到連鎖店都咁有驚喜，本來冇咩期望，但實在未食過咁滑嘅河粉佢滑到好似拉布粉咁⋯⋯可能本身加咗好多油。湯底我叫咗傳統湯底，冇咩特別驚喜。但都唔算太油膩。我叫咗三餸一定要讚一讚佢嗰啲豬軟骨，入口即溶，連平時透明果舊骨都好淋。牛肚都幾好.....唔會好似痴牙最後係魚腐，嗰d就麻麻哋啦⋯⋯冇咩味道，下次可以唔叫。唯一批評佢係佢啲份量太少⋯⋯價錢就一般啦，如果下次去食一定會叫下佢啲牛腩

近住藍田港鐵站既啟田商場有好多好嘢食，〈臨記車仔麵〉就係近期我最愛嘅一間！！最喜歡佢有特別嘅湯底，例如咖喱，鮮番茄同麻辣。而餸配料方面有接近40款，梗有一款啱口味。雖然主打平民車仔麵，但內裡環境都好光猛乾淨，坐得都幾舒服架採用自在形式，喺收銀點完餸之後就要等叫號碼，去領取區攞食物。醬料同熱水碗筷都係自助區有得拎，衛生方面令人滿意。〈滷肉飯〉老公見到有新產品，車仔麵店都竟然有滷肉飯食，當然要一試！！滷肉汁好濃郁，超好送飯。加上滷肉煮得夠腍夠入味，佢轉個頭就食曬成碗飯了。我就選擇了咖喱湯底嘅車仔麵，另外加配咗溏心蛋，蘿蔔，生菜同自家製鮮竹卷。〈溏心蛋〉絕對可以話係臨記既名物，一咬就即刻流曬成個黃出嚟，蛋白又夠入味，絕對係必食之選。〈蘿蔔〉蘿蔔都好有驚喜，超清甜又多汁，冇渣又冇根，好好食。〈脆味豬爽肉〉老公係食肉獸，所以另外都叫左幾款肉類。豬爽肉係每次必點嘅餸菜之一！外層煎得夠香脆，肉質爽口得來又唔會油淋淋，又一必食之選。〈孜然雞翼〉孜然味濃郁，煎得夠香口，真係百吃不厭。〈油炸鬼豬扒〉鬼馬系列係〈臨記〉獨有嘅食品，外層有油炸鬼的香脆同鬆化，內面豬扒好juicy，好特別。〈油炸鬼雞翼〉同系列

在藍田買了東西後經過啟田商場見到《臨記車仔麵》，記得他們的牛魔王好入味好棯、雞翼也不是普通炸/ 鹵水而已，於是又去幫襯了！ 藍田分店設於商場二樓，門口點餐，餐具自助，甚為方便。 職員態度有善，落單快又準～ 豬八戒 HKD 45今日選了指定套餐，內裡有8餸之多 — 有招牌腩肉、秘製豬軟骨、豬皮、豆卜、菜、米粉、鮮腐竹、傳統湯！ 而且不是碎碎的肉，味道足夠。豆卜及鮮腐竹同樣夠棯👍🏻 某些地方貪快而弄得又硬又乾又凍 孜然雞翼 HKD 19 煎得乾身，孜然味重重！菜心 HKD 15 可選腩汁或蠔油，翠綠菜心好爽脆又多徑！檸檬可樂 HKD 9 差不多離開時，門口排了長龍！

朝早要去藍田做野，做到點幾兩點至食飯，好好好肚餓...入咗啟田商場見到呢間鋪都多人排隊，望望餐牌見有滷肉飯食想試下，就同朋友揀咗呢度食。小食同車仔麵既餸都有唔少選擇，我地2個餓底除咗叫滷肉飯（＄29）同車仔麵（＄49），仲點咗2種雞翼（各＄19）同酸齋（＄15），成枱野食好豐富😍首先講咗自己既滷肉飯先，每粒豬肉都好肥美，而且肉汁豐富香濃，不錯！朋友碗烏冬的番茄湯底有好多番茄粒，酸酸地好開胃！魷魚口感爽脆，而脆味豚爽肉厚身兼爽口，同埋會另上，唔怕比d湯浸淋哂。小食入面既2款雞翼都唔錯，油炸鬼雞翼一咬落去好香油炸鬼味；而孜然雞翼既孜然香夠重，外皮乾脆。至於用麵根做既酸齋好入味，份量亦唔少！飲品就係雪碧同黑芝麻豆漿，豆漿有淡淡既芝麻香，感覺健康~

食車仔麵緊係叫多d食餸先正，但好坦白有時有d地方唔抵食，叫多兩樣都成過百蚊碗，真係誇左d，依間臨記車仔麵d餸唔貴叫多幾樣都唔肉赤，認真抵食！！！ 我的重量級車仔麵（麻辣湯底油麵：冬菇豬紅溏心蛋雞亦尖魚腐芽菜） 冬菇好入味！！！ 魚腐嫩滑似豆腐！！！ 豬紅嚼起來口感有韌性！！！ 雞亦尖偏淋好入味！！！ 溏心蛋賣相加分之外，一口咬下半熟的蛋黃香味溢滿口中，軟軟嫩嫩！！！ 芽菜，依隻芽菜無粒荳係頭，如果連埋頭部既荳會更有口感！！！油麵，麵質爽彈！！！蠔油生菜孜然雞亦，有d黑椒粒，調味好特出，有小小小小辣，香口野味！！！ 炸雞軟骨，出奇地又唔係好油，食到卜卜聲好有咬口！！！

堂食過一次，印象都唔錯。雖然車仔麵黎講價錢算係偏貴，但係環境企理、餸菜又有特色，湯底都夠濃，所以都覺得可以接受。所以今次就試下叫外賣自取，閒日下午茶時間無乜人，叫咗一個兩餸車仔麵蕃茄湯底（豚爽肉$13）、（豬軟骨$8），加個瑞士雞翼（小食$19）。返到屋企打開個外賣：蕃茄湯唔係蕃茄湯；最期待嘅豚爽肉無左；豬軟骨得一舊；瑞士雞翼係小食黎，擺埋同啲餸一齊。。。諗住打去講返比餐廳聽就算數，但係非繁忙時間（去買外賣時無人），完全無人聽電話!去買個外賣滿心歡喜返到屋企見到完全唔符合期望既野食，感覺真係好差。。所以就專登打左第一次食評抒發下

呢幾日天氣回暖很適合游泳，於是到沙田顯徑上堂。 做運動後肚子餓了便到附近的《臨記車仔麵》啦！ 環境乾淨，燈光通明。 先購票後自取食物，餐具另設服務台價錢公道，加餸加 HKD 7 - HKD 12. 門口餐牌上列有單點或指定套餐，岩選擇困難症～ 最後，越點越興奮，所以點了牛魔王 外還加點點錢 加 餸菜。麻辣湯 + HKD 8 脆味豚爽肉 + HKD 12酸齋 + HKD 8 韭黃 HKD 7麻辣屬小辣但都偏辣。 牛魔王包括牛腩、牛肚、牛丸，腩位好棯！ 豚肉有經過處理所以好脆口又鹽提味。 酸齋酸度適中。 瑞士花香雞翼共有3隻，加了花瓣增加了美觀感同時也有花香味溢出。黑芝麻豆腐 味道清淡，豆味不太重又可解辣

依到運作模式係先在收銀處落單，之後等叫號取餐，完餐後將餐具放到收集推車内！！！店內有水機免費提供飲用水。油菜：蠔油菜心瑞士花香雞亦，調味好入味，五隻都只係賣$28，抵食！！熱檸檬茶特色辣醬，免費的，一定要試，好好食，好香而且夠味夠辣！！。魚皮夠脆！！酸齋，酸酸甜甜好開胃！！自選車仔麵，加$1轉蕃茄湯底，可見蕃茄份量十足，蕃茄味濃郁！！白蘿蔔夠淋，嫩身無渣！！豬皮入味，爽彈！！韮菜嫩綠！！魷魚鬍爽口！！鮮腐竹.雲耳，鮮腐竹同湯粉真係絕配黎！！當日一個人黎食野都唔覺悶，同依到d靚靚員工傾下計講下笑，佢地好健談，哈哈，服務方面加分加分！！

今日幫朋友搬屋， 路經啟田邨， 順道吃個下午茶補充體力， 找了這間地道車仔麵店。店舖很大， 而且有別於一般車仔麵店， 裏面燈光 充足， 環境非常乾淨。 下午茶時間人流不算太多，我和朋友輕易就找到位。這次除了車仔麵外，我還點了小食， 油炸鬼豬扒和 孜然雞中翼。豬爽肉，溏心蛋， 傳統湯米線。 這兩味餸是這間店的必食之選， 豬爽肉如其名 ，入口非常爽滑， 外皮炸得香脆。 糖心蛋也算是水準之作， 醃得夠入味。傳統湯有一股說不出而且帶點神秘的香味， 用嚟送米線非常搭配。油炸鬼豬扒表面炸至金黃色，如油炸鬼鬆脆的口感， 偏鹹的味道非常惹味。朋友們吃得也津津入味， 說好約定下次再來光顧。

人龍超長的車仔麵👀🤤港人的comfort food草根爸爸的自選車仔麵（$48）+$8豬大腸+$8豬紅+$8豬皮+$7蘿白+$7韭菜+$9粗麵+$1中麻辣湯底+$7黑豆漿草根爸爸👨🏻話要吃車仔麵，就要吃經典的豬腸豬皮豬紅蘿白粗麵🍜，粗麵爽口，豬腸、豬皮和豬紅都醃製得不錯👍🏻，可惜蘿蔔不夠入味。另外點了麻辣湯底，但不夠麻味呢🤔。草根妹妹的自選車仔麵（$55）+$12秘製牛孖筋+$12秘製豬軟骨+$10溏心蛋+$8炸醬+$12讚岐烏冬+$1鮮茄湯+$7原味豆漿草根妹妹👧🏻最鍾情肉類🍖，所以化身肉食獸，配料選了牛筋🐃、豬軟骨🐷、炸醬。果然是必試的秘製✨牛筋! 大大的一條，入口即化🤤，充滿骨膠原！而且做的非常入味🙌🏻，份量又夠慷慨😚。豬軟骨🐷半肉半筋，肉質軟腍，不過還是牛筋更勝一籌! 炸醬比譚仔🍜更好吃，肉醬帶點番茄🍅味，味道突出，不得不提廚師👨🏻‍🍳👩🏻‍🍳掌控溏心蛋🐣的技術純熟，流心程度滿分💯。加$3點了讚岐烏冬，口感煙韌，吸收了番茄湯底🍅，非常入味。孜然新疆燒雞翼5隻（$28）味道正常，有孜然香，可惜不夠Juicy。

藍田最近新開左間車仔麵 見到好多學生lunchtime排隊食就入去試下先🤨點知一試就有驚喜🤩車仔麵種類選擇非常多 除左其他車仔麵都會見到嘅牛腩蘿蔔各類丸等等 仲有好特別嘅酸齋 炸醬 花菇 等等 滿足唔同口味嘅需求 會影響麵味嘅食物去會分開上 極貼心麵亦都有好多唔同嘅選擇 河粉米粉粗麵幼麵等等等等 連烏冬都有添呀 而湯底都有唔同嘅選擇 傳統湯就唔洗價錢 其他三款（咖喱湯 番茄湯 麻辣湯）都係+1蚊咋 仲有得免費加特色辣醬添 仲有勁多唔同嘅小食 土匪雞翼 油炸鬼雞翼 雞軟骨 炸魚皮等等等等 仲有好似吉列豬扒咁嘅炸豚肉 好特別🤤入到去好大環境好舒服 仲有自助bar檯 可以拎水拎唔同嘅醬料 雖然其實個麵已經好濃郁好夠味 但係都都可以比人自己再調節口味 而餐具就係自己拎嘅 食完記得將個盤拎去餐具回收處 啲staff都好勤力 係咁refill餐具同埋幫啲有需要嘅客人收翻佢地食完個盤 態度一百分💯見到新開樣樣都想試於是叫多左 兩個人叫左四人份🙈食到超級飽😆瘋狂叫都係叫左每人70蚊 如果四個人食就每人五十蚊都唔洗 好高質😆小食叫左三樣 酸齋 滷水雞翼 同時蔬牛三寶雞翼好入味 除左個皮有味之外 連入面啲

草根家樓下新開的一間餐廳🍴，雖然只是簡簡單單賣車仔麵🍜，但依然人頭湧湧，這次也大約排了15分鐘⏱才完成點餐。店內完全滿座，點餐後又要再等位置入座，建議可拎朋友先等位，同時排隊買飛，以減少等候時間。自選車仔麵（$60）草根姐姐👩🏻試了牛腩（$12）🐃，但食落較乾身，並不突出👉🏻👈🏻。鮮竹卷（$10）是自家製作，中間包著爽口雲耳，味道頗鮮，加上吸收了番茄湯底🍅，不錯吃。墨魚丸（$8）有3粒，正常貨式。最驚喜的是溏心蛋（$10）🥚！蛋漿傑身黏口，蛋白嫩滑，外面還用上味醂醃製，比很多香港的日式拉麵店都要做得好吃😍！番茄湯底頗濃味，自然的味道飲落令人舒服😌，另外麵底點了讚岐烏冬（$12），麵量頗多，煙韌不過腍，好吃呢！自選車仔麵（$51）米線（$9）🍜份量充足，可惜口感過腍，失去彈牙口感。豬皮（$8）爽口，豬紅（$8）入味，墨魚丸（$8）彈牙，溏心蛋（$10)是必吃!!!加$7點了黑豆漿，但味道過淡😂，還是原味豆漿較好。油炸鬼雞翼5隻（$28）🤔大家有沒有試過油炸鬼雞翼？！雞翼🐥外皮沾上炸漿，再脆炸🔥。食落油炸鬼真的有幾分相似，不過比較油膩😭，不可多吃。幸好雞肉非常非常嫩滑😋，亦夠Juicy，雖

因工作關係路經藍田，選擇咗個快餐店形式嘅車仔麵做午餐暨下午茶！由點餐到有得食都係10分鐘內，啱晒我哋呢啲打工仔！食物種類選擇都算多，車仔麵應該有嘅餸都會有！特別嘅係可以選擇咖喱、番茄或麻辣湯底，出面既車仔麵比較少有！另外有啲套餐啱晒有選擇困難症嘅朋友！其實，我係一個‘餓’底見到樣樣都好想食唔覺唔覺點左六、七個餸炸魚皮新鮮夠脆口！陳皮魚蛋唔係度度有！牛舌薄切夠入味！花菇厚身有咬口！油炸鬼雞翼賣相真係成條油炸鬼咁，不過入邊唔係麵粉而係雞翼，肉汁鎖晒喺入面，唔錯！雞軟骨新鮮炸起唔會太咸！總結：性價比極高！一定有下次！新一代譚仔！此店必火！

同媽媽係藍田啟田商場行街，發現新開左間車仔麵！自選餸菜、麵底同湯底，仲有唔少小食，點完嘢食再搵位。我地搵位坐低就等叫number去拎嘢食~~效率好快10分鐘都唔洗，食物就黎齊👍🏻我地要左韭菜豬紅大腸、時菜牛三寶、新疆孜然燒雞翼。價錢唔貴，但份量超多！豬紅真係我食過中最好食！超入味，口感又滑，無血腥，配韭菜真係好夾！同埋韭菜好新鮮爽口！豬大腸我唔敢食，但媽媽話好食！時菜牛三寶入面應該有牛筋、牛肚、牛腩，但牛肚無曬><換左更多牛筋牛腩~~牛筋好軟滑又帶煙韌，入味但又唔會過鹹，出色之作！牛腩肥瘦分布均勻。雞翼就好似串燒店食到嘅味道，我就覺得可以再燒脆啲😝$19呢個價錢有三隻抵食啦！我地兩個見到有番茄湯底即刻心心眼，二話不說就決定左湯底。配料選擇豐富，價錢$7-12不等，睇到我地花多眼亂。媽媽要左豬軟骨、鮮腐竹卷、魚腐、雲耳同蘿蔔；我就要左糖心蛋、雞肉、雲耳、蘿蔔。份量比一般車仔麵店足料，大大碗，上面有滿滿嘅鮮茄蓉。第一次食呢間，感覺配料質素幾高，第一啖食蘿蔔，真心超正，清甜無渣！蠔油小花菇亦相當軟淋入味👍🏻豬軟骨好出色，雖然軟骨位未去到完全淋曬，但都好OK了，起碼係軟嘅，肥瘦

鎹又難食 面又奇怪味道 湯又好核突 得個醬料嘅味道 同湯嘅味道竟然可以分開 都唔知自己食咁嘅係唔係車仔麵 咁就算啦 頂多唔食咯 得幾個客人都要等10幾分鐘 飲凍奶得啦gua 結果都係咁 好苦 食過最難食嘅車仔面 終於知道點解晚餐時間卻咁多空位啦 食過一次唔會再食第二次 曬錢 仲要重新揾多間食晚餐 曬時間 對面間鋪都唔使擔心被搶客 咁樣嘅味道點同人地爭生意啊 真係超級難食 難食到已經唔知點樣可以形容佢啦 可能咁啱唔啱我地口味咯 但係真係難食咯 同樣嘅時間對面鋪客人多過車仔麵一倍啊 唉 廚師問題定係鋪頭野食配方問題啊 算啦 失望😔