臨記車仔麵 (已結業)

又係車仔麵，連續兩日都食，今日又食係因為行過見到勁多人排隊，即刻上網Check下係咪大有來頭，原來係有數間分店既連鎖店，加上呢間啟田店係岩岩新開，仲係試業中，見到咁多人，當然唔執輸都去排隊試下，都排左15分鐘，連埋拎餐就總共20分鐘。環境星期日下午2點幾，有成十幾個人排緊隊，原來唔係採用老式車仔麵望餸點餐既方法，而係用左快餐店方式，先排隊比錢落單，然後等叫號碼，再自己去拎餐。其實餐廳空間幾大，位置好多，人龍咁長，除左因為人氣旺，係因為有一段時間都只有一位店員收銀，可能因為試業中未能安排好人手，建議繁忙時間一定要兩位收銀員先夠。餐牌自選車仔麵都有接近40款餸任揀，麵底另外加錢，湯底如果揀傳統湯以外既要加$1，每碗最低消費$23。亦有幾款餐廳set好左既選擇，例如唐三藏、化骨龍、豬八戒、大隻佬同埋牛魔王，我覺得啲名都改得幾好幾盞鬼，例如唐三藏係唔食肉，所以全碗都係素，有花過心思改名。自選車仔麵 $38呢碗自選揀左惹味咖哩魷魚($12)、墨魚丸($8)、魚皮餃($8)，配米線($9)同咖哩湯(+$1)。湯底顏色勁深色，一試頗為濃味，係有股咖哩香，但唔算濃亦唔辣，仲有少少沙嗲味添！魚皮餃同墨魚

難得星期日放假就出去搵美食藍田呢間新開的車仔麵經常排長龍今日有時間既我排下等下食下先我兩人食一個負責搵位、一位負責排收銀點餐到點餐時職員講明要等半個鐘可能因為中午個個都食晏所以等咁耐，照等但如果一個食既話建議買左先，然後再找位等位俾大家睇下個餐牌先叫左化骨龍&牛魔王（加脆味豚爽肉+$12）呢個價錢有咁既質素、份量真係好抵首先麵底都唔少，係底迫到滿滿的！河粉好實淨，一條條分明，唔會易碎好多餸，味道都好好味！脆味豚爽肉估唔到係豬扒咁樣樣，又幾好味啊！真係必食👍🏻另外呢個就係咖喱湯底嘅化骨龍個自家製鮮竹卷真係好好味，反而墨丸麻麻地另外叫左韭菜豬紅大腸$28、油炸鬼雞翼$19$28有呢碟野真係好抵，都好多料啊最鍾意呢一款嘅豬大腸（出面有啲係白雪雪既豬大腸）油炸鬼雞翼有幾盞鬼，啲雞肉質地都好嫩！可以試吓餐飲加$7，叫左少冰少甜，真係做到野！呢餐食到飽飽，又有一個愉快的假期！

講食物質素及味道是可以,仲可以講叫好味。但我排完隊叫野食,收銀姐姐同你講要等45分鐘,聲到都真係嚇一嚇,食個車仔麵排10分鐘叫嘢45分鐘攞嘢,會唔會大誇張呢?但事實我只是等咗10分鐘就攞到嘢,我都唔明點解要咁同客人講。

同朋友去試呢間車仔麵。試左化骨龍麵: 湯底偏甜(一般)、雞翼尖不錯(有桂花味)、豬軟骨(好乾)、觧竹卷(以為同車仔麵唔夾，有驚喜，好食)，墨魚丸(普通)雞軟骨同炸魚皮，不過不失豬紅大腸，普通，無特別黎到朋友最想試既油炸鬼雞翼，好香脆，感覺好新穎，不況一試最後，想講杯餐飲，熱檸茶飲左兩啖就唔想再飲(苦澀)

阿姐今日又出外工作，完成主要會議後，仲突登揸車去買呢間嘅「脆」味雞翼先返公司，我地只係向佢分享左之前openrice個介紹就有得食，咁識做嘅阿姐邊度搵～因為揸車，啲雞翼打開仲係暖的，如果唔係我地出哂去食返，分分鐘食到熱嘅雞翼🤨餓底始終係餓底，一打開盒影完相，十幾隻手伸埋黎拎，好似好耐無食野咁...講番食物，表面粉漿唔會話好厚，調味適中，唔會太鹹，而雞肉仍然保持到多肉汁，火喉掌握得好好，外皮與雞肉好配，互相輝映，食完會想親身到舖頭食新鮮炸出來的，仲想試埋阿姐口中的油炸鬼豬扒😍天啊，阿姐下次可唔可以帶我去開會呢⋯⋯

時間正值星期六嘅中午，除咗區內嘅長輩之外，亦有唔少因爲新舖而慕名而來嘅上班族同小朋友。多人就預咗架喇，不過因為呢間喺藍田算係新舖，所以都黎試一試。門面望落四四正正，都有清楚寫明麵，餸同湯底嘅價錢。只可惜因爲太多人黎食，令到收銀位排咗條隊，但店家並未有好好咁安排條隊嘅方向，會擋到其他行人。而點餐前就聽到最匪而所思嘅一句話: 要等半個鐘架！呢下真係食車仔麵以黎聽到最覺得奇怪嘅說話。當下嗌咗個車仔麵，仲有碟孜然雞翼，之後就係搵位同長久嘅等待......到嗌冧把喇，諗住出去拎啦，但一眼見到兜麵就覺得好怪:點會用麵冚住啲碗裡面嘅餸？仲要廚房嘅人對我講: 你見到啱嘅就拎啦。廢事搵筷子當場撩之下唯有就咁拎去食啦。碗麵整體上好重味，明顯唔太適合區內長者。午筋同片頭質素算ok，係量方面太少，始終係按餸收費，理應份量要更充足先啱，而唔係行雙拼三拼嘅制度。油麵就令人有啲失望，夾起一兩下就發現碗內有幾嚿痴埋一嚿完全散唔開嘅麵團，好明顯廚房為咗快，並未好好咁處理好個麵。而孜然雞翼，講真，無乜孜然味，仲要到手時並唔夠熱，實在令人失望。希望見到呢篇文嘅大家，一係等多兩三個月，到質素穩定啲先黎幫襯，又或者你有覺悟黎親