臺茶•薈 (已結業)

因為天雨關係，去到天后就搵一間食店食個靚靚lunch 避下雨先。門面清新舒服乾淨寬敞，有上下兩層。每個侍應嘅服務態度超好，就如屋企人。我想飲熱嘅豆漿就同我即刻助熱去，同埋我坐喺風口下面我話有d凍就幫我熄細d個風。再講返食物先，我叫左個小食酥炸花枝丸好食即炸熱辣辣。做小食一流臺茶薈炒米粉超多配料的內有貢丸，龍蝦丸，手撕雞，蟹柳，蔬菜，肉鬆同太陽蛋，好豐富呀炒得乾身好食。如果你唔想要太陽蛋，記得落單時提出呀。埋單 $88咋。好抵食呀

最近對台灣思念很深，要食下台灣菜解相思之苦，在天后開了這家新店，就跟朋友去試試看。環境不錯，地方好大，仲有樓上雅坐，色彩和諧。菜式多樣化，不只台灣菜，混合上海菜和潮州菜。經典珍珠奶茶 ($17)台灣菜必點。滷水豬耳($35)帶麻油香，滷得蠻入味的，很嫩，醮鹵水汁，風味更佳。椒鹽雞翼 ($25/3隻) 外脆內軟。紅燒牛肉麵($55)，配料有滷蛋、高麗菜、蘿蔔，湯底濃郁帶甜味，牛肉很軟嫩，牛腩又有嚼勁，白麵很Q。酥炸花枝丸 ($28/4粒)很惹味。雲耳青瓜($29)味道酸辣，很開胃。鹽酥雞排 ($30)很酥，雞排肉很扎實。麵食送熱飲柚子蜜，多料。燒仙草($32)有芋圓、地瓜圓、紫薯圓、仙草，芋圓很有嚼勁。

日日三十几度，天氣咁熱，真係冇乜胃口，有時簡簡單單食碗麵又一餐。嚟到天后，咁啱見到呢間新開嘅台式小店臺茶·薈，心想一試無妨。室內佈置簡單清爽，又唔算特別有台式文青食肆Feel, 話設有樓上雅座，不過冇行上去參觀。既然想食麵，咁就叫碗招牌紅燒牛肉麵試吓。等咗十五分鐘左右，紅燒牛肉麵上枱，賣相不俗。 麵質柔韌有彈性，牛肉都炆得夠淋夠入味，几片薄薄嘅牛展就普普通通。麵入面仲加咗紅蘿蔔同白蘿蔔，不過D白蘿蔔可能炆得太耐，變得好細舊，差唔多溶。同行友人揀咗口水鷄肉燥飯，另一台式傳統口味。好快上枱，口水鷄賣相吸引，不過份量少，反而顯得肉燥飯嘅飯量偏多。口水鷄夠嫩滑，個醬汁就唔算好麻辣。個肉燥就麻麻地，有待改善。可能係新開小店，見廚房同樓面嘅流程有D混亂。晚餐嚟講，每人5O蚊左右(包埋嘢飲)，平過茶記，平過連鎖快餐店。不過食物質素一般，食完都有D口渴，小店還須努力。

台灣菜一直是我喜歡之一，最近得知北角有間新開的，而且在我們舊居的同一街道，當然要來試試。這間台灣食肆，地下的地方不是很大，不過原來有二樓，二樓比較寛闊，並提供包場服務。芒果綠茶$16，淡淡的茶香，混合濃度適中的芒果汁，相方都沒有搶對方的鋒頭。芋香珍珠奶茶$17，芋香的香味較濃，再配上煙煙靭韌的珍珠，消暑一流。鹽酥雞扒$30，外脆內軟，雞肉保持嬌嫩，如果外皮稍微再薄些更好。酥炸花枝丸(4粒)，外皮香脆，洒上了七味粉，令到層次感增加。生煎包$24，生煎包的底煎很香脆，餡肉豐富，表面蔥粒帶起香味。珍寶仙草凍$42，大大碗的仙草凍，有齊仙草、芋圓、紫薯圓、珍珠、紅豆、綠豆、彩虹椰果、芒果水晶、茘枝爆珠，味道豐富，其中以茘枝爆珠味道最好。

大家應該都知天后地鐵站行出黎條街都有好多野食, 個日去到諗住揾間靜靜地又坐得舒服嘅餐廳同朋友傾下計，朋友推薦左間係永興街嘅台灣野食。入面係黃色青色嘅裝修，有啲小清新嘅感覺，岩哂靜靜地傾下計。叫左個紅燒牛肉面，配菜有牛展，牛腩，白蘿蔔，紅蘿蔔，都算多，以一間小餐廳黎講，味道都算中規中舉。而我朋友就叫左個鹽酥雞扒肉躁飯，份量十足。雞扒香脆得黎唔會太乾身柴口，肉本身都好夠味，個肉躁飯就真係幾驚喜係因為平時啲肉躁好乾，淨係得啲肉粒，但呢一間嘅係又多肉粒，但又夠多汁。我地兩個人再叫左個蠔餅小食，都唔錯，唔會太油，2人份量岩岩好。之後仲添叫左個鍋貼，鍋貼肉汁好juicy，皮唔會太厚，而又做到個煎皮底金黃香脆，認真唔錯。可惜嘅係我地本身想叫個個都讚嘅仙草芋圓，但咁岩個日就賣哂，唯有叫東瓜茶同珍珠奶茶。如果有機會都想下次返灼試下個芋圓。

呢度有兩層，走咗上上層坐冬瓜茶 + 仙草   香芋奶茶 （跟餐）夏天飲冬瓜茶好呀～ 消暑～ 仙草解熱氣招牌酸辣湯 $48好足料！ 啖啖都好滿足。酸度ok，不過可能呢排食得辣野多，感覺唔太辣口水雞 $35呢個價錢算好大碟，果然係街坊小店鹽酥雞扒 $28跟埋泰式酸辣醬～招牌紅燒牛肉麵 $55 (連野飲）必食！比我想像中多料，平時食80蚊碗o個d都冇咁多料湯清甜，牛肉軟硬適中，最後飲晒d湯，飲完成晚都唔覺得口渴，唔錯珍寶鮮茄濃湯臺茶薈 $78 (連野飲）超豐盛～～～ 飲得出番茄湯落足番茄熬的！ 78 連野飲，低！ 都係必食台式奶茶豆沙鍋餅 （二人份） $25紅豆蓉唔太甜，趁熱食，幾香環境闊落，好適合傾計～ 

日日返屋企都會經過天后，最近發現開左間新嘅台式餐廳叫做臺茶·薈，好似裝修得唔錯，有小清新嘅感覺，不妨一試，睇下質素如何先！入到去，侍應好熱情招待！今時今日有咁嘅服務態度已少之又少！逢上水同餐牌後，好快就幫我落好單！先奉上兩杯飲品，驟眼望落去好相似，但其實左邊係芒果多多，右邊係芒果綠茶，兩杯芒果味都好香好突出！再叫左個臺茶薈炒米粉，原來超多配料，有隻太陽蛋，手撕雞，龍蝦丸，肉鬆等等，好豐富！炒完米粉仲有少少濕潤，又夠味！另外仲有個魯肉飯，同我平時食開嘅唔太似，除左有啲魯肉醬之外，仲跟左啲原塊魯肉，好特別！而且夠曬淋，入曬味！小食方面，叫左個炸物拼盤，花枝丸最好味，因為入面真係有粒粒花枝，灑上到味粉夠惹味！鹽酥雞細細粒，但入面仲係好滑！香腸同椒鹽雞翼就唔太突出！仲有個地瓜薯條好香地瓜味，不過炸完略微焦，外觀唔太討好！最令我失望嘅係我喺門口見到有仙草芋圓，到我食曬野準備叫甜品時，侍應竟然話今日芋圓未準備好，意思啫係冇得食！我當堂極為傷心，唯有下次再為芋圓而黎喇！

唔知幾時開始香港開始樓價貴，食野貴，但人工增長追唔上通漲。朋友介紹這新店，價錢親民，份量又多，而且味道又好！環境光乾舒服，很有台灣cafe感覺再上一層更闊躺，更有sofa位所有飯麵均送茶、咖啡！在港島區絕對性介極高！珍珠奶茶加+$5大滿足肉燥飯 $45肉燥之外還可以雙拼加多款豬軟骨、手斯雞、鹽穌雞、魯肉、台灣腸。以 $45 十分親！肉燥甘香，又不會太肥膩，送白飯一流！臺茶•薈炒米粉 $55炒米粉非常足料樣樣齊，肉燥、手斯雞、貢丸、龍蝦、蟹柳、肉鬆、太陽蛋。炒底米粉配上咁多配菜，又大碟又好食！大滿足！

下一站天后定下一站台灣呢 (老派)仲有樓上可以包場添!!首先去天后跟住搵台灣菜食 就可以啦搵到呢間新開既餐廳 貪佢無乜人可以慢慢坐而且d坐唔迫夾 同埋好文青 好舒服天氣甘熱 真係唔係好想食飯所以嗌左一個飯2份分跟住嗌下d小食甘呢個肉鬆皮蛋豆腐 好好食!!更加好岩夏天食 澆上去果個汁都好香冰冰涼涼 正呀仲有芋圓食添仙草 (涼粉) 加花粉既芋圓 因為野食太吸引既關係 等唔切一路食一路影同大家介紹番 個肉燥飯本身既肉燥係蓋過d飯架同埋口水雞+炸雞都唔係甘少份量架同老板娘傾傾下先知原來佢仲有樓上既上過望一望 好大 好正wo岩晒一班人開party 或者傾野 同埋之前上網睇都係簡單一張紙既餐牌今日去到 居然就換左靚靚餐牌啦 可怕放唔晒上黎大家自己去揀食咩啦

在天后這間台灣小店食過後，覺得價錢唔貴！環境都坐得幾舒服！menu都幾多款式選擇，仲有甜品添 wo, 但係當日缺貨無得供應，唯有下次再食！珍珠奶茶，少甜真的是少甜！不是亂調的！男店員很有heart沖這杯茶！茶底很甘香！珍珠幾Q彈！味道幾好飲不太甜。肉燥飯配口水雞，口水雞個醬汁做得非常惹味，好香濃，送飯一流！雞肉都幾嫩滑，吸收哂麻辣香味！肉燥飯幾多料，夠哂送飯！整體幾好食又抵食！煎蠔餅2人份量，薄皮煎到香香脆脆又唔油，蠔既份量都適中！值得一食！夠哂鬆脆

同老公去天后送朋友回某酒店，之後見到對面新開嘅台式小店，雖然話小店但都有上下兩層，店員叫我們上上層，新裝修冷氣又夠又較舒服，最近天氣浩熱真係好爽，嘆下台式飲品都唔錯選擇！係天后區價位都選經濟。大滿足肉燥飯選豬軟骨做配料還加$5 要埋台灣香腸。真係份量大滿足，滿滿肉燥，椰菜，豬軟骨調味夠幾肉又有脆軟骨，一食品有著兩種口感，台灣香腸咬落就太淋，個人較喜歡彈牙實肉的香腸，可能食開台灣名牌子嘅味道同質感。招牌紅燒牛肉麵 $55老公最Like台式牛肉麵，可惜它們湯底較港式又夠濃味，不過他們用上牛展，都煮得夠入味鬆軟。皮蛋肉鬆豆腐 $35涼伴小食首選，豆腐骨嘟嘟配上肉鬆同皮蛋一齊食，真係好夾不過點個汁偏稀同我食開有點不同。鹽酥雞塊 $30 (二人份)熱辣辣炸到金黃嘅雞塊上枱，鬆脆鹹脆。Menu 選擇唔算多但基本的食物都有同樣地飲品選擇亦唔算多，不過佢地經典台式奶茶好滑好有台灣feel！

是日來天后新開的台灣餐廳吃飯，入面裝修得很色彩繽紛，座位舒適是不錯的聚腳點食物選擇蠻多的，而且價錢都十分合理先點了一客涼拌小食，這個是皮蛋肉鬆豆腐冰涼的豆腐十分滑溜，伴肉鬆來吃味道清新～吸收了醬汁的皮蛋也很好吃唷，吃完整個透心涼來這裡當然要吃招牌的大滿足肉燥飯，我們點了雙拼的魯肉和鹽酥雞塊，真的超大一碗肉燥是自家製的，肥瘦適中超好下飯鹽酥雞塊新鮮炸起酥脆得來乾身不油膩，魯肉也燉煮得很入味另外點了招牌紅燒牛肉麵，同樣足料大碗用上粗身的陽春麵，入口爽滑，口感不錯。湯底很清甜牛腩色澤漂亮，煮得軟淋，牛腱水準也不錯每個飯麵都送咖啡/茶，加錢轉了冬瓜茶和凍柚子蜜冬瓜茶很解渴，下次再來試試其他台式特飲

新開台灣店，見到價錢幾平所以帶女朋友試下。8點幾都未爆，見到D位都幾闊落。睇下有咩食先招牌紅燒牛肉面 $55湯底濃郁，牛肉煮得夠淋，非常入味。牛𦟌略鞋。面條粗口有咬口，亦能掛到湯。份量好大，2個人食都夠，好岩附近返學嘅同學仔黎做lunch。 2.煎餃子 $15 都幾平，餡料係同菜肉包個餡料一樣，份量算足料，但餃子皮薄少少的話就好。3.台式白腸 $28 炸左嘅樣望落就唔多好睇，但唔係俾佢個樣呃左，其實味道好惹味，咬落去果陣仲有肉汁彈出黎，好juicy!真係好有台式風味~4.煎蠔餅 $32 (2人份) 餐廳無台式蠔仔煎，只有呢個煎蠔餅。蠔餅煎得都幾脆，但炸粉比較多，蠔仔份量較少，唔係好食得到。5.紅油抄手 $42 紅油抄手味道唔太辣，仲配有肉鬆，另外應該仲加左少少糖係面，食落有少少甜，幾特別的配搭，幾好味。6.雲耳青瓜 $29 加左唔少西芹落去，青瓜、雲耳同西芹每樣都爽脆，味道微辣同少少酸，好開胃，份量仲唔細。7.經典珍珠奶茶 $16 主打台菜，點可以唔飲返一杯珍珠奶茶。 茶味稍少，奶比較淡，屬一般之作。 8.巨峰多多+珍珠 $17 糖精下手有啲重，甜得過份，味道好似藥水。而且應該溝左唔少

天后最近開咗好多間新店，依間吸引我因為有台灣小吃。位置喺酒店附近，好易搵。老細好親民咁介紹左幾樣小吃同埋介紹店舖嘅由來。我哋叫咗肉操飯加豬軟骨，完全唔喊，好味。冬瓜茶亦好好飲唔太甜。蜂蜜綠茶好飲青瓜木耳好入味 ,好有家嘅感覺。裝修有文青氣派。仙草冰嘅仙草亦好貼近台灣嘅味道得。原來小店上仲有第二層可以俾派對用空間很大可以用來做party。要講重點就係價錢非常親民，兩個人食都係$130。又有飲品有小食有飯同甜品，除返開每人都係60幾蚊，超抵食！佢哋仲有早餐，下次會試埋其他台灣特色小吃，例如豪餅煎餃子同埋炒粉麵

When one wants to eat Taiwanese food and the other wants to eat Shanghai food then come here!At first I thought it was a Taiwanese restaurant but they serve Shanghai style dumplings as well.Started with the Beef noodles and the beef was soft and full of flavour.My friend had the Taiwanese mince with rice where you can choose some unusual combinations such as fried luncheon meat.The Taiwanese Oyster omelette turned out to be the star of the show.When it came, it looked overdone but I was surprise