艾·蜜思手抓餅

营业中

休息中

I found the stall by chance after exiting the Sai Wan Ho MTR station looking for food. The stall itself is small and doesn't look like much, but I have to say I am glad I stopped and gave it a chance.I picked number 14, a roti with bacon, corn and cheese on purple potato. While the food is a bit difficult to eat, you can easily buy it and eat on the move as I did. The stall itself has very limited space to eat and sit. The food was freshly made before my eyes (inwith the fillings of my choice an

太安樓熱賣小食當然少不了手抓餅, 煎香了我餅皮, 有紫薯和原味。老闆從雪櫃取出餅皮, 煎至金黃色, 再放上不同涵料, 卷起即食。選了司華力腸八瓜魚配紫菜, 加沙律醬, 外脆內軟, 可惜紫菜濕了變了一條咬唔開, 食時很論盡, 建議可將紫菜整碎再混在一起。另外一款是帶子肉鬆, 加沙律醬味道非常合拍, 值得推介。紫薯跟原味差別不大, 貴$3, 可自行決定選擇。

尼過太安樓幾次，因為好多花款既野食都有，多數都會同男朋友買完幾款食物同飲品就過去西灣河公園度開餐。今日就試下紫薯手抓餅啦！餡料既combination好多我揀左「芝士八爪魚火腿」，老闆之後會再問需唔需要加沙律醬八爪魚既份量亦都好多，睇任老闆大匙咁加上個餅度煎，但八爪魚就切得比較碎。兩塊切左半既火腿都煎香左。行到去公園食既時候D芝士完全融晒，正。除左八爪魚，仲有味付螺肉同帶子裙邊等挑選，好似自選冷面既配料咁，好有街坊小食特色。紫薯味都幾重，加埋餡料沙律醬就甜甜鹹鹹幾得意，如果下次再有機會encore, 我可能會揀原味既餅，因為紫薯餅要加3蚊，但一試無防。總括尼講係好味既！但食到最後一段就覺得鹹同味道有D亂XD 但這是好正常的-因為全部餡都偏重口味。其實如果想清清地，我諗就咁紫薯餅+肉鬆+蛋都應該夠好味。

即叫即製手抓餅，非常燙手。嬸嬸先煎香酥皮，再加入你點的餡料。餡料有數十款可選，均一價，如煙肉、蘑菇、呑拿魚等。我選這個是芝士蟹籽粟米沙律紫菜！紫菜是獨立包裝的四洲紫菜。酥皮依稀帶丁點紫薯味，香酥油潤。啖啖餡料滿溢，裏頭的半溶芝士再加上豐富的沙律醬實在邪惡！不過整體較為油膩。

對於我呢種電視迷呢講，電視機上邊介紹嘅嘢食有陣時睇到真係不得不試！而今次我就係睇到動新聞介紹，所以就膽粗粗走咗去試。試嘅就係太安樓嘅小食，即係掃街！自從搬黎左西灣河區之後，就好少去太安樓度食嘢lu... 不過,今次重臨太安樓就有非常新發現，就係紫薯手抓餅。手抓餅係台灣特色小食但居然係太安樓都有得食。我叫嘅就係紫薯底，芝士粟米蟹籽沙律紫菜味！(好長)餅底師傅一早就做好左，係雪櫃度攞咗圓圓嘅餅底岀嚟，落鑊即煎。等大約五分鐘就有得食。紫薯味相當濃，非常香蕃薯味，喜歡食蕃薯嘅朋友就一定要去試。芝士同粟米蟹籽沙律嘅味道非常夾，加上脆口紫菜，就更加加深咗口感嘅層次。25蚊價錢都總算相當相宜。店舖另外仲設有原味手抓餅，售價比紫薯味平3蚊，適合唔同口味人士。而且口味嘅配搭仲有差唔多20款任君選擇，非常多元化。

紫薯手抓餅 配 芝士雞蛋沙津紫薯手抓餅－紫薯味很淡，作為手抓餅亦不香雞蛋－兩隻，完全沒有調味，也沒有在鐡板上煎香沙津－即沙津醬，竟然也可以不好吃，神奇芝士－半片，卡夫芝士的貨色，味道毫不突出，完全可以不理這樣也可以收客人25元，會否太易做生意乎？

港島東小食之旅第二站-太安樓手抓餅係太安樓都幾hit有兩家. 從未食過手抓餅. 我覺得佢地似係印度手抓餠 X 本土大熱的紫薯 X 日式crepe既餡料呢...哈哈哈XD 睇住老闆娘將一塊已ready的紫色圓塊前煎煎後煎煎, 再將自選餡料同沙律醬放上去既感覺非常好. 即叫即煎即包, 新鮮熱辣!!紫薯味比想像中重. 香香甜甜的. 咬一啖餅已能說出是紫薯product. 手抓餅煎得酥香和乾身. 揀左1號餡料-芝士+蛋+八爪魚. 用上八爪魚做topping較旱見. 日式八爪魚粒粒煙煙un un (但唔難咬) 令成個mix有o趙口, 佢既芝麻汁亦令到成個餅冇咁dry~ good match! 蘑菇充滿菇香. 只是芝士唔係熱溶拉絲果隻, 而沙律醬又略為多左少少. still, 我覺得沙律醬係要加架, 真係會易入口 (濕濕地) 同開胃d~老闆出手闊綽, 成個餅裝住滿滿既餡料. 基本上啖啖都食到豐富既toppings. overall, 成個餅感覺似脆版既鹹食crepe. 行過餓餓地可以食下喎~ 

講起上黎 住係太安樓咁耐都未食過呢個紫薯手抓餅 真係有d那個所以即管去試一試呢間 *艾．蜜思*呢一間最出名既 當然就係紫薯手抓餅啦 整緊期間真係會聞到紫薯香味唔係淨係得個樣架～一共有成廿幾款可以配搭而且均一＄25~配料我揀左芝士肉鬆八爪魚煎到兩邊金黃色 幾靚整體我覺得一般啦佢地既餅身就咁煙甄因為佢始終係現成唔係新鮮味道係OK既 但係越食越咸⋯我覺得可以讚既就係佢加入左紫薯而係成功既而且價錢都係比較相宜 老闆服務態度亦都係好好既! 唯獨是口感同味道比較遜色當然紫薯朋友都可以一試呢間! 地址：西灣河筲箕灣道57-87號太安樓地下

係太古城睇完8點場，本來諗住去西灣河食糖水，但行行下，諗起太安樓地下的美食寶庫 決定入去行一圈，睇下有無野啱食~~ 其實一開始係喺隔離買左雞蛋仔...點知等等下..見到隔離的手抓餅好似好吸引 所以就買左一個黎試 好多款配搭...睇到眼都盲，所以我決定唔揀，交比男友話事~~ 佢揀左「芝士蘑菇芝麻八爪魚」~~見到老闆娘(?)手不停，係咁整手抓餅，整左幾輪先到我地有得食~~熱辣辣，香噴噴，宵夜時份真係好危險囉!!咁肥嘅野但會引到你唔怕肥地食....手抓餅煎得幾香脆，但內裡鬆化，街頭小食果真唔野小~~ 比想像中多的蘑菇，健康的配料令人減低了內疚感~芝士和芝麻佈滿整個餡料內，啖啖香濃芝士味還有芝麻香~ 八爪魚份量相對較少，但幾新鮮，口感彈牙 夜媽媽想搵D小食食下的話，真係可以黎尋下寶~~很多意外驚喜

原來太安樓有兩家手抓餅，另一家在紙牌上寫著沒有紫薯手抓餅。看來很多人像我般，找錯地方。好像另一家的人流較多，但為了可愛的紫薯手抓餅，選了艾·蜜思。配料有芝士、火腿、蘑菇、腸仔、粟米等等，配搭包羅萬有。即叫即造。芝士蘑菇芝麻八爪魚熱辣辣的手抓餅，風味不夠，紫薯味亦不算突出，只屬一般。芝士是一片片的卡夫芝士，沒有拉成絲的效果。切片的蘑菇偏生，少少爽，可惜有點格格不入。為了芝麻八爪魚而選了這個組合，總算值得。芝麻八爪魚雖切成碎，但爽口，芝麻醬幾香。老板問要不要沙律醬，有點後悔要了，醬很多，搶了味。不知道另一家的質素如何。總括這次的太安樓美食之旅，欠驚喜，沒想像中出色。

A while ago foodie MungKK showed me a picture of this purple roti but Saiwanho was a bit far away so I didn’t bother.I was in the area so decided to try it out.The menu was a bit confusing because I couldn’t see the choices that I could choose.Anyway, I knew there was cheese and corned beef so I chose that.The roti was quite impressive, you could smell the scent of sweet purple potato and the roti was still crispy after 10 minutes of travelling.Basically it was like a crispy chewy croissant fill

A new find at #太安樓 with this purple yam scallion pancake #紫薯手抓餅 that is freshly pan fried upon ordering with your choice of filling. I got mine with cheese, bacon, corn and mayo for HK$25 and it tasted surprisingly good! The purple yam flavor in the pancake was subtle yet delicate and the fillings did not detract from it at all as the sweet mayo served to balanced the savoriness of the filling with the yam.

西灣河太安樓，素來有「東區士林夜市」之稱，越夜越精采﹗除了小妹早前光顧的+5ºC 手抓餅專門店外，最近，又多了間「艾·蜜思手抓餅」，主打近期大熱的紫薯手抓餅，並有台式飲品等提供。普通手抓餅每份$22，紫薯手抓薯則$25份，可於二十六款指定饀料中任選一款，梗有一款啱你心水的﹗小妺揀了紫薯手抓餅$25，饀料要了2號的芝士粟米蟹籽沙律。紫薯手抓餅即叫即製，只見店員拿出一團淺紫色的餅團，然後把餅團放在爐上攤平，香煎成薄脆深紫色餅皮，繼而放入預先混合好了的饀料。在鐵板的熱力下，不消片刻，紫薯的香味四溢，熟練地用鐵鏟對摺餅皮，一件紫薯手抓餅瞬間就大功告成了﹗接過來時，手抓餅香噴噴的，且十分燙手！咬下去，手抓餅真的帶有淡淡的紫薯味，餅皮外層酥鬆脆，內裏Q則軟煙韌。此外，饀料十足，一不小心，就會往下掉的。不過，食完後，舌尖味蕾難免產生化學反應了，且感到莫名的乾涸。箇中因由，不用多言，你懂的﹗