艾·蜜思手抓餅

营业中

休息中

想食呢間艾蜜思嘅紫薯手抓餅好耐喇.等咗一陣,即製手抓餅就完成. 芝士帶子裙邊肉鬆紫薯手抓餅,就咁食手抓餅皮嘅話紫薯味好突出,質感都幾酥脆,同餡料一齊食就被蓋過.中間餡料份量唔少,帶子裙邊爽口彈牙,肉鬆就略鹹,仲有芝士同沙律醬調味,唔會有太油膩嘅感覺,味道偏向濃味,不過都唔錯.

太安樓對我這些大西北之友來說著實有點遠，但為了美食在所不惜！紫薯手抓餅 配芝士煙肉帶子裙邊 $25未煎的手抓餅是一抹迷人的紫羅蘭色，賞心悅目。本以為紫薯手抓餅的配料應該是甜的，如紫薯蓉和芋圓，想不到這裡賣的都是鹹食，最後選了芝士煙肉帶子裙邊。店主毫不吝嗇地給了一堆帶子裙邊和兩大片煙肉，在電爐上煎得吱吱作響。等了幾分鐘便可以吃～說實話不太吃得出紫薯味，可能是芝士、煙肉和帶子裙邊的味道太突出了， 當作普通手抓餅吃倒是不錯，相當足料，芝士半溶，煙肉香脆，帶子裙邊爽口，配少許沙律醬，味道豐富。如果店家能推出甜的配料便好了～總覺得紫薯手抓餅應該是甜的～

黎到太安樓既主要目的就係食手抓餅，知道呢到有兩間既，經朋友介紹就食左呢間。呢個係芝士火腿煙肉紫菜手抓餅，佢既外皮好脆，即整熱到辣手，佢有加少少辣粉都唔算好辣，整個手抓餅好香口，不過紫菜就淋左咬唔開，下次要試下其他配搭先。

太安樓搵食記，為左食你可以去到幾盡，2小時的時間終於到達目的地紫薯手抓餅作為紫薯控緊係要探訪下佢，即叫即整大約等5-10mins左右啦，拎上手熱辣辣架，馬上急不及待襯熱食。紫薯餅底查實食唔到紫薯味架但顏色好靚啦💜同埋個皮煎到脆卜卜，口感確係不錯。餡尼家野睇你鐘意食咩就叫咩啦我簡左帶子邊煙肉芝士 $26都係肥肥既野啊但肥既野通常先好食，另外店員會問你加唔加沙律醬，我簡左加，但加左又好似有d太酸添，煙肉同帶子裙邊又比想像中夾啊，帶子邊要用d牙力咬多幾啖先食到，整體都不錯

最近網上不斷有人推介太安數報章甚至稱上此地為 平民美食天堂太安樓位於西灣河 A2出口地鐵站對出交通十分方便 太安樓內貌似街市沒有空調十分熱 夏天會很辛苦手抓餅 有多款配料選擇 非常豐富手抓皮可選擇 (原味/紫薯味)店員會詢問是否要沙律醬選了原味芝士蘑菇煙肉腸仔 $22 (加沙律醬)即叫即做 一拿上手十分夠熱皮鬆脆又足料半溶芝土 加上蘑菇咸咸煙肉腸仔味道十分夾“！吃一個已經很飽了值得再試

今日時下好興既紫薯類食品--紫薯手抓餅🍠今次我order左吞拿魚沙律肉鬆味道：-- 卷內有沙律醬，而抓餅皮略厚及帶甜，雖然肉鬆係鹹味，但整體都係略甜。本人覺得麻麻地，純粹貪過癮一試無彷。- 個女店員態度MAMA.

今日經過太安樓,見到有賣我好鐘意食既手抓餅！所以就買左個普通手抓餅加粟米同咸牛肉試下！我食過葵涌廣場果兩間舖既手抓餅，食過天水圍新北江有一間既手抓餅，對比之下，這間店舖的味道是中上的，好足料，唔會好重味，食完一個已經飽飽地：）好滿足！下次會試下其他餡料！

太安樓有兩間出名既手抓餅專門店，見艾蜜思有紫薯味就比佢吸引左過去，我配左吞拿魚芝士肉鬆沙律紫薯個餅底其實幾好食，紫薯味 甜甜的，配料方面都冇問題，只係我配搭紫薯餅底加吞拿魚 出黎既味道怪怪的我會覺得配料揀返甜甜地既比較好

第一晚食4號芝士吞拿魚沙律紫菜味。店員即叫即製，等咗約>5min。手抓餅熱騰騰，外脆內煙靱，特別喜歡沙律醬與紫菜的提味，芝士和呑拿魚也是永不出錯的配搭。值8.5分。念念不忘，第二日又去幫襯，今次試16號，把吞拿魚改為粟米蟹籽，維持芝士沙律紫菜作膽。雖然味道不錯，但就比不上之前那個，而且蟹籽基本只有其味不見其形（雖然這價錢我也沒大期望），值7分。必須一提，我沒在台灣吃過手抓餅，不知是否正宗，總之我覺好食就是了。另外，看其他openrice評論，原來太安樓有另一家手抓餅似乎也不錯，而且兩家鬥得難分難解，遲點再去試。

今日突然興起去到太安樓食宵夜。老婆話有間紫薯手抓餅，於是就慕名過嚟。我一路以為係紫薯做餡嘅手抓餅，點知嚟到先知，原來係紫薯餅底。咁ok啦可以包D紅豆呀雪糕呀應該幾好食，點知睇嚟睇去都係鹹嘅餡，我心諗，咁咪又鹹又甜好奇怪…？算啦一場嚟到，試咗先算。$26嘅紫薯手抓餅，有好多餡料配搭可以選擇。老婆淨係話一定要有肉鬆，我就揀咗芝士吞拿魚肉鬆。即叫即整，喺等緊嘅時候，先知係可以自選配料，每款$4-7，而紫薯餅底就$16。不過跟返佢d配搭會平幾蚊。紫薯餅一到手，熱辣辣不在話下，一咬，好食呀！首先紫薯餅底原本冇乜期望，但係估唔到個紫薯味都幾明顯，而又做到外脆內暖。仲有就係手抓餅通常最怕佢太油，但係呢個餅底keep到乾身(睇下張相個紙袋都冇滲油)。餡料份量非常足，芝士溶晒落去，同沙律醬、吞拿魚、肉鬆非常之夾。每樣都好足，而每樣都食到。半鹹甜方面，我覺得都可以接受，始終紫薯唔係話十分甜。不過我覺得如果佢推出埋甜嘅口味俾人選擇會更好。總括嚟講，不負所望，值得encore！

女友喜歡紫薯 , 又喜歡台灣小吃 , 發現紫薯手抓餅,當然要去試試.當order完後,見店員從雪櫃取出一塊餅直接放在鐡板上煎, 了解店家的製作時間問題,心想,希望到時不要燒焦就好了去過台灣數次,也喜歡食手抓餅,那八卦一下香港的做法吧.誰不知,店員只是加熱了餅皮,就把材料放在餅中間,再包起來,完全沒有像台灣一樣把餅拍鬆最後試了一下成品, 果然焦了,紫薯的味道被焦味完全overwrite,食起來沒有鬆軟的感覺, 只有硬.女朋友也表示 , 完全中伏.最後 , 這只是一個把材料包在一個餅皮的餅, 不能說是手抓餅 , 跟我在台灣食得相差太遠了.

配料有26款可以選擇，全部均$25.(圖為原味手抓餅，芝士沙律醬咸牛肉) 餅皮放上鐵板煎，加上芝士，醎牛肉及，沙律醬，最後左右疊起而成。紫薯手抓餅$25: bagel選了4號，芝士吞拿魚沙律紫菜。餅皮脆身，有些紫薯(?)的香味，內裹餡料也屬多，不過個人覺得手抓餅和內餡不太夾，手抓餅餅皮吃下也不有千層效果(記得以前看過手抓餅整法，餅皮在煎的果程，要不斷在鐵板旁邊拍打餅皮)不有牛油酥香，只有一味的油，不太喜歡。Wow factor: 4/10艾‧蜜思地址: 太安樓地下A3-A7號地舖 

個餅本身無乜味, 同埋好油.... D配料揀左八爪魚＋　紫菜＋司華力腸，不過只食到腸＋紫菜，　八爪魚好似無ＷＯＲ，得Ｄ　八爪魚醬。。。沙律醬可以選擇加／唔加，　我話要少少，無咁肥。。。其實唔加都好夠好多人買，　都要等成１５分鐘架，不過老闆兩公婆幾ＮＩＣＥ

紫薯手抓餅 $25一直都想試好耐嘅紫薯手抓餅今日終於有機會試到啦仲要係排咗10分鐘就有得食晚飯放工時間黎講 都算ok 第一啖食嘅時候係有少少紫薯味但慢慢就比雞蛋肉鬆嘅味蓋過畢竟紫薯唔係太濃味嘅野同埋混係麵粉入面點都會無咁濃 所以都算可以接受另外一定要提嘅就係成個手抓餅整得好脆一路食會一路有啲碎片跌落黎 真係好正啊但建議可以學番台灣咁樣會真係用嘅鏟去夾下拍下個手抓餅咁樣會令到多啲空氣可以入到去然後食起上黎會 鬆脆啲 

太安樓有2間賣手抓餅，只有呢間用紫薯餅底做招來，而且價錢劃一，各款原味手抓餅$22，紫薯手抓餅$25，比另外一間平近乎一半。早幾日已試過另一間，今午特地來試試他獨家的紫薯手抓餅。它約1點開門，太安樓很多賣小食的小店也不做午市，我1:30到，見有2個同學在等，手抓餅即叫即做，由落單到完成大概4一5分鐘。我點了一個芝士玉米蟹籽沙律的紫薯手抓餅，手抓餅其實與印度薄餅Roti或䓤油餅沒有多大分別，而紫薯手抓餅只是混入紫薯而已，取其令人浪顏沈醉的紫色，也取其悅人紫薯的香味，可惜加了紫薯令餅底變得太軟和太林，失去原有的脆口及油香味，而且軟林林的很難渣手，不時令玉米跌出，老闆娘也太孤寒，芝士只得半塊!完全沒有拉芝士的效果，也食不出有芝士味，蟹籽沙律吾見有蟹籽，卻只有希呢呢的沙律水，令手抓餅個心更軟更濕.....最後製成品是有點紫薯香味，有吸睛的可愛外表，勉強有色和香，至於味...就只有玉米及沙律水味，完全吾合格。手抓餅價錢比人平一半，但係味道完全吾掂，加上佢嘅手抓餅也細人一半!呢間野，想試下潮流野，咪食次紫薯餅底，都係$25啫，只係一次，試過就冇下次。