艾·蜜思手抓餅

营业中

休息中

台灣嘅手抓餅就特別出名而係香港反而得好少鋪頭有埋手抓餅咁今次又嚟咗香港嘅夜市太安樓試吓呢度嘅手抓餅咁佢款式特別多可以自選個餅底就＄15每種餸就大約5至＄7另外亦都有固定嘅選項但係都已經有成三十幾款每款都係＄25作為飯前或者飯後嘅小食的確會令你回味無窮咁今次就嗌咗帶子裙邊芝士煙肉。淨係聽到都已經覺得好滋味咁的確食落口都係好脆餅底故知然又熱辣辣又脆卜卜確實係幾好另外啲餸整體都唔錯都算係新鮮唔算話太鹹，再撈埋沙律醬一齊食更加惹味

唔係常客，但每次幫襯都唔會失望（只有食完內疚，因為熱氣又肥）試過原味同紫薯版，個人覺得原味好啲，紫薯除咗顏色之外，分別不大。而我通常都會叫芝士雞蛋粟米，安全得嚟又帶點健康，安全因爲芝士雞蛋味道應該係夾，粟米扮演蔬菜嘅角色，心裏面希望自己仲係食得（少少）健康咁人少嘅時候可以行近啲睇吓係點整。整好即刻食係最好味（尤其是冬天），餅皮脆，芝士溶得啱啱好，同蛋香好夾，加上甜甜哋嘅粟米用料簡單，做法都看似容易，不過有時就係咁普通嘅食物，令你成日都想再回味。無得去台灣，去「港島小士林」頂住先囉

記得對上一次，我來到西灣河食街「太安樓」的時候，因為不幸遇上「鴻X極品雞蛋仔」休息沒有開門做生意，被迫轉去幫襯其他食店，結果購買了另一檔台灣手抓餅食店「+38°C」，今日我本着非試「鴻X」的心態，再次來到西灣河。皇天不負有心人，「鴻X極品雞蛋仔」終於開了門做生意，但是偏偏又遇上我現在睡眠質素一般，所以日間已經儘量少吃朱古力，就連本來想試食很久的「朱古力醬格仔餅」，我也被迫暫時放棄，只能改食士多啤梨醬格仔餅。吃完「鴻X」「士多啤梨醬格仔餅」之後，我再開始在「太安樓」食街不斷探索，看看「太安樓」會否有些新奇發現。果然「格仔餅一開，好事自然來」，我終於在「太安樓」的另外一邊，找到另一檔我也很想食的台灣手抓餅檔攤「艾·蜜思手抓餅」。「艾·蜜思手抓餅」的舖位檔攤模式，都很像另一間「太安樓」手抓餅店「+38°C」，都是前檔後舖的經營模式。甚至「艾·蜜思手抓餅」招牌手抓餅的價錢都跟「+38°C」十分相似，唯一最不同的分別，應該是「艾·蜜思手抓餅」另外有紫薯口味版本的手抓餅提供，讓食客自行選擇。既然「艾·蜜思手抓餅」的兩款不同味道手抓餅，價錢都相差無幾，我又一早已經嘗試過原味的手抓餅，所以我立刻決定，

綜合芋圓豆腐花 $28佢有得揀凍同熱，依家冬天咁就揀返熱啦但係真係有啲失望...原來啲配料係凍嘅，然後煮好個薑糖水再到落去咋，感覺真係幾hea整，索價$28有點唔值好食嘅話都算，重點係芋圓BB一般，口感算係幾軟糯Q彈，但就係欠缺嗰種天然嘅香氣，無芋頭香紫薯香嗰陣味，感覺好膠啊綜合芋圓佢有晒啲煙韌野，西米、黑珍珠呢兩款味道同口感都唔錯豆花口感都可以，但加左熱嘅薑糖水都無用，入面依然係凍嘅而且仲貨不對版，圖上面有類似綠豆薏米嘅嘢 但我嗰碗無？都係之後先發現！入面得啲紅豆殼？同埋味道奇怪嘅紅腰豆酸酸地又苦苦地唔知想點好在個薑糖水唔太甜，熱辣辣冬天食落都幾舒服

很愛吃台式手抓餅,可是香港不常見,這次來到太安樓,看到有兩間賣手抓餅的小店,當然不得不嚐了!單看食評和店面,不怎麼分到兩家出品之高下,所以單憑這家有比較特別的紫薯手抓餅，,便選擇了這家,哈哈就是那麼容易上鉤XDD餐牌看起來很多選擇,但其實很多都是互相拼來拼去湊出來的。下單後,見店方從雪藏中取出手抓餅皮，開始弄製。我們點的是芝士吞拿魚沙津肉鬆。餅皮香脆而帶穌脆口感餡料下得算慷慨,由於都是現成買回來的材料, 所以不會難吃,當然也不見特別。不過,吞拿魚沙津頗酸,肉鬆帶一點甜味,芝士沒有味道,組合起來沒有很配,味道怪怪的。感覺不加什麼配料,或是普通加一下蛋和芝士就夠了不知道場內另一家手抓餅店會否好吃些。不過，吃過一次後,已經想念在台灣吃過那簡樸而味美的香脆的手抓餅了

之前介紹過太安樓的手抓餅，這是另外一家， 艾蜜思手抓餅的價格比較便宜， 餡料也沒什麼好說😆，因為是現成買回來的, 不會難食。手抓餅是雪藏買回來的， 跟大家在超市買到的沒分別， 雖然係幾脆但是沒有鬆軟的口感， 朋友喜歡它不油膩，飢詩就覺得佢比較乾身，有點失色 😅😅飢Point : 5/10#hungermarch #飢詩 #非飢詩

太安樓一直係港島區出名掃街的地方，無論係日式手卷、海南雞飯、台灣手抓餅等等都應有盡有。有唔少人放工／放假都會去呢到覓食，而我都唔例外。由於今日食咗下午茶唔太肚餓，所以九點幾左右先嚟食嘢～ 值得注意的是太安樓並沒有冷氣，所以環境有啲熱同侷促的。我地第一間就食了艾･蜜思手抓餅。我去個陣成間鋪都係得一位叔叔負責的，而佢都幾親切嘅～  鋪頭貼滿咗好多款唔同款式的手抓餅比我地揀，而紫薯手抓餅應該係呢到最熱推的食品。不過唔特別喜愛紫薯嘅的地都係揀返原味餅底。就如標題所講，我地叫了芝士磨菇煙肉腸仔一共四種配料（＄25）。因為是即製的關係，我地等了大概五分鐘先整好（前面亦有人排隊的），等候時間唔算長。可以睇到手抓餅的餅底煎得好香脆，而且配料方面都好多，有埋沙律醬係入面的（唔鍾意可以唔要的）。味道配搭之好，而且熱辣辣好好食！其實＄25 寶係公抵食，而且都算飽肚的。另外，除了咸味的手抓餅次外，鍾意甜的都有嘅。佢有生果可以做配料，而且餐牌寫到是全港獨創的口味呢～ 有興趣的話一試無妨！

太安樓有2間食手抓餅，呢間有紫薯手抓餅，所以試呢間無錯就係咁膚淺 試左紫薯手抓餅，要左芝士蘑菇火腿味，老老實實無咩紫薯味，不過都幾好食既，個餅底有台灣食既味道。整完老闆仲會問加唔加沙律醬，個人覺得加左好食啲。其他食到一半其實已經飽啦，所以可以2個人share食，留返戰鬥力係其他鋪頭。由於太安樓本身無冷氣又焗，食手抓餅都幾膩，所以食完勁想飲野朋友叫左個普通味手抓餅，發現其實紫薯同原味差別只係紫薯皮甜啲啲，普通手抓餅$25，紫薯$28。呢間好處係個餐牌一早寫好有咩配搭，好過自己唔知點配搭，但鋪頭亦可自選配料既。其他仲有仙草芋圓同豆腐花食，不過因為食完手抓餅已經好飽就冇試啦

星期日都要見客，行左兩條街就黎到傳說中勁多好野食的太安樓，點都要拜會一下。今日星期日，街上就好似火爐一樣咁，入到太安樓即刻感到溶化了，人流不算太多，只在某些鋪有人龍，而且發覺有許多鋪並沒有營業。太熱關係想吃點台式甜點，那芋圓就是不二之選。點了芋圓仙草，內有三種芋圓，每種口感很不同，除煙un還是煙un , 還有仙草很滑，廿十元個人覺得很超值。看到別人點手抓餅，自己也引不住要叫一份。沒有加什何配料，就普普通通的，十分簿脆而甚至我覺得比台灣吃的更香脆。

豬小姐又尼到太安樓啦喂今日除左再次幫襯平靚正嘅馳名海南雞飯外 仲幫襯上次想食又食唔到嘅台灣芋圓「艾 ･蜜思」嘅紫薯手抓餅紅極一時 係紫薯愛好者必食嘅不過今日豬小姐就揀左食碗小甜點同豬先生甜蜜一下一個大雪櫃放哂所有材料 一格格咁擺放 都算整齊我地叫左碗凍嘅芋圓鮮草蜜豆 大部分款式都可以選擇凍或熱！材料包括有雙色芋圓 鮮草(涼粉) 蜜豆(紅豆蓉) 芒果冰 加埋練奶做汁底碗仔雖然細細 材料卻很充足芋圓煙韌耐嚼 口感非常實在 嚼下嚼下很治癒鮮草清涼帶爽滑 蜜豆軟腍偏甜 芒果冰慢慢溶化 令汁底有如芒果味奶一般所有材料加埋一齊都好夾 係一碗好像樣而又抵食嘅台灣芋圓不過芋圓始終係較飽肚及難消化 建議兩人開心甜蜜share 份量就完美得剛剛好了

/👫太安樓覓食記(二)<艾·蜜思手抓餅>💜紫薯手抓餅($26)🔻👉🏾配料:帶子裙邊 + 芝士💛+ 肉鬆😱一開始個呀姨整錯左原味比我，但同佢之後講番，佢都即整過比我而且無黑面👌🏽🌸首先個紫薯手抓餅底，我同意好多人所講，無係個煎鑊到用個嘢係塊餅上面不停"抓抓"下，整鬆佢咁🤔只係純粹成塊嘢咁放係上面煎😫💁🏻再講講個味道😂味道最緊要嘅，做法係完全5正宗架la☝🏾️🌸紫薯手抓餅係無乜紫薯味，純粹紫色(🍆你話佢茄子味都得🤔)幾酥香，但好油膩😖🌸餡料份量幾飽滿，食到底都仲有料👍🏽🌸帶子裙邊有彈性，但幾難𡁻開，而且好少肉汁，都5知雪左幾耐😅🌸芝士係用橙黃色咸香味濃d個款，但得半塊😒🌸肉鬆就好多好好食😋但未至於多到爆出泥，😺慧食貓個間好似再爆多d。🌸沙律醬同辣粉都免費加，辣粉真係辣得好刺激😂沙律醬偏酸酸地，減下膩感。#hkfoodie #hkfoodies #uhkfood #hkfood #hkig #hkeat #wwhkfood #太安樓 #艾蜜思 #手抓餅

有港島士林夜市之稱既太安樓，細細地商場竟然有2間店有得賣手抓餅左思右想後，都係想試下創新既紫薯味手抓餅超多唔同既配搭，不過說穿了都係果幾款野配黎配去點左個普通既芝士雞蛋蘑菇手抓餅係即叫即製既形式整保證新鮮滾熱辣睇住店主煎個餅底，唔知係唔係因爲個餅底係雪櫃拎出黎，驚個餅底凍，個店主起勢咁煎，搞到有少少燶個蛋都係即打蛋即煎，同樣都係有d over cook，個人就喜歡9成熟既蛋我見佢都係用成大塊芝士，絕無偷工減料最後加沙律醬！不過只有沙律醬一種，連茄汁都無得選擇手抓餅真係食到啖啖既紫薯香味，都唔係流架！不過手抓餅底似係用機整？個餅底做到太結實，重點既手抓餅酥脆鬆軟既口感無左不過佢個芝士加蛋加蘑菇再加大量沙律醬，令到佢一啖咬落去非常搶味，又juicy，又足料！以強攻心態搶佔味蕾，味道夠晒豐富！幫佢升番唔少分埋單28

夏天踏入太安樓等外賣真係比死更難受，難得天氣轉涼當然要立刻到太安樓掃街啦！冬天最愛的紫薯系列，幾乎每次都叫呢款 — 芝士栗米煙肉紫薯手抓餅！手抓餅即叫即煎，餡料很多啖啖都食到暖笠笠的栗米，手抓餅餅底煙韌，能夠吃得出紫薯味，試過紫薯便很難轉回原味了！這個手抓餅比台灣吃到的結實有誠意，表裡都沒台灣的油膩，吃完整份個紙袋都不會漏油！但價錢已加到$26一份了... 抵唔抵食真係見仁見智，哈哈！

見到太安樓有兩間手抓餅，兩間都未試過就求其揀一間。由於當日落大雨，所以冇乜客人 基本上都係即叫即做，點左紫薯味餡料方面基本上離唔開芝士、火腿、吞拿魚、肉鬆等等，但足以令我選擇困難症發作。亂揀之下指左11號。芝士肉鬆八爪魚紫薯手抓餅 $26店員首先加熱塊紫薯皮，再加入芝士，最後放八爪魚。然後鋪上肉鬆、沙律醬卷埋。真係超熱辣辣！皮唔算厚，但都脆脆地。不過個人認為食唔到紫薯味，只係甜甜地。揀嘅餡料出左事，肉鬆本身帶鹹，加上八爪魚、芝士，真係鹹到飛起。同一時間沙律醬又酸酸地，呢份手抓餅如果加少少辣醬，真係一次過食哂甜酸苦辣益力多檸檬 $16由於手抓餅太鹹，我唯有點埋飲品。不過不失，有齊檸檬同益力多味，稍甜。

去開太安樓掃街都知呢間紫薯手抓餅啦，由中學開始黎掃街都食開另一間手抓餅，不過自從試左呢間就轉左食呢間，一黎因為個人都幾中意紫薯，呢到既紫薯味的確的出，但唔好話期望超濃味果種啦~ 而且論質感其實兩間差唔多，熱辣辣食加埋唔同饀都一樣野味，但呢到有得配搭好哂，可以唔洗逐款配料加錢抵d (我加好多野，又加芝士粟米肉鬆煙肉等等)， 我呢啲師奶黎架嘛不過呢到既沙律醬有點兒酸，個酸味會蓋過左啲配料既味所以大家諗下落唔落喇~又油又沙律醬，係邪惡架啦，食左先講啦