芽籠

营业中

休息中

見裝修咁靚，諗住試下，點知兜青木瓜沙律食到有膠片！講返d嘢食，1.串燒：落單唔夠2分鐘就上到，都冇咩太大期望嘅，d肉好鬆散，醬似沙爹醬多d2.青木瓜沙律，40幾蚊，一個女仔幾啖可以食嗮，都算，但膠片真係…… 話俾侍應知，9秒9銷毀證據。3.咖也多士 配豉油、溫泉蛋，……新加坡當地都唔敢咁有創意，目前係香港食過最normal 嘅咖也多士。4.斑斕薏米水，唉！一上檯見到綠到好似翡翠咁，都知係色素，插塊斑斕葉版斑斕水。總結：伏！求其一間東南亞餐廳都好過呢間！

【灣仔•芽籠】✨🐝@geylanghk————————————————————————由灣仔A2出口步行10分鐘到達 餐廳新裝修 門面招牌亮麗簡潔 主打地道新加坡風味食物 餐碟用具極靚 用料十足 選擇多唔會令你失望 😍👍🍯｜仁當牛肉斑蘭椰醬飯｜HKD 62配襯別具特色 班蘭椰醬飯十分之吸睛 綠色既米飯加埋小魚乾、花生、大蝦片 未食就覺得已經賣相滿分 牛肉用特製醬汁炆煮好入味🍯｜蟹粉海鮮喇沙泡飯｜HKD 72用料極足 喇沙湯底加飯好開胃 配料有大蝦、蜆、魚片頭、豆卜、青瓜絲以及十分吸睛嘅蟹粉 認真鮮味十足🍯｜娘惹生魚皮｜HKD 46魚皮配襯辣椒粒、蔥絲、芫荽、花生 極尚用料 味道可以辣小小就更為提鮮。🍹｜鮮椰青｜HKD 28清新清甜又解暑。🍹｜凍班蘭意米水｜HKD22青bb 底部有薏米 唔算甜 極易入口

之前去過好多次，一向感覺好味扺食！但今次去感覺比以前差少少🤏，個飛餅伴的咖哩汁好喊真係好喊，飛餅偏硬，無原有飛餅的鬆軟口感，海南雞飯啲飯都係偏硬。希望改善，保持以往水準。

無意中發現呢度有間食星馬菜，仲有下午茶價錢超級抵食😝公司行過嚟都係10分鐘唔使，間唔中過嚟食lunch都唔錯✨下午茶2:00開始均有附送餐飲♥ 雞絲魚丸蝦湯麵 $48本身諗緊食蝦湯麵定係喇沙好，之後同事話佢想食喇沙咁我就決定每樣一碗咁就可以share食！ 先嚟到試咗一啖湯底，係超濃郁蝦湯味！粗麵底麵質彈牙，食每啖都感受到湯底既濃郁😍♥ 魚丸魚條喇沙摻摻 $48食喇沙一定係食摻摻，米粉同麵線兩溝麵底先正！喇沙配料仲有豆卜、魚丸、魚條、芽菜、青瓜同雞蛋🥚，喇沙湯底順滑帶小小辣，梛香味濃食每嘮都能夠掛汁👍🏻♥ 咖吔多士配温泉蛋 $38多士兩邊都烘得香脆，夾住一塊厚厚嘅牛油🧈，加埋甜絲絲既斑蘭醬，真係好好食！基本上食得星馬菜都必嗌！最後我哋仲encore多咗一份🥳♥ 單骨鹹蛋黃雞翼 $38一見到鹹蛋黃雞翼都知要嗌🤣🤣🤣雞翼炸得香脆，點滿鹹蛋黃真係夠哂邪惡😈

又到OT暴飲暴食時間, 呢間近近地幾就腳, 之前食過佢既laksa幾好食~encore下先~上次食左laksa, 今次食........蝦麵啦~蝦麵好多料, 蝦, 溫泉蛋, 豆卜, 豬腩片, 青瓜絲~湯濃淡適中, 入口好舒服☺️雞絲大蝦撈喇沙摻摻, 滿滿的雞絲, 青瓜, 怡保芽菜, 溫泉蛋, 當然有蝦, 相對湯麵, 撈喇沙摻摻食落冇咁重口味, 夏天食, 正👍🏻話明暴飲暴食, 搭多兩串串燒~串燒一D都唔乾, 沙嗲醬好足蒜蓉辣椒🌶️焗沙白, 鹹香, 如果送酒一定👍🏻👍🏻😋埋單先200蚊😳抵食👍🏻

想食個早餐， 1130 等佢開門做第一枱客, 侍應都未瞓醒， 戴住口罩又唔應人。雙拼雞飯及魚丸湯 $78見有雙拼雞幾特別嗌黎試吓， 但燒雞好似中式燒味飯， 如果可以配油飯會比較正宗， 雞醬普通，偏淡，個湯係紫菜湯。芽籠喇沙摻摻 $68配料好豐富，有蝦，魚蛋魚片，蜆，豆卜， 個湯有椰香～咖也多士配溫泉蛋 $28食完覺得唔夠喉， 嗌左個咖央多， 多士飛邊烘底， 諗住係即叫即做， 都等左一段時間， 但上枱係凍的，佢話個蛋係攪勻再加醬油同胡椒粉，沾多士食，試完都係覺得唔加好食d~

【灣仔區】【芽籠】聽過呢間嘢好耐，首先係因為有一排有堆疑似鱔稿佬衝晒去寫，marketing 嗰啲通常都一浸浸咁去，所以就留意到。第二就係呢間嘢同新加坡嘅紅燈區芽籠（Geylang）係同名，因此特別留意到佢，我諗咁都合情合理吧。睇餐牌同裝修感覺好似啲連鎖東南亞菜咁，不過冇紙袋連濕紙巾嘅組合令我苦無證據。主食我叫咗 $80 嘅「海南雞飯拼喇沙」，將叻沙叫成喇沙似乎係香港獨有，而佢味道就一般啦。份雞飯就好食啲，除咗雞翼外都冇骨嘅。雖然佢已經係一個主食，但係我一場嚟到都想食多啲嘢方便我可以寫同埋影相畀大家睇。有見及此，我叫埋 $28 嘅「咖吔多士配溫泉蛋」。件多士係唔差嘅，牛油勁厚，隻蛋亦都 okay，只係冇提供胡椒粉感覺比較奇怪啲啫。之後我仲叫咗 $46 嘅「娘惹生魚皮」，估唔到佢又幾正，唔知用咩魚落去整，可以整到又厚又大塊又爽口，幾好食。杯嘢飲方面，我要咗 $22 嘅凍「美祿哥斯拉」，可能佢落埋美祿可可球，所以叫佢哥斯拉而唔係美祿恐龍啦。張單夾埋 $176 不過一個人食如果唔係好似我咁想寫多啲嘢畀人睇實情又冇必要食咁多嘅。價錢上尚算可以啦，我對新加坡菜要求高，所以一般可能已經好好。但芽籠

星加坡地道風味 我不嬲都好鍾意食星加坡菜 尤其是係雞飯 喇沙 唔使去星加坡喺香港都有高質嘅星加坡菜食呢間位於灣仔灣仔道地舖嘅芽籠 真係好高質裝修光猛 大量卡位明亮乾淨 一睇個menu都好多選擇而且價錢都唔貴 仲要有地舖好方便點咗個 #蟹粉蟹件喇沙面有油麵同埋米粉 滲落啲喇沙湯度好入味湯底唔算好辣 但係非常之鮮味 仲有半隻蟹同蟹鉗 再加咗啲獅蚶 成個湯好有海鮮味 仲有蝦 感覺回本 #鮮椰青 椰青水 好清甜椰肉仲好易掛到出嚟食 呢度坐得舒服價錢唔貴 好食可以再同朋友再去呀

🔸蟹粉蟹件喇沙摻摻 $78配料有：糖心蛋半隻、魚蛋兩粒、魚片兩塊、蟹半隻、豆卜兩個、螄蚶等等摻摻係米線撈油麵，米粉嘅份量係比油麵多雖然濃味，但唔算漏質地Creamy，椰奶味唔會過重摻摻比預期中辣，好惹味😋蟹粉鹹鹹辣辣，口感幾特別魚片同魚蛋，味道正常唔腥味道：8/10性價比：8/10🔸海南雞飯拼白胡椒肉骨茶 $86海南雞配上三款醬料：醬油、薑蓉、酸辣醬海南雞份量非常足夠有少少雞味，冇雪藏味雞肉如果鹹返啲會仲好食雞肉都係雞髀位😋雞皮有彈性，入口啖啖肉配上雞油香飯，幾夾肉骨茶好重胡椒味肉骨茶隻味道唔算突出味道：7/10性價比：7/10🔸鹹蛋黃魚皮 $38炸魚皮鹹脆香口底下係蛋黃醬汁😍令你忍唔住不停口食晒成碟不過食完發現有啲漏🤣呢個價錢嚟講係好抵食！😍份量好多，兩個人食都足夠！👍🏻味道：9/10性價比：9/10🔹環境：卡位好闊落好好坐燈光好足夠，用黃燈感覺好warm好舒服🥰🗣不須加一服務費-人均消費：～$100-整體味道：8/10性價比：8/10-#芽籠📍灣仔灣仔道221A號天樂大廈地舖

餐廳：芽籠地點：灣仔道菜式：新加坡菜餐牌：下午茶餐由兩點做到六點，8款主食選擇，包飲品三選一，無加一。魚丸魚條喇沙摻摻 $48魚丸魚條喇沙摻摻下午茶餐份量黎講都好大碗。個喇沙湯又香又滑，梛汁又夠，辣度剛好。配料有炸魚蛋8條幼條同炸魚蛋兩粒，雖然炸魚蛋細細粒，不過食落都唔差。豆卜4件，吸汁之選。糖心蛋半隻，個心好滑。仲有爽口芽菜，青瓜絲同脆脆加添口感。麵底係黃色粗麵加幼身粉絲，前者有咬口後者幼滑吸汁，加埋係好正嘅口感。雞絲魚丸蝦湯麵 $48原本仲擔心呢個雞絲魚丸蝦湯麵會太淡味，點知個蝦湯味道真係好濃蝦味，超好飲，唔會太淡味。中間有唔少瘦雞絲，都好嫩口，伴有兩粒魚丸，糖心蛋半隻同兩件豆卜，仲有芽菜，青瓜絲，脆脆，蝦米同蔥花。個麵原來都係黃色粗麵加幼身粉絲，好味。白胡椒肉骨茶配油飯或米粉 $58一上枱就聞到好香白胡椒肉骨茶味。個湯入面有兩大件連骨豬筋骨，好淋，一咬即化，味道都唔差。個湯都有三片五花腩豬肉，塊皮好彈牙，仲有兩件冬菇，腐竹同一大隻原隻蒜頭。個湯胡椒味適中，唔會太辣，都幾清。另配三色醬汁，包括豉油，蒜蓉同辣椒。仲有三件油條，少少脆脆地。我地叫左米粉，好大兜，係熱辣辣既。咖哩烤雞肉串

蟹粉蟹件喇沙滲滲個湯有濃郁，好多配菜。先講講佢既主菜 - 蟹。蟹粉己經融入湯中，所以湯底保留左一定既鮮味，加埋螄蚶，夠晒新鮮。而蟹件都有半隻蟹左右，入面有蟹膏，味道好鮮。配菜有溫泉蛋、魚片頭，豆腐等等，好豐富芽籠喇沙摻摻其實湯或同上面一樣，不過以蝦為主打，配料都係螄蚶、魚片、魚蛋、豆卜等等。喇沙湯底微辣，好夾大蝦。好惹味 😋！咖吔多士 +多士表面脆卜卜，入面有牛油同埋斑蘭醬，配埋溫泉蛋， 侍應話可以點溫泉蛋同埋豉油，呢個傳統新加坡食法真係好特別蒜蓉辣椒焗蜆呢個蜆都幾辣，但係好惹味，用錫紙包住蜆，啲蒜蓉辣椒汁就唔會流到周圍都係，完全滲入蜆入面玫瑰荔枝汁有少少似沙冰嘅口感，但係玫瑰荔枝非常之夾，尤其是荔枝，仲有幾粒新鮮嘅荔枝喺度！

海南雞飯嘅米飯綿軟，同埋帶有微甜嘅味道。雞肉煮得嫩滑，同埋帶有濃郁嘅雞肉味道，但係唔會太油膩。最後，醬汁係清淡嘅，但都配合到飯同埋雞肉嘅味道, 我覺得都整體都算係好味 至於叻莎嘅味道豐富，湯底都唔錯，湯汁唔算太濃稠，但都有足夠嘅味道。而配料方面有蝦、蛋、芽菜等等，每一種配料都有唔同嘅口感同埋層次感 至於餐廳嘅人流，我去嘅時候大約係晚餐時間，人流較多。始終都係新開張，環境整潔，至於餐廳嘅服務態度，我覺得一般，服務員嘅態度唔算太主動，甚至有位男店員有啲傲慢，如果換左態度麻麻嘅店員都會再去

呢間餐廳已經回頭左兩次😋係時代廣場附近，環境好舒服，價錢黎講唔算好貴，仲好多款選擇🤪 🍚海南雞燒雞配雞油飯 海南雞配燒雞真係一次過滿足晒兩個願望😂雞肉好嫩滑，個餐仲有個紫菜魚丸湯食完超飽！！🍖喇沙面慢煮無骨豬手飯 豬手份量好多仲要去埋骨，入口即融😋🍢參巴雞肉串雞肉串燒好滑唔會乾真真，配埋醬汁🤙🏻🌮蔥餅配咖哩汁 好耐無係餐廳見到蔥餅配咖哩汁！即刻叫左黎食😋蔥餅有4-5塊，好脆同好香蔥味🤙🏻咖哩汁有少少辣味好開胃😆🍗鹹蛋黃單骨雞翼 超邪惡既鹹蛋黃味🤤食到個陣沙沙地既口感😋忍唔住食完再食hehe

平時返工都會叫埋啲同事一齊搵好嘢食😋，今次我哋去咗一間新開無耐嘅新加坡菜餐廳🇸🇬，試吓好唔好食！因為餐廳都比較新，內用座位都坐得幾舒服。餐廳仲有啲一人座位比獨食人士，好貼心🤣！-🍴芽籠喇沙摻摻🍜($68) - 食物完全同餐牌上嘅相一模一樣，完全冇照騙👍🏻！配料都幾多，有大蝦🦐、螄蚶、魚片、魚蛋、豆卜等等。麵款有2️⃣款，就係摻摻必備嘅米粉同油麵。喇沙湯底好濃，帶有輕微嘅辣度🌶️，好惹味！而且湯底偏向杰身，令到啲麵更加掛汁，好好食😋！#也米食誌 #新加波 #香港 #美食 #新加坡美食 #香港美食 #喇沙 #叻沙 #灣仔 #灣仔美食

星期日行經灣仔這間新開的芽龍，標榜地道新加坡風味，門口棟個牌出嚟 做緊喇沙一人鍋 衹$88， 相片好吸引，好似好豐富，於是就被廣告吸引了入去。喇沙一人鍋 好豐富: 有油麵、 美國牛板健、 花雕雞， 還有，雜菇 蕃茄 生菜 豆卜等配料，花雕雞好滑，有雞味，牛板健係優質嗰隻。下次真係要試下芽龍的海南雞。朋友要了芽龍蝦麵 $68，一樣足料好正，蝦湯香濃 ，配料有豬腩片 青瓜 豆卜 流心蛋 蔥油酥。雖然係小店形式，但員工招呼殷勤，店面乾淨整潔，而且全店免加一，真係抵食兼好食。