芽籠

营业中

休息中

最近系灣仔搵到間食星馬菜嘅餐廳😍有我最中意嘅蝦麵，好開心，仲有咖吔多士，好滿足啊！餐廳座位都坐得幾舒服, 下午2點開始有下午茶，好抵食，$4x 蚊已經送埋飲品～手工拉茶比港式奶茶會偏甜D, 無咁濃茶味，但我好中意啊我就單點左蝦麵，個湯底真系好惹味，充滿蝦嘅鮮香味😋仲有幾隻大蝦，麵底系滲滲，即系有2款麵而每次食親星馬菜，我都好期待食咖吔多士😋厚厚嘅牛油再加埋斑蘭醬，真系好好味啊，多士亦已經x 得黃金色，咬落好脆口！

餐廳：芽籠地點：灣仔道菜式：新加坡菜餐牌：下午茶餐由兩點做到六點，8款主食選擇，都有輕食揀，包飲品三選一，無加一。海南雞配雞油香飯及紫菜魚丸湯  $56海南雞雞件大概有12件左右，有脾有胸有單骨雞翼，凍凍地，質素唔錯，皮滑肉嫰。配有海南雞三色醬，分別有甜豉油，薑蓉同酸辣醬。伴有青瓜三件。雞油香飯熱辣辣大大碗。紫菜魚丸湯非常熱，入面有一粒魚蛋同紫菜加蔥花。個湯稍鹹，好香紫菜味。魚丸魚條喇沙摻摻 $48我同友人都想食喇沙，於是每人一碗，魚丸魚條喇沙摻摻熱辣辣上枱，個喇沙湯又香又滑，梛汁又夠，辣度剛好。麵底係黃色粗麵加幼身粉絲，前者有咬口後者幼滑吸汁，加埋係好正嘅口感。配料有炸魚蛋幾條幼條同炸魚蛋三粒，雖然炸魚蛋細細粒，不過食落都唔差，夠彈牙。豆卜4件，好吸汁。糖心蛋半隻，個心好滑。仲有爽口芽菜，青瓜絲同脆脆加添口感。咖哩烤雞肉串配米飯 $46烤雞肉串3串，都算嫩，配黃咖哩汁好惹味，我覺得唔辣，味道微微甜，好正。伴有半粒車厘茄，青瓜幾塊，花生米同脆口魚仔，更可加添口感。伴有一大塊香脆蝦片。白飯份量係正餐份量。餐飲包括手工拉茶，南洋白咖啡同香茅紅茶，冷熱都得。手工拉茶大大杯。我地叫左少甜，又香

食物質素每次都有啲唔同，有時就好重口味，有時就吾夠入味不過杯拉茶都ok服務一般般，不過不失性價比就要睇叫咩，海南雞飯，雞扒飯性價比尚算可以，不過個牛肉拌麵就差啲，肉量好少，而且有筋咬唔開

灣仔灣仔道 芽籠.... Geylang 星加坡 菜式, 這裏地方舒適 裝修簡約, 我們坐下order兩份下午茶 ,經濟 實惠包括飲品, 味道 確實不錯, 午茶有很多款式, 任君選擇, 真是吃得飽肚又好味😋😋👍烤香茅雞扒飯 ..... 56元香茅雞扒外酥脆內軟滑 ，大大塊的， 真是大件夾抵食，油香飯 鬆軟而且略微微的 彈牙， 確實是好好味道， 仲有花生，青瓜 ，車厘茄和半隻鹹蛋真是醒為 又飽肚。😋😋👍👍海南雞配雞油飯及紫菜丸湯.... 56元海南雞皮爽肉滑， 好有雞味， 紫菜湯 清淡可口 ，香油飯 香噴噴 大大碗， 爽口好味， 仲有三種醬料 令雞飯倍添滋味， 加上青瓜伴碟， 這個海南雞飯 ，真是清香而且絕不油膩👍👍😋😋😋😋熱手工拉茶.... 下午茶附送星加坡拉茶味道特別香濃, 熱騰騰的 茶香奶滑👍👍☕香茅紅茶......... 下午茶附送香茅特別嘅香味和紅茶混合, 味道很有特色， 真是 解渴又消滯☕👍😋

餐廳裝修幾典雅 座位坐得舒服 仲有卡位揀主打各類新加坡特色麵/飯/小食/飲品等 特別係招牌喇沙摻摻/海南雞都幾高質😃價錢又唔算好貴 仲有全日套餐 性價比唔錯而且上菜速度快 落單唔洗10分鐘已經有得食👍🏻🦀🍚蟹粉海鮮喇沙泡飯 $72上枱已經聞到濃郁椰香味 個湯底濃稠度剛好食落惹味 聞落又香 仲有陣辣辣後勁配料都幾多 有大蝦/蜆/豆卜/青瓜絲/蟹粉 鮮味十足湯底配飯冇揀錯 比麵更加索汁😍口中充滿海鮮風味🤩❤️🍚🐔海南雞飯拼喇沙 $80如果你又想食海南雞飯 又想食喇沙呢度嘅Menu配搭就可以滿足你👌份量多 又嫩滑又啖啖淨雞肉😋特製嘅3款醬汁 搭埋香氣四溢嘅油飯 正🤩🔥仲有碗細喇沙 唔好以為乜都冇 材料有鮮蝦/芽菜/魚片/豆卜/糖心蛋食晒咁多樣野飽到傻咗🌶️🍲🦐🥗櫻花蝦青木瓜沙律 $48爽脆青木瓜配埋細緻櫻花蝦 有咬口但呢款沙律比較正宗 冇乜魚露反而酸+辣嘅味道更突出帶來一種迎合炎炎夏日涼爽感🌿❄️

晚上七點去依間餐廳食，一坐低就落order，有個男職員同我地點餐，落order途中已經不斷聽到個女職員話唔夠人，要啲客等陣，過左半個鐘，聽到有其他人話漏單，好多人都鼓譟， 我都心知不妙，立刻叫個經理幫我check單，個經理行到埋嚟，話再幫我落反單。個陣先知我地都漏單，個經理一句對唔住都冇講。原來唔此我地，最少有三枱都係漏左單，真係好過份。最後我哋走左，如果再落order，唔知會唔會等到九點先食得。間餐廳出菜又慢，職員做野又慢，又漏單，態度又差，個個都唔想做咁，我唔明點解依間餐廳仲可以生存。唔建議嚟食！！！唔好浪費時間！！！

上一次食晚市已經覺得抵食，今次食午市，全場滿座。等咗一陣先可以入座，望下menu，難怪，原來午餐CP值再下一城！ 《咖也多士配溫泉蛋$28》 食過幾間星馬菜，講緊都要三四十蚊。佢呢度仲要厚切鮮牛油，連兩隻溫泉蛋配黑酱油，膽固醇我嚟啦）））） 《魚三寶檳城蝦麵$52》 同其他舖頭嘅蝦麵湯底略為淡口，冇咁濃，反而少咗一份負擔，仲有大量芽菜同乾蔥。 《娘惹茶燻鴨(油香飯)$58》 入口茶燻濃，好彈牙，口感似火腿同扎肉，挺不錯。但油香飯乾咗少少，撈埋啲蝦湯又係另一種食法。《參巴雞肉串燒$48》 超級入味！好香香茅！連朋友本身唔食香茅都話呢個好食！不過都係略嫌乾咗少少。除咗加咗青檸汁酸酸大辣嘅伴碟森巴醬之外，額外送上泰式甜辣醬，兩種食法。午餐仲要包嘢飲, 我哋叫咗《熱桔仔話梅水》《菠蘿椰汁水+$12》CP值高成咁, 應該好快會三刷！💡💡💡💡💡

灣仔打工仔恩物，平價新加坡馬來菜，性價比高。依間餐廳之前食過，嗰陣時唔包飲品，冇午餐套餐。感覺唔係太抵食最近佢出咗啲d 午市套餐，價錢平咗之餘，仲包埋飲品，立即吸引度大增由於我好鍾意食海南雞，見到依個海南雞米粉立即就係不二之選食物嘅擺盤同啲碟都好靚，增加咗食慾， 個海南雞就似白切雞多啲😅😅😅不過個米粉就好好食好彈牙似係新竹米粉，另外仲有隻糖心蛋都好流心飲品就梗係呢啲特別啲嘅香茅紅茶啦咁嗰個就係普通紅茶😅，但係都係好飲嘅

今次又嚟幫大家覓食,發掘下啲又平又好食嘅餐廳😌《班蘭葉雞翼 $39》班蘭葉雞翼幾好食,炸得好脆,另外跟個辣醬幾好味,令個雞翼更惹味!《古羅烤香茅雞扒飯 $56》可以揀油香飯或者白飯,咁我梗係要油飯啦🤣不過個飯冇咩油香味,烤雞扒大大份,同樣做到外皮好脆,忍唔住食晒啲雞皮😂《凍手工拉茶(跟餐)》跟餐飲品有四款,其他就要加錢,揀咗手工拉茶,有得走甜,幾好,味道就正正常常啦,茶味都有啲既,偏向多奶少少,係預期中既味道🤣!不過杯野飲上枱個陣個杯好濕…呢樣可以稍為改善一下,但係我都飲晒成杯!整體性價比好高,全日套餐都只係五十幾六十蚊,仲包埋飲品,味道都算唔錯,抵食得黎又幾好食👍🏻芽籠灣仔灣仔道221A號天樂大廈地舖[⭐️5分為滿分]味道⭐️⭐️⭐️⭐️環境⭐️⭐️⭐️服務⭐️⭐️⭐️⭐️價錢⭐️⭐️推薦⭐️⭐️⭐️⭐️

Recommended by my family reading from newspaper about their laksa noodle and broth, we spent our afternoon tea here today. Restaurant was bright and with quite a lot of seatings. Menu serves variety options while afternoon tea sets indeed quite a good deal. My shredded chicken & fish ball mee in prawn soup was served with a seafood aroma. First sip of broth wasn't as prawn taste as I thought it would be. Noodle was given generously, both yau mee and vermicelli; while only few shredded chicken wa

#搞串個pantry今次喺#銅鑼灣 行過咗鵝頸橋街市🥕，行多兩步就見到一間裝修好精美嘅新加坡菜餐廳🇸🇬！餐廳裝修非常新淨🤩，座位坐得好舒服，仲有最抵讚嘅係服務勁好，啲姐姐勁nice☺️！今次就嗌咗🟡海南雞清雞湯米粉($48)、🟤娘惹茶燻鴨配油香飯($58)、🔵芽籠螄蚶($66)、🟠鹹蛋黃魚皮($38)、🟢凍美綠哥斯拉($12)、🔴玫瑰荔枝沙冰($12)。🍜海南雞清雞湯米粉無論米粉定係海南雞嘅份量都好多😋，湯底飲落清淡，有少少雞湯🐥嘅清香，唔會偏咸。米粉食落口軟硬適中🍜，而啲海南雞都好好食，唔會太過油，肉質都相當嫩滑🤤！🍛娘惹茶燻鴨配油香飯呢個飯都超正！茶燻鴨食落好香😜，外皮勁香，有一陣煙燻嘅味道，肉質都好腍，食落有鴨嘅油脂感😚！🦪芽籠螄蚶呢道菜嚟到一定必嗌💕！！螄蚶上嘅時候已經開咗個殼，食落口一啲都唔腥，仲食到螄蚶本身嘅鮮甜🤤！另外一樣出色嘅係佢嘅醬汁，佢嘅醬汁酸酸地、辣辣地🌶️，配埋螄蚶一齊食，真係超級正🤩！🥚鹹蛋黃魚皮呢個炸魚皮都唔錯，外面包裹住一層鹹蛋黃🥚，令到平時平平無奇嘅炸魚皮，食落口有一大浸好香嘅鹹蛋黃味😋，同時令到口感生色唔少！

🌟参巴雞肉串燒（4串)🌟雞肉好嫩，由內至外的香料味十足，再配上一啲辣椒醬，香香辣辣，十分入味。🌟鹹蛋黃單骨雞翼🌟外層鹹蛋黃炸得好鬆脆，而且唔會太厚，鹹蛋味適中，唔會太鹹。無論大人同細路都一定鍾意食。🌟海南鷄清雞湯米粉🌟海南雞嫩滑，米粉爽口，軟硬適中，湯底好有清湯雞有味，－啲都唔油膩，糖心蛋好滑，加埋其他配料一齊食，非常豐富。🌟娘惹茶燻鴨🌟茶燻鴨有煙燻味，少少鹹鹹地，可以加埋喲酸辣汁一齊食。油飯粒粒飯香味，𤏪埋啲花生、鹹魚仔同青瓜,令飯味更加豐富。🌟熱手工拉茶 🌟茶味香滑，唔會太甜。

服務態度超差今晚第一次去呢間食星加坡食肆，就遇到不愉快對代。因為店內枱已經坐滿，所以取了一張票等位。眼見服務員已入執完幾張枱，個肥店長都冇叫外面我哋幾個等緊入坐的顧客入坐。店外氣温高，我哋都等到滿身汗。我忍不住，同埋又趕時間，所以入店內等。點知個肥店長叫我出番去等，話我咗住啲客！佢仲特登等幾個外買客落完單，都唔叫我哋出面等緊的客人入坐。入座後，我哋立即落單，呢樣又話冇，個樣又話冇。我要捻捻先揀到，個肥店長居然話叫我捻清楚先好叫佢落單！店內已經有多張空枱冇人坐，都唔知佢忙乜！到埋單，多謝都冇句！仲黑口黑面！我哋話晒都係客！呢間舖我哋唔會再去！

下午兩點左右去咗灣仔道221A天樂大廈地舖的芽龍食下午茶，餐廳裝修簡潔舒適。進入餐廳時已有頗多客人，由此可見，餐廳的下午茶又抵食又美味。白胡椒肉骨茶配米粉$58套餐可選油飯或米粉，份量十足，豬肉排煑得很軟稔及入味，肉骨茶沒有太重的藥膳味，但有香濃的胡椒香味及微辣，還配有三小件的香脆油炸鬼，增添美味。蟹粉蟹肉酥盒$42酥盒盛載着蟹粉蟹肉，一口咬下，口感酥脆又特別。咖吔多士$28烘得兩面脆的多士，夾着厚厚的牛油及咖吔醬，美味可口。芽龍螄蚶$66螄蚶非常新鮮，肉身飽滿又鮮甜，再點埋個酸辣醬，好食到停唔到口。熱手工奶茶，凍南洋白咖啡跟餐$0奶茶香滑，咖啡香濃，好飲。

餐廳：芽籠地點：灣仔道菜式：新加坡菜餐牌：各類新加坡特色麵飯如喇沙摻摻同海南雞飯等等，多款小食，肉類，飲品。無加一。海南燒雞配雞油香飯及紫菜魚丸湯 $72 海南燒雞果然係有燒雞皮，好薄身。雞件大概有12件左右，有脾有胸有單骨雞翼，凍凍地，質素唔錯，頗嫩。配有海南雞三色醬，分別有甜豉油，薑蓉同酸辣醬。伴有青瓜四件可以解膩。雞油香飯大大碗。紫菜魚丸湯非常熱，入面有一粒魚蛋同紫菜加蔥花。仁當牛肉 $88仁當牛肉配有兩大塊蝦片，都算香脆。蝦片下面有好多仁當牛肉，都大大舊啖啖肉，少少肥膏少少筋，味道都唔錯。配有花生米，魚乾蝦乾仔，又香口又有多重口感。伴有青瓜同車厘茄可減膩。餐牌寫微辣，呢個辣度可接受。怡保芽菜 $36怡保芽菜熱辣辣上枱，芽菜份量比想象中多，面頭加上蔥花同脆碎，味道唔錯，撈埋個參峇醬微微辣，好惹味。食物質素唔錯，平日午市時間好旺場，坐到卡位環境更舒服，服務員態度好helpful。