芽莊越式料理 (新城市廣場) (已結業)

星期六的晚上，沙田新城市廣場間間食肆都好墟冚，可能因為芽莊在7樓，用app攞籌幾分鐘就有枱，我又一向鍾意食越南嘢，所以二話不說就入座~蒲坐下，侍應姐姐遞上餐牌，就拋下一句「用餐時間一小時」！晚餐喎，60分鐘？食吓講吓，60分鐘真係好趕急囉，反正門口又唔係好多人等緊位，實在唔明白為乜要訂得咁harsh，鼎X豐都有75分鐘啦……因為只有兩位用餐，我們都唔係大胃王，所以只點了兩碗粉、一份沙律：河內牛爽腩粉：牛腩半肥瘦，煮得入味又腍，個人覺得好食過生牛肉~安南藕苗蝦沙律：第一次食藕苗，好爽脆，但藕苗一條嫩三條老，個別仲老到有渣，anyway，配埋酸酸甜甜的沙律汁一起食，好清爽開胃~ 燒牛肉撈檬：上菜時，牛肉兩大卷，好真材實料咁，不過我冇份食，唔知咩味~ ---------------------我們20: 15開始，侍應姐姐真係21: 17左右就來清枱，仲話出面有客人等緊，方便的話請讓番張枱出嚟。我望一望門口，真係一個人都冇，再望一望店內，不止一張吉枱囉，唔明白點解要咁樣咄咄逼人~

星期一的沙田芽莊，不用等位便可入坐。內子每次來這裡，必定要點一個河內蕃茄蟹檬，至於筆者就沒很好胃口，點了個芥蘭苗、雞串燒和豬扒濱海來湊合一下。 這道芥蘭苗點睛之處在於面頭的蝦乾、碎腰果花生，令普通的炒菜多了一分惹味感，當然，芥蘭苗亦不失嫩口。 這個串燒其實「性價比」不高，三大串便要六、七十元，質素幸好亦算不錯，外面香脆，肉質尚算鮮嫩，不過之前的沙嗲汁是分碟上的，現在就難點一點。 越南的濱海，其實就是米粉餅鋪點碎腰果花生及蔥，然後夾肉同食。這個豬扒濱海的香茅豬扒由一塊分切幾件，夾米粉餅會太乾，需加上越南甜酸汁一起吃才易入口及夠風味。 內子的主菜如果要她自己一個來吃，她亦不拘，誠言蟹肉加上蕃茄的湯的確很有鮮味，有小半隻蟹釣味，亦有扎肉片、魚肉丸和蕃茄隨湯，配料十足，算是抵食，五星全因內子的盲愛。飲品方面，內子點了凍青檸茶($38)；筆者就點了青檸梳打($36)，只為平常點的檸檬飲品帶來一點新鮮感，味道不錯。

今日剛剛健身完，肚子正餓，便到附近沙田的芽莊醫肚。星期三的下午8時，芽莊尚且沒有人龍，我們倆便直接被帶領入內。每一張桌上都放有一枝是拉差辣醬、甜酸汁和甜醬。另外亦有一碟青檸和醃了的辣椒。辣椒的味道很嗆，我試了一口便放棄了它。牛腩拼生牛肉湯河：湯底非常好，味濃之餘不覺味精味；而且配上越式的配料如九層塔、蔥段、洋蔥和芽菜，感覺清新爽口；我們加了幾滴青檸汁於湯底內，更加開胃！牛腩炆得稔而入味，生牛肉片牛肉味重而嫩。河粉不會煮得過淋，與湯汁一起，很好吃呢！這湯河可以一點再點！鑊仔煎餅：之所以點這個煎餅，是因為貪新鮮，想試一試。但一試便覺得物非所值！小小的煎餅索價$90，本以為會很足料，但原來只是一片薄薄的煎餅包著芽菜、洋蔥絲、少量的豬肉和1-2假蝦，完全不值$90！食用時切開煎餅，用旁邊的蔬菜包著煎餅來食，味道一般已而。

前排同男朋友去睇玻璃花 就順便食芽莊 我食越南野最鐘意叫米紙卷所以就叫左依個濱海豬肉卷個卷捲得好實 味道清淡 食到有少少豬肉味要點醬汁先比較有味道 牛油雞翼 其實有4隻 已經食左兩隻雖然脆 但個粉醬好厚都冇咩味好似食緊冇味既脆香雞翼 不過雞肉厚身 肉味都啊錯 壤魷魚 依個好好食！外層既魷魚烤得香噴噴 食落又唔會好膠好硬入面係豬肉碎同其他香料 好好味食完好想叫多碟 蟹黃蕃茄湯檬都幾多野食 有蟹腳 扎肉片 魚丸同蟹黃蟹黃好香 好濃 雖然份量就少左d 湯底好有蕃茄味 唔會有味精味

諗lunch食咩，有時都幾煩。今日剛好喺沙田，就上新城市項層搵食～先發覺原來沙田有芽莊，咁今日就越南菜啦呢間環境相當不錯，枱櫈到餐具都有特色，服務都很好。今次叫左春卷，燒雞之類招牌菜都水準之內特別推介生牛肉粉，河粉夠滑，牛肉肉質都鮮嫩，湯底用多種香料制成，夠香夠味道👍👍另外仲有青檸辣椒等配料可以自己加上

柚子清香，腰果與香菜口感極佳。大蝦口感似橡膠，不提也罷。配菜比同品牌尖沙咀店少很多，失敗。湯底與牛肉不過不失。粉口感普通。雪到起冰。加咗呢啲之後，就係美國風味越南粉。入座起計限時一小時食完走人。叫多咗、食得慢咁點算？！？！又確係坐無虛席。冇過鐘。

今天興致勃勃到沙田接男友放工，每次到沙田新城市都會到芽莊用膳，芽莊可算是我們沙田的飯堂了，哈哈！是必吃的! 雞翼炸得香脆，而且很肥美。加上青檸汁一起吃，酥脆得來帶點清新，不覺有油膩感，真的很美味呢!青瓜及生菜頗新鮮, 沙律汁酸酸甜甜，頗開胃，上面加了些芝麻和花生碎, 令整體口感更豐富。可惜牛肉燒得過火，有點乾。上菜時看到蔗蝦表面的油光初時有點擔心，怕吃完感覺會很「滯」，但包著爽脆的生菜和青瓜一同吃感覺還不錯，蝦膠彈牙，加上甜酸汁，確實不俗。裡面的甘蔗更令我們大為驚喜! 一咬，蔗汁都爆出來了! 味道很清甜呢。熱騰騰的湯河很足料，河粉細滑，牛肉味濃，加上thai basil和香蔥一起吃，滿足感立即湧上心頭。唯一不足的是牛肉湯應該放了味精，因為吃完覺得很口。可惜可惜......總括來說是很美味的一餐，雖然每次我和男友都想試試新城市其他的餐廳，但相信下次重臨這裡時，我們又會忍不住.................嘻嘻 :9

離別前最後一餐,起碼7日先再見大王 ,今日特別d,唔食西餐,食越菜,由於去到都2時多了,所以好快有位,其實唔使有咩特別好食,就點了些大路d,牛油雞翼,好香脆,幾好味,但都幾熱氣香煎讓墨魚,墨魚太硬,反而讓入的肉餅幾好食濱海朱肉卷,朱肉不太多,菜多幾清新,爽口河內魚餅,魚膠彈牙,有魚肉味燒乳豬,看似好多,其實得前排有肉,幾脆但肥了點菠蘿冰,冰好多,大王皇恩,贈予本人大量冰碎,真係透心涼 總結味道尚可,但失望是沒有甜品,服務唔錯

今餐話係同朋友餞行（其實只不過係離開香港去玩一星期而已）…～_～!!...無所謂啦…由朋友揸主意…近近地黎左呢度食…2點黎到…咁啱有人埋單…唔駛等位…就算要等...都劃左個等候區...唔駛怕無得坐...呢度係自助式餐枱…咩都放哂係度…二人枱2x2呎相信唔少得…飲品唔記得order少冰…杯已經唔係好大…冰已經佔左1/3…唔知越南菠蘿係咪同香港唔同樣…菠蘿肉呈橙色…有1/4杯…幾甜…魚餅內裡加左爽口既馬蹄…彈牙之餘又有d咬口…無咁單調…朋友話呢度墨魚出名…都唔知係咪呃我…墨魚有d乾、硬、韌…好勉強食左一件之後…其他都放棄了…為免浪費…只食內餡…可是內餡也不見得有驚喜…只是粟米肉而已…綠色配醬並唔係薄荷黎…反而有d辣味…雞翼好脆…不過不失…只是迎合小朋友口味既食物而已…濱海卷材料豐富…無咁肉食…附有花生醬…不過濱海唔夠酸甜味…有d失色…燒乳豬係慢烤煮熟...外皮薄而脆...好似食薯片咁既feel...保留肉汁...但肉有d肥同韌..未如想像中好食...其實呢度既食物味道比較偏淡...好多時要配醬...呢枝話係香甜辣椒醬...但一d都唔覺得甜...反而感覺好辣...雖話係越式...但似乎食物款

兩點三入到去坐低先發現有下午茶供應，抵咁多當然等多陣啦~雖然餐廳只有六七成滿，不過都係俾店長出門口等^^"有小食、主菜、飲品三款自由配搭，兩款$60, 三款$70，係貴價商場嚟講都算抵食~最後揀了----牛油雞翼：算大隻，牛油味好重仲滴緊油添，外有少少脆內都幾嫰，不過似係翻炸生牛河走青：牛肉有三塊，有啲厚度，味道比滑牛好啲咁啦^^"我覺得都係薄牛肉夾啲好味啲青檸梳打走甜：好多青檸，唔錯，飲完仲可以自已加啲水落去，健康之選另外佢亦會有一碟辣椒青檸方便自行調味，辣度都幾足㗎~值得一讚嘅係服務幾好，店舖人手好足，一叫就有人serve加水亦密，發現廚房無走青時，本來我都諗住唔出聲自已挑算啦，點知侍應見到即刻主動話幫我換！不過店內仲有位嘅時候，其實都可以通融下等啲客係入面等，橫掂出面又無人等

魷魚餅，綠色的是辣醬汁，not very spicy魷魚味very nice and fresh，入面包著豬肉和其他配料，口感特別service was very attentivethat lotus tea was very goodI love it!!!so refreshing and has a unique taste炸魚餅好好肉地好厚好juicy very彈牙

今天為大家介紹的這家餐廳主營越南菜，餐廳是以越南的一個南中部城市命名，這個城市靠近海邊，有著豐富的海鮮資源，自然也成為了餐廳的主打，城市名嘛，極富越南風味，叫做「芽莊」~芽莊在香港有多家分店，小編去過沙田新城市廣場分店和海港城的分店，兩家裝潢不太一樣，個人更喜歡沙田的風格，有一種荷塘月色的寧靜韻味。每個桌上沒有冗雜的調料瓶，只有一小瓶獨家秘制的越式酸甜醬，和泰式甜辣醬相比，前者口感更加清淡，卻又不失開胃的功效，很棒~點菜的時候參考了一下攻略，自然要點上河粉檬粉類的主食咯~番茄蟹粉湯檬是店內的主打招牌，端上來紅紅火火的特別惹眼，喜歡番茄湯底的朋友別錯過了！除了濃郁的湯底，澆頭也挺豐富的，有大大的蟹粉丸子以及其他叫不出名兒的食材，蟹粉丸子很嫩很鮮，但並沒有半絲腥氣，算是整道菜里的亮點了！手切牛柳湯河以及順化牛肉湯檬，兩個味道都比較清淡，只不過牛肉的處理方式略有不同，但其實吃到嘴裡感覺都是一樣的。價格嘛，手切牛柳要貴上20塊，就看你如何選擇啦！河粉端上的同時會配以青檸、香茅、泰式辣椒等食材，可憑個人喜好加到碗里~吃主食的同時，可以考慮佐以適當的小菜。網上呼聲比較高的就是這道安南藕苗大蝦沙律，

是日為放假天、好友從澳洲回來、話想食越南嘢。所以近近地就去咗沙田食。因為中午12點正已經去到，所以不用等位。坐底就即刻點菜。無耐餐廳都已經full哂！兩個人叫咗三樣嘢！埋單連加一220蚊。

今日去左食越南野，沙田芽莊因為食TEA，所以叫左唔算太多野ORDER左一個粉同串燒串燒-- 真係幾好味，食野最緊要係熱，佢黎到都仲有煙出黎，已經好吸引。個汁唔係就咁沙嗲汁，佢有係上面放D花生碎，所以比一般既汁係香好多，而且個汁都係熱，可以見到間餐廳係花左少少心思落去。雞絲湯河 -- 平時食其他餐廳，好多時D雞絲都係好少。呢一間係我食咁多間之中，其中一兩間真係比夠雞絲，唔係是但得幾條。個汁係牛汁，所以D味都好夠，雞絲又足料，所以食到最尾都仲有，唔係食剩晒得D河粉。

再次光臨這間越式餐廳又有別的一番風味第一次來的時候只抱著試試看的心態 今次才能夠認真品嚐難得和兩位好姊妹共度晚餐 叫了四個小菜（不能吃太多嘛😂）濱海伴香菜、芽莊炒飯、越式炸春卷、拉椰葉燒牛肉另外再加了一壺熱蓮花茶上菜還算蠻快的 第一個上的是炒飯！大概只是等了5分鐘而已油還下的挺適量 還是感覺到一粒一粒的 超得不錯 特別有些肉也很入味不過份量不太多 也是剛好夠三個人吃 也就三碗飯的份量春卷值得一嚐 特別配上本來就預備好的醬汁（平常吃的那種酸酸的、橙色的那個）炸得好脆！而且裡面的餡料也很足夠！濱海伴香菜就是米粉餅再配些香菜 這個並不推薦 香菜的味道好像街邊吃草一樣 不太懂得欣賞😂最最最值得一提的是燒牛肉 還未吃已經聞到陣陣牛肉香味 尤其配上青檸汁 吃下去十分惹味！綜觀來說十分不錯