茶廳 (已結業)

平時應該有好多人會講: 青衣城有咩野好食呀～食來食去都係個幾間。😏😏 因為之前每次去亞博睇演唱會，大家都好頭痛，究竟去邊度食飯好呢？去青衣定去東涌？今日我終於搵到新答案😉😉唔知大家知唔知，青衣城開了第2期，係青衣站A1出口過條天橋仔就可以行到去第2期囉～第2期有3層全都係食肆，而且仲有個天台花園添🌳🌹🌻🌼。今日就同葵涌區好友去青衣城2期的“茶廳”食晚飯，餐廳裝修都幾骨子，有兩幅大大的畫是香港大排檔風景，另一幅是商場外觀同餐廳招牌，設計得又幾有特色。😎😎仲有呀佢哋有自家生果風乾機，自製生果乾，嘩~太勁了吧～而家好多餐廳都與時並進，佢哋餐廳都一樣，有微信或whatsapp落單真係好方便快捷喎。🤳今次最吸引我哋令二人大開食界，竟然係甜品🤣🤣。咩料呀～點解茶餐廳甜品可以咁出色同講究架。聽到都覺得唔簡單，食落仲不得了。大推📣📣 : 薑汁法式焦糖燉蛋配豆腐雪糕 $38我哋食到4層口感，第一層是焦糖的甜，再嚟係雞蛋嘅香，之後出到薑汁嘅辣，最後係咩呢～酸酸地嘅🤔🤔原來係裝飾上紅色粒粒嘅紅桑子raspberry裡面的酸甜味呀～再配上豆腐雪糕，簡直食到心花怒放💞💞，你贏了👍🏻👍🏻👍🏻。已經緊緊地俘虜了我們

上星期去到青衣城行街，行完就去了位於二期的「茶廳」食晚飯。起初以為係間普通港式的茶餐廳，但食落發現原來食物唔止有驚喜，仲唔失禮。🔸茶廳咖哩蝦球啦沙燴意粉平時甚少係港式茶餐廳見到的茶式。啦沙燴意粉真係第一次食，味道唔錯而且隻啲蝦都煮得幾入味同彈牙！🔸避風塘干炒黑白胡椒豬扒一丁依個豬扒一丁絕對值得一食。除左落重料煮出避風塘的味道。佢個豬扒亦都係入口鬆軟，一啲都不韌！果然係王牌！🔸薑汁法式焦糖燉蛋配豆腐雪糕無諗過可以食到焦糖燉蛋。加了薑汁，成個燉蛋味道好清新可口。而且焦糖亦十分香脆，拍得住出面啲西式甜品店。🔸煉奶雪糕朱古力醬窩夫賣相精緻而且吸引！窩夫係即叫即製，所以上碟時係新鮮熱辣。食完亦不覺太heavy，係作為飯後甜品一個不錯的選擇！（如果多啲朱古力醬，會開心啲。）除咗service好，食物質素都唔錯而且多選擇。下次再黎試埋其他菜先。

今日，小弟第一次去青衣城茶廳，平時都有留意佢無乜人食，所以就試下佢既早餐。試完我就明白依間茶餐廳點解少人去。一入舖，個黑衣男，估計係老闆叫:喂，你幾多個？我答一個。埋面走廊位啦！(一張好窄既枱同圓櫈)我見咁情況，因我攞住個筴，嗰張枱太窄，所以我諗住唔食並準備離開。男人叫:個筴放係度(水吧外)，你坐入去咪得囉。(水吧離張枱有五六米)我睇唔到，我都諗住走，姐姐依個時候走埋見我攞筴，佢就話出黎”答抬”(四人枱)。我坐底左面向水吧位，望到筴，諗住服務有返啲希望。我示意幫我落單，姐姐係收銀處大叫:食咩呀？我唔希望我下落單要大叫，我沒有回應。姐姐嘆左一口氣行過來，都係大聲問我:食咩呀？我回答了。係等緊既途中，我同枱既右對面有位食客(佢應該食xx米粉，熱飲)佢食左幾啖(如圖)，有啲唔高興同嘆氣，玩左一陣手機，無再食就俾錢走左。當時，我仲不以為意心諗:嘩！咁浪費呀？我個早餐到了，食左幾啖沙嗲牛肉麵，無味。。。。啲沙嗲牛肉凍既。。。。炒蛋有鑊撈(黑色粒塊)，覺得間野無心做。最後，有四位客入舖。當時我杯飲品剛開始飲。黑衣男見我一個人，佢立即攞起我杯野，叫我坐過隔離，話有四個人等緊。我知道依間原來係快餐廳而

想像不到在青衣會食到質素如此高的茶餐廳! 餐廳說實在, 座位不太多, 但設計用心優雅, 以青馬大橋做主題, 把景觀形象化地設計於牆上, cushion 面的座椅令人坐得十分舒適。牆上有很多之前的副刊，娓娓道來大廚的來頭不小，原來是一位在半島酒店做了30多年的高級西廚跟廚魔一起開的餐廳。怪不得朋友一定要今晚跟我來這間餐廳新嚐, 怕是日後會大排長龍了。招牌手撕雞撈麵 用上紅磡老字號的頂級蝦子麵, 加上自家製的蝦米油爆香, 再鋪上手擲雞肉, 風乾的泰國白蝦米, 秘製蝦米辣椒油, 芽菜, 木耳等等, 拌勻在一起吃, 令蝦米油的獨特海鮮鹹香滲入蝦子麵及配料中, 香氣撲鼻, 辛辣的多重口感, 層次豐富, 是夏日必食的風味撈麵! 招牌茶廳焗豬扒飯 配熱飲餐廳用上了脢頭豬肉, 經慢煮3小時煎香至黃金色, 肉質很鬆軟, 再加以鮮蓄茄醬及鋪上厚厚的的芝士去焗。芝士是成本不便宜, 價值上千多元的瑞士Guryere 芝士, 芝士味十分濃郁, 性價比很高! 而且在芝士面上的蕃茄也十分講究, 竟是風乾了的蕃茄及菠蘿, 使味道濃縮脆口, 又能作點綴, 真的沒想到焗豬也可以食得如此考究, 不是坊間的焗豬可媲美避風塘干

呢間茶餐廳起青衣城二期最角落頭一個位，我哋四個坐低叫咗招牌豐哥雞飯，菠蘿生炒骨套餐，芝士鹹牛肉甜包，避風塘乾炒黑白胡椒一丁，咖喱牛肉飯。飲品就叫咗熱華田凍華田，涼粉雪糕紅豆冰，雜果賓治，熱檸水。甜品就食左雪糕焦糖燉蛋，煙央奶凍，豆腐雪糕。個雞飯一上黎就好吸引， 啲飯半豬雞汁同埋蛋漿好好味，而且啲雞好有口感，強烈推介呢個雞飯。芝士鹹牛肉包都非常好味好香芝士味，個包外脆內軟。避風塘一丁都係推介之一，非常野味好有鑊氣。一定要試嘅就係佢個雪糕焦糖燉蛋，個蛋係有薑汁嘅唔會好夠勁好味。而且一個服務員叔叔仲好熱情。

青衣城最近開左間餐廳 朋友食過話推介 今次經過呢附近就同朋友去試下喇卡邦尼黑松露意粉-個汁好杰 條條意粉都掛滿汁 食落口感極之豐富 唔會水汪汪麵質又keep 住個硬度 個sauce 非常惹味 皇牌炒飯-初初點呢個飯時都耳為係普通炒飯 原來配料好多而家好多種類 有蝦仁 叉燒 松露 旦 西芹等等 咁多配料其實唔需要加好多調味料已經好正招牌茶廳焗豬扒飯-話明招牌 當然一定要試試佢 焗得剛剛好 芝士份量多 基本上撈到底都仲有芝士 而且茄味濃 豬扒juicy 好食過大家樂個個多多聲菜心炒牛肉-牛肉唔肥 而且菜新鮮好健康 涼粉紅豆冰練奶雪糕-呢個夏天真係一定要飲 夠哂消暑 加上雪糕令成杯飲品更濃郁好飲薑汁法式燉旦配豆腐雪糕-呢個大大推介 個焦糖燉旦勁creamy 配上雪糕一凍一熱真係無敵豆腐雪糕新地-豆腐好香好滑溜 太出色

唔係朋友講我都唔知 原來依家青衣城近排開左二期如果你搭巴士係青衣城落車二期絕佳係必經之地入面有好多大小食店 而今晚我地就食左呢間中西合璧既食店 茶廳一行4個朋返 每人叫一個自己想食既飯卡邦尼黑松露意粉份量適中 黑松露味香濃 平時好少食卡邦尼既朋友都話好食皇牌炒飯個炒飯幾夠鑊氣 重點係佢連埋好多一粒粒既乾元貝仔一齊飯 足料好味招牌茶廳焗豬扒飯面層放左塊風乾左既蕃茄同菠蘿 好得意面層有一層厚厚既芝士配合蕃茄醬汁 簡直係我既最愛豬扒差唔多有個手掌咁大嫁 呢個真係可以一試菜心炒牛肉朋友想食返個菜 就叫左個中飯餐 包一碗飯涼粉紅豆冰練奶雪糕夏日炎炎 每人叫左杯黎飲紅豆冰飲得多 配埋涼粉又真心少d機會飲大大杯 消暑之選呀薑汁法式燉旦配豆腐雪糕配合薑汁既法式燉蛋 好特別 自由都係第一次食鐘意甜品既朋友 可以叫返個黎試試丫豆腐雪糕新地食完就搭巴士返屋企 呢度真係勝在夠方面丫！

今晚早收工 約左朋友起青衣行街食飯7點幾起二期搵野食見到茶廳好似都ok 就入去試下睇個名以為佢係食茶餐廳既野點知除左茶餐廳既菜式 仲有其他特色野要左個咖哩蝦球喇沙燴意粉炒得都幾香口咖哩喇沙少少辣炒得唔會太乾身幾隻大蝦好大隻好新鮮朋友叫左皇牌炒飯炒得幾好 飯粒分明黑松露夠多 幾香大蝦食落好爽脆食完仲叫左2個甜品鴛鴦奶凍咖啡同奶茶完全係perfect match食落好香滑薑汁焦糖燉蛋配豆腐雪糕呢個要比個like!燉蛋好滑 豆腐雪糕好綿好特別最後飲埋my favourite 既咸檸七超級滿足！

青衣城開了二期後，經過幾次都沒有吃過一餐飯，但頗喜歡它採自然光的設計，很開揚，感覺特別舒服。這天在青衣。想吃焗豬扒飯而選了茶廳。門口看似很細，原來店面不小，只是要轉個彎。奶茶紅豆冰忘記了少甜，個人覺得偏甜，紅豆煮成蓉，沒有一粒一粒的口感，勉強可以但沒驚喜。熱檸檬可樂煲薑特飲以凍飲為主，差點就錯過了充滿童年回憶的檸樂煲薑。小時候有傷風感冒，媽就會給我可樂煲薑，糖份可以補充體力，薑可以驅寒，不知道是否真有功效，只知道它比藥水或中藥都好吃，甚至為了喝它而刻意在媽面前不斷咳。即叫即煲，要等一段時間。可樂的甜被檸檬中和一下，加上新鮮的薑的辣，不俗。招牌茶廳焗豬扒飯焗豬扒飯不在午市套餐之列，只好散叫。頗特別地，豬扒飯上有一片風乾蕃茄和一片風乾菠蘿。菠蘿少少韌，風乾了卻把菠蘿的清甜完完全全保留，嚼勁十足，好吃。芝士份量剛好，夠香又不會太多，不過焗至完全變硬稍為影響了口感，亦未能把芝士應有的香完全發揮。不似一般茶餐廳用燒汁，茶廳用的是新鮮蕃茄醬，吃到啖啖蕃茄蓉，味道更清新，更自然，伴飯一流。低溫煎豬扒，肉質很嫩，醃味不重，肉味很清。蛋炒飯裡有不少洋蔥粒，是食神的黯然銷魂飯讓家燕姐在戲中感動落淚的做法。

自己間中都有來青衣城行街，今日發現青衣城原來有第二期商場，之前都不以為意，從接駁天橋走過去，極之方便，店舗亦不少，特別是食肆，比一期還要多。本想先逛一下的，但看見這間「茶餐」，大大張海報推介「招牌豐哥雞飯」，又幾吸引喎。優化版典型港式茶記座位，開放式面向商場通道，沒有拘束感，涼住冷氣嘅排檔feel👍🏻除了招牌豐哥雞飯之外，店員還推介了他們皇牌「焗豬扒飯」一於係咁，兩個都試下，再加多兩杯港人至愛特飲，講梗都係百零元，以呢個商場消費層面來講，絕對是親民價👍🏻用雞湯煮台灣香米配上手撕雞，荷包蛋，店員建議將把全部混為一體是最佳食法，精粹係流心嘅蛋汁爆破左，慢慢滲入手撕雞、再混進白飯之中，啖啖精華，又唔駛拆骨，真係好味到不得了👍🏻另一個招牌焗豬扒飯，以三重芝士，低溫煎豬扒，還有獨特的風乾番茄和菠蘿，用料十足豬扒大大件，直接咬又得，用刀义慢慢据又得，悉隨尊便，芝士、豬扒、蕃茄乾、菠蘿共冶一爐，經過烤焗之後連成一體，一啖入口、芝士拉絲軟綿綿、番茄菠蘿甜甜酸酸、配埋炒飯底真係超級無敵大熱天時，識飲梗係要咸檸七喜，「嗱」喉解暑，😋奶茶紅豆冰，奶茶香滑，紅豆香甜腍滑又有咬口，絕對值得一試

最近青衣城有加菲貓的展覽，當然要去參觀拍照一番，拍好照片又是時候找吃的。青衣城太多連鎖餐廳了，難得來到這裡竟然去吃連鎖餐廳，太浪費此行，所以最後選擇吃茶餐廳，吃茶餐廳沒甚麼不好。盡管是在茶餐廳吃晚飯，朋友都不忘營養均衡的重要性，特意點了蝦米粉絲雜菜煲。蝦米粉絲雜菜煲一上桌已霸氣十足，不斷在熱鍋裡沸騰著，看似清淡無味的湯頭，卻是清爽鮮甜又好喝。主要因為湯頭加入大量蝦米和雜菜，把清甜的滋味襯托出來。來茶餐廳當然必吃招牌茶廳焗豬扒飯，飯底用了炒飯為基調，份量超級多，如果男生吃的話應該是剛好，但我們女生只吃到7至8成左右。豬扒都是完整無缺一整塊的，豬扒厚度十足，肉質軟腍，酸酸甜甜的蕃茄汁，整個焗豬扒飯非常入味。喜歡吃手撕雞的我發現這裡居然有招牌手撕雞撈麵賣，而且麵底頗特別，用蝦米油炒香蝦子麵，再混入蠔油，別有風味。然後再攪拌蝦米辣椒醬與風乾蝦米及柔嫩無比的手撕雞，鹹鹹辣辣，惹味得很，令我食欲大開。奶茶紅豆冰深得朋友歡心，奶茶聞起來滿香的，入口柔順，至於紅豆熬煮得非常綿密，顆粒分明且渾圓飽滿，朋友都喝到笑呵呵。個人選喝血橙雜果賓治，因為很少地方用血橙作雜果賓治，重要的是它清爽之餘又不死甜。晚飯尾

睇完早場戲，順面係青衣城食埋個lunch正值午膳時段，好多餐廳都好多人等位，見到呢間鋪較為小人等，所以就試一試，點知好失望。呢間茶記比一般茶記貴，但如果味道ok，都無所謂。叫左個咕嚕魚塊，心諗呢d甘普通既餐，一定五會中伏。點知。。伏已中。個醬汁勁咸！完全無酸甜味！平時我一定會醬汁撈飯！呢個剩勁多汁至於魚塊份量小，一d都五值呢個價。個餐送熱飲，但食完個飯都未送到當時鋪面應該五係好忙，因為我同佢完後好快就送黎。而職員態度仍需改善！

平時都成日會去青衣城行街，貪佢交通方便，今日送完朋友機已經下午二點幾，梗係忍一忍，坐機鐵出返青衣城食嘢，皆因平好多，況且青衣城好多食肆選擇，梗有啱你心水嘅我今次楝左青衣城二期嘅「茶廳」，唔講唔知，原來好多人都唔知青衣城有二期商場，其實跟指示，好易就搵到，呢邊仲有一間UA戲院架開放式的設計，和商場融為一體，餐廳後面有另外一部份，好多熟客都會嚟幫襯茶廳餐牌簡而清分類清楚，啱哂要高效率嘅香港人，店員效率亦十分高，落單快而準避風塘乾炒黑白胡椒豬扒一丁，全部都係賣飛佛，我又點會放過你吖抵我機場特登來幫襯，極度邪惡嘅避風塘調味再混和黑白胡椒，未食都已經口水流，豬扒加上一丁更是我至愛，無得輸另一款港人至愛，沙嗲牛肉包，烘乾嘅熱狗麵包再鋪滿香噴噴沙嗲牛肉餡料，美味又滿足懷舊紅豆冰更加是我必點之選，鹹檸七消暑解渴，炎炎夏日，最佳選擇懷舊紅豆冰，重點就梗係啲紅豆要又甜又腍又要有咬口啦，咁呢度就一定唔會令你失望，不過如果能夠用返最正宗嘅刨冰，咁就真係perfect 兩個人食咁多野，埋單都係＄100左右，正式平、靚、正

今日去行青衣，其實青衣真係冇咩好野食，今日竟然食到一間幾唔錯嘅餐廳，以後黎又唔洗煩食咩啦！睇落雖然好似一間普通嘅茶餐廳，原來係臥底藏龍，樣樣都好有特色又好味，地方又乾淨企理，服務仲好好添！今次一行叫左三樣野，分別有招牌手撕雞撈麵、黑松露炒飯、中式牛柳，招牌手撕雞撈麵用左蝦米乾、蝦米酒、秘製蝦米辣椒醬製作，好有懷舊港式撈麵嘅味道，手撕雞亦相當入味，所以食落真係好唔錯，食得麵就食埋飯，黑松露炒飯其實就係基本嘅炒飯加左黑松露，所以食落多左份松露香，而中式牛柳幾大份，果個甜酸汁整得好好味，食哂成碗飯！甜品叫左豆腐雪糕配薑汁燉蛋，雪糕嘅豆腐味確係不錯，燉蛋亦充滿薑汁，難得好食嘅燉蛋，絕對會再食！

放工同同事係青衣城見到一間新開嘅餐廳，類似茶餐廳但菜式比較特別，太肚餓原因，叫左好多野食share…每人一杯涼粉煉奶雪糕紅豆冰，咁熱嘅天氣簡直透心涼，又係甜品又係飲品叫左幾道廚師推介菜 --招牌手撕雞撈麵，最中意食啲蝦米乾同啲蝦米辣椒醬，撈起上黎別有一番風味，亦將本身無咩名嘅雲耳點綴出黎，正！招牌豐哥雞飯，見餐牌講話限量供應緊係要試下佢，好中意佢有雞湯係底，拌飯時候飯吸收哂雞湯精華，令到啲飯都有味道可以就咁食，但略縑手撕雞份量較少，同埋荷包可以再生少少。招牌茶廳焗豬扒飯，豬扒好大件舖平左個碟，放左好多芝士同茄汁落去焗，加上有風乾蕃茄同菠蘿，好有心思有個同事係西多士愛好者，叫左個花生醬多士，佢話自己食遍全香港，好少餐廳會用有真花生粒嘅醬擦上西多士度，佢叫我一定要向大家推介呢款西多士！最後都唔差左我地每人叫左個甜品，焦糖姜汁燉奶配豆腐雪糕，豆腐雪糕好香，但姜汁味太濃搶左豆腐雪糕味道，另外上面有兩片草莓乾，酸酸甜甜好好味！下次黎會想再試下佢其他特色茶，同事話下次要試佢其他味道嘅多士...