荃灣豐盛酒家 (已結業)

百無聊賴 , 便約朋友出來飲飲茶吹吹水 , 僅此而已 ~Menu & 點單紙 ~ 山竹牛肉球 : 牛肉球的馬蹄夠多 , 吃起上來十分爽口 , 但下的十分多芫茜 , 山竹看似十分稀少珍貴 , 因為只得兩薄片 , 有數粒粟米零零碎碎的散在牛肉球上 , 感覺有點無厘頭 ~ 燒賣 : 燒賣做的紮紮實實 , 豬肉的肥瘦比例剛好 , 不算是十分好吃 , 但就是做出了 80年代末、90年代初的一般茶樓燒賣的味道 ~ 菜苗餃 : 菜苗餃大大隻又脹卜卜 , 吃落頗清新 , 略嫌餃皮有點兒過厚而且過於黏糯 , 破壞了口感 ~ 竹笙灌湯餃 : 一看便知不是傳統型的灌湯餃 , 正常的灌湯餃應該是餃內有湯 , 而非用湯浸著餃 , 而且在味道來說也不甚好吃 .... 真失望 ~本篇完 ~

同朋友提早慶生，行完街去飲下茶，到了商場的樓上舖，一間舊式茶樓，地方十分大，雖然有幾枱客等緊位，但基本上即刻叫可以入坐了。除了收茶位鐵，亦會送上小吃收錢的，蠶豆幾好味。叉燒燒鴨飯（$9.8）特價燒味飯，叉燒半肥瘦好味，鴨較肥但夠味，飯香軟，幾好味的，但勁細碗，只有裝飯飯碗size，不過特價咁平可接受啦。酥炸魷魚鬚（$45）炸得好香脆，幾好味。煎釀茄子（中點）一碟有四件，煎得香口。潮式糯米卷（中點）一條切兩件，飯香軟但無乜味。潮式蒸粉粿（中點）多葛多芫荽，調味ok，但皮極厚，超級厚。麻辣口水雞（$48）雞滑，麻辣油香，都幾好。地方大，冷氣足，啲位都幾好坐，但無乜伙計，食物好細碟，價錢中等，整體ok。

上星期日是車公公80大壽，就兩老方便選在荃灣豐盛酒家跟摯愛親朋一起為老豆慶祝壽辰。 我也專程訂了這個蟹粥蛋糕送給車公公，眾人看見亦都覺得十分可愛，而且蛋糕味道十分味美，在此要多謝帝京酒店靚女公關朋友的幫忙訂製老豆十分喜歡喔！ 壽宴正式開始！先由乳豬全體打頭陣，乳豬肥瘦均稱皮脆肉嫩質素十分不俗，那豬頭更給我打包了回家煲粥呢！ 緊接著是生猛上湯龍蝦伊麵，龍蝦肉質挺爽口而且無過熟，但係本來選了芝士就做錯了上湯！哪都不緊要可惜伊麵底的上湯滿是牛油太過肥膩了！ 之後上的是翡翠大蝦雞球，今次翠玉瓜沒有上次那麼生口熟度恰好，大蝦須質爽彈可惜漫甚鮮味！可幸雞肉炒得頗嫩滑給這碟餸取回不少分數應記一功。 這兒的百花釀蟹鉗做得十分出色，大大隻的蟹鉗質感彈牙，而且炸得不油膩又夠熱燙十分可口。 這個火瞳雞燉翅跟上一 趟同樣足料兼夠火喉，車爸爸足足喝了四大碗才肯收口(走時肚腩像陀了6個月BB般巨)，可惜我已戒掉魚翅多時這湯無緣品嚐了！ 清蒸大石斑同樣地魚肉鮮甜沒帶腥味 但始終這麼大條魚中心位置會有點鞋口，如吃靠近魚尾或魚鰭邊的位置就滑溜恰好！ 鮑魚花菇時蔬內有厚厚花菇，加上堅韌不硬的小鮑魚，吃得最滿意的始終是

我今天在豐盛酒家吃東西，但點食物要成三十分鐘才有一碟煎餃子，我問他，他說:「我忘記了落單！現在馬上落單」，我心想我等三十分鐘你們都沒落單，真的是服務差，我旁邊比我還要晚到，我旁邊的人已經吃完，我還在等，我點的食物終於來，我等左成四十五分鐘，如果我不罵他們，可能要成一小時多，本來去喝茶是一件很好的事，但因為等待以生氣，以後都不去豐盛酒家。

剛過去的星期一是車婆婆👵的新曆生日(今天是舊曆生日)🎂，我們一家大小就在星期天跟她預早慶祝生辰，雖然媽媽不太吃得甜但係生日蛋糕絕對不能少的，買了大家都喜歡吃Italian Tomato的皇牌士多啤梨蛋糕🍰，加多兩隻發財佢歎哈哈......祝車婆婆:身體健康，青春常駐👏。 夜晚我哋就假座於荃灣豐盛酒家為媽媽設宴慶祝，還是第一次來這兒吃晚飯，估不到水準都有番咁上下喎！👍 先由大紅乳豬全體🐖吃起，乳豬件皮脆肉嫩而且肥膏不多，大家也吃得好滿意呀！ 這個鮑魚花菇時蔬的芡汁做得非常出色，吃下去不會杰巴巴的十分舒服，花菇🍄十分肥美肉厚，而且炆得滑溜入味，鮑魚就意思意思啦小小一粒沒多鮮味，但最驚喜係墊底的西生菜🍀，清爽甜美最後變成了最佳女主角。 這個菜內有爽口大蝦及肉和翠玉瓜，整體味道都不錯，不過翠玉瓜就好似生咗少少喇！ 黃金炸蟹鉗隻隻漲卜卜大大粒，咬下去質感彈牙夠實淨，味道亦出色非常好吃😋。 這個是火瞳雞燉翅足🍖🐔料又夠火候，火瞳的那塊皮真係人間極品啊😍，又令我想起皇仁的佛跳牆了想睇按此吧，一想到七月便可重溫實在太期待了~ 玉環瑤柱脯就So Far So Good啦！瑤柱雖然唔係啲咩靚貨，但係原粒

是日與家人晚飯~~簡左去荃灣豐盛酒家啦~~曾經食過...覺得味道不錯..感覺都唔差...今日.. 同屋企人去左晚餐...去到未到8點....點哂野食... 上埋菜...咁我地叫飯啦遲遲唔上..我追問幾次...待應只同我講黎緊好啦... 真係等左好耐... 再問...佢先同我講...d飯賣哂煮緊.... 我地全部人...O左咀....咩料...無飯...好啦... 咁我地等下.... 等左10MINS左右... 都係無.. 再問佢地有飯未.... 佢地又幫我問... 又係遲遲唔覆我地個下係諗住..如果無... 咁我地叫炒麵丫MA~~最終...無人覆我... 但我見到人地枱有飯上,..... 再問多次.... 終於有白飯喇..HAHAHAA基本上, 呢到既野食味道都唔差..但應該人手唔係好夠... 搵人落單耐DD..咁樣西蘭花炒海鮮入面有貴妃蚌同帶子2者都好鮮甜,唔錯豆苗唔老, 感覺唔係落左好多油炒..好食既~~呢個炆豬手好食...豬手...炆到好腍好入味..讚燒味 (例牌)呢碟野成舊水... 一上到枱比佢個size 嚇到例牌je... 但會唔會細得濟差燒硬左dd而酒雞亦無乜味道...普普

這日同班親友開心聚會, 黎左呢度食今次少有好大班人, 熱熱鬧鬧整體不過不失, 唔算好好食但都唔錯, 起碼無邊樣要特別彈最好食呢估燒春雞, 肉質都幾嫩滑, 口感幾好, 影相時話咁快已經個碟變成咁, 好受歡迎炒麵炒飯, 炒麵好味D, 比較入味, 麵都幾爽口, 軟硬適中炒飯就好普通不過不失一餐, 最重要係難得同班親友聚一聚下次如果順路都可以再黎食下好多人話呢度服務麻麻但我地食落又覺得OK, 可能個別員工問題都未定

約左同事係度一齊飲早茶先返工，其實酒樓食黎食去都嗰幾味架啦，例牌點鳳爪，蝦餃，燒賣，叉燒包，etc。呢度都係一般酒樓質素，無話特別好食/難食。但以下呢幾樣就個人覺得師傅有心機去整的：蝦餃同蝦腸粉啲蝦大粒得黎係彈牙嘅，無雪味同埋有剔走啲蝦腸。兩個嘅粉皮都好薄，亦都算滑。而呢個上湯腐皮捲，個味較得好好，腐皮吸埋啲湯好好食，我地食左兩籠。最後係呢個流沙奶黃包，個餡多得黎又流得勁👍雖然咸蛋味唔係咁足夠，但我覺得是可以的。埋單二百零蚊五個人， 都ok嘅不過不失。

以免他人中伏，所以特登開左個acc report今次事件。一看評論之下，才知我原來已不是第一位受害者～😒so sad~今天下午3:00左右諗住飲個下午茶，見近近地就上左E間野。一入去無人接待，之後就搵左個呀姐講：兩位唔該。見到有大盡空位，佢嘅回應係（指住佢前面果張枱）：就E張啦，搭枱！😳先生即刻醒目話：E到D冷氣有D大，我想坐後小小。呀姐：咁你自己去入面搵下啦。好，我地自己行去中間位搵左張枱坐低，有個呀走埋黎話：E到唔坐得，我要執場轉大枱，你去後D坐啦。好，我地又行去最後，搵過第張枱坐低之時，又有個呀姐大叫：喂！E到唔坐得！去前面坐！（無尾音＋黑面）我真係忍唔住，都大聲咁應左佢一句：前面叫我坐中間，中間叫我坐後面，而加後面你又叫我坐番前面，點架？！咁我而加坐邊呀？個呀姐E E um um（低聲發脾氣）之後就好悔氣咁賴低左句：咁你坐啦！！ok~終於坐得低叫野食，坐左成半個鐘，一樣野都未到，見到個經理咁嘅物體，心諗服務態度應該好D掛⋯舉手示意，佢扮睇唔到。起身向佢走過去，佢直頭無諗過理你，叫都唔應，直行直過！先生再搵落單個姐姐問，佢亦同樣，完全無諗過回應。平時好脾氣嘅先生嬲到即刻拎起張單，

好耐冇試過飲下午茶，行到攰攰地就見到有間酒樓，即管試試先，叫左奶皇飽，排骨，蝦餃，腸粉，奶皇飽最有驚喜，流沙奶皇，熱辣辣的，咬第一啖就流出黎，夠晒甜，香，滑 最重要佢係皮夠晒薄，所以有好多蛋汁，超正另外排骨亦相當唔錯，夠滑溜，只是沒有太多蒜頭蒸，蝦腸有好多粒鮮蝦肉，所以夠爽口彈牙

難得返Half day, 所以就去飲個下午茶吧點了幾款精緻點心, 包括奶皇包, 蝦蛟, 蝦腸及排骨! 最正莫過於奶皇包了, 皮薄餡令, 先咬一口, 見到奶皇仍然是流沙的狀態之後再咬就發現超多奶皇汁, 多到包皮裂了, 奶皇全漏出來, 滿口奶皇汁真係好正另外就是蝦蛟, 精螢皮薄, 鮮蝦亦真係好甜好有口感, 而且食得出是新鮮蒸出來的, 因為皮仍是熱, 而且不會太乾, 加上蝦仍有少少汁

本身係抱住好大既期望去食架，因為之前屋企人去左呢度飲茶然後打包左啲返來比我食，果時啲野食雖然凍左但覺得好好味。我鐘意飲茶，多數假日活動其中一環節都會有飲茶，所以這天放假就同朋友去呢間飲茶了。之前都係飲開其他酒樓既。果然期待愈大失望愈大。失望既係連基本都做唔好，一係嚴重蒸過火了，一係就完全凍既，我地都等左一段時間先上枱，果時係下午茶時間根本都唔忙，見等咁耐仲以為樣樣都熱騰騰添，點知......上枱時好幾碟見到皮都蒸融化爛熟了，完全都夾唔到，散開晒唉，例如蝦餃，蝦團同餃皮係要分開夾同食，因為蒸爛了然後咸水角果啲就勁之厚皮，仲要冷凍既，真係好傷心，好好地一碟咸水角竟然難食到咁。唯一合格既，只有奶黃包。如果可以改進下啲食物熟成度，我諗呢間野都算好食既。食到一半 之後上既食物都無心機影唉

今晚一心上去食團年飯，睇個菜單想落order,叫左個黑面既侍應過黎，一行埋黎就首先叫第二個侍應幫手落單，之後人地做緊野佢就唯有幫手落單啦，想叫個例湯飲，問佢今晚咩例湯，佢開頭都有去幫我地問下人，返黎問佢幾錢，佢串爆咁叫我奶奶喺menu度自己搵，大家即時著左，咩態度呀，要求搵經理，佢就行開去好串咁話人地得閒先理你，最過份既係指住我奶奶同我老公講你老母，真好野，咩野態度呀，到最後要嘈到全部人都聽到先有其他人過黎，個個個牌都係經理，話要投訴，經理一句佢而家接手就算，搵佢拎公司電話又唔肯比，叫佢黎道歉佢仲要講咩當自己大爺，自己屋企呀果啲，好嬲就走左，以後都唔會去，上網搵極都搵唔到可以投訴既電話，大家唔想年頭激氣到年尾，千其唔好去呀

１３年１月１１日（五）中午十二時左右，二男三女初嚐此間所謂的酒家，孤星要干炒牛河，另一男人要星洲炒米，另一個女人要揚州炒飯，另點心幾籠：蝦餃Ｘ２、生竹牛肉Ｘ２、潮州粉果Ｘ２、叉燒腸粉Ｘ２，而兩個肥婆則無意見。 　點心都算好味（一般），反而遲來的炒粉麵飯。。。干炒牛河：真正的只有色水而無鑊氣，無味河粉一舊舊牛肉又偏韌！ 星洲炒米：如一劈已浸濕的漿糊米粉，只有少許辣味，又是整色整水！ 揚州炒飯：不如說是揚州炒濕飯，一大碟只油多而飯又濕，個個吃了＠＃＄％︿＆＊！！！！！！！！！！！ 　  環境格局富麗堂皇又如何？食物質素連普通的大牌檔也不如！個個食到谷鬼氣埋單加茶位＄３３０。　而無意見的肥婆芬事後竟然埋怨孤星叫咁多來食？！問妳地就話是旦無意見，食完之後就嫌呢樣嫌果樣，孤星係廚師呀？！嫌貴的就去佛寺吃香罷啦！

31-12-2012(一)又 take 了假放下午，放工後約媽媽在荃灣 lunch，2 pm 到達「豐盛酒家」飲茶。我們兩人共點了 5 款點心，1 盅飯及1 碟海蜇手撕雞。 整體點心一般，不過不失！ 那碟海蜇手撕雞較突出，海蜇夠爽脆、冰凍，而雞肉是滑而爽的，上面鋪有芒果絲，頗新鮮。 那盅芋頭蒸排骨飯，熱辣辣上桌，芋頭糯糯的、香香的；排骨肥瘦適中，夠入味。