荳子 (德福廣場1期)

营业中

休息中

九龍灣唔知食咩好，所以就同朋友去咗Beans Cafe食晏，嗌咗鮑魚汁意粉、海鮮pizza同焦糖燉蛋。 鮑魚汁意粉上面有鮑魚同埋蜆，意粉煮得好彈牙，鮑魚汁味道好濃郁，煮得好恰到好處。份量都幾大，食得好飽足。 海鮮芝士pizza底好薄好脆，上面有啲芝士同埋海鮮，包括蝦、墨魚同蟹肉。啲海鮮都好新鮮，令pizza食落去好鮮美好香口。 最後就係焦糖燉蛋啦，個份量唔算太大，但係味道真係好好味！焦糖燉蛋外面係焦糖色，入面係軟滑嘅蛋糕，味道唔會太甜，好適合我啲唔鍾意太甜嘅朋友。 Beans Cafe嘅食物真係好好味，啲食材都好新鮮，而且份量都好大，食得好飽足。啲服務員都好友善，環境都好舒服，係個好適合同朋友傾計、約會嘅地方！

謝曬皮畫既作品一向抵死搞笑用來做敬水餅就不落俗套引到成個辦公室嘅人都拎起電話打個卡最特別嘅係，佢散水餅嘅款式分為彩色版同埋黑暗版散水餅上面嘅牌仔有謝曬皮嘅插圖+短句E.g. 彩色版有「勿摸活家禽」、黑暗版就有「腦細」幾得意，又有香港本地特色同事們一定記得你！佢有杯子蛋糕同埋撻款個人就覺得撻會好味啲，唔會淨係cream加蛋糕咁悶如果揀送貨，就$418 有12件餅第二盒起額外九折但係至少送貨嘅三日前起要落訂

〚多人排隊的Beans〛自從荃灣的Beans執左後 已經好少再去了🥹🥹難得今晚係九龍灣 就下定決心再食🫶🏻🫶🏻8點半黎到都仲係外面排隊等位 就知道幾受歡迎啦😆😆⊛ 黑松露軟殼蟹意大利粉💓每次去BEANS都必叫 水準仍然keep到👍🏻個軟殼蟹夠多 同 個汁好creamy🍝⊛豪華英式全日早餐@比高包做CAFÉ就一定會有all day breakfast 🥗第一次食佢個all day 不過不失 冇咩特別😌⊛Green Tea Waffles🥧又係每次必叫的甜品💓我真係食過哂佢咁多隻味 最好食仍然係綠茶味🍵加上綠茶碎碎餅乾 好好食 十分滿足😌不過價錢比以前貴左 冇咁抵食🥲🥲

BEANS的招牌菜式超多，款款賣相設計討好，用來打卡一流，而且味道俱佳，餐廳環境又舒服又好坐，仲好過去食港女Tea，擺盤得體超足料最推介🫶🏻黑松露軟殼蟹意大利粉意粉超入味，軟硬度剛好，軟殼蟹則炸到好脆身但又不會太油膩，令人一試上癮！小食方面，黑松露薯條同樣脆口而不油膩，配以黑松露醬，味道獨特，配搭一流食Cafe梗係唔少得杯咖啡，成間鋪我覺得最出色就係彩虹拿鐵，影相打卡一流甜品方面推介，抹茶瑞士卷，超香濃抹茶味，加埋奶滑嘅cream，抹茶控必試而家基本上港九新界都有分店，同埋本身呢間餐廳嘅舖位都比較大，所以輪候時間一般唔會太耐

從前荃灣荳子經常大排長龍，今天過來九龍灣工作，一支公揾食最容易，中午一時許，一個人唔使等，直入還有卡位坐。有趣的是，店員帶位前會詢問人客需要香薰消毒與否，筆者聽得一頭霧水⋯⋯後來了解後才知食店有售賣這些香薰產品，能夠入坐時消毒試用一下，感覺又幾良好。但始終覺得食店售賣香薰感覺很有趣。中午一時半，剛有客人用膳完畢，一支公能夠安排到坐卡位，自成一角感覺良好。可是食店應注意一下，以新店來說，這張梳化椅質地鬆軟，筆者體型大大份，重身坐下來，有凹陷的感覺。又係QR code 落單，由於首次到來，用code落單後，打算飲品後上，所以落完又取消，因而午餐定食缺了餐飲之後就送出訂單，店員收到後，很貼身，接著親身到來跟進，筆者告知很就人手作更新，從這例子中，AI 和店員係需要互補不足的。這點令客人感覺良好，一讚。除主食外，更有追加甜品及飲品項目，多種選擇。龍蝦湯~龍蝦湯放在茶壺內很精緻，店員端上枱時，立即詢問需要替你斟？杯子內有蜆及蝦肉，視覺上頗豐富。第一口，熱度未夠，但味道令筆者想起英國品牌Bax字頭那罐龍蝦湯，由於湯裡有蝦及蜆肉，也感豐富。蟹肉牛油果他他~牛油醬和蟹肉很夾檔，將這放入附上的包點，再塗

🥗🥗🥗好耐之前都聽過餐廳既名，知道開左幾間分店都排哂隊，朋友試過後都有推介，價錢比起打卡cafe更大眾化，所以一直想試，今次約埋幾個朋友終於可以一次過試到幾款推介菜式黑蒜鮑魚意粉($128)望落去黑蒜好似豆豉，比較多，中式既味道，甜甜地亦有醋既味道，似甜豉油少意粉，同想像都有出入巴馬火腿Pizza($112)👍🏻👍🏻👍🏻👍🏻Pizza底麵包好新鮮，pizza脆邊，咬落去有聲，芝士非常香滑口感順滑，咬落去有聲，令到pizza中心好軟熟，加埋火箭菜，加左少少清新感覺，唔會膩，好好味雜菌意大利飯($118)👍🏻👍🏻👍🏻👍🏻可能雜菌比平時食到既意大利飯多，一啖意大利飯完全充滿住雜菌味，亦都食得出有幾款菇味，層次感提升，加埋少少芝士，真除左好味，唔識形容小食拼盤($148)平凡既肉醬一點都唔平凡，加左係薯條上面，薯條即刻好吸引，水牛城雞翼味道唔錯，雞翼都有另一款蜜糖味，洋蔥圈普普通通，要趁熱食，凍左唔好食，拼盤中間既沙律配有香草沙律汁，整份都感受到用心製作燒豬仔骨(半份-$238)👍🏻👍🏻👍🏻超大份呀，係半份，以為全份👍🏻🤭一共有八條條豬仔骨，用左bbq醬非常入味，辣辣地亦好有煙薰既味道，一切開

Beans 💛可以話幫襯過無數次，各區無論係冰室或是餐廳分店，都仍然保持優質出品。黑松露軟殼蟹意大利粉黑松露味充足，軟殼蟹香甜，奶油醬汁亦不太膩，意粉口味適中。BEANS 小食拼盤水牛城單骨雞翼，焦糖單骨雞翼，啤酒洋蔥圈，肉醬薯條。每一款小食都表現出色，雞翼香脆，啤酒洋蔥圈仍清爽香口，肉醬調味佳，配搭薯條一流。飲品選擇多，味道亦上佳。KitKat Crunchy Mountain山丘外型嘅蛋糕，內有朱古力脆脆。

同朋友去睇完金宣虎粉絲見面會，懷住愉快嘅心情去德福搵食，見到原來有BEANS 分店，又趕到LAST ORDER 前到，於是入去碰碰運氣睇下有冇位先。去到喺門口企咗陣，店員話要21:15 落單, 22:00 SHARP 交枱，我哋當然冇問題!我哋一坐低，店員就即刻俾咗個QR CODE 我哋落單，不過係一個錯嘅QR CODE，同店員反映後，佢哋好快就俾過張新嘅QR CODE 我哋。我同朋友各點一個PASTA，朋友點咗蟹膏甲羅燒黃金蟹肉意大利粉，而我就點咗黑蒜磯燒鮑魚蜆肉白汁意粉。我哋2 個都各自另加咗小食 - 黑松醬露薯條同羽衣金藍藜麥沙律。(想提一下ORDR MAIN COURSE 係會送指定飲品的。)黑蒜磯燒鮑魚蜆肉白汁意粉其實唔睇返個名都唔知係白汁意粉講返個意粉好乾身同軟硬度適中，每一條都包住醬汁, 我覺得似日式豉油加燒汁嘅味, 好好味! 鮑魚好淋身，好易咬，蜆肉份量還好! 而我最鍾意嘅就係D 黑蒜，好甜好好味! 我都係第一次以黑蒜入饌嘅意粉，好新奇，味道好夾! 朋友點果個蟹膏甲羅燒黃金蟹肉意大利粉(冇影到相)，朋友讚不絕口!  而且份量大到佢食完飽到食唔落個薯條。羽衣金藍藜麥沙律(

Beans 係唯一一間我會定期幫襯嘅Cafe, 佢既食物同飲品質素都保持到高水準，每次都令人滿意。今次嗌咗個新菜式「黑蒜．磯燒鮑魚．蜆肉白酒意粉」，佢屬於一種偏向乾炒嘅意粉，黑蒜白酒嘅醬汁有少少甜甜地，食嘅時候唔會覺得好油膩，反而有啲清新嘅感覺，同海鮮鮑魚蜆肉好夾。絕對可以試吓！🫶🏻另外嗌咗「蟹膏甲羅燒黃金蟹肉意大利粉🦀」，呢個意粉已經數唔到order幾多次🙈每次同唔同朋友都會想嗌依款一齊share。蟹肉蟹膏嘅鮮味令到成個意粉都好香。我哋仲跟餐加咗個黑松露薯條（$28），份量好多好抵食，粗身薯條真係好正🤤今次第一次叫佢嘅甜品「Green Tea Waffles🍵」，除咗主角窩夫🧇，佢仲有好多配料例如紅豆麻薯、綠茶雪糕等等，好豐富👍🏻餐飲我哋叫咗「法式焦糖燉蛋拿鐵」同埋「伯爵茶拿鐵」，兩杯都相當好飲☕️

每次經過德福，都畀beans門口條長龍勸退，然後轉戰其他唔駛等位嘅鋪頭，但係我今晚終於的起心肝，打算同佢決一死戰，排隊咪排隊囉！我地週末晚大約7點去到，見到有六、七個人排緊隊，本來以為咁多人要等好耐，但結果等咗大約十五至二十分鐘就入到去，所以大家千祈唔好畀佢條長龍嚇怕，其實都唔駛等好耐。朋友嗌咗呢個手撕豬仔骨漢堡$128味道唔錯，啲豬肉好juicy，啲薯蓉都好creamy！我嗌咗蟹膏甲羅燒黃金蟹肉意粉$138啲蟹膏好濃味好香，蟹肉亦唔錯，但可惜個意粉配咗白汁，有啲搶咗蟹肉嘅味道，而且後期愈食愈漏，如果個意粉只配蟹肉就好。另外佢跟餐杯檸檬蜂蜜好好飲，啲蜂蜜好清香！

今日介紹呢間餐廳，只得九龍新界有，平時港島出没嘅153，都要登特過海去食🤪而且餐廳經常大排長龍，即使五點鐘嘅非繁忙時間，都要排隊等位，可見餐廳出名有水準。不過今次試咗兩款（相對）新出嘅甜品，平平無奇可不試，有少許失望。內文有詳細評價，帶大家避開地雷！💣🪤———❝ 蕃茄肉醬溫泉蛋意大利濶條麵 | $108經典肉醬意粉，蕃茄肉碎份量頗多。將流心溫泉蛋拌入彈牙濶條麵 (fettuccine)，口感更佳✨評分：6.5/10❝ 千島醬蟹棒蟹籽帆立貝薄餅 | $108Pizza 邊位脆口，底部鬆軟，面頭厚厚一層邪惡芝士，切開有拉絲😚蟹籽份量超澎湃！仲有蟹棒、帆立貝同千島醬，味道幾豐富～評分：7/10❝ 黑松露醬薯條 | +$28薯條份量勁多超抵玩，$28唔使諗，可以去馬！🐎黑松露醬濃香好好食，唔夠可以問店員再拎🤪評分：7/10❝ KitKat Crunchy Mountain | +$28外型似山丘嘅蛋糕，味道唔算香濃，內裏有少許朱古力脆脆，無咩驚喜。評分：6.5/10❝ 雜莓吉士拿破崙 | +$28拿破崙咬落酥脆，吉士不算太甜。整體味道普通，明顯餐廳強項不在此，可以不試。評分：6.5/10———

去九龍灣睇完戲, 經過Beans, 見到個菜牌既相好吸引, 咁就去吃個下午茶, 休息下再行. 好彩有角落位坐, 叫咗杯荔枝玫瑰梳打, 焦糖單骨雞翼同巴馬火腿火箭菜Pizza, 實物來到, 同餐牌啲相都一致既. 先吃個Pizza, E! 啲Pizza 邊邊都好脆, 但如果多啲芝士就更完美. 食完 個PIZZA 同雞翼, 見隔離嗰張枱吃嗰個檸檬造型既蛋糕，個樣好似好正喎, 咁又叫咗一個來試, 唔, 不但顔值高, 而且仲幾好味添. 下次可以再黎試下個其他得野先.

睇完戲 4點幾 見唔使等就入左beans叫左我最愛ge vienna coffee, 咖啡上面有新鮮忌廉 淡淡的甜味 中和咖啡苦味朋友叫左Americano之前食過beans ge拿破崙 酥皮脆 吉士ge vanilla 同甜味平衡好好 今次再encore見到有個cake 叫perfect match,應該有香蕉同拖肥 我覺得應該會好甜膩ge 配搭點知有超大surprise仲好食過拿破倫 所有野完美溶合左冇改錯名❤️❤️❤️❤️

今日排隊等入座個陣喺甜品櫃見到一款檸檬造型嘅蛋糕，顏色奪目，於是便叫黎一試。呢款名叫檸檬柚子芝士蛋糕不但賣相吸引，而且非常好食，味道酸酸甜甜，面層mousse香滑，配合軟熟嘅海綿蛋糕，非常開胃，一點都不膩，值得一試。另外亦叫了另一款甜品，綠茶紅豆窩夫。呢度嘅窩夫形狀好似donut，口感似蛋糕，個人比較喜歡一般食開一格格嘅窩夫多啲🤣 反而紅豆蓉夾着綠茶脆餅很好食！鹹食方面點了all day breakfast，同樣是donut形嘅窩夫，亦可選擇配bagel~

下午茶時段去咗九龍灣嘅beans❤️ 裝修好靚，俾人好舒服嘅感覺🥰🥰🥰見到餐牌上面有焦糖單骨雞翼配薯條即刻好興奮🤣 雞翼超好味 薯條夠鬆脆🍟😘😘另外分別叫咗手撕豬仔骨漢堡配薯條 同埋雜莓窩夫😍手撕豬仔骨漢堡勁大個嘅份量🍔🤣🤣味道都好好🤤雜莓窩夫令同行朋友有少少不滿🤣🤣🤣因為佢覺得窩夫應該係一格格嗰隻 佢話呢個係冬甩🍩🤣🤣🤣不過味道都唔錯㗎🤤總言之 呢間beans食物質素唔錯 環境優美，雖然佢有90分鐘限時，但係感覺上我哋好似坐咗差唔多90分鐘，佢都冇特別趕我哋😚服務態度都係好好嘅😊😊