荷華庭園景餐廳 (已易手) 新餐厅

今日去林村睇完舞獅比賽，投完許願樹，傍晚黎到這間又浪漫又附有外國渡假feel的餐廳。叫左半份燒牛小排 $398， 煙鴨胸香橙彩虹沙律 $128，泰國椰青 $48。煙鴨胸香橙彩虹沙律 $128，個煙鴨胸好好味，橙同沙律好新鮮，黑醋好醒胃。半份燒牛小排 $398，其實份量也不少，整個炭燒，好香木炭味，牛小排雪花比例完美，濃濃油甘味，配上黃芥辣，牛味帶曬出黎。伴碟還有薯仔，都好好食。泰國椰青 $48，食飽飲返淡清甜的椰子汁，天色慢慢入黑，此時更添加浪漫情調，係靚的環境食野，真係好relax。在這裡用餐的多為外國人，使得更富外國情調，我覺得成個感覺返左去港英時代細細個据扒的時候，好神奇，D回憶返曬黎，大家都黎試試。

最後一天林村許願樹節，專登來捧場。天公不作美，來到附近就下起毛毛雨。所以吃飯時也只好躲在室內，錯過了大好風景。這裏如世外桃園，戶外有獨立別緻的小屋，很難想像一門之隔就是熱鬧非凡的林村。如果不想同人迫，躲進來是不錯選擇。熱門旅遊地點消費當然稍貴。荷花午餐有頭盤、主菜和甜品。頭盤 ：酥炸春卷，香脆熱騰騰，皮和餡份量適中，味道不會搶過對方。西班牙火腿拼蜜瓜。蜜瓜淸甜多汁，不要以為是一大片，是切好了一小塊一小塊的。主菜：扒銀雪魚。銀雪魚肉質新鮮嫩滑，沒多加調味祼露地呈現銀銀雪魚本來的味道。原隻龍蝦炒意粉。龍蝦同樣新鮮，肉質有彈性。奈何其中一隻龍蝦很鹹，還好用意粉拌著吃溝淡了鹹味。加上甜品是雪糕，很滑又冰凍好味，補救了不少。環境一流，食材新鮮，烹調技巧做得更好就完美了。

上一次來林村係夏天記得好多蚊，今日趁這個冬天還未過特意約朋友到此一遊順便去出名的許願樹許個願先！我同朋友係附近穩食見到lee間餐廳見有露天茶座就入左去食d野傾下計。我地叫左個肉醬意粉。味道不錯，肉醬帶點半肥瘦。有層芝士係上面做到拉芝士的效果。份量都算多 ，兩個人share都ok. 另外叫左個鮮炸美國生蠔卷。外型好似炸春卷金黃色的。有六件足夠開心share. 。伴碟有沙律醬可以提昇味道。即叫即炸熱辣辣。裡面包住一隻大大隻很肥美的蠔！味道不錯挺香口的。另外叫了兩杯飲品.Iced cappuccino 味道香濃。幾好飲。Fruit Punch 賣相唔錯都幾醒神唔會太甜👍。埋單每人大概200蚊。

去到林村逛逛 發現有間好有味道既餐廳哩間餐廳環境佈置出色有室內外 仲有唔同特色既獨立座室入到去 有去咗熱帶國家渡假既感覺夜晚嚟相信會仲浪漫 同有Feel唔單止環境高尚 食物多樣 亦同時有水準我哋叫咗個荷花餐 有頭盤 黑毛豬火腿蜜瓜好特別 甜甜蜜瓜配上咸味火腿仍然能夠保留蜜瓜清新既味道一啖一舊 食到唔夠喉之後仲有 煙三文魚沙律用料新鮮 沙律菜以黑醋點綴好正 頭盤食哩樣真係做到開胃效果主食點了兩款其中一樣係 鮮龍蝦意粉成隻龍蝦一開二上碟龍𧎚肉上面有濃濃芝士粉焗出一浸鮮味 芝士味道亦十分香口而意粉無再特別調重味係比較硬麵質既嗰一款反而令龍蝦汁更為突出另外一樣係 銀鱈魚扒薯蓉雖則叫薯蓉 但係粒粒薯仔真材實料 好有薯仔味而銀鱈魚不嬲都係一種無得輸既西餐主食肉質正 餐廳以少少煎既烹調方式整魚扒所以帶到香口既感覺比客人最後係甜品 椰汁糕甜度適中 椰汁味濃郁 好想encore！

要個清靜環境食個靚晚餐，黎呢道係不錯選擇，如果唔嫌棄遠嘅話服務好好環境好好食物一般般價錢比較貴由於要無咩人嘅地方好難搵，所以下次係會繼續黎，哈哈哈成晚大家都食得好開心，仲可以周圍影相

相信農曆新年好多人都想去許願樹許個願，祈求新一年順順利利。有朋友介紹過林村附近有間餐廳嘅環境好正，又有得泊車。我地星期日就去咗湊下熱鬧。如果要揸車黎許願樹，咁多車咁多人一定勁塞同要搵車位泊。我地好醒地去呢間餐廳食咗個lunch 先，再順便出去許願樹湊下熱鬧。超明智之舉！泊咗架車，入到嚟間餐廳，已經好有渡假的感覺，門口兩旁有小橋流水。餐廳分咗戶外同室內兩個部份，見今日天氣陰陰地又唔會太曬，梗係坐戶外感受下郊外氣息。戶外仲設有好多大房，以唔同花嚟命名房的主題，非常雅緻。一大班人嚟book間房食又別有一番風味。Set lunch 嘅款式都有好多，有意粉有扒類，我地就叫咗燒安格肉眼扒同燒牛小排拼大虎蝦頭盤嚟到，我地分別揀咗凱薩沙律同煙三文魚沙律。沙律醬都十分足夠。好快主菜就嚟了燒安格斯肉眼扒肉眼扒都好大塊，比較薄，我地叫咗5成熟，無血水得嚟熟度啱啱好，很有牛肉味，伴碟有少少薯仔沙律同沙律菜，薯仔好腍好正。燒牛小排拼大虎蝦大虎蝦好大隻，燒得好靚，牛小排比起肉眼扒厚好多就細舊一點，叫咗7成熟，牛小排比較多脂肪。所以7成的熟度亦唔會太乾。套餐仲可以改配特飲，不過我們見午餐都很豐富，只點了檸茶。係呢種

新年個個都去林村許願樹，我當然都唔例外！行到旁晚6點度就想搵間餐廳好好咁食吓嘢同休息吓~E.......原來許願樹附近有間「荷華庭園景餐廳」，門面已經好寬敞，敞開嘅通花大閘似乎已經呼喚緊我入去！經過一條小橋及魚池，入到去見到嘅竟然係一個個不同裝飾的亭子及玻璃屋亦有不同風格的枱櫈，並唔似得市區一般安排到密密麻麻嘅枱，由於天色開始昏暗，樹叢的燈飾亦陸續點亮，一見到個環境已經非常鍾意！侍應仲好nice咁比我地選擇入座嘅位置！讚呀！海蝦鮮果沙律(HKD138)~因為新年每天大魚大肉，想食點生果，所以點了這沙律，它非常足料，有蝦、芒果、士多啤利、奇異果、沙律菜、菠蘿、蜜瓜、哈蜜瓜......等等，而且除了沙律醬外，亦加添了士多啤利醬，味道酸酸甜甜的，非常開胃！牛小排-半份(HKD398)~侍應上菜時有禮貌地詢問「要幫您地切埋嗎?」，我個人比較喜歡自己切牛排，剧扒嘛！當然要自己來才夠過癮！一切落去，感受到那柔軟度及無筋感，我知道這份牛小排一定不會讓我失望，而且它非常厚，份量十足！它配上兩個醬汁，一個是燒汁另一個是黃芥末，我有一個習慣，第一口吃的是什麼都不沾，先嚐嚐食物的原味，之後才加不同的汁醬，為

呢排新年好多人都會醒起去林村許願喺許願後邊其實有間好好食嘅餐廳好耐冇去過咁啱今日就去食啦餐廳有室內同室外我哋覺得坐室外會好啲氣氛天氣好空氣好清新好快嘢食就來到啦第一個就係海鮮鮮果沙律酸酸甜甜勁開胃跟住就係香燒墨西哥薄餅配雞肉woooo 一拎起塊薄餅啲芝士正呀lee 個正arrr... 大虎蝦配羊架隻蝦好大隻啲肉好爽黑松露海膽帶子意大利粉聞落香味大但食落呢囗個黑松露味唔算好強烈份量好多另外一題就係餐廳有專用停車場比駕駛人士泊車

傳聞新年後林村會泊左之前巡遊既花車 我咁大個女都未去睇過 今年就緊係入去湊熱鬧啦 風景果然美不勝收 我仲買左個行運風車添! 今年一定有運行啦行到餓餓地就走去搵野食 以我靈敏既視覺同嗅覺 好快就搵到呢間環境優美既荷華庭園景餐廳啦入到去就急不及待叫野食啦 首先叫左個海蝦鮮果沙律 新鮮海蝦大大隻 而且非常彈牙 餐廳亦好貼心咁將蝦肉開左邊 我地好易食 而水果有蜜瓜 奇異果同芒果等等 香甜得黎又夠哂健康之後叫左個美國無菌黑豚豬配黑菌汁 豬肉味極香濃 一啲都無豬蘇味 而且黑菌汁更能令豚肉鮮味更上一層樓黑松露海膽帶子燴意粉 黑松露味好突出但又無蓋過帶子既鮮甜味 只係我地都睇唔到亦食唔出有海膽係呢碟野入面    

今日去左林村到許願 係人山人海既林村入面除左門口果幾檔賣茶果同豆腐花既小食檔 行入啲原來仲有一片隱世樂土 叫荷華庭園景餐廳 門口已經有個小瀑布 同一個大魚池 入面仲有幾條肥錦鯉(食養嫁唔係食嫁!) 入面既布置都非常清幽 最岩我地呢啲都市人入黎放鬆心情入正題 今日食左一個黑松露黑豚扒飯 雖然佢係豬 但肉質同肉味比出面食到既豬肉高出好多班 而且油脂亦非常甘香豐富 黑松露既味道亦好香 正!之後仲叫左個沙律菜配烤三文魚柳 沙律菜新鮮爽脆 而新鮮既三文魚烤完之後魚油出哂黎 鮮嫩魚肉唔肥膩最後仲有椰汁紅豆糕做甜品 粒粒紅豆唔太甜 又有口感 椰汁香味滿溢 太正啦

今天又來到擁有大自然 美景的餐廳吃睌餐🌴🌴🌴🌺🌺🌹🌹🌷🌷💐💐🌸🌸🌿🌿🍃我們點了鮮🦐水果沙律🥗非常開胃...酸酸甜甜...大大碟🤩🤩👍餐湯配蒜蓉包🥖🥣海鮮原隻菠蘿炒飯好足料，有蝦帶子魷魚菠蘿肉鬆香香的🥳非常juicy 香煎黑毛豬😋😋😋好香好香 👍好好食黑松露芝士大虎蝦配薯蓉🦐🥔香濃黑松露味配芝士絕配呀隻蝦仲大過我隻手掌，啖啖肉，冇得頂🦐🦐🦐🦐🦐🦐🦐

呢到d牛真係世界級好食‼️以前細個成日食 但都應該10幾年無去過😂好食 好食 好好食‼️前菜係海蝦鮮果沙律勁大份 新鮮酥皮焗龍蝦湯 $98勁大粒龍蝦!!!!! X 2燒焗日本黃金帆立貝好好好大粒~超級香!佢芝士勁Creamy~佢芝士下會有雜菌~~平時食完粒帆立貝就唔會多食D汁料~佢係有本事令人食曬所有芝士!雖然拼埋大虎蝦要$390不過仲有得配好好食嘅薯粒蓉😭仲有沙律菜 所有野好新鮮雜菌黑松露焗石斑天使麵 $148 多到3個人食都得‼️石斑肉非常厚 有兩大塊🤤Creamy到不得了‼️黑松露味 好重💯creamy得嚟又唔膩出面好多做唔到呢到真心正👍🏻望落貴就貴D 遠就遠D但個價係值架！仲要免加一！但要約會要有氣氛要有d排場呢到好岩大家👍🏻👍🏻--📍荷華庭園景餐廳大埔林村放馬莆43號地下

放假梗係要同個囡老公去玩啦，我哋去咗大埔林村兜咗個圈，買咗少少有機菜，就去咗附近嘅一間好有特色嘅餐廳，呢間餐廳嘅環境非常之貼近大自然，又有錦鯉睇，阿女就最開心啦！我同老公兩個叫咗兩個午餐，一個大蝦配牛扒，而另一個係黑松露海鮮會意粉。個牛扒七成熟煎得剛剛好，而且食得出牛係新鮮牛，牛肉味好鮮， 絕對唔會係雪藏嘅牛肉。另外海鮮會意粉，啲海鮮多到你唔信，又夠大件，本身我個人就比較細解釋，但我都食唔晒要打包。要順帶一提嘅係， 佢啲特色飲品真係好好飲，亞女爭住搶黎飲😊😂👍🏻👍🏻👍🏻！大家下次黎新界，可以過嚟試吓呢間咁有特色嘅餐廳✌🏻

受著宿醉煎熬，頭暈暈，友人又喊著頭痛，大家都不想煩，隨便在回家的路途上找間餐廳填肚。人在粉嶺，向著九龍方向，腦海立即浮現了林村。午餐有湯或前菜，主菜，餐飲和甜品，百幾二百元，不算便宜。都是普通豉油西餐的菜式。蕃茄肉碎湯他們都點了忌廉湯，覺得暖胃和解酒。沒想到蕃茄湯是如此濃郁，都幾厚，要是少一點糖，甜度稍低一點就完美。蒜蓉包幾香，表面烘得幾脆。反而忌廉湯的忌廉味重得誇張，太膩。咖喱豬扒飯個人認為似葡汁多過咖喱。用料幾足，有大量的豬扒，薯仔，燈籠椒等，保證夠飽。鵝肝醬焗豬扒飯就是為了試這個豬扒飯，而一直記住了這間餐廳。新鮮焗起，冒著一個接一個泡泡。豬扒醃得太鹹，肉質不嚡，還好。鵝肝醬濃郁，重味，配炒飯都可以，配豬扒則更鹹。第一次吃鵝肝醬焗飯，都幾特別，中西合璧般。唯一驚喜是炒飯底。蛋炒飯乾身，焗完依然粒粒分明，還有一舊舊蛋，吃到蛋香。甜品有紅豆糕或雪糕，普通。一般般，可能在出面的茶記吃，更美味又更有風味。

今日入大埔探個老人家，家剛好住林村附近，甘我就新年入去一趟啦 ！ 係大埔或太和火車站再搭小巴非常近！餐廳就在林村內，地方超大 有室內及好涼爽既戶外。戶外可坐涼亭或一間獨立屋夠哂私隱，岩一家大小！隔離坐的兩口子更攜帶愛犬添！餐廳主要提供西式餐 - 扒、羊、咖哩等而我點了燒黑豚扒 HKD 238 套餐豚肉燒得均混夠香又沒有燶，熟透度剛好，肥膏也不多。海鮮忌廉湯 忌廉夠濃不稀，湯夠熱 後來才知道原來也有提供特式飲品—— 又幾好播！