荷華庭園景餐廳 (已易手) 新餐厅

到左林村其實都唔難搵，搵到正門入去，就係門口睇好似人地d大宅咁，好新鮮本身坐左係室內但個光真係唔得，成個位都太暗，見到室外其實仲有好多位就唔好意思咁掉反出去坐，戶外乾淨，無咩飛飛，店員都好helpful 有禮又快手。叫左兩個lunch set, 價錢老實講係有少少貴，但但食景，服務同食物質素都好好，所以都對得起個價錢。一個係鵝肝醬焗豬扒飯同咸豬手，前菜叫左Parma ham同春卷，最後個set奉送甜品椰汁紅豆榚。個飯味道偏淡，但一啖啖食到鵝肝醬既香味，而且豬扒非薄，啖啖肉而且肉嫩有汁；咸豬手要襯熱食，嫩口但對我尼講有少少太咸，配埋另外個飯食咁岩balance 到。紅豆榚值得一讚，唔好以為送既一定求求其其，逐啖食，椰汁位置入口即溶，紅豆粒粒飽滿同微甜如果唔趕時間仲可以叫多杯飲品慢慢嘆添！！會介紹朋友再尼架！

【食物真係不敢恭維🤢大埔世外桃源完全齋食環境餐廳🌸】今次依間餐廳啲野食真係不敢恭維，但係個環境實在太靚，係小編會排佢頭三名環境最好嘅餐廳，希望餐廳睇到可以改善下😤依間餐廳位於大埔林村附近，環境比較偏僻，需要揸車入，亦都因為咁，餐廳唔會見到高樓大廈，遠離煩囂😍餐廳歐陸庭園嘅設計真係香港罕有，一入門口係有條好靚嘅橋，左右嘅池養咗金魚🤪户外位置chill到不得了，外圍有三四張好浪漫嘅枱係亭入面😻每張枱都有啲法式小擺設，仲會播住純音樂，好享受😈但睇到個menu就真係呆哂，啲價錢太過diverse啦，扒類起碼都三四百🤕但聽聞過依度廚房煮得唔好所以都唔想特別試🤢跟住其他主食就唔過二百蚊，有意粉，好多中式野同泰式咖哩，但從個名已經知超級頹🥴—《 #酥皮焗龍蝦湯》$98 ⭐見到依個有特色少少就叫咗，但係從酥皮個樣已經知佢勁流😨個酥皮淨係中間位有沾到牛油拎去焗，四邊仲係白雪雪😨仲要完全唔酥，麵包都仲多層過佢😨個湯都好失望，好太股腥味，飲兩淡已經放棄😩如果真係要搵位讚，就係入面係有龍蝦肉同埋個湯夠熱🤕繼續努力🤕—《 #忌廉焗薯》$88 ⭐⭐以為忌廉焗薯實無死，menu仲用法文名Gratin, 咁應該好食掛

一去到泊低架車就望到餐廳地方非常大好有外國庭園風格係香港實屬難得呢d 包箱幾特別 適合一大班人我同先生叫左個二人餐十分鐘左右就已經有野食到大蝦鮮果沙律滿滿既生果加上蛋黃醬 士多啤梨汁令人愈食愈開胃酥皮龍蝦湯隔左陣先飲 個酥皮淋左小小濃厚既龍蝦味道 出面實在比較少機會可以飲到芝士焗帶子水準之作 唔會焗得太乾帶子保留到鮮味 又食到芝士香加左雜菌落去 味道更昇華跟餐有一份牛扒 一份豬扒牛扒7 成熟 煮得岩岩好 咬落好juicy 呢度既薯蓉唔會打到好爛軟綿綿果種係比較有口感顆粒狀既豬扒 d 肉好爽口彈牙而且外皮煎得好香 火喉控制得幾好

人數：4人     時間：19:00     食評：     「前菜」滿滿的時令水果擺盤 不用太多伴碟已經完成他的任務 若能把酸度提高 便更好「主食」斧頭扒及黑毛豬 肉質先嫩 唯一缺點便是配菜不太夾    「甜品」視覺畫面豐富 侍應在你面前淋酒及燒火 整間包廂頓然尖叫起來 「環境」剛好有包廂 可飽覽花園景色 兼不用餵蚊 而且保持一定私隱 ｛性價比｝$400/人     ｛評分｝95/100分

今次我和朋友特地去林村試食，叫了2個set lunch（頭盤+主菜+甜品），由於飲品需加錢所以無order, 今餐真係食得好滿意👍🏻頭盤分別叫左西班牙火腿拼蜜瓜和凱撒沙律，火腿其實幾鹹，不過配埋蜜瓜一齊食又出乎意料地好食😋；凱撒沙律🥗的沙律菜很新鮮，食完好開胃會想再食。主菜叫左燒黑豚扒和燒紐西蘭羊鞍寶雲疏，呢2款主菜係店來講比較出名所以就叫，塊黑豚扒真係有成塊臉咁大，仲估唔到會有店員幫你切扒唔使客人操心，真係服務一流👍🏻！黑豚扒肉汁鮮嫩，夠厚，不用配汁照食也沒有問題；而燒羊鞍方面，肉很軟，無咩羶味，我唔喜愛食羊都覺得這個唔錯😃👍🏻。甜品就椰汁紅豆糕，佢椰汁和紅豆的比例好好，整得好好味。這個餐廳有好多打咭位，下次有慶祝活動都會再去過😆。

The taro seaweed roll was really good, not too dry but not too oily. Spring rolls were crunchy and flavoursome as well. The accompaniment soup and dessert were fantastic, one of the best sweetest vegetarians soup I’ve had as well. However, the fried rice and the turnip cake was quite a let down. The turnip cake was very floury and the fried rice was not flavoursome in what it was promised. Overall an average meal, would return to try other dishes.

有沒有想像到在香港🇭🇰也可以有渡假風😉這晚到了大埔林村許願樹附近晚餐🥣一到餐廳我們一直在就一直就像到了峇里島😍環境庭園佈置充滿熱帶風情🌳🌴特別是我們選了室外位置，享受陣陣涼風，更像置身到國外一樣💐 份外放鬆🌼食物的份量也很足夠，特別推薦美國無菌黑豚豬配黑菌汁🍽份量十足！大滿足呢❤️ 而且食物選擇也好多雖！ 有時想放鬆一下，可以到林村走一走☘️📍荷華庭園景餐廳：大埔林村放馬莆43號地下

去左一間離市區比較遠，一個好幽靜，環境一流嘅西餐廳，雖然比較遠食物同環境都係值得嘅。頭盤點了火腿哈蜜瓜同芝士帶子，兩樣都整得好好味比個讚佢👍🏻 主菜點了牛扒同燒排骨，牛扒好煮得好Juicy, 一d都唔乾，配埋杯紅酒簡直完美，燒排骨就麻麻喇，比較乾又小肉，還點了一碟雜菇，最後更係叫埋我最鐘意嘅甜品火焰雪山，係我面前燒真係十個like。這間餐廳好適合情侶拍下拖去試，好浪漫💕我平日晚上去所以比較小人。

無端端水都無帶走咗去行山，雖然簡單易行，行完都好鬼肚餓 🤣🤣🤣 呢個時勢個個都去郊外行，沿途餐廳都要等位，我哋咁餓梗係撇啦，去到呢度有位就諗都唔諗坐底叫嘢食啦 🤭一坐底佢哋好好先比張餐紙你放好口罩架。我哋叫咗 2 個午餐，頭盤揀咗三文魚沙律同西班牙火腿併蜜瓜，三文魚份量算多，沙律菜都新鮮，反而西班牙火腿同蜜瓜都淡味。主菜叫咗個黑松露海鮮意粉同燒豬肋骨，意粉好足料好多菇，但個豬肋骨就好失望，完全唔入味，啲肉又鞋口 🤦‍♀️甜品跟餐個椰汁紅荳糕好香，但我見隔離檯加錢換個梳乎里我又身痕跟，由於最少要 2 份先做，所以原本想要薑汁味唔得，要痴隔離檯嘅 Vanilla 味，上檯好香，但食落好濕。 。 。試過就算吧！午餐無餐飲跟，呢度環境尚可，但價錢比較貴，相對大尾督一帶餐廳呢度性價比輸晒。

因為太忙 無好特別訂位，之前黎過呢間食都感覺唔差，打黎訂位就話訂到就即管一試。點知一試就伏了。餐牌係$1380/2位加一，完完全全唔值。湯超級普通，酥皮唔見左，扒係最唔伏既，最唔滿意係甜品，椰汁紅豆糕，OMG!！！！食西餐配紅豆糕係第一次。請大家唔好再中伏了仲有服務完全趕收工，人地岩岩食完扒，無問過就上甜品。甜品岩岩食完放底就問係咪食完就收碟，好想你走咁。講真，係呢個經濟環境下，一個特別日子，我唔希望食到超水準嘅嘢，但起碼係咪比返啲正常餐牌上既食物呢？ 我寧願食餐牌上面嗰啲收貴價，好過食呢啲咁嘅嘢食完之後仲有個插曲，外邊開始落雨，啲侍應就話「準備梳散」，點知轉頭就真係落起雨黎。有剛到既一對夫婦想坐4人檯，其中一位侍應就話：外面落雨，怕其他人要坐入嚟，你地坐二人檯啦。男士話你有人要坐我地先搬檯啦。直到我走，室內都未坐滿。真心服務麻麻

27-1-2020 (Mon)大年初三,同老公帶埋爸爸同佢朋友嚟林村許願樹廣場行,行完食個晏,我哋嚟到位於天后廟後面嘅呢間食,雖然天后廟後香火鼎盛,但可能風向問題,所以室外都冇乜煙味,咁就坐室外.睇完menu,爸爸,老公同我,都決定要新春套餐,爸爸要西班牙火腿密瓜,$168.00嘅香蒜蜆肉炒意粉.我要凱撒沙律,$168.00嘅黑豚漢堡包.老公要煙三文魚沙律,$238.00嘅燒美國豬肋骨.爸爸朋友要$98.00嘅瑤柱雲腿炒飯.落完單冇耐,爸爸嘅香蒜蜆肉炒意粉到嚟,由於呢日天氣都清涼,所以我都唔叫爸爸等埋頭盤嚟,趁熱食呢個意粉.佢話幾好食,幾香.冇耐,3個頭盤一齊到嚟,煙三文魚正常的鹹; 凱撒沙律唔用炸麵包粒,而用粟米片代替, 沙律菜鮮爽脆鮮甜.唔錯.西班牙火腿密瓜我就冇食到.然後燒美國豬肋骨同瑤柱雲腿炒飯到嚟,我冇試到瑤柱雲腿炒飯,老公試咗話幾好食.我就試一條燒美國豬肋骨,呢個香脆,內裡唔乾,醬汁味道亦好好,好味.最後我嘅黑豚漢堡包到嚟,伴有薯角,好彩薯角唔辣;黑豚漢堡都幾厚,口感係好彈牙,好味.最後叫餐裡面嘅甜品喇,係椰汁紅豆糕,睇見紅豆大大粒,味道唔太甜,口感又啱啱好,正.服務:唔錯

平均約2個月便會特意駕車前來晚膳，根據我多次的光顧經驗，早已鎖定幾款必吃菜色，包括周打蠔湯、蟹肉釀大磨菰、焗羊架8支骨，今天特意加一個酥皮龍蝦湯。前2者皆保持一貫水準，維持必吃首選推介，酥皮龍蝦湯也不過不失。而最後這個焗羊架，自從多年前初嚐體驗過，便認定是值得特意駕車前來品嚐的主打菜色，7成熟是最佳選擇，回味無窮。但很遺憾最近這2次光顧，出來後都是太生要回頭再焗，再出來就變了全熟，肉質太Un，浪費了。配菜那個忌廉薯蓉本來味道也是出色的，但今天也是凍的，真的很失望。另外希望特別一提是員工的招待和教導有所不足，今晚8:00光顧目測只有不足6張枱合共不足20位客人，員工有5-6位，卻不會主動添加開水，相反鄰座的大枱郤體貼週到，感覺被無視了，大概是生客熟客之分吧。到我舉手示意，那位年輕人為我添加的是全熱的滾水。作為一間高級消費的西餐廳，這服務水平的確有待提高，餐廳老闆如見字，希望有所改善。

話說農曆新年過後，由於武漢非典肺炎，小孫不用上學，小女不用上班，最好去郊遊，所以去大美督淡水湖之前，先來個午餐在大埔林村許願樹附近的荷曄庭Lotus Courtyard Restaurant。一行四人叫了三個套餐，前菜，可以選擇青菜沙律或餐湯，主菜有接近三十款可揀由150至300的豬牛羊蝦雞等。最後，女兒叫了燒排骨，太太叫豕肉法包和我叫焗羊排，全部水準十足。進食中，女兒說甜品：椰汁紅豆糕，十分出名，一問之下，原來套餐甜品就是這個了，味道一流，如果紅豆可以煮軟一点便十分好了。

香港的餐廳少有園景，有園景的，也未必有這裏的花園夜境浪漫、有情調。我們怕與昆蟲共食，只在環境普通的室內進餐。我們5人共點了5款食物:周打魚湯 少見的creamy，卻不會黏、不會結塊，難得!鮮蟹肉焗釀大蘑菇 味道是不錯的，就是吃不到鮮蟹肉。法國焗田螺（1打）薯蓉多，但乾。黑松露汁海膽帶子意粉黑松露味淡，意粉未煮透，而且完全吃不到海膽。本來是想要燒安格斯西冷扒(12oz) ($290) ，店員卻說沒有，推薦我們吃燒美國有骨西冷扒(36oz) 。想吃牛扒的我們只好點價格較高昂的後者。牛扒也算是不負店員的推薦，肉味濃，肉質很好。伴隨牛扒的有燒汁、黑椒汁、芥辣共3款，每款都好吃。雖然要求了五成熟，但牛扒看來只有三、四成熟。我實在吃不慣這麼生，因此我們吃了一半後，便讓店員拿回廚房煮熟一點。店員整碟拿走，之後用了另一隻較小的碟盛牛扒出來，沒收了薯仔及沙律菜。整體而言，這裏的食物質素一般，只有西冷扒—如同其價錢一樣——「突圍而出」。最值得欣賞的是店員主動提出幫我們切蘑菇和牛扒。

以前住林村黎食過幾次，自從搬離林村就無再黎，今次再黎呢度慶祝生日。餐點由生日主人翁發板，所以都唔係好記起叫左咩？原本只係叫左兩塊扒，一塊係32oz燒美國有骨西冷扒同一款豬扒，上枱果陣侍應好好咁幫我地切埋，但中途上左2份無order過既扒，而大家唔知既情況下手快快切左黎食，後來同侍應講返，最終收左一份錢，呢個安排好好！牛扒肉味好香，但唔會太硬因為有小朋友，所以都要叫d炒飯同意粉，炒飯無咩特別，意粉比較出色，可能因為個黑松露汁好味叫左款小食（不知名），薄餅幾好味，中間夾左芝士唔記得係咪新裝修，但環境真係好靚，影相一流