荷華庭園景餐廳 (已易手) 新餐厅

難得有假期行下山，今次路線揀咗大埔的梧桐寨！行完當然要搵地方醫肚，荷華庭嘅園景完全係吸引咗我，小橋流水，仲有多個獨立玻璃門，超有情調！海蝦鮮果沙律鮮果分別有芒果、士多啤梨、木瓜、蜜瓜，全部都好香甜多汁，加埋爽脆嘅沙律菜，配上帶有豐富海洋鮮味又大隻嘅海蝦，真係開胃至極！燒紐西蘭羊鞍羊鞍燒得啱啱好，肉質香滑且肉汁豐富，外皮仲帶點脆口😋仲好嘅係佢無咩羊騷味，連超怕骚味的我都輕易入口！配埋mustard 非常惹味！黑松露雜菌海膽意粉一上桌就已聞到撲鼻嘅黑松露香味， 雖然唔係好食到海膽嘅味道， 但係佢份量十足嘅雜菌同埋黑松露汁真係令人十分滿足！🙌🏻

第一次幫襯，當晚唔係太熱，坐響花園水池旁邊，環境唔錯，星期六晚唔算太多人。叫咗個雜菜沙律，酥皮三文魚，黑毛豬配黑松露汁，12安士嘅牛扒，八件羊架。沙律幾新鮮唔錯酥皮三文魚不過不失黑毛豬冇咩特別，食唔出有咩特別牛扒煮得太過生羊架OK，有四個唔同嘅醬嗰度個飲品唔算貴，飲杯嘢都幾好四個人食咗$1605（九折價錢）食物質素來講唔算10分好，但係環境一流，有一半價錢係食咗個道嘅環境，一班人可以慢慢傾計，最好有免費泊車。

周日約了新知舊雨在大埔吃飯，幾位都是從港島或九龍遠道而來，期望我介紹一個特別的地方吃午餐。月前看食評無意中發現了這家餐廳，被當中的園林景緻深深吸引......荷華庭園景餐廳在許願樹附近，許願樹我只去過一、兩次，這裡對我來說也很有新鮮感!有很多戶外座，但炎炎夏日的中午，留在室內嘆著空調吃午飯較好。 飯前急不及待走到外園觀賞及拍照留念!荷花午餐 - 由 $138至$298 不等~午餐的頭盤和主菜可以自由配搭。 餐牌雖然只有一頁， 但選擇其實頗多，頭盤有6款，而主菜多達18款。和老公各自點了一款分享。頭盤任選一款 :西班牙火腿配蜜瓜~火腿中規中矩，鹹香的巴馬火腿與清甜的蜜瓜，總是個開胃的好配搭!凱撒沙律~椰菜、芝士條和脆脆的炸物，味道不錯!香燒豬肋骨 $ 138 ~豬肋骨很香口，肥瘦比例適中，內裡多汁美味，分量很大!黑松露海鮮燴意粉 $ 168~龍蝦啖啖肉，香脆、芝味香濃，黑松露味道不算突出，但意粉質感頗滑，醬汁美味!奉送甜品 - 紅豆椰汁糕~椰汁糕很大塊，香滑、紅豆粉腍，椰味濃郁!咖啡或茶(每位加15元) ，另加一服務費。看著清幽雅緻的園景用膳，真是賞心樂事! 期待秋冬季節再來，在園林中吃

來過林村很多次, 之前許願後就會去食豆腐花才離開, 一直都不知原來走入民居有間西餐廳, 是朋友介紹才知道。原來餐廳規模不細, 有INDOOR 及OUTDOOR 之餘, 有類似商房, 可開小型PARTY這天來到天氣很熱, 人不多, 餐廳有落地玻璃, 喜歡這種自然光, 不過蚊虫就較多, 雖然關了窗門開了冷氣, 但始終食客出出入入, 蚊蟲還是有機可乘員工的制服很傳統, 不過很有禮貌, 有笑容, 點了大蝦及羊架SET LUNCH, 前菜是Parma Ham 蜜瓜, 連皮上, 感覺新鮮, 味道亦清甜, 羊架和大蝦都不錯。食完出OUTDOOR 的位置走走, 很好的地方, 藍藍的天空, 有一個小小的荷花池, 中間有幾張檯,沒有高樓大廈, 我差點以為離開了香港,, 很喜歡這個環境(如果沒有蚊的話), 我相信秋涼來這個地方會非常吸引。

今日踩開單車入左大埔林村，正中午時間太陽也正烈日當空，所以便走入林村內走走找野食，也正剛好路過這間「荷花庭園餐廳」，地方也很寬躺及比人很舒服的感覺，所以便進去享用午飯，當然餐廳內也不介意給有地方給我擺放單車能住這園林景享用午餐，簡直是很心曠神怡，不喜歡坐戶外及怕熱的也有室內空調位置頭盤是西班牙火腿拼密瓜，西班牙火腿擁有滿滿的鹹香味道，再配上新鮮爽甜的密瓜主菜叫了茄醬肉碎焗意粉，大大碟的意粉份量10足，茄醬及芝士效果十分一流，食落口香濃也很黏口，但不會感覺很油滑餐後更奉上美味糕點

網上見到呢間餐廳就膽粗粗一行五人嚟試首先叫咗黑毛豬火腿配蜜瓜由於太快食咗所以冇影相😂份量好夠 大概 12 pcs?有好童年嘅酥皮龍蝦湯!好香濃嘅龍蝦湯🦞酥皮夠牛油味又唔會太膩人多可以試多啲所以我哋叫齊 豬 牛 羊 !!黑豚豬配黑菌汁 <<< 高度推介必食之選!!揀豬都有擔心會唔會冇味或者好鞋但係佢煎得香又保持到好 juicy!!一定一定會再返嚟 encore!!牛小排呢我哋揀咗半份店員好好啊提醒我哋叫半份就夠都係好好味 冇過熟嘅情況唔係嗰啲冇味冇道嘅牛扒仲有紐西蘭羊鞍 (8支骨)呢個燒得靚, 最怕人燒到黑晒佢燒得個顏色靚仔同時入面唔會太生/太熟面頭個 mustard 味道入到去亦唔會太濃搶去本身嘅羊味另外叫咗蜆肉意粉同西蘭花🥦

以為自己去左曼谷呢間餐廳環境真係一流 最衰我去嗰陣落雨 TT 唔可以坐出面 TT 好彩走嗰陣無雨都可以影下香港地咁細有幾多餐廳可以有咁大個garden 放成個圍滿花嘅沙灘小屋 唔講都真係會以為我去左泰國 所以就算遠少少都冇乜所謂 咪當游下車河囉 野食方面 有沙津 牛排🥩同意粉沙津佢加左啲cereal 個口感都幾好 脆脆地咁 個醬係caesar salad 醬牛排個smash potato side dish 都好好牛 牛油味好重整體黎講 假日黎散下心真係一個好選擇 特別係坐係個沙灘屋到

難得好天氣，就近朋友，去大埔搵食。上網見到呢間餐廳環境唔錯，好似置身香港以外既感覺，岩晒我地係呢個long weekend去。 太和搭小巴去林村落車，去餐廳既沿途都好多指示牌，好清晰，住果度巴居民見我地有少少迷惘都好主動幫手。到左餐廳入口，覺得簡直係身置世外桃源，黑色既大閘內係一條小橋，兩邊有好多錦鯉，唔知以為自己係御花園。6點入去，仲未天黑，日景既餐廳好雅緻。有室外同室內座位，咁熱既天氣我地揀室內，入到室內唔算多人，侍應安排左中間既位比我地，見我地有選擇困難，仲好熱衷地推介左3樣符合我地合味、食量既菜式。1. 煙三文魚卷沙律作為頭盤夠晒refreshing, 煙三文魚既油脂分佈平均，中間加了沙律醬，配埋加左醋既沙律菜同芝士碎，有多重口感，食得好滿足。2. 燒水牛城豬肋骨我地原來以為個ribs係好似係歐洲食既size, 驚唔夠飽，點知呢舊ribs大過我地塊面，絕對係重量級，大塊得黎又燒得恰到好處，外脆內軟，有少少肉汁，淋上ribs既醬汁都好夾，配菜有牛油薯仔同沙律菜，平衡返ribs既油香。3. 焗日本黃金帆立貝2隻帆立貝超大隻，被滿滿既芝士同醬汁包裹住，裡面仲有d菇，勁juicy, 配

週末放假，天氣唔錯當然要去郊遊下，上網搵左間我身為大埔人都未去過這間位於林村既世外桃園餐廳🍴一於揸車入去食個lunch，餐廳既園林景唔錯，好relax就好似去左泰國咁👍🏻心情大靚，下次要帶埋小朋友一齊黎😋午餐都幾多選擇，我們二人order 左兩個套餐。🔸西班牙火腿拼哈蜜瓜天氣熱食下水果最清新，滿滿咸香既西班牙火腿和哈密瓜🍈極其合襯，甜甜地又咸咸地，又fresh又好食呢👍🏻🔸海鮮忌廉湯忌廉湯夠滑夠creamy有蜆、魚同青口肉係入面，幾香而不膩，不錯👍🏻配合焗得很香很酥脆既牛油蒜蓉包，正呢😋🔸煎羊鞍拼焗芝士黑松露虎蝦濃濃既芝士及黑松露味，大蝦厚肉鮮甜！黑松露味很出很野味👍🏻羊鞍六成熟剛剛好，皮脆又夠juicy 一d 「騷」味都無，好食😋🔸燒牛小排拼大虎蝦牛小排六成熟，肉質鮮嫩夠juicy，滿滿的黑椒蒜香，好好食😋肉質腍皮焗得香脆！虎蝦是用黑椒、蒜及豉油煎的非常香口野味😋餐廳環境清優，是遠離鬧市既好去處！食物質數高價錢相宜，地方大又有園林，水池，是weekend relax一下的不錯選擇👍🏻😋

一開始係比佢環境吸引到，真係好靚，影相一流，可以一路食野一路睇景，好正！講返野食方面，好有驚喜，叫咗一個美國無菌黑豚豬配黑菌汁，肉同汁好夾，肉質岩岩好，一咬落去超多肉汁，入口即融，好值得叫，第二個係西班牙黑毛豬火腿配蜜瓜，咁樣配真係一流啊，咸配甜，真係一流然後叫咗兩個湯，周打魚湯同意式番茄肉碎湯，湯好入味，首先番茄湯酸酸地好開胃啊，周打魚湯好濃，黎到一定要飲，唔飲就走寶啦，呢間餐廳去值得去，最重要既係又可以睇景又可以食野

因為男朋友住大埔的關係，我們經常到隱世的大埔小店吃飯。上網搜索一番，今日我們就來到林村這一間隱世餐廳吃晚飯。地方位置比較入，但如果揸車去都很方便，而且可以免費泊車。餐廳環境非常精緻，清幽，一進去餐廳先經過一條小木橋，下面有潺潺的流水聲，仲有錦鯉游走，非常有生氣。餐廳主打西式美食，價錢都可接受。海蝦鮮果沙律$138主要都是水果為主，好抵食，賣相夠靚，營養豐富，水果夠新鮮，鮮甜。再加上新鮮沙律菜和海蝦，夾埋一齊食又香甜又爽脆。意式番茄肉碎湯呢個番茄湯好濃郁，用上超多肉碎，加上蕃茄蓉來煮，淡淡鮮茄香氣。旁邊更有香脆的蒜香牛油包，沾上番茄湯，吸收了所有精華，更加好吃。黑松露鵝肝蛋白炒飯$138煎香的鵝肝有兩大片，味道香濃，而且口感軟綿綿。蛋白炒飯很清新，炒飯炒得乾身，粒粒分明，只用了黑松露作調味，簡單而美味。美國無菌黑豚豬配黑菌汁 $298黑毛豬煎得香口，而且肉汁夠多，很嫩滑。配上惹味的黑菌汁，更能提升豚肉的鮮甜味。旁邊的沙律菜新鮮，配以薯蓉一起吃，能減低膩感。餐廳坐得舒適，空間感夠大，感覺像去了世外桃源。有時候周年紀念在這裏慶祝，未嘗不錯！

因為朋友住大埔，所以今日就到大埔食晚飯。想食啲有特色少少，環境精緻嘅餐廳，所以我哋就去到遠少少，大埔林村嗰邊搵食。呢度嘅位置係比較入，但如果揸車嚟就十分方便，在太和只是揸大約7至8分鐘已經到達。環境非常清幽，地方大，好像去了世外桃源。海蝦鮮果沙律$138份量都好多，水果非常新鮮，有菠蘿，士多啤梨，奇異果，芒果，蜜瓜等等，沙律九成都是水果，性價比十分高。上面有熟透的海蝦，始終是凍食，所以比較乾身，但都保持海鮮鮮甜味。黑松露海膽帶子燴意粉 $138黑松露味道香濃，十分清新，帶子亦都很鮮甜。意粉很掛汁，亦帶有忌廉奶香味，清新而不膩。燒美國安格斯肉眼扒$290肉眼扒都幾大塊，燒得香口，而且好諗身，牛味濃郁，帶有些少脂肪，更添牛油香氣。旁邊更配上芥茉和惹菌汁，令牛肉的鮮甜味提升。配菜是一粒粒的薯仔，有濃郁的牛油香氣。整體來說，餐廳食物質素唔錯，環境就更加加分，適合慶祝或者一家大小來這裏食飯同打卡！

平日返工營營役役， 難得假期總希望在休閒的環境下享用一頓晚餐。荷華庭園景餐廳一定是首選交通方面 如果你是駕車一族，更加適合來這用餐，因為餐廳門外提供免費泊車位環境方面用世外桃源形容呢間餐廳一點也不過份。空間大，有室內也有室外，而室外還有幾間包廂，適合一圍人私人空間聚餐。在大樹和荷花圍伴著令人忘記 煩囂食物方面~以西式為主我們吃了三個主菜香蕉墨西哥薄餅 (雞肉)平常吃的薄餅餡料總在薄餅上，但這個墨西哥式的雞肉和極creamy汁 都埋藏在薄餅內， 而且很均勻，所以每一口都嚐到 雞肉香煎羊扒配黑裙汁每次吃羊扒總戰戰兢兢的，因為怕很騷，但這份羊扒不但鬆軟又有羊肉味，煎得剛剛好，配上另上的黑菌汁簡直是完美的配搭。黑松露海膽焗海鮮飯 海鮮份量多，重要不是用冷凍的海都是用上新鮮的， 另外有兩隻大青口。份量蓋過全個蛋炒飯底，黑松露海膽 醬配落蛋炒飯更能帶出蛋飯香黃昏景更加舒適

<跟女朋友吃飯系列•四十四>趁著天色好，也決定跟女朋友前往大埔林村逛一逛，求自身也為香港祈求。在村口拋完寶碟後，發覺用了很多體力，決定在附近吃飯，補回能量😆考慮期間，發現一個世外桃園，美美噠的門面成功進入我的眼球。於是我決定跟女朋友進去吃一頓午餐😋餐廳內外三個字：美美噠。在餐廳內，每走一步，也有世外桃園的感覺。餐牌方面午市套餐的選擇比較多，具備一般餐牌的元素，不過可以加添英文，照片，以豐富餐牌的設計色彩。食物方面點了兩個午市套餐，1）西班牙火腿配蜜瓜+羊鞍；2）海鮮忌廉湯+黑松露繪海鮮意粉。先來了西班牙火腿配蜜瓜，蜜瓜很甜，吃得出是新鮮的。西班牙火腿並不是太咸，配合甜甜的蜜瓜，也是值得一戰的。沒多久就來了海鮮忌廉湯，可以說是十分足料，啖啖也是蜆，每一口喝下去也是海鮮，真材實料。主菜等了一會兒也來了，羊鞍率先登場，這是我跟我女朋友第一次吃羊鞍，五成熟的羊鞍，肉質明顯嫩滑，加上薯仔，沙律菜，好吃呀！其後來了黑松露繪海鮮意粉，意粉的硬度適中，且是高質的意粉，材料也有很多，有大蝦，青口，蜆等，貨真價實。吃後，大家也可以去公眾地方逛一逛，有個小型花園在此，十分適合拍照。如有機會，

食物質素差到一個點🤮🤮份量小到一個點🤦🏻‍♂️🤦🏻‍♂️貴到一個點😞😞除左環境幾好，有啲感覺之外，其他真係不值一提丫！仲有樣好嘅就係有免費泊車位，不過下次請我都唔會再嚟