荷華庭園景餐廳 (已易手) 新餐厅

臨放假前的happy friday, 聽朋友講，林村有間出名的法國餐廳，所以一早訂左枱入林村，其實去呢間餐廳，真是無想像中咁難去，大埔墟站落車，之後搭64K巴士，在林村果一個站落車就到喇。呢度我很多人專登揸車入林村食飯。而且餐廳門口有得泊車添，真是一個拍拖的好地方呀！侍應招呼入去喺餐廳花園，有分花園同玻璃屋，我要求坐花園，近噴水池旁邊，因為坐喺花園，可以聽著微風同大自然美妙奏曲，仲可以聽著淙淙的流水聲，在柔和又浪漫燈光下，係情人共晉晚餐的好地方。而且仲有私立房間，啱哂一班老友或者家人，如10至12人一間房，開心又不會太吵而影響到其他的食客。而且呢度細心貼心的侍應，如同你加水，聽到你需要，值得一贊呀！鮮蠔周打湯鮮蠔真係好大隻蠔，食落好鮮味，仲配上熱蒜蓉飽，湯好滑好香，材料好足料，一啖面包一啖湯，正呀。美國無菌黑豚肉配黑菌汁顧名思意，黑豚肉來自美國的。黑䐁肉豬扒真是好大份，對我來講真是好大件而且好正添。首先剧開黑豚肉，好易剧開，而且咬落去，肉質鮮嫩，仲好多汁添！💓💗💓真是滋味無窮，啖啖肉呀，而且一點都唔油呀，配上薯泥同埋新鮮沙律菜。呢個“心花放”真係好正嘅打卡位，鐘意影相可以呢個打卡位，盡

母親節同一家人特意來到荷華庭餐廳，一開始見到户外園景覺得好有特色，一間間小木屋仔好有異國風情，可惜，該日陽光猛烈，唯有移步室內。原來，園景餐廳只係園景靚，入面係冇乜特別既。都算喇，香港地有個地方hea下都好難得。但係！平平無奇既室內環境同處處都有埋伏既食物體驗形成強大對比，喂，真係好得意呀！！先講食物質素，肉眼扒盛惠238蚊，我諗隻牛同淪為惠康48蚊既脂肪牛應該係親戚，無論賣相同味道都有幾份相似。不得不佩服既係隻牛應該去過西佰利亞，一陣陣雪味令我肅然起敬。龍蝦意粉真係老少咸宜，一定係用咗健康淡味豉油黎炒。究竟我食緊既係糊仔定意粉，我已經分唔清，我淨係知冇帶假牙食都冇問題。最值得人關注既係我懷疑老闆逼員工母親節返工，一位位西面孝子恨不得客人快啲離開，等佢地可以早啲返屋企慶祝。上天亦喺今日埋下小小考驗比我家人。我地應該點扶持當大家都就食完而叫咗豬手都仲未黎既哥哥呢？好不容易，終於見到侍應攞住碟豬手出黎，場邊好似突然響起金像獎即將宣布景帝既鼓聲，亦都係我聽到過最長既鼓聲。侍應一直攞住同一碟豬手徘徊全場，加深劇情既張力，最後check埋機都未搵到張枱，當我地舉手示意我地嗰枱爭一碟豬手時，佢選擇

約左好耐既fd.今日終於有時間見面，也不妄我千里迢迢從港島過黎，因為靚女話帶我食好西fd住附近，所以十零分鐘的士就到。剛入門口就被這東南亞風折服。我地影左好多相，好多fd仲以為我地去左泰國，哈哈，個環境又真係幾似。因為我地到既時候都係17、8點。因為想更多接觸大自然坐左係出邊個草屋。但如果你係怕蚊或者怕熱，推薦可以入玻璃房內用餐。叫左一個凱撒沙律，沙律菜上邊滿滿既芝士以及粟米片。有趣既口感。推薦呢款蜜瓜火腿，火腿既鹹配上蜜瓜既甜，岩岩好，完美。今次因為都處於减肥期間，所以叫既野食並不是太多。但會再黎。

今日同阿仔一齊去大埔踩單車，順便喺附近搵食！搜尋到一間做咗好耐嘅西餐廳，見到他們嘅圖片環境10分舒適休閒所以就來了自己揸車他們有停車位10分方便，而且一出公路就係好容易就搵到，！環境正如睇到嘅圖片一樣真係好似去咗一間園林餐廳，四周嘅環境10分舒服，直情覺得自己好似去咗旅行一樣！環境一流，他們提供嘅係西餐！蟹黃焗大蘑菇：大大隻嘅大些菇多汁。讓左蟹肉，這個配搭很好食，蟹仍然有蟹嘅鮮甜味！豉油王大蝦拼牛小排：有少少中西合璧嘅感覺，豉油王嘅大蝦很夠味，虎蝦也很大隻，新鮮彈牙，配搭嘅牛小排同樣有質素，牛味很重，軟硬合適，價錢雖然貴了少少，但係給我們的級數確係抵食！黑松露鵝肝蛋白炒飯：又是中西合璧之作，配搭很完美，充滿黑松露香味嘅炒飯，的確係第一次食，很有水準！雖然對於我住九龍的人這裏有點遠，但係揸車比我想像中方便很多，下次可以加入嚟嘆個下午茶又可以消磨一日！

朋友介紹，話呢度好靚好有仙境feel, 咁我就梗係要入嚟睇吓，食吓嘢喇！講真，好彩佢有大把車位可以比客人泊，喺大埔嘅村，真係唔敢亂咁泊車㗎！一入去見到個正門已經好靚！小魚池、小橋咁！仲有好多真嘅植物！仲見到我最喜愛嘅太陽花添！餐廳有分為兩個區域，一個室外（靚花、小亭、流水……），一個室內（華麗佈置），好可惜，因為落雨嘅關係，佢安排咗室內，同唔到花花影相喇！下次！下次好天一定要再嚟！室內擺設都好靚呀！又影吓先！海蝦鮮果沙律～有五至六款鮮果！真係鮮果！絕無罐頭生果！當中有菠蘿、芒果、奇異果、士多啤梨……等等,隨咗海蝦呢個主角之外，同時亦有少量菜葉！個醬都唔係一般嘅沙律醬就算！仲有士多啤梨醬！酸酸甜甜咁！好味！黑菌海膽焗石班天使麵～大大件石班有兩件，非常有咬口，一食就食得出唔係普通貨！有質素！而天使麵唔係想像中嘅幼度，佢比腦海中果種天使麵較為粗！可能因為個醬汁好濃厚，唔需要用到咁幼，去用咁多接觸面去掛汁，但估唔到呢個粗物少少嘅天使麵口感仲好！爽口又夠味！美國無菌黑豚豬～食西餐通常都會叫塊扒，唔想食咁多牛，自然會諗起豬，呢個黑豚好啱我心水，佢肥瘦參半，帶有本身黑豚嘅油脂香味，非常淋！咬落去一啲

久唔久先黎一次，欠違了的荷曄庭，對上一次已經係三年嘞環境依然清靜，六點鐘坐室外，由日光食到夜晚。情調一流。皆因，食客寥寥可數。好，落單先，田螺....無貨。。。。咁$29x 12oz肉眼吖，侍應即刻真心誠意比忠告我地，肉眼嘛，麻麻地，不如叫$69x 32ozT骨吖,或者$69x小牛排， 咁奇怪嘅，邊有侍應咁倒公司米。 我地覺得32ozT骨唔夠食，所以照叫每人一客肉眼。一客鵝肝有兩件，夠厚但煎太乾了，無咗入口即溶一客凱撒沙律，普普通通跟住酥皮龍蝦湯，篤穿個皮，個湯竟然一半都無，嘩，咁慳水㗎。味道.....比一田買個龍蝦湯仲淡主菜黎嘞，五成肉眼.....咬落去.....嘩，鞋過鞋底，兩位愛牛之人一大半無食，反而兩位女士就本著唔好嘥就頂埋去。實在又鞋又無肉味，邊值咁多呀唉，礙於地方太偏遠，要再另覓糖水確難搵，唯有試埋佢啲甜品。個$48心太軟，真係好難食呀，佢好似用啲奶粉開水，加啲無朱古力味奶粉整出黎，oh no, 不如唔好賣啦，咁無heart, 食到我地ee鞋鞋。呢個$3x椰汁紅豆糕, 紅豆甩晒出黎，又無豆味。好失望呀，佢係咪轉咗老闆呀？唔好用荷曄庭呢個名啦。我地2011年第一次黎食，比咗9

估唔到前往浪漫之地比想像中容易，唔駕車坐巴士前往都好方便！響大埔墟搭 64K 巴士至放馬莆（林村許願樹）都只係15分鐘，落車時拍多次八達通享有埋此程分段收費優惠！落車再步行1分鐘就到達餐廳正口…越過一道小橋就進入另一個世界。廣闊園林景緻佈滿左小燈飾點綴，可以隨意挑選獨立小屋私人空間十足；悠悠音樂伴隨，相信係情侶表白/求婚既最佳戰略重地！餐牌上其實有好多選擇，但去到掛住談心就隨意揀選了…前菜係凱撒沙律 ($98)，新鮮生菜配上香脆的粟米片，用上大量芝士碎，味道不錯呀！主菜係燒紐西蘭羊鞍 ($490)羊鞍賣相吸引，但朋友唔想食太生所以叫侍應分件燒再呈上；侍應表現得樂意至極好友善！羊鞍肉質幼嫩，惹味而且唔太羶岩晒我口味，而且仲提供三款醬：芥末醬、薄荷啫哩醬及燒汁。個人認為薄荷啫哩係最夾！大大匙塗上羊鞍係最好味呀～另一個主菜係黑松露汁海膽焗石班天使麵 ($148)黑松露味聞落香噴噴，石斑肉厚天使麵份量十足，抵食呀；麵入口好Creamy夠嚼口，食晒都唔會滯！我地兩個食完已經好飽…所以無點甜品了總括而言：食物有水準，淨係食環境已滿分啦～幾百蚊就可以同情人共渡一個浪漫晚上，有包場的感覺實在好超值，仲

荷曄庭 位於大埔林村放馬莆43號，是一間提供西菜的園林餐廳。餐廳裝潢以園林式設計，歐陸式村屋別具古典氣息，在過萬呎園林庭園設有錦鯉魚池、荷花池及噴泉，沿路種滿盆栽，鳥語花香，令人心曠神怡。整個庭園還有不少小木屋，洋溢一股悠閒與清雅的氣息，予人感覺猶如處身於熱帶小島呢！午餐前菜點了煙三文魚沙律，大大塊煙三文魚，一共有兩大塊！還有海鮮忌廉湯， 忌廉濃又滑，令人滿意，更棒是同上的脆蒜包，非常的香口好吃呢！超多海鮮!! 這裡肉類很有水準而且份量十足，之後再吃主菜 燒安格斯肉眼扒 Roasted Angus Rib-eye Steak，出品豐腴又香口、肉嫩而味濃，也是足料誠意之作。黑松露海鮮燴意粉， 黑松露味十足！份量夠！海鮮多！餐飲點了凍玫瑰冰糖雪梨，顏色鮮艷，味道清甜又夾雜玫瑰花香！甜品是椰汁紅豆糕 Red Bean Pudding 作結，大滿足的午餐！

香港地人多車多，四週圍都好迫人，想週日遠離塵囂「偷得浮生半日閒」，不妨試下黎大埔林村附近嘅荷華庭園景餐廳，位處吐露港公路大埔北出口附近，駕車的話尚算方便。呢度園林景緻宜人，歐陸式花園裡仲有唔同特式廂房，真係「冇得傾」環境一定係五星。老婆最喜歡呢棵「心心樹」😍，有情人眼裡先睇得出架！今日「風和日麗」兼「萬里無雲」，緊係要坐Outdoor同陽光玩遊戲啦，旁邊有個荷花池，若然超級怕蚊叮蟲咬就要搽定蚊怕水。頭盤係西班牙火腿拼蜜瓜鹹香的西班牙風乾火腿加清甜的蜜瓜簡直係絕配。燒安格斯肉眼扒（$238）塊肉眼扒有幾大「有辦你睇」，岩岩好唔咪太厚，猛火辣一辣兩面肉汁仍然鎖响入面，加少少salt & pepper，食出最原始的肉味。扒三文魚（$238）原塊三文魚扒慢火煎香，外皮香脆內裡肉質保持鮮嫩，真材實料沒有太多花巧，加埋特制的他他汁簡單又健康！飲品方面加$30可以配埋餐酒，但由於要揸車就點左兩杯無酒精成分的特飲。

住大埔的人應該對這間餐廳不陌生，經過林村便會被大大的花園吸引住！今日第一次晚上光顧，同早上的感覺很不一樣，變成了浪漫的庭園😍餐牌的選擇不少，因為好肚餓的關係，我地叫左個扒加飯，再加一個墨西哥餅😋枱面上也放了花作裝飾。這個墨西哥餅非常香脆，立即要表演一下芝士拉長的感覺，溶了的芝士非常好味😍這杯藍蝶飲品用來打卡一流，2層顏色分明。味道是甜的。黑豚肉非常厚切，而且有薯仔做底，薯仔加牛油烹調😍豚肉烹調得剛剛好，不會太乾，肉質仍有少許粉紅色。朋友說太肚餓，一定要叫炒飯，這個炒飯以店名名明，初頭不知道有什麼配料，原來裏面有海鮮！！飯炒得每粒分明。餐廳外花園有水池，很寫意😚

難得與女友到許願樹後又到晚飯時間。見到有間餐廳於是去看看。園內別有洞天，鯉魚池的魚都肥肥白白，而且都很生猛(當然只作觀賞用)這裡令我想見到桃花島的黃蓉先來煙三文魚卷沙律，有四朶花送給女友，未吃都令她心花怒放。沙律份量算大而且很好味，煙三文魚很大塊配合大量的沙律菜兩個人幾乎吃不掉一整碟。咖哩雞夠濃而且不是只有辣、咖哩香料味亦重。雞肉多件肉厚。甜甜的香煎印度薄餅沾上香濃咖哩汁，香脆軟熟。燒美國安格斯肉眼扒為主角， 脂肪與肉的比例均勻而且肉味濃厚切件時亦都很輕鬆。吃咖哩當然要配個冰涼透心的泰國椰青。餐廳有多個戶外及室內的廂房，合適情侶、家人及朋友的聚會。

難得天朗氣清既星期六，當然要逃出鬧市享受一個休閒舒適既lunch。男朋友話想車我遊下新界，忽發其想想去大埔林村許願樹祈福。入到黎發現左原來有一間隱世西餐廳。餐廳環境鳥語花香十分舒適休閒，唔講以為入錯人地屋企既後花園呢度既lunch set好多選擇，以午餐黎講價錢略貴。我地叫左燒黑豚排($238)同埋扒銀雪魚餐($198)前菜有煙三文魚沙律同埋哈密瓜parma ham，不但賣相吸引，味覺亦唔錯，十分開胃！主菜黑豚豬排肉質十分鬆軟多汁，搭配惹味醬汁，正！伴碟既薯蓉同埋沙律菜都幾好味。銀雪魚魚肉嫩滑，自家製醬汁好惹味。飲品方面我地揀左椰青同埋玫瑰冰糖雪梨。椰青好新鮮，飲落好清甜解渴，仲可以食埋d椰肉。下次再黎大埔既話，一定會再幫襯因爲地點較遠所以客人唔多，岩哂我呢d中意寧靜舒適環境同埋假日chill下既人。

自從考了車牌後，不停在尋找駕車可以到餐廳😎意外地給我發現了這間位於林村的西餐廳，正是自駕的好地方🚗可以在OpenRice上訂位，非常方便👍這天準時放工，大約七點半已經到達餐廳！餐廳門口有幾個專用車位，不用怕找不到車位泊。經過餐廳的大門後，要過一條小橋流水。再行入少少，便看見職員在跟我們招手👋🏻。帶我們進入餐廳的玻璃屋裡🙂原來餐廳也有大枱，多人的聚會也可以來這裡。餐牌的選擇不少，難以選擇的情況下當然問下職員有咩推介😝首先來了一個墨西哥芝士雞肉薄餅，薄餅的皮煎得很脆，而且芝士溶化的感覺，再配上醬汁吃，非常好味😋之後主菜是黑豚豬，這份豬的份量也不少🤩很大塊！下面配上牛油薯蓉，再配一些沙律菜。豬扒雖然厚身，但不會太硬，而且煎得很香👍看見餐牌有一些特色飲品忍不住叫了兩杯，一杯是藍蝶蘆薈，另一杯是玫瑰冰糖。炒飯方面裏面有一些海鮮，而且飯粒用蛋黃炒過，非常香口，我是非常喜歡吃蛋黃的產品，所以這個炒飯非常合我心意😍吃完飯後，在庭園走個圈，這裏有很多不同的小屋子！下一次要來吃午餐，相信有另一番風景。📸

林村就去得多, 原來係寺廟後面, 有一間充滿樹木, 流水及魚池的餐廳, 仲已經開業好耐添!大門口係一條小橋, 下面係好大條的錦鋰魚!店內仲有水池除了主座, 仲有好多獨立的小屋, 可以預訂主座有大約十多張檯, 地方舒服闊落每張檯都有花LUNCH MENU有大量選擇, 頭盤有6款揀, 主菜有18樣!!!頭盤 - 蕃茄肉碎湯超濃郁的蕃茄湯, 味道又甜又酸, 十分開胃, 還配有一片蒜蓉多士~凱撒沙律 - 大量芝士粒, 岩曬我呢個芝士控, 生菜十分新鮮, 塊塊爽脆!主菜 - 香燒豬助骨一份4大條豬助骨, 差不多一巴刀甘長!!件件多肉, 又帶一點肥的, 十分多汁又入味, 燒得好香好好食!原隻龍蝦炒意粉 - 原隻澳洲龍蝦!! 仲有好多膏添呀! 龍蝦肉彈牙鮮甜, 仲加埋芝士係面焗香, 十分好味!意粉用了濃郁龍蝦汁煮, 也不錯.還有熱飲- 咖啡好香!特飲 - 藍蝶花荔枝梳打蘆薈, 好靚呀! 好多蘆薈粒粒, 唔係太甜, 又睇得又飲得!呢到食LUNCH SET都抵, 樣樣大碟, 味道同環境都好好!

朋友介紹我這間西餐廳今晚第一次去講真如果無了友介紹好難會知呢度有間咁有特式嘅西餐廳我地從家裡出發揸車廿分鐘就到餐廳門口已經有停車位門口有小橋流水、小魚池室外露天的雅座好舒適如下午來食真係別有一番風味再行入去還會見到有包房岩晒我怕嘈、又想安靜食嘢時可以預約不過今晚坐在室內啊服務員好快排我地坐下下雨天有些冷即時有杯暖水好窩心呢看到餐牌好多食物選擇多到唔知點選當然問下朋友有咩推介啦😂第一道是我喜愛美食之人西班牙黑毛豬配哈蜜瓜⭐️⭐️⭐️⭐️⭐️好大份，兩個人食唔洗爭飯前吃這道前菜，好開胃👏👏👏之後飲湯老公要了酥皮焗龍蝦湯⭐️⭐️⭐️⭐️⭐️一上枱都覺得焗得好岩時間然後打開龍蝦味澭出來😂😂😂好濃郁！！！👏👏👏我就飲意式蕃茄肉醉湯⭐️⭐️⭐️⭐️⭐️勁岩我口味，我鐘意飲比左一啖老公，佢話要交換！睬佢都傻😂😂😂我愛少少酸真係岩岩好、不太酸又多肉醉主菜香煎銀雪魚+薯仔⭐️⭐️⭐️⭐️⭐️好耐無食過銀雪魚好香滑！塊皮煎得好夠脆又香口加埋薯仔煮到不淋不硬好鐘意呢個口感！確實好味！👏🏻👏🏻👏🏻👏🏻👏🏻朋友大力推介「鵝肝醬焗豬扒飯」⭐️⭐️⭐️⭐️⭐️先講個飯！係一粒粒架我最怕太淋嘅飯！值得一讚豬扒老公話煮得好唔會覺得好「鞋」及過熟佢食嘢麻煩過我都大讚個煮