菖蒲亭 (已結業)

有些事要在中午時段在太古坊辦,為免同眾上班大軍午市逼餐死,辦事之前先來個午飯.一直想試這間菖蒲亭,年前晚市前往,比侍應指定要最低消費不記得五定六百塊嚇怕,即刻掉頭.當然,午市的套餐,沒有這等老土規矩.十二點九前埋單九折,等於免加一.一個人吃,來個吞拿魚碎飯餐,價錢$89.不算很貴.典型居酒屋格局,播放的音樂,也是一些80,S的日本流行曲,來來去去,也是播著玉置浩二的老歌.麻甩格到極點.個人幾欣賞其跟餐上的麵豉湯,味道咸得來夠鮮,原因是來自湯內的草菇仔,令到本身咸味的麵豉湯,多一重鮮甜味.吞拿魚碎亦很鮮,剁得幼細,沒有渣宰.伴以碗內的銀魚仔,山葵,海苔絲.再加些醬油,撈埋一起,非常滿足.由入座到埋單,前後不用半小時,離座時,成千上萬的上班大軍,亦開始壓境....

今晚公司到呢個居酒屋食飯當係團年/慶功/慰勞/聚餐我地差唔多有三十人一早就book 左舖(係book舖,唔係book 枱)成晚都係做我地生意首先係小食拼盤1) 餅乾+ 芝士+ 唔知乜(無食到, 同事反應一般)2) 燒魚件(饅魚?? 味道一般)3) 甜蛋(唔錯, 幾好)4) 毛豆(無食到, 同事話ok)跟住係薯蓉沙律?? 一般雜綿串燒(雞軟骨, 豬, 牛??) 都係一般燒魷魚(唔錯, 幾好)雞泡魚乾(第一次食, 感覺一般)豬肉蘿蔔(d 蘿蔔好甜無根, 好食)雜菜天婦羅(ok)炸蠔(幾好)雜綿刺身(三文魚,帆立貝,吞拿魚,池魚,八爪魚, 幾好)雜綿壽司(饅魚,蟹棒,青瓜,三文魚, ok 唔錯)overall 我覺得一般啦, 經過可以食但就唔洗專程入黎食老細埋單, 唔知幾錢

每次找在鰂魚涌工作的朋友吃晚飯, 都會到這家局酒屋. 價錢是頗貴啦, 但真的很正宗, 而且魚生很新鮮, 推介"雞泡魚乾"超美味~~ 日本人主理的店, 會有當造的料理, 自家調較的sawa酒. 店面小小, 邊喝sawa邊跟朋友聊天, 聊到多晚老闆都不會趕你走~~

放工後想找個地方hea一hea，就放棄一向去開的函館拉麵（因多人較嘈），行多兩步去呢間食。入到去覺得都可以坐耐d，因為打開餐牌，已發覺係居酒屋格局，亦即係無乜野食，一係串燒，一係壽司，然後隊下sake。如果要飲酒我一定唔會黎呢間，因為tst同cwb都有好的居酒屋，呢度有點唔上唔落。食物價錢係ok……貴，鍋燒烏冬$108，我心諗係咪好正宗或特別正。由於無飯餐，所以叫烏冬，點知一上檯，心知不妙：咦喂，咁普通既！食落烏冬好一般，唔知配料係咪來自日本啦，以多取勝，但味道好淡，成個窩都好一般水準。$108，我心諗不如我返屋企煮兩包cheap烏冬加些雞蛋蟹柳和紫菜都好味過佢……service係接近無咁滯，食物又貴又咁一般，如果唔係心事重重只求找地方坐，我建議都係坐電車落cwb找間似樣的居酒屋hea下，反正，$108食到兩三款令自己覺得ok的食物，可以一解工作的悶氣，才不枉叫happy hour，振奮自己的心情嘛。結論係：車錢都係唔可以慳，行多幾步，總有好路數。所以，呢間野無下次。周汶錡介紹都係咁話。

Two of us have ordered the follwing for dinner:1. BBQ ox tonge - stiff and not chewy $482. Fried egg plant - not special but cost me $1183. potato salad - two small scoops of potato salad --> $554. stir-fried ox intestine - half full in a miso soup bowl -> $585. bowl of rice - $20!6. fried egg - freshly made, ok $30All together $358, both of us left empty-stomach. Too pricy. Won\'t go there again.

尋晚去開鰂魚涌又來再食ShoBu捧吓場。之前第一次嚟食以為這店會以熟食為主，好意外佢D魚生會咁好食。今次第一時間叫壽司拼盤，唔好以為拼盤就會比D無咁好食嘅位置你食，同散叫一樣好質素，Toru 仲好肥美! 壽司飯ok如果彈牙D就絕配啦! (可惜海胆同蝦都賣哂，下次早啲訂定) 今次新驚喜就係老板娘介绍燒日本燒粟米，真係好甜好食，oishi其他食物keep到水準，不過拉麵就普通啦，麵質淋咗D，我朋友覺得個湯鹹咗少少。真係有D出前一丁feel.整体上我仍會再幫襯，魚生好食加上我喜歡這種日本家庭式舖頭，老板娘又親切，冀待下次又有新嘢試啦!

It was so disappointing. I ordered the sushi set ($160) sushi + miso soup + a bowl of rice. (does not taste like traditional Jap rice). the sushi was OK only. way too cold. but i think it is way too expensive.my husband tried the cold soba. ($60) ok. cold enough. but we will not go there agian. defintely overpriced. perhaps i went on Sat, no lunch special.

晚飯。預先訂了位子，卻想不到店舖如此小。我們到達時，店內僅有兩檯人。我們叫了一客烏冬，一客拉麵，一客串燒，兩個手卷，及一客燒魷魚。烏冬是很粗的，口感不俗，但不夠爽滑。湯拉麵的味道像出錢一丁的麻油味，印像分打個折扣。拉麵可以。紫蘇雞肉串：紫蘇味道強勁，整體味道口感皆不錯。燒魷魚：非常香口，微脆，佐酒最佳。兩個手卷：未知味道如何，但朋友很讚。服務非常好。

因被無線周汶崎介紹過後, 係差咗, 多人咗...以前佢地是在下午三時落場的, 二時至三時有特價Set, 壽司Set只時50幾蚊。在節目出街後兩、三天,下午二時左右同同事來試, 話已經關門, 已經賣晒wor。當然態度是差嗰隻啦。

　　以前光顧過一次，各方面不過不失，據知小店近日得到電視介紹後生意大增，可能因此連帶店員也趾高氣揚起來。想跟友人在公司附近吃一頓日本菜，結果如下：（入到店內，有不少空和吧位，約六成滿；兩個中年女侍應團團轉，良久才抬頭看我和友人）店員甲：幾多位？我：兩位甲：有無ｂｏｏｋ？我：無ｗｏｒ（店員甲此時突然變臉），我地一小時內就走架啦，有無位呢？甲：（不耐煩）你等等先啦（說完即消失於天地間）（等。再等。一直等)（期間一直在店內的店員乙突然察覺我們還在門口）店員乙：點呀？咩事？我：有無兩位？我地一個鐘頭內就會走架啦。乙：（面灰灰兼有點寸寸地看著我們）我地今日食情人節套餐ｗｏｒ我：（心想：情人節單身的人就不用吃飯？氣沖沖地轉身開門離開）算!你食自己啦...陸羽鏞記夥計都未有咁ge態度！你估ｄ魚生真係鑲鑽石？成名累人...註：服務其實１分都唔值，但因為軟件所限惟有比１分，比多佢啦！

我想試這間日本料理好耐,上星期四同蝦子餅終於提起腳步來這兒吃晚飯.我點了以下食物...壽司拼盤,燒鯖魚,什菌炒波菜,煮牛腸,海鮮烏冬同2支啤酒.壽司拼盤- 一共8件,1件帶子,1件厚蛋,2件三文魚,1件吞拿魚,1件墨魚,1件鱆紅同1件...唔記得!新鮮合格,但鱆紅同三文魚食到有"根",所以扣分!等約35-40分鐘左右...燒鯖魚- 燒得好靚,唔會同乾,鯖魚肉滑多汁,原汁原味,好!什菌炒波菜- 並非我想像中好,睇食友介紹話好香牛油,但我果晚食,唔算好香.不過d波菜幾嫩又煮得唔"孩"口.煮牛腸- 牛腸肥美,汁底濃郁,ok!海鮮烏冬- 加20蚊轉稻庭烏冬.賣相不算靚.烏冬係軟滑但唔算"煙韌",呢d貨式隨處可吃到,用料係普通貨,三文魚一小件,1粒帶子同d魚旦...最大問題係咸,我已經無飲過湯底,都覺得佢好咸!其實我想話下次去試個什錦魚生飯,但晚等食又等得耐,座位又唔舒服(d位好窄),食物水準...ok啦!蝦子餅話未必有下次!

往鯽魚涌吃午飯﹐往往地點選擇是頗令人頭痛的一環。不知何解﹐別人讚好的﹐我去的時候總未盡如意。最近﹐終於吃到了一間人人讚好﹐自己亦覺得不錯的﹐就是菖蒲亭。要了兩個午市套餐。雜錦魚生飯賣相相當對辦﹐有甘蝦﹑三文魚﹑油甘魚﹑八爪魚烤鰹魚﹑蟹柳及甜蛋﹐當中最出色的是甜蛋及甘蝦﹐質素相當高﹔而油甘魚及三文魚都是"厚切"﹐以其厚度如果在普通日式餐廳相信起碼可以一開二﹐份量十足。另外一個是蔥金槍魚腩飯﹐我自己相當喜愛此種食法﹐打碎的魚腩肉及白飯拌以蔥茸﹑芥辣及醬油﹐混在一起後﹐賣相是不好的﹐但味道卻相當對我胃口﹐每次都清得粒飯不剩才罷休﹐今次亦不例外﹔而且還送上兩件甜蛋﹐實在是喜出望外。唯一百思不得其解是飯中還加了不少略帶甜的鹹魚仔乾﹐無論味道及口感都跟金槍魚腩背道而馳﹐實在奇怪﹐但既來之則吃之﹐空口清掉所有魚仔乾才吃魚腩肉及飯。套餐還附上一碗麵豉湯及小缽(小食)﹐麵豉湯不過不失﹐亦不特別﹔相反那個小缽是做得相當有水準﹐是汁煮魚腩肉﹐望下去像是牛肉但吃下去就知道是魚肉﹐味道甘甜無比﹐頗令人回味。服務亦令人滿意。食物服務兩者都好﹐有機會絕對是會再來的。

嘴刁食友不時拋出難題來，唔熱氣的煎扒、對口味的牛腩、配菜分量行頭的拉麵，距離拋出材料十足、味道濃郁的烏冬課題不遠矣。記憶中這裡是家庭式的居酒屋，日本老闆坐鎮，年多前吃過一道豐富的烏冬鍋物，是日想吃烏冬，公司附近似樣的烏冬，想來想去，離不開這間。居酒屋店，烤爐在廚房內，沒有叫串燒的理由，煮物會是不錯的選擇，惜腸胃不好，揀無可揀，來個熱烏冬鍋。熱吃的烏冬，適合配是淡淡的鹽湯底，其他花款百出的湯底的不懂欣賞。吃一口烏冬，軟腍沒麥味，一般交來貨，昆布湯底濃而鹹，配上蝦、帶子、腐皮、魚蛋、蟹柳．．．．．．似打邊爐的鍋物多於湯烏冬。湯烏冬還是銀座的對版，這裡也是不錯，卻非偶那杯茶。左挑右撥地清掉鍋中的烏冬，要欣賞的欣賞完，就剩下不懂欣賞的配菜、清湯滿鍋。後記：走時，附近食肆添了不少新面孔，大半年前吃到的海南雞小店亦已結業，可惜。

應該這樣說，如果這個價位的烏冬是值得推薦的話，比這裡更便宜的手打烏冬，是更值得大力推薦。落了側魚涌辦點私人事，吃飯自然在這一區。又要再吃日式料理，喉嚨有點痛，不煎不炸又，想起了吃烏冬。不知何解對這裡的烏冬有點印象，就來吃一下。這裡由一日本師傅主理，午市人客都不少，豎耳一聽，都有幾檯蘿蔔頭客仔的。日替定食是海生飯及九州拉麵，沒有多大興趣。問一問定食可有烏冬的選擇，原來沒有，沒相干，就要了個鴨肉烏冬。烏冬賣相一般，吃湯拉麵要先喝湯底，但吃熱湯烏冬，則要先吃烏冬，因為一般而言，烏冬湯是乏善可陳的。這裡的烏冬是包裝貨，口感煙堅韌，幾滑淨，不過如果你我他買包相同的烏冬去淥，效果不會相差很遠。打句問句，我都只覺得手打烏冬才吃得過；湯底偏鹹，適合港人口味，味精說沒有是騙人的，不多卻是真；鴨肉味道極韌，淥得過籠，沒醃過又毫無味道，著實是遠離水準。可能實在很少客人這麼不知好歹的會在午餐時侯叫鴨肉烏冬，不過這個Kamo Udon都是平常烏冬來的。眼見日替的魚生飯又真的是賣相不錯，可能是我叫錯了烏冬，或記錯這裡的烏冬不錯，下次再在附近會再試一次；女侍應服務不錯，招呼周到。埋單73蚊，以單一碗烏冬計，物非所值

早幾日我和辣椒女看完戲後，便來了這裏食晚飯；一入到去就見到一大班人在慶祝生日，環境真係好嘈。坐下後便叫了炸蝦天婦羅稻庭烏冬、雜錦魚生飯定食和日本甘薯拼南瓜天婦羅。炸蝦天婦羅稻庭烏冬- 炸蝦味道新鮮，可惜又真係幾細隻，而且侍應忘記分開上，令炸蝦變腍了，實在可惜；稻庭烏冬，嫩滑爽口，可惜份量都幾少。雜錦魚生飯定食- 很多魚肉種類，魚肉新鮮好味；但我自已最喜歡的，竟然係玉子，很香蛋醬味，又鬆軟，真係好少食到，這樣好味的玉子。日本甘薯- 日本出的甘薯，又真係特別好味，很香薯仔味，外表也炸得好鬆脆。南瓜天婦羅- 很香南瓜味，比甘薯還要好味和香甜。可能真係太嘈，完全沒有心情慢慢享受，快刀斬亂麻的食完後，便立刻走人了。