華園餃子館

营业中

休息中

勝利道最多的，不是食店，而是寵物店和獸醫。帶小貓打針後，見到她乖乖睡著了，於是決定在附近醫肚再回家。其中有一家餃子店，最吸引我們的目光。因為，我們都喜歡吃餃子。店子空間小小，純粹街坊小店格局，本來樸實無華。但老闆在牆上貼滿了食物相片，既可作菜牌，五顏六色、亂中有序的圖案，為這不起眼的小店掃走侷促，帶來色彩。　　坐下不久，基本上沒怎麼想，就已經想好要吃的東西。店內有一道名叫「馳名十三么淨水餃」（$50）的菜色，這麼特別的名字，又怎可以不試試呢？所謂十三么餃，其實集齊店內十三種水餃，另加一隻「眼」，格式同麻雀中的十三么雷同。　　十三種餃子，坦白說，因為味道太繁多，其實也不容易搞清楚自己吃的是甚麼。印象中，自己就吃過韮菜餃、白菜餃、西洋菜餃、蕃茄餃、羊肉水餃等等。一口一個的大小，雖然味道相對清淡，但總體亦令人滿意。這種食法，對於我們這種貪心的食客來說，更多了一重「新奇好玩」的感覺。　　我怕吃不飽，所以多叫了一碗麻醬拌麵（$25）。小小一碗，注定要與餃子等小食一齊食才夠飽。這碗麵的麻醬下得不夠，口味偏淡。雖然我覺得麻醬是香濃才過癮，但吃著冷冷帶點煙韌的麵條，慢慢感受那略嫌柔弱的麵條，亦是另一種

人若在勝利道要吃清一點的話，"華園"相信是唯一的選擇...一家三口近來食得很"漏"，看來是時候要清一清腸胃。剛巧是日早上的那一頓已吃得很飽了，所以也就不用點太多....看到麻醬伴麵是店內推介之一，就叫它來試吧....平常吃這味通常是凍食的，現在端來的這個卻是暖暖的令人有點不太習慣。醬汁內的芝麻味及香度只屬一般；粗身麵條也覺太濕而欠了咬勁。這道推介給人的印象只是麻麻....一客十件的韭菜鮮肉餃，抵食度十足，外皮不厚不薄尚可；豬肉餡甚多汁而少筋；韭菜份量亦足....算是挽回少許分數....這裡的湯餃就食得多，炸餃就只是首嚐。皮的底部煎得脆脆的但就略覺太油了點；白菜碎可以再啄細碎些就更好....點吃的份量並不太多剛剛好，大部份的東西 (除了那個炸餃以外)都夠清....看來我們的目的已達到了....

 平時經過都見到人頭湧湧, 今晚系平日見到無人加上同行人又好LIKE餃子梗系第一時間去試,入到去有幾枱客, 唔洗等位, ORDER後等十分鐘D嘢就黎, 我點左炸豬扒面, 煎餃, 酸辣湯餃同豆漿..... 份量細到無論, 我一個女仔食都唔會飽, 豬扒乾身無味夾細, 似系番炸囉; 餃子無肉味...... 我知佢有招牌十三么餃子, 但我依家甘簡單韮菜餃都甘樣, 我吾敢試其他囉.... 豆漿一般啦, 當水飲就OK. 一句講哂貴加唔飽, 味道普通, 唔會再食啦  P.S. 只影了面加煎餃

這日在勝利道想吃得簡單點，看到眼前這間華園餃子館，便進去吃個午餐。原來這裡除了餃子外，還有不少小食，相片介紹貼滿了牆。我第一次來，就點了一份韭菜鮮肉餃子和一杯熱燕麥豆漿。店的座位安排得頗逼，不過店員的服務醒目又有禮。豆漿選了聽來較健康的燕麥豆漿，豆漿不算太甜，原來燕麥豆漿只是把一些即食麥片加進豆漿裡。韭菜鮮肉餃子一客10隻，＄30。水餃一口一個size不算大。餡料韭菜鮮肉尚算鮮甜，餃子皮滑，但較一般手工餃子來得薄，少了點咬口。吃過後印象一般，下次當我想吃餃子時未必會再想起他。

平日放工想想行街購物, 與友人漫遊旺角。不知是我已過追MK的年紀還是我已與時代脫節, 我真不太明白有些人在街上攪什麼。原來闊闊的行人專區上, 幾乎都被逼得水洩不通, 因為演藝人在此表演, 人們都停步欣賞。但原本開闊行人專區是為了疏導擠擁人流而設, 現在就變得本末倒置。演藝人肆意的忘情演出, 好看, 但像街頭賣藝般老練。有時真可理解住在樓上的人士的苦況, 試問如你家樓下晚晚有人舞獅打鼓, 令你看電視不得, 訓覺不得, 溫書不得, 你會怎樣?? 與友人沿著旺角一道出到勝利道, 這晚, 熱狗關門, 海南雞不吃, 拉麵更有點膩。於是看見前方有一北方餃子店, 好生當個北方呆子吧。我曾懷疑自己是否一個北方人, 愛濃味, 愛吃辣, 喜歡吃餃子麵條多於白飯。但後來只是發覺自己什麼都愛吃, 只要是好吃的, 我都無任歡迎, 所以沒有北方, 沒有南面, 只是一個肥呆子吧!從餐廳名字, 顧名思義, 餃子是必然的主打。餐廳提供十多款的餃子選擇, 椰菜, 白菜, 韮菜, 西紅柿, 茴香, 京蔥羊肉, 番薯苗等。不過卻只提供烚的湯水餃, 和部分煎餃子。而我最喜歡的, 依然是蒸的, 最能保持餡料的原汁原味, 可口到不

Came here because they are famous for weird and wonderful choices.When I sat down and browsed the menu, there were more hardcore choices than I imagined.The menu reminded me of that noodle joint in Tai Kok Tsui called Che Bun Bun that serves expensive noodles and foie gras.They also have a photos of nearly every dish on the wall too.Anyway, the location of this restaurant is interesting because it is located in Ho Man Tin which is a residental area for the well off on the Kowloon side.★☆★☆★☆★☆★☆

何文田勝利道這條小街，靜中帶旺，除了寵物店林立之外，也有不少食肆在這條小街開業。這間「華園餃子館」正是其中一間。一天晚上，來這裡吃了一頓晚餐，沒叫太多東西，吃的都是份量小小的小吃。「羊肉酥餅」（$28）：熱熱的上桌，以羊肉、蔥、洋蔥等為餡料，加上惹味的香料製作而成的酥餅，味道挺好，酥餅雖稍為硬身，仍算好吃。「金牌蝦籽炒麵」（$30）：味道尚佳，蝦籽味也不錯，但份量實在少，不需片刻便能把這碟小小的炒麵吃完，實在不夠喉。「酒醉雞腳筋」（$40）：蠻有名店「阿鴻小吃」芥末雞腳筋影子的一道小吃。爽口的雞腳筋，嚼勁十足，加上帶點兒酒味，自己頗為喜歡。「香脆紫心蕃薯」（$33）：無疑是幾得意和有創意的。外脆內軟，熱燙的紫心蕃薯，為這頓晚餐劃上甜甜的句號。坦白說，這兒的食品是頗有特色的，味道也算不錯，但這兒的食品有一樣共同的缺點，就是份量偏少，但價錢卻不見得十分便宜，就以「香脆紫心蕃薯」為例，小小的兩件蕃薯，竟要賣三十多元，利錢可真不少。要是來此吃點小食，不求飽肚，還是可以的，但要是想捧腹而回的話，便可能要多花點錢才可以了。

很有被騙的一餐! 前晚在TVB看到小儀金崗介紹這小店, 他們推介說這裡有很多特色小食, 所以專誠來試試看!我們點了:醉豬仔筋, 麻辣肚絲, 十三么餃子, 蝦子炒麵, 什麼黃金蠔醉豬仔筋: 下單時伙計說今天太多人點這個, 所以不足一碟, 要我們拼另一款小吃! 豬仔筋是最貴的, $58一碟, 我們沒為意, 而伙計又沒有說, 拼其他較便宜的也要收$58, 結果一碟只有3條豬仔筋+數條鴨舌的也要收我們 $58, 真的很不合理! 因為鴨舌只是 $38一碟! 我並不在乎那幾十元, 但問題是他們做生意手法有問題, 下單應該要說明啊!說到味道, 更加一肚氣, 說明是"醉", 但一點酒味也沒有, 其實不止沒有酒味... 而是什麼味都沒有! 好像是汆熟了就給人吃一樣!麻辣肚絲: 有點麻辣味, 但不夠香! 不過又是有同樣的問題, 味道很淡, 如果要和青瓜絲攪拌一起吃, 更覺淡而無味, 我們要加豉油吃才覺得可以!十三么餃子: 說是十三種不同的味道, 但其實又是淡而無味... 哈哈, 根本就吃不出是什麼餃, 只能吃出其中一款有粟米和有韭菜..蝦子炒麵, 什麼黃金蠔: 差不多吃完了還沒有開始煮, 我們決定取消了!

是日太太去了佛堂，也是一個我可以獨自享受美食的一個晚上。在灣仔/銅鑼灣工作，在得閒搵食的日子，當然想離開工作的區域，甚至是港島區。有車就上，上了103號巴士，於是就係窩打老道(培正)落了車。可是太太說過家裡已留了飯餸，正式吃一餐好像行不通，而在勝利道一帶選擇很少，看似可輕食的也的確是沒幾間。入夜的天氣依然是熱，令我毫無心情去細心的找。就在食肆最是林立的勝利道，我找到了一家看來像是非常正宗的北方餃子店。這一個時候，食碗麵就是最輕鬆不過。所以一坐低就有一個想食水餃麵既念頭。有多款不同味道的餃子選擇，而我就選擇了這一個羊肉餃子加上海粗麵。後來看見人家的淨餃子一出，再同我的餃子都對比一下，這一個麵同湯，實在是多此一舉的，在這一種的餃子專門店，應該是要食淨餃的。味道，羊肉餡的餃子十分之香口，餡內是羊肉的獨特香味而不是羶，餃皮薄而滑，口感煙韌非常，點一點浙醋，更是香味十足。而上海麵同湯底就不太值得一提了 (同餃子冇得比)。食後有滿足感，我是中國人，始終喜歡中國式的麵同餃子....美味值得回來。

唔好誤會，全屬事實，食極都唔飽，不過味道還是ＯＫ的ＱＱ旦，即係魚蛋，但係非常彈牙十三餃子，十三隻唔同款，每口唔同滋味，最愛茴香羊肉果款烤甜薯，紫心已經夠靚夠甜，烤完之後加些少鹽，吊出更多香甜，perfect紅油抄手，隻餃都係普通，但紅油夠香，唔算太辣紅油蒜茸粉皮，粉皮都係用黎索汁，蒜香加香辣，done!醉雞翼，好香酒味，花雕味濃，雞翼無咩肉，但浸得入味兼夠嫩拍青瓜，老老實實麻麻地飲左杯唔知咩保健特飲，健唔健康就唔知，太甜就真架啦咁就百幾蚊，少少飽肚既感覺都無，及早撤退，回頭是岸

上星期日和朋友到呢個餃子館食野, 因早前朋友已推介此店, 不防試一試先, 推介原因係雖然它是一間餃子館, 但有很多不同特色的小食.當我們一行4人, 第一個感覺就係好開心, 因二邊牆身都貼滿食物相片, 令你未食已經流口水, 大家心想我一陣ORDER呢樣, 個樣, 因太多野想食,都唔知叫邊樣先, 最後由我決定:-當然要食店鋪推介食品1) 蝦子炒面 - 標榜用澳門祥記蝦子, 我都去過澳門食過, 但估唔到呢到煮得仲好食過祥記, 大家有些少分別就係把面底 炒過, 可能因呢個關係, 更加散發陣陣蝦子味, 更野味, 正!!2) 酒醉雞腳根 - 真很很少地方食到, 酒味很香, 因係出面食有很多酒醉食品都帶苦味, 呢到完全無苦的感覺3) 豉油王QQ旦 - 我見到有很多食客都叫, 但我只見一粒粒白色圓形物體, 唔知係咩咪問下客員囉, 原來係魚旦!! 超彈, 有魚肉的香味, 唔怪得之很多人ORDER啦!!4) 蕃茄旦拌面 - 好JUICY呀! 酸酸尾尾, 好開胃, 有好多蕃茄, 不過面就唔係好多,

是晚屋企人有節目，只有自己一個人吃晚飯，旺角都食到唔知食咩好，就行左去何文田個邊睇下食乜好。經過呢間餃子館，心諗食得清清地都唔錯，所以就入左去啦。大概晚上七時多八時，店內有三四檯客人，唔算好熱鬧。只有自己一個人，所以柄埋坐低自成一角算啦。呢間餃子館非常多選擇，真係好似一間上海菜館咁，見佢好多食物都有，不過我自己一個人就叫左碗粉就算了。從多款餃子中選擇左白菜馬蹄豬肉水餃，想叫蕃薯粉佢話無哂，叫我要蕃薯米線，心諗都差唔多就是旦啦，等左一陣就有得食啦。份量都可以，唔算太細碗的，一碗有五粒水餃。唔知點解我飲個湯底已經飲到D馬蹄既味道，感覺幾清的。水餃唔算好厚皮，不過感覺材料份量唔太多呢，好似好少咁~ 有馬蹄粒食落感覺爽口，不過基本上菜同肉既份量都唔太多，所以整個水餃味道都唔太突出... 無咩特別。蕃薯米線幾幼滑，咬落幾煙韌彈牙，都幾鍾意的，耐何水餃真係一般左少少。味道清清地，不過食完都夠飽肚的~ 水餃未見突出，不過眼見好似好多野食都幾吸引咁，或者可以再黎試下掛.....。

其實蟹粉菜式正確黎講，應該算係上海菜?! 不過早前知道筲箕灣東大街嘅 新富康名廚茶餐廳 (http://www.openrice.com/restaurant/sr2.htm?shopid=16055), 係其一有得賣罕有的港式蟹粉雲吞，要$10 一粒，可惜無乜人推佢!　搞到今年打咗幾個電話去定雲吞，但老闆娘話第一, 蟹粉好難拿到好貨，第二就係無乜人會叫，所以今年 (2010) 索性唔做了．　有晚走過黎想食出名的蛋撻，但已經成批俾人頂咗．．．　但看見這邊竟然有得賣罕有的蟹粉雲吞，幾大都試下! 　下次分分鐘又無啦啦無咗．生煎蟹粉雲吞 - 原來只有煎版, 而皮也不是港式雲吞皮係餛飩皮. 其實寫得有啲唔正確, 有啲亂檔.好可惜, 完全食唔出也肉眼看不到蟹粉... 頂多也只有少少橙色油. 以 $58 x 5隻 黎計, 本來都唔係貴, 但原來根本全無蟹黃味, 當場覺得俾人搵了笨! 茴香羊肉餃 -講樣白癡嘢你知... 其實以前原先唔明, 以為中國人食 fennel 時係齋用啲綠葉. 但西餐就用底部嘅 bulb 同 seeds 居多. 點知有日同另一間店嘅店主講起, 先知道原來中國人食

Take a Break, 才叔, 勝利小廚... 食得多都想試下第2樣, 有次經過見到新嘢, 擇日不如撞日一於同同事去Lunch.鋪面尚算乾淨, 兩面牆壁貼滿食物相片, 除左一般嘅餃子同麵, 仲有好多小食選擇. 最記得佢有個貴到飛起嘅鉄板金蠔, $90 左右得2隻...5個人, 點左十三么 2客 ($38x2), 麻醬拌麵 ($20), 淨麵 ($15), 小籠包, 甜薯波波(5粒), 再後加日本蠔油撈出前一丁 ($35), 煎鮮蝦雲吞(6只).十三么熱辣辣上枱, 賣點係每款味都有1隻, 味道正常. 由於餃子冇色認冇任何標記, 有D食左都唔知係乜~麻醬拌麵的麻醬不錯, 鋪滿青瓜絲, 都几開胃, 只係細碗得交關, 每人食得1啖 小籠包個皮好厚, 不見得好有肉汁香, 還好夠熱~甜薯波波 very good 係炸嘅甜點, 外層甜薯中間是芋蓉, 甜薯有著 sticky rice 般口感, 非常軟熟, 不太甜, 而且價錢合理, 好鍾意 日本蠔油撈出前一丁價錢最不合理, 半個一丁份量+1隻細豉油碟的蠔油竟然收 $35, 蠔油係好惹味, 都唔需要去到呢個價錢, 再講佢煮嘅一丁, 唔夠熟, 貴

星期五到旺角辦理完文件後,就開始覓食之旅選了華園餃子(第二分店)經過一輪"思想食咩好"的時間後最終點了個茴香鮮肉水餃麫(28元正)+冰鎮龍井茶(10元正)等了差不多約7分鐘食物就來了 先試一試麫的湯底 一試之下毫無特別 而麫都不是特別好味 簡單來說十分普通到試餃子 餃子入面D肉汁很豐富而且很炙口,比起浸着的湯底還熱 吃入口後茴香香味滲出,真的不錯,大家值得一試! 而那杯冰鎮龍井茶就不提也罷.環境方面在餐廳都看到一些蚊"之"飛下 但整體都OK 冷氣都幾夠態度方面都OK 無咩特別價錢方面 我略嫌貴左少少