華小料理屋 (已結業)

日本A3和牛壽喜燒鍋.超豐富的和牛御膳🤤壽喜燒鍋有美美的雪花分佈 吃下肉質非常柔軟😋 沾上蛋汁 再吃一口白飯 很滿足☺️ 壽喜燒汁不會過甜 剛好 底下還有海量蔬菜/豆腐/粉絲~ 日本A3和牛網燒御膳.網燒牛排燒至半熟 juicy有油香😚 而且牛排一大塊的 份量不欺場! 御膳還包括沙津/前菜/漬物/茶碗蒸/麵豉湯/甜品 太豐富了吧! 前菜是牛舌 煮得很軟淋入味 而茶碗蒸很滑溜~最後的甜品是自家製的牛乳布丁 牛乳味香濃 布丁幼滑👍🏼

中午下班後牛肉癮起好想食壽喜燒於是到公司附近試試呢家得到和牛供應商認可的餐廳，佢全部既牛都係日本入口。入到去二人位都滿座，職員帶我地坐房仔。下午時間有set lunch,價錢$150至$298不等，屬於中高價錢。我點了壽喜燒套餐，而男友點了網燒牛套餐。日式套餐除了有a3和牛，另有漬物、和風沙律、麵豉湯、茶蒸蛋、日本白米飯、甜品及飲品。a3和牛望上眼非常漂亮，大理石的花紋明顯，吃上口肉多汁又細嫩，鬆軟又好滑！半入口既即溶的感覺好正！再加埋壽喜燒內香甜的醬汁，煮出肉的香味，蔬菜的甜味，呢餐貴得黎非常值得！男友點的網燒牛肉都是a3和牛，煎過的和牛比壽喜燒的肉味更加濃郁，一樣好吃到不得了！口感軟滑，再加上燒汁配白飯非常滋味！另外配上新鮮嘅蔬菜中和網燒牛肉嘅油膩感。推介！沙律加咗醋去調味，酸汁配爽口沙律夠晒開胃！茶蒸蛋加了白果、菇更美味，食完壽喜燒再食茶蒸碗依然熱騰騰。最後的精選甜品是牛乳布丁🍮奶香味十足非常好吃😋雖然呢餐係貴左少少，但可以食到日本的雪花牛真係好滿足

一家五口 ，星期日lunch黎左銅鑼灣登龍街地鋪呢間日本野，只有set lunch 選，價錢偏貴，如果係look for 中價或以下既朋友可以選擇登龍街上樓既其他日本餐廳。呢間係比較坐得舒服同高檔dd ge 叫左 燒魚定食，魚生定食，beef sukiyaki 定食等等，一如一般日本定食，每個set都係好多配碟，而且d配碟都唔差，幾好食，especially 蒸蛋。我自己叫左個sukiyaki，雖然有點偏咸，但都好好食，好多份量，好飽最係個餐仲送埋布丁及咖啡奶茶，布丁真係好好食，大家幫襯呢間餐廳一定要試下！

I had dinner here few years ago. The food quality is horrible. Dun come. Worst beef in the world. Over-pricedI still rmb it because the shitty beef and pricey!!!!!!! Don’t ever come!!! Pay me back!!!! 回水！

今次去這間高級餐廳食飛驒牛壽喜燒。環境：清雅，座位舒服，卡枱私人度高。服務：非常滿意， 我們點的壽喜燒，侍應會問牛肉幾多成熟，煮得剛好到位，亦細心平均分配食物給客人，一級服務。食物：1.前菜最欣賞中間自家製的南瓜豆腐，令人回味，之後店員竟然再給我們添多一份，開心ar! 2. 刺身新鮮，所有海鮮鮮甜味美。3.天婦羅除了大蝦，最美味係長腳蟹腳，肉質鮮嫩。4.飛驒牛飛驒牛超好食，脂肪均勻，肉汁一流，其他配菜出色，配合店員精確到位煮牛技考，令人回味無窮。5.美麗的甜品給客人選擇2款，為這餐畫上完美的句號價錢：2個人total約$2000, 頗貴，但日本飛驒牛和店員一流服務，也是值得！另外他們亦有價錢較相宜的A5和牛，澳洲牛等，味道一樣味美！ 值得一試！

心血來潮想食好味的壽喜燒，於是抓左男朋友陪我試呢間餐廳。如果唔想食壽喜燒的人亦都可以選擇網燒，menu有好多set/散叫選擇，總會見到合心水。之前試過和牛鐵板燒，網燒，但係未試過壽喜燒和牛，一於試下。牛肉片色澤非常靚，而且油脂的紋分佈得好平均好靚，望到已經口水直流。用壽喜燒果然係完全唔同得的口感，肉質依然好嫩滑，好似入口即溶咁，就算有壽喜燒的醬汁煮過，依然食到好香的牛肉味！👍🏻👍🏻雖然整體價錢唔平，但係偶爾獎勵一下自己食餐好都要既～

Saw the menu outside the restaurant and they advertised the beef is Hida which is my favorite Japanese beef brand. Boy was I disappointed. The flavor wasn’t there and not even remotely close to the real Hida beef from Takayama area in Japan. Tried the US beef and it was difficult to eat as tasted like sand paper. This place is for locals who don’t know any better.

銅鑼灣 登龍街 被這間日式和牛料理店吸引環境都好舒服 有小小熱 呢間舖頭係mr steak 旗下既和牛sukiyaki , shabushabu,同燒肉 係主打我地2個人叫左2人餐：$1288+1🤔都唔平佢有隻貴d 既餐 食既和牛部位唔同 應該會好味d 可能會肥d!前菜：味道可以 3款小點刺身：一般 唔係特別鮮甜燒物：無即燒既感覺佐賀和牛sukiyaki :有人即場煮比我地食配菜 洋蔥 菇 豆腐 等等 老實講 又唔覺得好鮮甜和牛 店員介紹燒到medium 點埋蛋黃 入口嫩滑 不過 唔算入口半溶 油脂感唔夠 但肉質軟熟既 可能價錢貴d 個隻好d 配埋一個飯一個烏冬都係普通甜品 牛乳布丁 好味成700一個人 唔太抵

之前約左朋友諗住星期日可以食一餐好既午餐，咁我地有book 枱，黎到之後有卡位坐，非常好，位又舒服。都有幾個SET 可以揀，咁我就叫了一個壽喜燒餐，238蚊一位，個價錢都好合理。個set黎到之後都其實幾多野食有沙律啦，有面鼓湯，個蒸蛋好吃A3 和牛好嫩，基乎有入口即溶既感覺質素幾好，價錢係好合理我朋友就叫左個銀鱈魚定食我試左少少，銀鱈魚好滑不過我覺得鍾意食牛既話叫壽喜燒比較抵食走個陣見到原來星期日午市都好多人，我地一點幾走，出面都要排隊，好彩有book 定枱。

每次來都必點鰻魚飯，質素很好，鰻魚燒得好香，水準一直keep到，$198/set lunch, 有茶壺湯，甜品，飲品，抵！天婦羅丼都很好，脆漿不會厚，飯都有調味醬，好味！

今次與朋友試了位於登龍街的日本和牛料理，坐下才知原來是Mr. Steak集團旗下餐廳，四人點了兩份2人前盛宴，一份飛驒牛，一份佐賀A5和牛。先來飛驒牛加昆布鍋shabu-shabu，湯底較淡，但牛色澤鮮明，肉及脂肪分佈紋理清晰，吃下有嚼勁，蘸點芝麻醬吃味道不錯，下次應試豚骨湯底！套餐還包括前菜3點盛、火炙和牛、天婦羅拼盤、野菜拼盤、讚歧烏冬/日本飯、北海道牛乳布丁，吃完要捧著肚子。第二份套餐是佐賀A5和牛2人前盛宴，單看A5和牛的脂肪紋理已叫人興奮和期待！套餐尚有前菜3點盛、刺身拼盤、串燒拼盤、野菜拼盤、讚歧烏冬/日本飯、北海道牛乳布丁。餐廳職員會幫忙煮壽喜鍋，先以脂肪及洋蔥起鍋，但按客人要求的熟度去煮和牛，食前蘸點蛋汁，入口滑溜，和牛加上sukiyaki醬汁的香填滿口腔，伴上熟透的洋蔥同吃，oishi~😋👍🏻朋友們大家都覺得佐賀A5和牛比飛驒牛更有牛肉香，更嫩滑，吃完真的感覺大滿足😃

今日，我與男友個胃不約而同地想食日本料理。本來想到勝手吃一頓豐富的set lunch，可惜到12點仍未開門。我們便走到登龍街，隨便走入一間外表裝修唔錯嘅日本料理店。走進去，侍應安排我們坐到最入的位置，小小的房間內有六個位。那天比較靜，我們佔用了整個空間，食得很自在。😊整個房間沒有影喔！只影了這對燈😜食物就中規中矩吧！天婦羅飯定食$148西京銀雪魚定食$188附送甜品及飲品。我們點了熱柚子蜜，而甜品是師傅特別做的朱古力布甸。侍應說一般是原味布甸。

Hana, located in the Midtown Building in Causeway Bay, is a Japanese restaurant that I've been curious about. Priding itself in all things beef, I went there for lunch one day.Though the outside looked rather big, inside, it was deceptively so, Yes, it was spacious but they apparently have a tatmi are for larger groups that took up the most amount of space. It also was rather darkly lit. They have a lunch menu that is in English and Japanese. Serving sushi and sashimi sets along with various bee

登龍街向來都是有名的食街，由從前滿佈茶餐廳及大排檔，到現在街道兩旁全換上了不少特式食肆。從前，這兒也有「不夜天」的稱號，皆因當年的商廈有不少樓上酒吧開業，現在則大多都是日式食肆，再加上天橋旁的兩幢新食廈的堀起，令這兒變得更多姿多采。就在這五花百門的食肆當中，有一間主打shabu shabu及壽喜燒的小店，內裡有著多款不同級數的牛肉可供選擇，不講不知原來是Mr Steak旗下的。 趁著近來天氣涼快，就與友人們來此，看見餐牌的時候，不禁流下冷汗來，價錢一點也不便宜，即時只好收起吃最貴日本A5和牛的念頭，逐改為點上日本A3和牛及美國安格斯牛。首先，前菜精品盛先來，由最清爽的冰頭漬開始，酸溜爽脆；接著是豆香自然的枝豆豆腐；到最後的木魚生蠔，每款都清新開胃，刺激了大家的食慾。 品嚐開胃的前菜後，火鍋及牛肉及配料也送到。先夾起一片油脂分佈均勻，如雪花般的美國安格斯牛，放在豚骨湯中輕輕一灼，趁著七成熟的時候夾起，吃起來既有油香，又有肉香，肉的質數真是不俗。 接著來一片油花分佈與美國牛差不多的日本A3和牛，雖然油花與美國牛相若，但可以看見油花比美國牛分佈得更為細緻平均。

店舖不大，星期六午市時間滿客，不設取飛等位，須喺門口較窄位置排隊等位，稍為等約10分鐘就有位。女店員禮貌好及服務好，安排座位後會細心比籃子你放好手提物品。是日嘗咗日本佐賀A3和牛煱及燒各一午市套餐。和牛燒可揀選5成或7成熟。兩款均賣相普普通通，和牛煱嘅肉為薄切，份量適中，唔會太少，肉質鬆軟，煱內有洋蔥幼切、芋絲、豆腐、鮮冬菇，菜諸類......和牛燒嘅肉較厚啲啲，肉質軟淋，蔬菜燒得較乾身及有啲燶，普普通通。蒸蛋幾香幾滑，內有粒蝦、銀杏。小碟泡菜牛脷幾野味，唔辣，亦冇"騷"味。飯則幾香軟。甜品牛奶布丁幾滑幾好食。飲品可選柚子蜜或咖啡，兩者都一般。整體食物質素普普通通，未算太突出，價錢中上，一試無妨，但不用太高祈望。另外，男店員服務好有進步空間。上菜時態度已麻麻地，飯未食完，佢上甜品凍牛奶布丁，我禮貌地問聲可否遲啲先上，佢不屑地望我一眼就一聲不響拎走咗去，真抵讚。