葫蘆館 (已結業)

放工之後一行三個人我同埋兩個colleagues 一齊去食呢間嘅薑汁撞奶! 咁我哋大家都想試唔同嘅口味商討之下🤭🤭🤭😑😑我哋就決定要一個original一個好華田味同埋一個chocolate 多啲食物嚟到嘅時候咁我哋三個就攞電話出嚟影相啦有個伯伯係我哋側邊做咩你哋祈禱呀??????我哋三個即刻呆左心諗呢個阿伯咩料？？多啲件事情告一段落之後我哋就細味品嘗你個薑汁撞奶總括來講都幾好食呀⋯⋯個薑味係非常之濃郁🤓🤓🤓🤓

2020年2月2嘅晚上黎到觀塘宜安街嘅"葫蘆館"周圍搵啊搵 想試下新口味 就行到黎啦一入到舖就發現原來依度"薑汁撞奶"係最出名咁就緊係要叫返碗試下成"葫蘆館"嘅真功夫不斷有街坊look 嘅顧客叫外賣同入黎堂食 果然係做街坊生意薑汁撞奶杏仁薑汁撞奶$28 重薑汁 一食落肚就暖入心 加驅寒熱辣辣上枱 好有傳統嘅味道見到operice 食評有推介埋芋圓西瓜涼粉加芋圓$35涼粉好爽 又多西瓜夠甜芋圓 地瓜圓 紫薯丸好彈牙 形狀切成正方形 而且份量夠 經濟又實惠 街坊小店 值得再encore

話說夜晚心血來潮想食糖水，去到觀塘見到呢家地鋪，叫左個黑芝麻湯圓同芋頭西米露湯圓，打算外賣，之前都幫襯開，呢家鋪係待客態度出問題。出面招呼既呀叔態度尚算良好，但當個帶眼鏡中年女侍應拎外賣糖水出嚟時，不斷鬧人！當時個中年女侍應拎外賣糖水出黎時，話係”兩個湯圓”，因為我果份就正正係兩碗都有湯圓，就即刻應佢啦，點知原來另一袋外賣先係我嘅，我已經即刻同佢講唔好意思，誤會左，亦即時俾返個唔係我嘅外賣佢，點知佢即刻起勢鬧人！問題係我又唔係走左去，言而呢位女侍應惡言相向。問心食糖水都係想食得開心，做街坊生意，真係覺得禮貌好重要，請好好檢討

女朋友帶咗我嚟呢間葫蘆館食薑汁撞奶，佢話佢由細食到大，質素有保證😆😆😆。六點幾嚟到餐廳，得我哋一枱，但陸陸續續都有其他街坊嚟堂食或者外賣糖水。.我哋叫咗兩個飛碟餐，每份餐有一份飛碟同一碗薑汁撞奶。我同女朋友分別叫咗杏仁味同埋原味嘅薑汁撞奶，發現辣度都幾唔同。杏仁味比較辣🌶🌶🌶，但原味反而奶味重🥛。飛碟熱度充足都幾好食，餡料亦都算多👍🏻👍🏻👍🏻。.走嗰陣先發現成條街都係餐廳，而且感覺上都係走華而不實嘅路線，希望之後有機會再嚟搵食😌😌。

因為太快食完飯,又唔係好夠飽所以就決定食埋糖水先返屋企上網搵一搵,有間中式糖水係附近就決定過黎食啦一見到,就知道係有歷史既糖水舖個招牌好舊,室內裝修都好殘舊用摺檯同摺櫈,坐就唔係太舒服架啦不過就真係好中式入到去,眼見每個顧客都好似熟客咁,一坐低就叫野食呢度特別在,薑汁撞奶係有唔同既味道,有椰子,好立克,朱古力等等..不過我呢,始終都係食原味🔹薑汁撞奶+飛碟 $35薑汁撞奶好滑👍🏻試過放個匙係面,係可以載得住架..好成功,好有薑味另外飛碟竟然有鹹有甜揀我咁傳統既人,當然要鹹牛肉啦將貨就價,餡料就當然少啦不過即叫即整就加分啦味道就正正常常🔸芝麻蛋白燉鮮奶 $29蛋白燉奶面頭有芝麻糊一次過滿足2個願望燉奶都好滑,芝麻糊真材實料,唔係用粉沖不過就有少少偏甜🔹椰汁紫米露 $24本身因為朋友唔舒服叫熱既但就黎左凍呢個就有少少失色啦紫米露痴住一舊舊,都係少少偏甜香港既中式糖水舖真係愈黎愈少😢而一間感精於做薑汁撞奶的,真的沒剩多少間如果熱愛薑汁撞奶,又係附近既人,真係可以去試👍🏻

去觀塘食完晚飯行落牛頭角 ，諗住食埋糖水就返屋企。剛好有間幾出名嘅糖水舖喺附近， 雖然係出名食薑汁撞奶。不過其實仲有好多款甜品㗎，所以我揀咗一個牛奶芋圓西米露， 睇下係咪真係咁出色先。 牛奶芋圓西米露 $41冬天最好食熱野暖下個胃， 所以我嗌咗碗熱嘅。而佢上到嚟嘅時候真係好暖笠笠， 乳白色嘅牛奶 發出好香牛奶味，而且芋圓分量都好多，同埋西米露。 雖然聞落有好香牛奶味但食落去 ，又唔係話好勁牛奶味，所以唔會好甜。個甜味完全來自於芋圓，加上因為係熱食嘅關係啲芋圓變得好軟熟，食落去好似湯圓咁，好特別。

由舊味食到新店，葫蘆館嘅薑汁撞奶一樣係咁好味。好鐘意佢薑味超級重，而且口感好滑。價錢方面略貴，不過薑汁撞奶呢類甜品自己整好難成功，喺甜品店亦買少見少，有時都要嚟食下過口癮。

Went here as I was in the area, Woologoon used to be at a different location.They are famous for the milk pudding with ginger but I was captivated by the seasonal fresh peach series.When it came, I was surprised it was really topped with fresh peach.The peach pieces were crisp and sweet and the peach slush beneath was not too sweet.

朋友推介呢間既薑汁撞奶 即刻去試 佢既鋪頭外面有好多好多好多薑 裝修正正常常 坐得比較小逼 但野食堅正 值得一試佢既薑汁撞奶真係好食 好濃奶香同薑味 又唔會太過辣 佢既口感係偏creamy 非常滑 好回味 食左一淡就係咁一淡接一淡芋圓都好推薦 食落軟熟得黎有咬口煙un 同埋每隻色食落有好明顯既分別 最鐘意係淺紫既芋頭味 一咬落去好香好軟糯 黃色同深紫色既蕃薯味都好有誠意！ 搞到忍唔住再叫多個紫米露芋圓 同樣very good 反而佢既楊枝甘露豆腐花就無咁出色 都係比較推介大家食佢既招牌薑汁撞奶同芋圓

這家小店一直都很努力，以前都是伯伯和婆婆支撐著，這幾年終於有新血，希望大家多多支持喔！最著名的是薑汁燉奶，薑味濃郁喔！這次小妹選了以下甜品🥳紅豆蛋白燉奶 $29一看以為是滿滿紅豆的紅豆沙🤣紅豆好大粒！看來紅豆沙也不錯的說😋底下就是超級彈滑的蛋白燉奶，影片中也看得到十分滑的啊🥰 紅豆沙沙的不會太甜。蛋白超滑的入口即時溶化，吃完一口又一口，不消5分鐘我就整個吃完，有一刻衝動想再來一碗🤦🏼‍♀️幸好理智叫停了自己，今天的份量已足夠了，下次要來吃紅豆沙😆〰️〰️〰️〰️〰️❤️mylittle評分：8💞❣️mylittle回頭率：90%➰➰➰➰➰📍葫蘆館 (觀塘) @woolokoon 觀塘宜安街 2 號地下〰️〰️〰️〰️〰️

觀塘中學時代回憶 細個學生時代放學間中都會泥光顧店舖位置較偏僻 門面唔係光鮮類型 店內裝潢亦都好簡潔 只有幾張小台配膠櫈 有3個熟手既姐姐但距既糖水 小食絕對唔比大型既連鎖糖水店失色 -熱薑汁撞奶係即刻撞出泥 薑汁味夠濃（店舖外面您會見到好多一籃籃既新鮮大薑）-套餐 可以配飛碟 一種口味 （每加一口味 加3蚊-好經濟）而且係夠料既-熱合桃雙皮奶 我覺得合桃露甜左d 真係要配雙皮奶先會岩岩好 （下次會簡返-熱雙皮奶）我地夜晚8點食 唔算好多人 2個人靜靜地傾下計 都幾舒服 性價比高

中午求其入去食, 想食肉燥撈麵,但無肉燥, 只好叫左老水拚盤飯。入面有老蛋, 有老雞翼。撈麵竟然係公仔麵...........好失望..........老水汁偏咸老蛋勁咸, 雞翼正常但份量5算多。由於太咸,所以叫左碗鮮奶燉蛋白。質感係撞奶咁稀,都幾實在。奶味5重, 5太甜, 還OK

夜晚大約10點同朋友係牛頭角附近，因為我未食晚餐但又未到好肚餓，就索性食糖水🤣見到呢間街坊糖水舖有埋小食就去試啦！😋大約等咗5分鐘就有位～🕺🏻🔸牛奶芋圓小丸子紫米露(熱)🔸($41)雖然見佢薑汁撞奶係最出名但都係試咗其他😂呢個牛奶芋圓小丸子紫米露幾有驚喜✨牛奶真材實料啖啖鮮奶味，唔會好甜只係有啲紫米味。紫米就不過不失好正常。但芋圓就比到驚喜我，雖然食落偏腍只有少少煙韌，係真係食到有芋頭、蕃薯同紫薯味👍🏻不過有啲會濃啲有啲會無咁濃，但大致上嚟講每粒芋圓都唔錯，我見佢舖頭有得就咁買芋圓，唔知係咪自己整㗎呢🤔🔸C餐：$19糖水+飛碟三文治🔸($29)之後就叫咗個C餐，糖水揀咗綠豆沙，三文治就鹹牛肉餡～綠豆沙嚟嘅時候熱辣辣有出煙，甜度、渣同水嘅比例都適中。綠豆爛既程度都唔錯，不過豆同海帶既香味就冇乜，可能煲得太耐掛。😳鹹牛肉飛碟三文治嚟到都係熱辣辣，麵包烘得唔錯，但鹹牛肉餡唔知係咪加咗啲沙律醬，鹹得嚟又有啲甜味😂😂

觀塘的甜品鋪真買小見小, 舊式甜品更加沒有幾多間, 真係令人惋惜。今日剛剛食飽左, 但好似又差小小, 就諗起你啦(葫蘆館既薑汁撞奶)葫蘆館賣既正正就係傳統既薑汁撞奶製作時(無須蒸, 無須焗, 無須燉), 只用最傳統的方法撞出來而且多糖少糖, 多辣少辣可任由你選擇。地方環境唔選太大，但勝左裝修簡單，地方乾淨，三五知己黎到夠哂位坐啦。雖然葫蘆館主打係薑汁撞奶, 但係佢都有不少糖水可供選擇, 如:紫米露, 涼粉, 西米露, 紅豆,綠豆沙, 芝麻,杏仁糊都有...仲有好多唔同款添嫁....另外你唔好睇佢舖頭小小, 佢都有做套餐嫁,飛碟三文冶更可以自選喜歡食既款料如咸食：有吞拿魚, 粟米, 火腿, 芝士, 牛肉, 肉燥,還有甜食：紅豆, 芒果, 香芋....諗起食落都覺得會幾健康真係好肚餓, 仲可以叫番碗大碗飯食下, 都唔錯呀(乜都有得食下)薑汁撞奶 - $27薑汁撞奶是我一向熱愛既甜品, 而葫蘆館既最出名的薑汁撞奶, 同平時出面食既有點分別, 撞奶比較水汪汪唔凝固的, 食落薑汁十足, 而且出奇地滑(記得唔好搞離食,會好多風嫁，另外唔食得辣叫番普通試下先好啦, 唔係要多薑真係會好辣嫁)真係好夠薑

今日放工無飯食，又唔係太肚餓，咁啱經過呢間小店，咪入去食個正氣嘅晚餐囉。原來小店有唔少抵食套餐可供選擇，當然我揀咗皇牌---薑汁撞奶配飛碟（$35），簡直係不可多得嘅配搭，非常特别。呢度嘅薑汁撞奶的確真材實料，一般店主都唔會咁大方落咁多薑，甫入店内已經聞到陣陣濃郁嘅薑味，令人精神一振。此外，飛碟有多款口味以供選擇，有咸有甜，個人頗喜歡咸牛肉、吞拿魚及芝士，與薑汁撞奶非常夾配，加上即叫即做，新鲜香脆，很值得一試。呢間小店為觀塘區的老饕們提供了一個不可多得的歇腳點。