蒲公英和牛專門店

营业中

休息中

上次來觀塘買嘢經過啲間鋪頭買咗支日本嘅Sake送禮，店舖有餃子食，老闆娘仲叫我試食，記得下次嚟幫襯。所以今日放工特登過嚟觀塘，認認真真咁樣品嚐一下。店舖雖然完全唔係餐廳嘅感覺，但係都算食得自在，店舖所有職員都好親切，有問必答。全自家製100% 鹿兒島黑豚肉餃子，有厚皮有薄皮，任你選擇，個人比較喜歡薄皮，外皮好軟滑。 雖然只是用開水煮，但餡料好鮮甜、好juicy。唔洗點醬油都好好味，如果加埋佢自家製豆瓣醬更惹味！而且你都可以從凍櫃度揀所有扒類，老闆大廚會親自同你煎得剛剛好👍🏻 靚嘅肉類真係唔需要加太多嘅調味料，只係加一啲海鹽，已經食到舔舔脷其實舖頭並非專做食市生意，所有食物都可以買返屋企慢慢自己煮。

觀塘有好多食店，偶然找到一間位於商業大厦中不甚起眼的店舖。門外裝修不華麗，但走進去，食物售價卻令人嘩然。專門售賣和牛與餃子，餃子用上北诲道䐁肉製作，分别有白菜䐁肉及韮菜䐁肉餃子。至於和牛，由鹿兒島直送，價錢由兩三百餘元至一千多元不等，如即選，更可代為烹調及售價獲九折。由於肚子餓，不得不向老闆點了雙拼餃子，皮薄肉汁濃，點上醋，鲜味更濃，值得一試。再向老闆點了和牛，當送上食物時，老闆又細心向我們講解食和牛的方法，先嘗原味，再嘗點了黑椒或鹽的和牛，這樣才知道它的真味道。由於不太厚，略嫌口感不足。

喺駱駝漆工業大廈食到飽一飽，歸家嘅時候冇理由兩手fing fing，唔帶d嘢食返屋企同屋企人分享㗎嘛！最後一站就決定嚟到呢間和牛專門店買d生餃子返屋企同家人一齊食！行過鋪頭嘅門口已經聞到好大陣香味，原來呢間鋪頭係有即場煎啲肉扒比客人品嚐！(真係好香好吸引，可惜我當時已經食飽，實在係食唔落啦)😣鋪頭裏面有d和牛，餃子比客人買返屋企自己煮嚟食，我就買咗一盒薄皮嘅雙拼餃子煮完嘅餃子睇起上嚟都好有內涵，脹卜卜咁，入口真係覺得呢隻餃子嘅皮係比坊間急凍餃子嘅皮薄身好多呢方面真係好有驚喜，而餃子裏面嘅餡料亦都好鮮甜，食完好有滿足感最後我想讚揚一下店員相當誠實本來我哋想買一個保溫袋(好似要加兩蚊)裝住啲餃子返屋企，跟住個店員就問我地返屋企嘅路程要幾耐，我哋就話需時一個鐘。之後店員話：一個鐘車程就唔使買啦，可以慳返幾蚊嘛！呢個店員唔會話賺得幾蚊得幾蚊，而係的確為客人設想，呢方面真係非常難得，好抵讚

朋友去呢間舖頭買凍肉 呢間野原來仲有得買佢既餃子堂食 仲要寫明係用日本黑豚肉 咁就試一試同普通水餃有咩分別啦佢有厚皮同薄皮兩種水餃揀 我揀左薄皮既白茶餃 （15隻）佢既水餃係即刻烚 絕對係新鮮滾熱辣等左7分鐘終於有得食啦 個皮真係比平時薄 肉質好鮮嫰而且又juicy 一般既餃子係會夾雜左d肥豬肉 呢個黑豚肉餃子雖然冇肥肉但係肉質亦唔會因該咁而’鞋‘口 我第一舊係試唔點醬 之後試左佢自家制既蒜蓉辣椒醬之後就返唔到轉頭啦 蒜蓉味好重但又唔會太辣 用黎配個餃子正

話說木嘴之前無意間上fb見到推薦呢間野，本身佢地係一間賣凍肉既鋪頭，但就可以即場試食黑豚肉餃子。木嘴一聽到黑豚肉就流晒口水，勾起我半年前去鹿兒島餐餐都食黑豚肉既美妙回憶。今日咁岩去開果頭，忍唔住自己既欲望買黎試下。餃子可以揀白菜、韮菜，仲可以揀雙併。咁我就揀左薄皮雙併12隻，唔洗心大心細揀味道。一路等一路聞到佢係度煎扒既香味，真係口水都流晒。內心不斷諗，煎快D啦煎快D啦。幾經辛苦終於有得食，餃子個皮確實係好薄，但一咬落去....說好的黑豚肉味呢？完全無呀係，我直程要認真望隻餃去確認會唔會落漏左D肉。成舊野無咩口感，非常林，係韮菜有味所以先叫好食返少少。所以希望越大失望越大呢句野永遠無錯，今次真係幾失望下。最值得一讚係佢個醬，有d蒜味好惹味。咁就盛惠39蚊，木嘴我都係落樓下超市買包裝餃子算數了。如果真係要俾呢個價錢，我寧願用黎買佢個蒜味醬好過。

每趟去到駱駝漆閒逛，都會路經這小店....名義上這兒賣的是凍肉醬油等的食材店，但若您是識途老馬的話，誓必一定知道這兒的名物 ---- 新鮮即席包製的100%鹿兒島黑豚肉餃子....曾試過外賣一些回家打邊爐，皮厚薄適中肉饀軟嫩多汁，非常美味....經常看到許多人不嫌地方淺窄就坐於摺檯椅上堂食餃子。前陣子太太獨個兒來試，吃過後直豎拇指大讚，而且更說可以從冰箱選些扒來即席堂煎來吃....有了這樣的引因，那就沒有不光顧的理由了....餃子除了可叫大或小份之外還有厚與薄皮之分，十分細心。而且最重要是價格公道....各來大與小各一份雙併餃。我個人是較喜歡有爽脆白菜碎在內作饀的，而太太則一向對有獨特香氣的韭菜餡情有獨鍾。不過兩有皆有同一共通點，那便是肉饀皆非常juicy而皮不黏口俐落，是高水平的出品....更讓我更有驚喜的，便是老闆娘的熱心與熱情。先是餃子上桌後詳細介紹它的吃法及醮醬 (儘管最愛的吃法是甚麼也不醮，淨食其原味可也)；接著又詳盡介紹她賣的各款扒類。最後她推薦我們吃這一小塊鹿兒島黑豚豬脢片....肉可惜帶少許筋，有部份比較難咬得到，不過整體上還是算多汁的。在此謝過她的推介了....熱情的

去睇開倉，行完順便搵野食，就見到佢地人手包緊餃。咁手工緊係即刻試食下啦，仲要係用鹿兒島黑豚肉做喎佢有分厚皮同薄皮，料就得白菜同韮菜。咁我地兩條友就試晒兩款啦，唔好執輸一份有12隻，其實已夠食飽一個女生。先講厚皮，因為有一定既厚度所以可以鎖晒d汁，啖啖都食到肉汁。而薄皮因爲薄既關係，有d餃穿咗，搞到走晒肉汁。而料就白菜同韮菜都好食，但因為餃皮影響，個人就鍾意厚皮多。

之前見到有人介紹呢間隱餃世子已經好想食架啦😍鋪頭需然唔大亦都唔係好似一間正式嘅餐廳，不過食物嘅質素係好好架👍🏿呢間餐廳好好有得俾你揀薄皮同厚皮同埋重點係有得雙拼呀因為有啲鋪頭冇得俾你雙拼要你叫晒兩款😞所以呢到超加分✨我自己就叫咗薄皮同埋雙拼嘅，因為我自己本身唔係好鍾意食韭菜但想試晒兩款嘅味道比大家所以就叫雙拼啦～以我自己一個麻麻哋韭菜嘅人嘅角度佢啲韭菜味道係超級濃郁，枱上面有啲醬俾客人點，咁我自己好奇怪咁揀左芝麻醬😂因為實在太濃啊我自己唔係好接受到所以要點番啲芝麻醬分擔下😂如果大家係韭菜嘅fans就一定要叫啦！另外佢嘅白菜水餃我覺得唔需要點任何醬已經非常夠味！食落脆脆地加左啲洋蔥粒我好中意呀👍🏿同埋佢一隻嘅份量好長好大舊食落去係有少少爆餡嘅感覺超級滿足😍

之前見介紹已好想食！今曰終於有時間去食了，果然不辜負我的期望，對於作為一個餃子控的我來說，這個餃暫時係我食過之中的「恰到好處」的代表！外至水餃皮內至肉餡都配合得剛剛好，不會搶走互相的味道，還滲透著肉汁，根本就不需要沾任何醬料，已經很入味。它們除了堂食，還有外帶及急凍，仲有少類肉扒供即時烹調享用！

呢間店賣點係啲肉係外地肉😂九州和牛、鹿兒島黑豚肉、美國安格斯牛、加拿大😂水餃呢就係用鹿兒島黑豚肉即叫即包既。水餃有分厚同薄皮，餡又白菜同韮菜兩款，價錢亦分$38/12隻同$45/15隻😂但貪心的我想厚皮韮菜薄皮白菜😂可惜沒有，好糾結下選左薄雙併🙈其實日唔日本，黑唔黑豚對我黎講係唔重要既，新鮮肉味濃肉有彈性唔煮過頭唔鞋口緊要好多😂咁呢間啲水餃即包，所以等耐左啲。水餃皮薄軟，重疊位唔會一舊粉，不過我覺得薄皮可以大塊啲。白菜爽脆清甜，比例上肉量多，肉唔鞋夠肉汁。韮菜水餃就好惹味，韮菜比例多。點餃汁有日式胡麻汁同豉油，都係豉油夾啲。價格上比坊間既水餃雲吞店貴，大概因爲是外地肉增加成本，和即叫即包時間上做少左生意吧。希望下次來有煎餃同埋可以厚薄皮雙拼😂

星期六無乜野做心思思想去駱駝漆大廈度睇下有乜食材買下行下行下行到尾聲一樓啦點知見到呢間賣凍肉食品既店鋪好多人坐係度好似等食甘原來呢間鋪頭有即買即整服務而其中佢地既餃子就最多人試食見到甘多人食既情況之下又行到肚空空於是坐底啦😂😂😂由於不太餓又想試下既關係我揀左薄皮既雙拼餃有白菜餃同韭菜餃我覺得佢有得揀厚皮薄皮好好因為我唔中意食厚皮的白菜餃好鮮甜加埋的日式餃子醬perfect 韭菜餃都ok但無白菜餃好味可能煎韭菜餃會合適的🤔總括黎講呢間既餃子好值得一試

喺觀塘返工嘅我平時會去開駱駝漆大廈搵飯食， 當每次經過平時去開嗰兩間餐廳好過一間專賣和牛或日式食品嘅店舖。 係中五嘅時候呢一間鋪頭 有好多客人坐喺臨時摺枱度食嘢， 其實細心留意就發現呢一間鋪頭有賣水餃。今日諗咗好耐唔知食咩好 所以最終決定你試一試會一會呢一間 賣水餃的舖頭! 其實冇咩特別選擇 選擇只得一樣 就係水煮嘅水餃， 水餃方面可以選擇白菜鹹或者韭菜餡，而皮方面可以選擇後皮或薄皮。 12粒就38蚊 15粒就45蚊， 主打水餃裏面嘅肉係日本黑豚肉! 等咗大概五至十分鐘左右啦 水餃 終於出嚟啦， 外觀方面冇乜特別 都比較整齊 皮方面絕對可以話薄得剛剛好。食落口韭菜味相對地比較重，如果沒有 稔醬 就會比較淡 個婆婆幫我 張辣椒蒜蓉 日本餃子醋 日本芝麻沙律醬 混埋一齊， 餃子用上呢啲醬 味道相對地會帶出嚟。 不過至於黑豚肉方面 其實對我嚟講沒有太大分別亦沒有太大感覺， 對於呢個價錢45蚊15粒嘅餃子嚟講我覺得相對地貴。 而整體來說 水餃嘅味道同出面正常水餃沒有太大分別所以對我來說45蚊係沒有驚喜

食咗好多次，每次嚟到之後都發現呢度越食越多人。我有一個同事平時唔太喜歡主動塭嘢食都識得過嚟食。跟住我就問佢點解會識得過嚟，佢話原來係另外一個朋友又係觀塘做嘢介紹的，所以我深信呢度咁多人都係人傳人嘅方式介紹過來，果然好味嘅嘢唔難發現。但係先講講態度，一開始就淨係得兩三個人喺度時候態度係幾好，但係越來越多人食嘅時候多咗親戚，全部都係上一輩子的人，感覺特別惡。講返味道，呢兩個得兩個味，一係就韭菜味，一係就白菜味。之前佢雖然有問過都話其實全部都係厚皮，而家佢有張紙可以比我填，就真係有分到薄皮同厚皮。煮法就有兩種，煎同烚。個人就比較鍾意食烚。今次就叫咗個厚皮嘅白菜餃子同埋薄皮嘅韭菜餃子。如果食1烚嘅話其實分別唔會太大，只不過厚皮咬落去會更有質感。味道就真係幾好食，有菜香，有肉香。如果你問我係唔係真係用鹿兒島嘅黑豚豬，我就真係答你唔到。但係佢嘅豬質地係比較嫩，脂肪小，感覺唔會好肥，餃子都包到好飽滿。煎嘅餃子我就建議係食薄皮嘅，因為咁樣個餃子會煎出脆皮，會更加好食，厚皮反而會煎唔出呢一個感覺。負責整餃子同包餃子個姐姐，其實都係講普通話嘅，我估計餃子應該係佢嘅家鄉小食之一，所以有咁好嘅手勢。

今日同fifi相公上完堂，突然諗起上次行過工廈間和牛鋪d餃子，就決定去嗰度食~今次試左簿皮，厚皮，煮，煎都試哂~食得出佢無太多調味，肉味好香~我就鐘意煮既白菜餃，其實煎都好食，但我覺得煮就食真d佢d味~相公就話煮就食簿皮好食，煎就食厚皮有脆~

小妹又係工廈搵到好野食，今次搵到日本鹿兒島餃子～其實店內提供堂食，煮好外賣（只限同座大廈內）及未煮外賣，小妹因為先前在同一座工作所以都會選擇煮好外賣。聽聞是老闆娘每日包好，所以餃子非常新鮮。小妹今次就點了鴛鴦餃子(韭菜＋白菜)加拉麵，餃子一盒有15隻。老闆娘在堂內準備好不同汁醬可以加到餃子及拉麵上，小妹就喜歡酸酸辣辣豆瓣醬，另外還有醋。韭菜餃子韭菜味非常濃，而且菜十分新鮮，鹿兒島豬肉嫩滑，餃子皮不厚不薄，一定糊口感覺都沒有。白菜餃子味道比韭菜餃子淡，但菜同樣新鮮，豬肉嫩滑而且沒有肥膏。就算食了15隻餃子一點膩的感覺都沒有。另外不可不提就是拉麵，非常彈牙，而且條條分明，不是放湯都不會結成麵餅。加上一點芝麻醬或醋拼食就可以。餃子加上麵都只會＄49，都算抵食呀！而且店內還有鹿兒島豬肉及日本和牛凍肉，小妹平日放工亦會買一點回家煮。