蘇記茶餐廳

营业中

休息中

在這家懷舊的小店裡，點了一碗沙嗲牛肉麵和一杯熱檸茶。沙嗲牛肉麵的湯底雖然沙嗲味道並不特別濃郁，但湯底卻意外地清爽，沒有過於油膩的感覺，讓人感到舒適。牛肉片嫩滑，與公仔麵的搭配也相當和諧，公仔麵方便，我特登叫老闆爽一點，整體口感令人滿意。雖然整體來說不算特別驚艷，但這家小店的氛圍讓人感到放鬆，靜靜地食個早餐感覺都幾好。

黑椒牛扒腸仔飯味道相當不錯。牛扒鮮嫩多汁，腸仔正常，兩者搭配得恰到好處。黑椒醬汁的辛辣程度夠，增添了整道菜的風味。而且，這道菜的性價比非常高，價格合理且分量充足，讓人吃得飽肚，十分滿足。搭配的熱奶茶雖然味道正常。總體而言，黑椒牛扒腸仔飯不僅美味，還非常實惠，是快速解決一餐的理想選擇，值得推薦給喜愛好味道的朋友們。

呢兩年都無咩行過呢頭，今日行過見佢仲頂得住疫情，銅鑼灣區食個常餐都仲係$40唔駛，門口仲見佢貼住有做派飯活動，本身諗住睇多幾間都即刻唔諗，支持下善心小店其實十年前已經發現呢到既沙爹牛肉係我細個食過既味道，但周圍都已經做唔返呢隻味道，佢隻沙爹味唔係得個濃字，放埋落個湯麵到真係夾到暈，唔識點形容，太陽蛋又煎得靚，多士烘到啱啱好，卜卜脆，見個餐咁平就順手再叫多個鮮油多，雖然牛油唔係鋪滿成塊多士，不過咁啱呢排有d肥😂 對我黎講啱啱好！

哩間蘇記茶檔，座落係一個唔多起眼唔係D大街嘅謝斐道，吸引我嘅原因係價錢平!同樣一個沙爹牛麵特餐，隔離和記賣成50幾，蘇記連凍飲都只係38蚊，仲要質素好D㖭!正常都轉場啦!而38蚊有咩呢? 沙爺牛肉麵係主角啦，可以選擇煎蛋定炒蛋，火腿一片，烘過同占上牛油嘅方包一片，凍0茶少冰.位處銅鑼灣哩D高消費區，38蚊絕對係抵啦!唉...... 依家銅鑼灣出差返工，有排都未轉返工地點，懷念之前開工紅磡區....主角沙爹牛肉麵，牛肉份量不少無偷工減料，另外沙爹汁香濃，已經唔係第一次幫襯，知道蘇記沙爹汁唔差，所以要求多汁，令到成個湯底都好香濃，好味到湯底都飲咗一半，而隔離和記嘅沙爹汁係好奇怪嘅糊狀，一比就比下去!係門口等外賣期間，見到佢門口有個派飯通知!蘇記價錢又平食物唔差仲做埋善事㖭!有咩辦法唔多多支持吓啫!

真心覺得呢度平靚正，呢個下午茶餐$38，塊雞扒又煎得靚，脆得來又不油膩，令我忍不住吃埋雞皮（肥膏當然不吃）。佢嘅麵餐仲平過我呢個餐，所以絕對抵食。P.s. 又話廚師牌腸仔執笠，但都仲有腸仔食。。。咁我唔明大家做乜咁緊張會高價買廚師牌來食?

公司叫外賣經常食呢度嘅炸脾。呢幾日食滯咗，加上今日嘅晏晝食咗好大碗油麵，今次pass，要個魚柳包，唔想飲嘢。魚柳包嚟到都仲微暖，而且好大個，麵包就一貫嘅軟熟，魚就明顯係雪藏貨冇乜質感嗰啲，但啲醬都夠，加埋啲生菜絲，食落幾好，不過我覺得鹹咗少少。下次都係食番炸脾。

在銅鑼灣，最喜歡的茶餐廳便是她了^^雖然輕微加了1,2蚊價，但對比同區餐廳，依然好實惠。廿幾蚊就有麵+熱飲+蛋+火腿+方包，十分豐富。而且一直也keep到好水準。上星期lunch去買外賣回office食。外賣和堂食的份量一樣，那天買了咖哩雞公仔麵。公仔麵好熱，燙口。咖哩味特出但又不會辣。而雞肉每次也很嫩滑。Good. 在麵上的雞蛋是荷包蛋^^食完又好味又豐富的午餐，再啖奶茶(奶味及茶味恰到好處)，so good !

在貴網的MAP上找，在謝斐道找，找什麼?當然是想找找有什麼茶餐廳未有留下腳毛啦。中午得返我同國內同事仔二人食飯，打算以簡單為主，我就決定去試這一間門口同內裡都非常簡單的蘇記。是有湯有飲品的午市套餐，同事一見有湯有扒餐有野飲，就知道是抵食之選。而是日的例湯就是南瓜甘荀湯。是否南瓜當造呢?近日去食西餐也好，中餐也好，湯，都離不開南瓜呢一種食物。然而，這一個湯，清甜，可口，濃濃的味雖好，但我感覺到有味精。 大食的同事要了一個黑椒牛扒飯，勁多汁，勁黑椒，牛扒腍該是梳打粉的功勞，黑椒汁味道濃厚，喜歡Spicy一點的他，說味道不錯。 沒有什麼啱心意，決定再次係街外食炒飯，這次的，是豬頸肉炒飯。Size，一看就知道這比起同事的牛扒飯細份好多。不過純炒飯的話，都一樣夠飽肚。味道足夠，不過我食到有鹽粒，好的地方是不太油，飯夠熱夠香，好食。 小小店，中午非常之繁忙，該是地方不太兼抵食的原固吧。

27-1-2011前一日已想喺度食公仔麵, 卻去了隔嚟食蜆湯米粉 (http://www.openrice.com/restaurant/commentdetail.htm?commentid=2145904), 第二日終於嚟了 叫了「全日供應」的早餐 ($23), 有咖喱雞絲麵, 火腿 + 煎蛋 + 多士及熱奶茶. 熱奶茶: 茶味唔係「複雜」一類, 不過都幾香, 奶味 vs 茶味約 3:7, 唔澀 (落好少糖已夠了), 亦幾滑, 幾啱飲. 咖喱雞絲麵: 公仔麵唔會太腍, 不過亦唔算爽口;「雞絲」係腍腍滑滑的雞柳, 咖喱汁帶幾濃的椰汁味, 可惜凍凍的, 還是拌勻湯麵同吃吧, 不過 d 麵又愈食愈覺得好鹹... 火腿 + 煎蛋 + 多士: 吩咐了要太陽蛋, 拮穿黏口又夠香的流心蛋黃後可用嚟蘸多士食, 雖然多士韌韌的. 埋單 $23, 幾平, 食物簡簡單單還 ok 啦, 一試無妨的.

本來打算不去茶記一段日子的，因為近來也去得太多了，是日想吃粥，預先鎖定了一所粥店，奈何找來找去也找不上，最後決定到附近的茶記攪掂，一人入內也要搭枱，因為店子真的挺細，但空調足，立時爽哂。之後也看看有什麼好吃，早餐有九款選擇，選擇真不少呢，九款不同的麵配火腿蛋及多士，加飲品都是廿二元，平日常吃的沙嗲牛麵及雪菜肉絲米也有供應，但在餐牌上竟看到在茶記中不常見的炸醬麵，一於就弄一個來吃。先來的是火腿蛋及多士，慣常的吩咐了蛋要反蛋但又不要太熟，但一看已經知道這隻煎蛋是熟得很，幸好蛋白不油膩，外層更是焦脆，而蛋咬開沒什麼蛋黃汁，這也很明顯是因為是蛋煎得過熟之過，至於火腿沒什麼好評了，薄薄的一片鹹鹹的，而那塊多士以一塊麵包切成梯形，烘過之後再塗上牛油，多士薄得來很是脆口美味，牛油塗得夠多，就是簡單的美味。炸醬麵原來用的不是生麵，而是經油炸過的公仔麵，公仔麵煮得不過腍，但很明顯用的是大光麵之流，當然不會有丁麵咁有煙韌的口感，而炸醬的份量也真的不少，這個炸醬不是京式黑黑的，而是非常港式的炸醬，橙黃色的炸醬用的是豬肉絲，雖然嚡了一點點，但個汁的味道甜甜的而又有少少辣，味道挺濃相當惹味的，用來撈麵吃很不錯呢

四月中旬．陰天天陰陰的，隨時下大雨，找間茶記快快吃完早餐為上算。在這間茶記門外看看，只見「全日供應」，但卻沒有早餐寫出來，伙記拉門，問叫外賣還是堂吃，就進來了。要了個餐蛋治烘底的早餐，蛋雖然已全熟，吃起來不夠鬆軟，但煎得夠厚。午餐肉除了是煎香了兩面之外，還是厚厚的。從橫切面看，餡料的厚度，比麵包多很多。喜歡三文治餡料夠多的朋友，來到這裡，必定非常高興。熱咖啡不算很夠勁道，但都幾香，有即磨咖啡的影子。埋單20元，烘底也不需要加錢，直覺上，是不錯的地方。值得一提的是，這裡的廁所幾整潔，衛生程度理想。