蛇王海

营业中

休息中

每年只開幾個月既蛇皇海，要食就要快喇 ﹗要食就要趁佢開檔食多啲喇 ﹗珍惜眼前蛇呀 ﹗出品非常好食，招乎都叫得做殷勤。只係環境較一般。太史五蛇湯，我既致愛 ﹗熱燙燙，飲完暖笠笠 ﹗味度濃郁、香甜，必飲 ﹗每次都要飲 ﹗叫個套餐有湯有羹又有飯，仲可以加大碼添，勁抵食 ﹗太史五蛇羹加大，平時例牌會用飯碗，加大就會轉用細湯碗。超足料，啖啖肉，木耳絲、瘦肉絲，味道好鮮甜，口感較厚，但還可以啦，略為杰左少少。加醋加糊椒粉同吃，非常醒胃，好美味呀 ﹗生炒臘味糯米飯，好味道 ﹗飯粒乾爽，嚥嚥靭靭，味道一流，好食 ﹗只係香味比較遜色。

秋風起三蛇肥，每年每次都會返去蛇王海幫襯。蛇羮足料蛇肉多到食到飽肚，而且食完唔會好口乾，暖胃又美顏。蛇湯好濃味，堂食食蛇羮會送碗蛇湯的。和其他蛇店相比算係抵食夾足料又好味！

最近既天氣都好凍下,最好食蛇羹保下身,聽fd講喱到食蛇羹唔錯,仲要幾平呀,咁正當然要試下啦,同fd去食呀,佢有散叫同套餐揀既,套餐抵好多呀,揀左A餐,仲可以加大呀,加大夠晒3個人食好抵,加大個價係$58~!抵食五蛇羹套餐A加大版,有太史五蛇羹一碗(大),臘味糯米飯同足料五蛇湯,好大碗蛇羹,3個人一定夠分,好多肉足料呀,糯米飯幾好味,五蛇湯好似藥材湯個味~!成個餐都係保身同暖身既野,好岩喱個時候食,加上味道唔錯呀~!

今日去大埔, 天氣凍, 行過見倒好人幫襯蛇王海, 所以都入去試下見倒好多人都點左蛇羹, 好似好滋味, 所以都叫左個打包我要左$40 o既餐, 一個蛇湯, 一個糯米飯, 同一個蛇羹(打包左)係舖頭入面見倒"蛇"o既物體, 妹妹話好嘔心糯米飯: 唔黏, 味道淡, 唔夠熱, 蝦米好細粒蛇湯: 飲倒有中藥味, 味道調得好, 好好味!蛇羹: 好多料! 仲有薄脆同檸檬草跟埋!相信會再去食多次, 因為蛇羹好好味;)明明俾左錢, d職員追出黎話我冇俾, 大街大巷, 火都黎埋幾十蚊都唔會走左你啦, 好彩最後都証明倒...

返到大埔，想食啲野先做運動，剛經過蛇皇海，忍唔住都係食碗蛇羹暖暖胃先返道場操啦 ~太吏五蛇羹，加浙醋、白胡椒粉、檸檬葉、脆片，勁好味呀 ﹗大碗既 HKD43 仲送五蛇湯或龜湯，但都係細碗好食好多，大碗厭太寡，可能太大碗，食到尾聲好悶，有啲格硬食晒去既感覺，好食就好食喇，又足料、又啖啖蛇肉又多配料，絕無欺場，今次無平日食開咁熱囉，熱辣辣先好食麻。五蛇湯 ~ 百渴不厭，好香好甜，有微微既藥材味，好好味，連飲兩三飲都得呀，飲完好舒服，暖笠笠，好正 ~

大埔蛇王，每年只開幾個月，抵食、足料、大大件又好味，每晚都想執返濟 ~ 套餐都係 HKD40 有湯有羹又有飯，正到痺 ﹗唔洗加大，連我都覺得真係好飽呢。食完蛇肉、飲完蛇湯幾個星期都暖笠笠 ~ 一天氣冷，每晚高朋滿座，真係客似雲來 ~太史五蛇羹，好食到唔停得口，上湯濃郁，足料大大舊、啖啖肉，熱辣辣，勁好味。蛇肉肥美、冬菇絲軟腍、木耳爽口。加啲浙醋、加啲糊椒粉、落啲脆卜卜、落啲檸檬葉絲，酸酸地、辣辣地，好開胃。臘味糯米飯，有臘肉粒、臘腸粒、蝦米、冬菇粒等，好多料，炒得勁香。糯米嚥靭，好好味，大大碗，食完仲想添飯。五蛇湯，甘香又鮮甜香濃，每次必飲。

近排好想食蛇羹，近近地去0左大埔墟既<<蛇王海>>。兩個人Share一個餐加大，有蛇羹(大)，燸米飯同油菜:蛇羹: 多料，但湯底略嫌太杰，仲食到輕微燶味。燸米飯: 都係一般般，唔夠熱。油菜: 都係唔係好夠熱。(後悔冇要個蛇湯要0左油菜，因為價錢都係一樣)Remarks: 堂食單點蛇羹 送 蛇湯

天氣凍最適合食一碗蛇羹,在大埔只剩下二間店鋪,而蛇王海就是其中一間,套餐四十元,有一碗蛇羹,一碗蛇湯以及糯米飯,說是不是經濟實惠,蛇羹總勾起童年時代的回憶,蛇羹內蛇肉的比例還算多,一眼也看得到不少蛇肉鋪在表面,但也混了少許雞肉,蛇羹做得不稀身,合格有剩.糯米飯如果更熱一點會更好,蝦米的香略為不明顯,可以做得更好,幸好還有一碗重中藥味的蛇湯.三樣東西足以飽肚,在一個寒冷的天氣下總獲得一點溫暖.四十元很抵食的更多詳細和相片http://cky20080.blogspot.com/2009/11/blog-post_19.html

事隔一整年，今個冬季我仍係因手腳冰冷被「的」來食蛇羹。我胃口好，就一個人獨自食一個大size的蛇羹、一碗糯米飯兼一碗蛇湯(湯係因堂食隨蛇羹附送)。雖然人人都受經濟的心情影響，但這店仍然沒有偷工減料，我碗蛇羹至少有六大舊蛇肉，蛇肉的質感帶有嚼勁，味道不帶腥，連一向不食魚的我都覺得好味，難得羹沒有開粉開得太杰…雖然食得出有少許調味或味精，但可幸未算太渴，夠蛇肉足料我已很高興，因為有時我出面食都係得兩舊蛇肉咁大把咋！仲要混埋雞肉等等唔多等洗的配角。一齊去的同行就看著我大吃大喝，但我們都覺得水準平均，顧得掂蛇羹之餘，個糯米飯都沒煮得太差，粒粒都溫香煙韌，夠色水，還有幾粒蝦米蠟肉點綴。蛇湯仍係一貫藥材味，但唔覺有味精，咕嚕咕嚕飲晒…有機會想再食蛇羹。

14-2-08好耐冇食蛇羹了，叫媽買了外賣回來。要左個套餐有蛇羹、糯米飯同蛇湯，$40先食蛇羹，份量足料。除了有多塊GE蛇肉外，仲有DEE肉絲，冬菇等材料，平時食落覺得幾美味，不過今日覺得DEE蛇羹太水了，而且冇咩味道，有DEE失望。跟住食糯米飯，飯身軟硬合適，不會太硬，而且配料GE X腸油味甘香，令整碗飯變得更加好食!YUMMY!至於湯，飲左一啖，味道有DEE似醉雞湯，帶點中藥藥材味，亦帶點腥味，雖然平時火鍋都有要醉雞湯底，不過硬係覺得DEE味怪怪地，最後於是比左MUM飲了。$40都幾合理，有咁多野食，而且份量又多，食完超飽!不過覺得要堂食較有風味，係屋企個感覺有點像食緊碗仔翅

近日寒流襲港，天寒地凍就好想食蛇羹。。見［蛇王海］有套餐\，就揀咗個有菜嘅Ｂ餐\！因為近幾日過年食咗好多糕點，太熱氣喇。。外賣用咗３個發泡膠盒，同堂食一樣＄４０蚊。蛇羹有好多蛇肉。。糯米飯好大碗，食唔曬呀～～油菜好好味！！今年第一次食，應該會再去幫襯～～

去過好多間蛇鋪食,始終都係覺得蛇王海最好!不論係蛇羹,蛇湯,糯米飯,龜湯都唔錯又抵食,堂食仲有埋蛇湯送冬天去食真係一流,食完成個人暖哂佢間鋪都好闊落,不似得有D蛇鋪好迫個老闆仲好好人,次次食完都好滿足

受母親大人所託外賣蛇羹返屋企~本來我想順便堂食作為晚餐的，但路經母親大人幫趁開靖遠街那間蛇王如昨晚係全埸爆滿，清一色又係全部猛男，咁我想坐得舒服一點慢慢嘆，結果屋企人話大明里這間蛇王海都照殺~hahah咁用了10-15mins拐了個大彎來大埔墟麥記後面這間蛇店了。咦！？這舖位比靖遠街那間寬敞得多喎！都有十幾至廿個位我估...(當時忽然塞翁失馬因而有點沾沾自喜。well~都未食！)好喇！到正式開餐...原來有套餐A、B、C、D！(冇記錯套餐就一律$40~每個套餐當中相同的就係五太史蛇羹、糯米飯及蛇湯。)<--套餐當中蛇羹係屬於menu中的細size細size($26)=普通家用飯碗size大size($39)=出面食雲吞麵的大碗同行的揀了A餐~其中一個餐跟油菜；最記得C餐係有點唔同…零零舍舍係蛇膽酒！我齋聯想都怕怕。而我就揀menu中的大size蛇羹和糯米飯。($39+$15=$54)因為細size+糯米飯=(26+15=$41)<--其實與套餐所差無幾，因為但凡堂食蛇羹不論大細都會附送蛇湯因為早個幾星期我就在旺角上海街的蛇王源幫趁過(可參考舊評)，所以心中就會禁不住將兩

己經病了三星期, 今天終於要放一放sick leave.每逢放假, 我都會同埋媽咪出去大埔墟覓食, 不過每次我地都會去蛇王海.叫咗個細蛇羹, 啖啖蛇肉, 湯低味濃, 食完之後總會覺得全身暖和, 感覺舒服. 再加埋d薄脆, 更加滋味無窮呢~仲有蛇湯一碗, 又係一絕配搭~埋單都只不過係$26咋, 好滿足呢…

自少在灣仔蒲大，拆蛇肉及生取蛇膽是一個入秋必有的表演項目。現在蛇王還健在，但絕技已無用武之地，因為進不了活蛇。是日經過大埔，在這裡舖面見蛇王在拆蛇肉，一支骨籤，幾下散手，蛇肉跟蛇骨清脆俐落的分開。見這個功架，當然要坐低吃一碗蛇羹，就要了一碗細蛇羹。這裡的蛇羹屬杰底，芡汁推得多。但內裡差不多全是蛇肉，還是大大塊的，只混有少量雞肉，也算真材實料。蛇肉滑淨，帶點獨特味道，木耳及冬菇絲加強口感，另加的薄脆是很脆口，加幾絲檸檬葉絲，非常不錯。細蛇羹附送蛇湯一碗，也清醇鮮甜，喝後混身暖和，滿足非常。喝蛇王談了幾句，是一位健談及老實的師傅，蛇也是新鮮即劏，幾靠得住。下次來，也要來這裡吃碗蛇羹。街坊小店，服務態度好，亦親切。埋單26蚊，經濟抵食，值得一試。