蛇王海

营业中

休息中

帶返頭盔先 唔係好熟悉蛇羹，好少食， 基本上冇咩印象以前有食過， 所以唔係好識評論味道今次都係突然間戚起條筋想食 啱經過又真係見到有一間😂嗌咗一碗大蛇羹$93， 兩個人分檯面有檸檬葉(？)、脆片之類嘅嘢自己加感覺好似食緊碗仔翅唔講嘅話真係唔知係蛇，冇怪味，反而有啲似係魚鱔嘅味道撇除功效唔講，味道都唔錯嘅，有啲令我想再食價錢都ok唔會算貴舖頭好簡單冇乜裝修，預咗基本上都係食完就走唔會喺度傾計不過因為咁樣，翻桌率高，等咗一陣就好快有位👍

最近天氣轉冷，行過大埔墟街市，見到有得食蛇羹，$88可以有個套餐，就坐低叫左個黎食$88餐（細size)包蛇羹一碗、糯米飯一碗同蛇湯一碗，如果想要大size卜就$128蛇羹都算足料，一碗裡有好多蛇肉，而且係用咗白木耳黎煮，但略嫌個味道唔夠濃郁蛇湯飲得出有用藥材煲，但陣藥材味都係淡咗d,唔夠突出最後碗糯米飯有d失望🥲，成碗飯有d過濕，冬菇絲好多，但臘肉臘腸只得一兩舊，唔夠油香，叫做醫飽個肚，飲完暖下身算

蛇王海是一個大埔著名的美食地點。這個地方以其特色的蛇類菜餚而聞名，尤其是蛇羹、蛇湯和潤腸糯米飯。蛇羹是蛇王海最受歡迎的菜餚之一。它是由新鮮蛇肉和各種香料熬製而成的濃郁湯品。蛇羹的湯汁濃稠滑順，富有彈性的蛇肉則賦予了菜餚獨特的口感。它被認為具有滋補身體的功效，被當地居民視為一道滋補佳品。蛇湯是另一種受歡迎的蛇類菜餚。它以蛇肉為主要成分，搭配各種藥材和香料熬製而成。蛇湯被認為具有溫補身體、滋陰潤燥的功效。許多人相信蛇湯能夠增強免疫力，對於身體虛弱、氣血不足的人有很好的療效。潤腸糯米飯是蛇王海另一道獨特的菜餚。它是用糯米和蛇肉一起蒸煮而成的。糯米的粘稠口感和蛇肉的鮮嫩滑順相得益彰，讓這道菜餚成為一道美味可口的主食。潤腸糯米飯被當地人視為一道滋補食品，有助於改善消化功能和增加體力。蛇王海的蛇類菜餚不僅在當地受到喜愛，也吸引了許多遊客前來品嚐。當地居民對於蛇類菜餚的烹飪有著悠久的傳統和技巧，他們將這些菜餚視為滋補和保健的佳品。無論是蛇羹、蛇湯還是潤腸糯米飯，蛇王海的蛇類菜餚都展現了獨特的風味和文化價值。它們不僅是一道美食，更是當地文化的一部分，吸引著人們來探索和體驗這個特色美食的魅力。

難得入到嚟 #大埔，梗係要搵啲好嘢食慰勞吓自己😙 加上呢排成日頭仔暈暈，又係時候補一補😄 仲記得幾年前喺 #大榮里 幫襯過一間專係食蛇🐍嘅小店，難得比我仲搵到，一於「返尋味」🤤小店似乎落咗唔少本大裝修，雖然唔可以讚佢有設計，不過整體上真係乾淨咗好多！佢哋餐單上有各式各樣嘅 #蛇羹餐，豐儉由人！我就嗌咗碗細蛇羹，再配一個 #糯米飯 做午餐。老闆娘好好，先送上一個 #蛇湯（跟餐送嘅）俾我漱漱口，而主角之一嘅 #蛇羹 亦隨即送到😙 蛇羹材料非常豐富，蛇肉、肉絲滿滿，加上熱辣辣，口感非常豐富🤤 一向眼闊肚窄嘅我，好快就比碗蛇羹同蛇湯打爆咗😙 唔想浪費，唯有將碗糯米飯打包返屋企孝敬爸爸媽媽食啦☺️📍 蛇王海 (大埔)大榮里41號美發大廈地舖

蛇王呢間都好耐歷史，可說係街坊的好地方。黃昏到來欲頭湧湧，不少街坊在此享受美食，不同的選擇有1餐2餐3餐4餐，隨便選擇。當然唔想太飽，就可以凈食蛇羹，蛇湯，蛇酒。。。今日自己當餐前小食，只食蛇羹，開心就係送蛇湯。真心真開心。蛇羹的好配料，就有檸檬葉絲，脆脆片。請真由細到大都鍾意食脆脆片，蛇羹另一吸引我的，就是脆脆片。蛇羹足料味濃，有蛇肉絲，肉絲，木耳絲。與藥味香濃的蛇湯，異常相配，感覺超養生。#大埔四方街#蛇王海#薄脆

突然氣溫急降，飲茶前經過呢度，咁就諗住食碗蛇暖暖身。啱啱開季嘅時候食過一次，感覺佢退步咗。退步嘅地方係蛇肉少咗個味又淡咗。天氣實在太凍，咁就俾多次機會佢。今次嗌碗大，蛇肉嘅份量其實比上年都真係唔算好多。平時真係唔會嗌細碗，因為洗碗嘅時候係再少啲。要暖身就堂食，因為堂食會送碗蛇湯，個蛇湯飲完之後真係好暖。但係個藥材味今年好似都係輕咗少少。我相信人係冇變嘅，都係嗰班人去做，但係個味就真係比下去，希望你睇到呢個留言之後，可以再有進步嘅空間。因為其實我得比起深水埗個幾間，呢間其實都係區內唯一唔錯嘅選擇。

大年初七人日，同朋友去林村許願樹，尼日天氣好凍，天寒地凍經過蛇王海 梗係入去食碗蛇羹 暖吓身啦！自己叫咗個1號餐，朋友話未試過蛇酒，所以叫咗個3號餐，大史五蛇羹熱辣辣好足料，每一啖都有蛇肉，滿分。蛇湯香濃甜美，味道剛剛好。試咗朋友一啖蛇酒🥃自己就覺得太濃烈喇，但友人就話冇乜特別都係普通烈酒一杯，最後講埋個臘味糯米飯，臘味蝦米同埋冬菇都係足料嘅，糯米飯質地煙韌度適中，最弊就係唔熱囉，微溫近乎凍咁，成餐飯就係俾個糯米飯破壞晒，整到幾好食都冇用啦！

#20230121 🤍📍 蛇王海 大埔大榮里41號美發大廈地下——————————————————————————————#抵食蛇羹套餐 #小 $78🥢 #蛇羹💭 呢間舖只有冬天會開，夏天就會將舖位變左賣其他唔係野食既舖，所以老闆都把握時間，連新年都唔休息🧧蛇羹有好多蛇肉，仲有好多魚唇絲增加左口感，🐷由細到大都會係咁倒啲薄脆落去，食到老闆要係咁refill😅.🥢 #臘味糯米飯💭 呢度啲糯米飯唔係生炒既🍚不過出尼都尚算粒粒分明，而且每粒都有味，用料都好足，冬菇臘味呢啲唔少得啦😋.🥢 #蛇湯💭 呢度就算唔叫套餐，散叫蛇羹都會送蛇湯👍🏼一飲好重藥材味，飲幾啖都feel到個身開始行氣活血😂係凍冰冰既天氣下食個餐真係又飽肚又暖.#大埔美食 #🐷_食

💁‍♀️💁‍♂️21/12/2022(Thu), Dinner🍽呢一晚天氣凍凍地🥶🥶🥶，最好就係食返碗蛇羹暖一暖胃同身😌，喺大埔食蛇羹我哋就諗到蛇王海呢度，每年冬天總會去食蛇羹同糯米飯暖一暖。而今晚我地order左：🔆 抵食蛇羹🐍套餐（大，$114）抵食蛇羹套餐有大蛇羹🐍一碗、臘味糯米飯一碗同埋蛇湯一碗。蛇羹有蛇肉、應該有混入雞肉、仲有冬菇絲同木耳絲，用料十足，凍冰冰既天氣食返碗熱騰騰既足料蛇羹，食完之後行返出店舖時，成身暖笠笠咁好舒服。蛇羹唔會太水汪汪或者太稠，加入少少檸檬葉吊一吊味，再加埋薄脆一齊食，味道剛好。臘味糯米飯有冬菇🍄、蝦米🦐同臘腸，熱焫焫咁。糯米飯唔會太濕或者太硬，煮得粒粒分明，食完暖胃飽肚。蛇湯飲落藥材味都好重，入口醇厚順喉，飲完個人好舒服。🔆 2號餐（細，$84）2號餐就有細蛇羹一碗、臘味糯米飯一碗同埋油菜一碟。油菜今晚係生菜🥬，灼得翠綠油潤，食落爽口。🔆🔆🔆🔆🔆🔆🔆🔆🔆🔆🔆🔆🔆❤🙆‍♂️(A先生)整體食評：❤❤❤❤(4/5)❤🙆‍♀️(為食妙妙)整體食評：❤❤❤❤(4/5)👉🏻 蛇羹足料，長期都好多人幫襯🔆🔆🔆🔆🔆🔆🔆🔆🔆🔆🔆🔆🔆

每年等到入冬時，先可食到蛇羹，經過大埔公園仔，心血來潮走去食蛇蛇羹✨［大🪱羹送🪱湯］$89⭐⭐/5-能袪風補養皮膚，但用料量少，好似食緊個芡汁咁，稀料料，蛇湯清！✨龜湯⭐⭐⭐/5👍熱辣辣，味道甘鹹， 滋補又去濕

天氣咋暖還寒，今日氣温20度左右，趁仲未熱得晒走去食番次蛇羹。對上一次嚟呢間舖頭食蛇羹大概係一年半之前，價錢無加，但整體質素比上次差。一如以往，叫大蛇羹加糯米飯套餐，有蛇湯送。蛇羹望落都有唔少餸：肉、筍、木耳同雪耳。蛇羹入口，feel倒個獻好杰，而且係唔熱，只係微暖。肉嘅份量都可以，只係蛇肉比例上較豬肉少，而且無乜咬口。糯米飯好濕，似係落咗好多老抽加色，而且口感似粘米多過糯米。糯米飯基本上係無乜餸，但可以加錢配臘腸。但原來係可以問店員免費加花生送飯，不過我係食晒成碗飯見有其他客人問先知道。估唔到今次最好味嘅竟然係唔使錢嘅蛇湯，熱辣辣又有老火湯味道(雖然我飲唔出有咩藥材)。幫襯咗蛇王海好多年，今次覺得真係唔得，質素極待改善(起碼喺食物温度方面)。希望下次再幫襯可以有番以前嘅水準。

牆上貼著報紙稱食蛇男壯陽女養顏，真的嗎？食客坐得滿滿的，貨去得快連味道質素都更高更美味！堂食蛇羹免費送蛇湯，多謝老闆。落到大埔思前想後獨毒餐唔知食什麼？經過蛇舖天寒地凍補補身最佳選擇！天氣冷食客特別多，搞到我要坐到最入面一張枱啊，衛生環境越入越惡劣。無到訪 5 年舊地重遊，裝修過變得較為光猛較為時尚，不過依然逃不過衛生欠佳的感覺。蛇羹餐 A，太史五蛇羮、臘味糯米飯、太史五蛇湯，飯羹湯有齊好抵食，仲可以加多十多元轉大蛇羮添呢。價廉物美，物有所值，抵食抵食！多年來售價只加幾蚊。打包兩個餐外賣跟朋友分享，大家要一齊暖笠笠啊。蛇羹餐 B ，蠔油唐生菜、太史五蛇羹、臘味糯米飯，有菜有羮有飯好抵食！點解好順口地叫 B 餐，其實我想食 A 餐飲蛇湯，唯有另外散叫碗蛇湯。蛇羹餐 4 號，龜苓湯、太史五蛇羹、臘味糯米飯。龜苓湯，濃稠黏黏非常熟悉的味道，溫和舒服香甜的藥材味。太史五蛇湯，我最喜愛的蛇湯熱辣辣香濃甜美，帶淡淡藥材味好好好飲！飲完全身興合合暖笠笠好舒服。人山人海，客似雲來，好好生意喎！如果堂食蛇羮會免費送一碗蛇湯益街坊。太史五蛇羮，質感依舊好杰，其實薄返少少口感會更好呢！味道香味濃郁，加上胡椒

今日約咗行山早咗到走去食早餐秋風起又好耐無食依家蛇舖多年無變蛇羮啖啖肉無失望糯米飯香軟又多料第一次試個蛇酒有趣唔識點形容Edaciousness 7/10食完蛇行山會唔會好氣啲呢

呢加香港有得食蛇嘅地方已經買少見少,以前成日聽啲人講:秋風起,三蛇肥,襯住近排天氣咁凍梗係去食返碗蛇羹同糯米飯暖暖身喇🥰.呢加係大埔墟街市附近嘅蛇鋪已經開左好多年,而小弟第一次食蛇都係係度,今次經過大埔梗要入去嘆返碗😋(細)($80)一定係成set 咁叫,嫌蛇湯重覆嘅話可以叫龜芩湯,中藥味會重啲同甜啲.一般其他蛇羹會好興溝埋好多雞肉,令到蛇肉比例好少,但呢間都幾足料，連埋木耳,冬菇,陳皮等等煲成,未食過蛇嘅朋友唔好怕,其實蛇肉食落真係冇咩名,而且蛇肉係零脂肪,食起最鐘意落少少脆脆一齊食,再加少少胡椒粉同檸檬葉吊吊味🙂然後一啖蛇羹,一口糯米飯,糯米飯唔會煮到好油,臘味嘅份量亦好多,蛇羹食到得返少少時,不妨試下溝羹龜芩湯落去令到蛇羹甜啲(有個食開蛇嘅師兄教落)食完之後即刻成身暖笠笠總括黎講,呢間蛇羹又平又足料,平時一碗蛇羹只係$50仲送蛇湯,出面有啲一碗要成$70/80,大埔呢加只剩下呢間食蛇了,襯仲凍不妨經過試返碗,食嘅唔單只係一碗蛇羹,更係一份老香港文化🤓

近十年都有持續幫襯大埔墟嘅呢間蛇王海，貪佢算就腳，而且食飽仲可以行下四條里先返歸。大蛇套餐($105)有大蛇羹同糯米飯，蛇羹套餐送蛇湯。蛇羹好多料，有蛇肉絲、豬肉絲、木耳絲等等，味道唔錯(係咸咗啲)、蛇肉都唔少。薄脆任食，因為真係好夠脆而且無油"益"味，真係食咗唔少。糯米飯雖然無咩餸，但味道都唔錯。蛇湯應該係藥膳雞嗰款湯，黨蔘味好濃，熱辣辣好保暖。兩個人當午餐都叫勉強夠食。今次幫襯，招牌同店面都整過，主理嘅又係兩個後生仔女，可能係二代，想繼續父母經營咗幾十年嘅心血。