蛇王熙

营业中

休息中

佢呢度本身係食蛇出名但係都有D客飯、燉湯之類嘅選擇今日行過見佢D客飯都ok就一於入去試吓環境都好乾淨企理只係座位吾多叫左個鴨腿湯飯佢仲有杯野飲/ 例湯成個餐$60如果想轉蛇羹/ 燉湯可以補$$呢個鴨腿湯 好正😋個湯底勁燶嘅陳皮味十分驚喜💖💖💖💖💖💖

天氣轉冷，來一碗蛇羹就最好不過。其實先前我未食過蛇羹，朋友經過想試，咁就唯有奉陪。我地就係比呢個紅色大招牌所吸引。舖內都算闊落。入到黎，餐牌都唔洗睇就order左碗蛇羹，唔洗2分鐘，店員就即刻上菜。賣相好吸引，暖笠笠咁。入面除有蛇肉，仲有冬菇、薑、花膠等配菜。食落好夠味，唔洗落胡椒粉。味道同份量都剛好。花膠都有3-4舊，一啲都唔吝嗇，因為都要成$78一碗。當然地區黎講，呢個價錢都算合理嘅。😌不過就算唔食蛇羹，都可以試下燒味飯，或燉湯。題外話，個人覺得呢張餐紙好靚，好有特色，所以影低左🫣

已經好耐無去食蛇羹見到呢間食評都唔錯就一於試下偷食左朋友既燒鵝同燒腩仔燒鵝完全有驚喜，脆皮肉嫩！不過燒腩仔既皮就有啲硬🤣至於例湯好大一碗，湯味濃郁 朋友話飲完都唔會好頸渴我既蛇羹味道唔錯，用料都足 有幾塊唔算細既花膠!潤腸果真同名一樣係脆皮😍果然冬天就係要食蛇羹，食左好滿足🥰🥰整體黎講值得再度幫趁！

一般都是滿滿的蛇肉蛇皮, 但這個加了很多花膠令羹變得更豐富, 但相反來說, 蛇肉變得少了很多.喜歡吃豐厚的層次味道這個絕對是首選, 但對為了來吃蛇的一眾來說, 滿口蛇肉才是他們的至愛之選.各有特色, 視乎個人的喜好.銅鑼灣一角的一間賣蛇店, 失去舊的, 來了新的, 相信會吸引另一群食客的光顧.價錢也覺可以接受. 每間店也要有一些特色來作招牌菜, 這才能站得著腳呢!附近地舖也不見一些食店, 這可說是一種優勢, 但太偏的話, 又可能變成無人問津. 所以, 選址是其中一環很重要的課.

由蛇王二年代開始食，最欣賞佢個碗蛇羹，材料切得幼細，加上放係面嘅菊花花瓣，又睇得又食得。到而家嘅蛇王熙，蛇羹加咗花膠，多咗一個原因賣貴啲🤣但湯底好味，似酒樓嘅翅湯底，令人回味。今晚叫咗個餐，勝在唔洗諗😎

今天下了雨，天氣有點冷，於是中午決定去食個蛇羮暖暖胃。它有不少lunch set combo ，我點了個 58 元的單拚 + 68 元的蛇羮，共118 元單拚我選了叉燒，味道和口感還可以，說不出的鼓油香配在飯上很滿足蛇羮用料很足，蛇肉很多，還下了花膠、冬菇、雞肉等，配搭起來份量很足，有約 200g ，比起中環蛇王芬，蛇羮的份量多很多。加上pepper powder 吊一吊味，使蛇羹更香辣👍🏻食了蛇羮，基本上食不完食味飯，有點可惜，建議可以skip 個早餐去食 ^^

今個秋冬第一次食蛇羹🥰亦是第一次試這間的蛇羹🐍原來是著名老店「蛇王二」結業後原班人馬捲土重開 能看出都是老夥計啊😬店鋪位置不多座位都較逼夾 但眼見一直人流不斷人氣不減 這間在銅鑼灣中心地帶來説算好抵食 仲有套餐選擇 份量夠大男士都實夠飽😍✨花膠燴蛇羹·滋補蛇汁浸雞飯·涼拌拍青瓜雲耳 套餐價$124✨花膠燴蛇羹 我們一行二人要了一個套餐再單點一碗蛇羹$78 套餐跟單點的份量一樣👍🏻成個大湯碗咁大碗😆上枱好熱辣辣👅要邊吹邊食😂食完成身都暖曬 蛇羹面頭已預先放上薄脆、檸檬草同少許菊花瓣 味道清新 如果可以自己任加薄脆就更滿足啦😜蛇肉絲切得好幼 瘦肉絲比較多 也有不少花膠😍都不算細塊 也有木耳跟冬菇絲 口感豐富😬好足料所以吃完蛇羹都有點飽肚了 可能我吃得慢？吃到最尾羹都變成水水的了🫣✨滋補蛇汁浸雞飯雞肉好肥美 雞皮部分比較厚帶黃油 至於蛇汁浸雞沒有特別味道 像平時白切雞一樣嫩滑 底下飯的份量都幾多 配上薑蔥蓉好送飯啊👍🏻✨涼拌拍青瓜雲耳份量比較細 酸味重不會太辣 前菜來說不錯挺開胃📍蛇王熙 (銅鑼灣)銅鑼灣波斯富街59號地舖

今日去完教會之後同屋企人 去咗蛇王希度食午餐， 叫咗個糯米飯套餐， 糯米飯 口感可以潤腸皮脆脆，臘腸是半肥瘦的， 糯米飯裏面有好多，大大隻嘅蝦乾，少少冬菇 ，花生同埋蔥。有一個小前菜就係雲耳青瓜，唔係好鍾意佢整到咁辣，因為唔係個個人食得咁辣， 例如我。另外佢嘅蛇羹整得幾好味。地方整潔， 但唔算太寬敞， 食完要即刻走嗰隻， 不過大家要留意門口收銀座位肥阿姐戴眼鏡嘅態度好差， 收錢好慢， 成日掛住喺度核數， 等咗成45分鐘都唔收錢 ，畀錢佢好似阻住佢做嘢咁！臨尾扣分！失敗！整體分數想畀五分，但係門口阿姐嘅態度太差扣兩分！

食物好味,蛇羹湯同埋糯米飯超級好味食,可惜坐在門口的時候見到四眼肥姐對客人呼呼喝喝, 對客人大聲表示收現金同 alipay， 顧客入嚟買嘢食只係想問清楚付款方法但他態度惡劣。 另有客人問佢蛇羹餐唔想要青瓜得唔得,跟住佢就答咁你買蛇羹叉可以唔要青瓜㗎嘛, 我聽後如果是該客人我一定立即起身或詢問他是否老闆娘 . 我相信世界上只有老闆先會咁嘅語調

蛇王二結業後, 原班人馬再在對面街開了蛇王熙, 賣點當然就是和原本一樣的老味道. 秋風起, 自然又是食蛇羹的時間. 這裡的裝修和原站風格一樣, 都是店面掛住燒味和臘味, 白色為主調再配以木枱木櫈. 面積比原店大了一些, 連主打的蛇羹也比原店更Luxurious, 就是添加了花膠, 味道不會又太大變化, 但是口感比原站的更濃稠和黏口, 冬天吃會更好, 現在吃就略嫌有點Heavy.跟餐的油菜換上拍青瓜, 處理和品質更易控制, 但就是少了些港味. 臘味糯米飯的膶腸依然是最出色的, 除了口感粉嫩, 酒香和膶香平均度好, 相當有罪惡感但又夠惹味. 糯米飯身濕潤但沒有糊化, 切臘肉和臘腸的精華, 吸收入飯身之中, 相當飽足.She Wong Hei is the successor of famous She Wong Yi at Causeway Bay focused on Steamed Glutinous Rice with Preserved Meat and snake potage. The snake potage is very similar to the original t

天氣稍為涼少少，好似都可以食蛇羹。點了個套餐，包括蛇羹，雙腸糯米飯和一個小食。我覺得蛇羹反而無乜特別，我較喜歡碗雙腸糯米飯，夠邪惡！最鍾意條膶腸很香，臘腸又不會過肥，糯米飯炒到粒粒分明，夠乾身，入面還有蔥花，冬菇，蝦米等等去炒，超級香口，食了一整碗，所以對蛇羹很抱歉，食不完，太飽了。

由於蛇王二於銅鑼灣屹立多年，對我嚟講已經深入民心，無奈早幾年結業，已經好少再食蛇羹既我發現重開左間叫蛇王熙，於是就去試一試。川貝海底椰瘦肉燉湯湯味道清甜，瘦肉被湯吸收了精華，但瘦肉有點柴。蛇羮蛇肉與其他配料比例均勻亦有足夠鮮味，芡水亦無過稠，再配上脆身薄脆與味道獨特的檸檬葉絲，溝埋一齊食有口感又好味。煎蛋叉燒飯選了全瘦叉燒，叉燒肉質軟腍有光澤，肉味濃，唔會太乾身。配上流心煎蛋，飯略嫌偏淋，整體作為午餐都好滿足❤️。

位於銅鑼灣嘅蛇王二屹立左40幾年，上年四月不敵疫情結束營業，令到一眾街坊同打工仔頓時冇咗飯堂，好開心係新店蛇王熙起隔幾條街既波斯富街捲土重來，街坊不用再心掛掛！雖然今次未幸食佢個蛇羹，但係個潤腸飯同以前蛇王二有九成相似！食到一浸人情味白切雞肉質豐厚，鮮味多汁，滿嘴漏油嘅時候你一啲都唔會覺得佢肥膩，燒肉個脆皮炸至金黃色岩岩好，脆嫩酥香！最正最正緊係個潤腸啦！潤腸先係重頭戲！！！配埋個白飯，油香十足，鮮味無窮！蛇王熙既潤腸係用豬肉配和鴨潤製成，味道甘香非常惹味，當你食落口入面呢你會感覺到有淡淡的酒香味，肉質柔韌帶啲鹹香味，簡直係一試難忘！陳皮鴨腿湯飯蛇王熙既陳皮鴨腿湯飯同以往食嘅鴨腿湯飯好唔同，個湯明顯深色好多，因為佢係落咗好多陳皮同老抽去烹調，令到個味道好濃郁，成個湯都充滿左鴨肉嘅精華，真係好正！呢個菜式係香港舊時酒樓嘅菜式，常見於酒樓同茶餐廳但經過咁多年歷史，已經好多餐廳冇做啦，所以要好好珍惜😚😌

非常失望，以前是蛇王二的常客，諗住重溫舊日夜收工comfort food 的味道。川貝海底椰瘦肉燉湯味道正常，大盅，好抵飲，跟餐炆燉湯 -$12， 算ok。圖中所見肥叉油雞飯，肥叉竟然可以係咁樣樣。 鞋過紙皮，仲要係順紋切，本來不想浪費食物照食啦，但實在咬唔開…. 咬落肉汁有豬躁味….😞😞 油雞太生，近骨位好腥，實在搞唔掂。往事只能回味….. 😢😢

本身諗住去食飯蛇王二嗰個味道本人覺得完全唔係嗰回事非常正常普通嘅燒味飯同蛇羹但係公道啲講句如果想普通食個碟頭飯午餐或者晚餐快食可以一試專登去食就無謂了純個人分享