蛇王芬

营业中

休息中

「百年老字號」「米芝蓮推介」中環見到大大個「蛇王芬」招牌吸引咗一睇餐牌原來好多小菜小抄 仲有好多燒味以為只係食蛇羹糯米飯如果唔係蛇其實仲有好多款燉湯一定有款適合你蛇羹$140 一碗比我想像中清甜入面有雞絲 蛇肉 鮑魚絲 冬菇同埋花膠等等做法正宗 有保證爽口鮮甜👍🏼 經過一定要試吓嗰日食飯仲見到有星期一至四有套餐（兩碗蛇羹加糯米飯）7:30pm 供應粒粒分明既生炒糯米飯潤腸臘腸比例都好多 不吝嗇充滿油香 暖胃一流海鮮炒河材料好豐富味道亦都好香有鯪魚肉，蝦🦐 魷魚 等等唔會乾爭爭，濕到啱啱好另外叫咗枝竹青衣腩煲食材新鮮🤤味道香濃又不會過鹹以蛇羹餐廳嚟講 小菜選擇真係非常之多非常適合朋友聚會 或者帶外地朋友試試👍🏼

中環老字號蛇羹🥕秋冬鮑魚燴五蛇羹(每碗)$150⭐️⭐️⭐️⭐️⭐️一上枱滿滿一碗，表面有薄脆，就甘食好香脆，浸落蛇羹食又另一番風味。蛇羹真材實料，有蛇肉、鮑魚、花膠、雞絲、冬菇、陳皮、薑，飲落幾重陳皮味，又重薑味，飲完成個身體都好暖和，仲感覺到好似d中藥既感覺飲落都有點微微苦。🥕菠蘿咕嚕肉$140⭐️⭐️⭐️☆☆好多塊咕嚕肉，酸甜醬炒到完全包裹晒咕嚕肉，酸甜汁味道剛剛好，不會太酸不會太甜，咕嚕肉食落幾嫩滑香口。🥕黑糖三棗桂圓薑母茶$28⭐️⭐️⭐️⭐️☆睇落已經好足料，飲落都幾重薑味，辣辣地好暖胃，黑糖不會太甜，又有桂圓紅棗香，整體幾不錯。店舖環境十分復古，店員服務態度良好，會主動加茶，夜晚都幾多人食，大家可以訂位留枱。======詳情======蛇王芬中環閣麟街30號地舖👣香港站E出行6分鐘================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #中環好去處 #中環美食 #RR中環 #RR蛇羹 #蛇羹 #黑糖三棗桂圓薑母茶 #薑母茶 #黑糖 #菠蘿咕嚕肉 #咕嚕肉 #秋冬鮑魚燴五蛇

成日都聽到人哋講食蛇羹一定要去中環嘅蛇王芬，點會估到其實蛇王芬除咗蛇羹，傳統粵菜一樣咁出色？😳😳聽老闆話其實蛇王芬已經經歷咗三代傳承，而家已經係第四代，有以前中環路邊檔，去到今日嘅舖位都有唔少歷史，周邊嘅舖位變化不斷，而佢地依然屹立係中環，見證住時代變遷。我哋今次就冇叫到蛇羹，反而試咗蛇羹唔當做嘅時候，佢哋另一門嘅招牌菜：臘腸同埋潤腸，潤腸外皮黝黑，食落有少少炭香味，臘腸肥美，有淡淡甘甜。另外仲叫咗南乳炸碎骨雞，入口非常Juicy，雖然話就話係碎骨，不過其實骨集中喺邊緣位置，所以其實都係啖啖肉👍🏼另外仲叫咗鹹魚蓉炒芥蘭，唔知師傅用咗咩魔法，芥蘭居然冇苦澀味道，鹹魚亦唔會死鹹，兩者交融，別有一番風味！總括然言，蛇王芬唔單止蛇羹岀色，拿手粵菜更加係冇得彈🤩

下班約了朋友在中環食晚飯，天氣突然轉冷，想吃點熱辣辣的。所以選擇附近的蛇王芬。由於朋友不太喜歡蛇羹，所以沒有點。我們點了二人晚市套餐$530，包了一盅燉湯、一碟海鮮、一碟主菜、一碟主食，附送糖水。⭐️燉湯—無花果燉豬肺無花果和蜜棗使到整盅湯非常滋潤和清甜。豬肺有大大的四五塊，洗得好乾淨沒有異味，最欣賞的是豬肺燉得非常滑嫩，一點都不老，可以整口吞下。⭐️主菜—豬潤啫啫雞煲整煲份量足夠，多雞腿肉、豬潤也是大大塊的。 配菜洋蔥、乾蔥頭非常入味，送飯一絕。⭐️海鮮—黃金脆炸鮮魷炸漿香脆，包裹每塊魷魚，外層沾上一顆顆的鹹蛋黃粒，令整塊魷魚增添風味，配上香醋，一口接一口。⭐️主食—福建炒飯炒飯底顆顆分明，口感剛好。芡汁濃淡適中，材料豐富有雞粒、蝦仁、魚柳、素鮑片、雜菜等等，整碟色彩繽紛，好開胃。⭐️香草陳皮綠豆沙我一向不太喜歡綠豆沙，那套餐送了綠豆沙就試一下，一吃有驚喜，熱綠豆沙有淡淡香草味、綠豆煮沙，但不會太濃稠，不然會像吃糊一樣，而且糖水沒有加太多糖，一點都不膩，令我對綠豆沙改觀了。⭐️桃膠菊花桂花雪梨茶原來蛇王芬開了二線品牌四季芬芳，試了桃膠菊花桂花雪梨茶，我和朋友都好喜歡，感覺沒有另外添加糖，喝下好舒

座落於中環的百年老店蛇王芬，也是米芝蓮推介餐廳，今晚終於和朋友來嘗試一下，店內的裝潢比較傳統，座位比較密，但為了吃美食，我們也不介意。蛇羹$140蛇羹湯底以新鮮蛇骨、老雞、北菇、果皮等熬製，味道清甜，配上新鮮蛇肉，每口蛇羹都有豐富材料，感覺味道非常傳統，而薄脆及檸檬葉已預先放在蛇羹上。欖菜肉鬆炒蜜豆$130豆角本身味道帶甜，用肉碎來煮有加持作用，豆角爽脆香甜無渣，肉鬆和豆角拼在一起，菜肉平衡，欖菜的份量剛好夠味又不會太鹹，吃完之後也想試試自己煮，但鑊氣一定不及在這吃到的。一盅燉湯+一款碟頭飯$170很推介的一個組合，先來選一個燉湯，今晚只剩菜膽燉陳腎還好我們也喜歡，我們都很喜歡喝湯，而燉湯比想像的份量多，熱辣辣送上，清甜味濃又沒味精。碟頭飯選擇鹹魚雞粒炒飯，要加$15，上來聞到香噴噴，入口有被驚艷到，夠鑊氣炒到香噴噴，簡單的配料鹹魚、雞粒、菜粒、蛋、菜粒，已是人間美味，可能是我吃過最好吃的鹹魚雞粒炒飯。

中環多美食，今日去咗「蛇王芬」食飯，店舖一向以蛇羹馳名，原來店鋪嘅小菜都非常出色👍🏻 終於有機會品嘗😋銀芽肉絲麵 $80肉絲非常足料👍🏻 麵經油炸，十分香脆，味道鮮美😋 食唔停口🤤福建炒飯 $100非常足料😍 有蝦、有肉、有海鮮、有菜，好豐富🤩 炒飯底好特別😵 係有鹹蛋黃的，所以非常香口好味👍🏻🤤太史蛇羹 + 馳名鴦腸糯米飯 $178蛇羮非常足料👍🏻 味道非常好😋 果然係招牌菜👍🏻 糯米飯亦係口感味道同樣出色👍🏻清炒西蘭花 $85簡單好味👍🏻

今日諗緊食咩晚飯既時候經過呢度，仲記得以前屋企人都有同我黎食過，咁老字號都仲係度，水準都要有返咁上下，就入去回味一下☺️佢除左蛇羹糯米飯之外，小菜都幾出色～-清怡冬瓜盅好耐都冇食過冬瓜盅喇～呢個天氣食去濕啱啱好☺️爸爸媽媽就最中意🥰冬瓜盅好清甜睇相都知好多料🤣-經典橙酒香橙骨酸酸地好開胃仲有陣陣橙香啲醬包裹住啲骨好入味😋-蒜香蟶子海鮮都好新鮮啖啖肉又鮮甜🤤-沙嗲粉絲蝦煲啲粉絲索哂沙嗲醬既精華仲有啲蝦既鮮味超正呀😳送飯一流😍啲蝦都仲係好彈牙👍🏻👍🏻-我未入去之前以為淨係有蛇食，但原來都好多小菜款，仲要水準真係唔錯👍🏻好岩我口味🤤

我自己好鍾意飲燉湯，而蛇王芬係我最喜愛之一。😋☺️蛇王芬係🌟米芝蓮推介嘅百年老店，主打蛇羹、臘味飯同燉湯。原來蛇王芬第一代係喺國內做中醫🧑🏻‍⚕️，以蛇湯蛇酒同其他野味為求醫者進補，直到黎到香港就喺街頭推著木頭車擺賣蛇羹蛇湯及燒味飯等，再從士丹利街開始進駐店舖🏠，至今仍然屹立於中環。💁🏼‍♀️ 餐廳設計中式雅致🏺，牆上掛左幾幅中國書法字框，係一間好有家庭式嘅中式小菜館。🍚🥢🫖✨白菜膽鮮陳腎燉湯 $120 🥣一上枱熱辣辣，餐廳用咗新鮮陳腎，令燉湯特別清甜。陳腎健胃消食，整個燉湯有清熱潤肺功效，平時食得多熱氣嘢，飲呢個燉湯就啱晒喇～😙✨ 咕嚕明蝦球 $200咕嚕蝦球🍤 即叫即炸，炸漿幾脆唔厚，蝦球爽口，入口甜甜酸酸好開胃！😋✨ 時菜炒斑片 $190新鮮斑片🍝好厚身，唔係一般餐廳用嘅急凍魚塊，鍾意呢個餸清清地～👍🏻🏠 蛇王芬📍 中環閣麟街30號地舖☎️ 35795954

蛇王芬開咗去閣麟街都好多年，作為中環做嘢嘅人，居然咁多年都冇嚟呢度食過嘢。今日趁仲係天氣凍凍地，就過咗嚟食個蛇羹。星期日呢度都有一人套餐，有糯米飯加蛇羹一碗，盛惠$178。呢度嘅蛇羹非常多料，好多配料，啖啖都唔止湯嘅。面頭嘅薄脆好大塊，一開始都用咗啲時間食晒佢先至可以開始食蛇羹。至於糯米飯，店主介紹呢個係蒸嘅，另外仲有炒糯米飯，不過我覺得蒸嘅都已經足夠特別，整體來講都幾飽肚。另外，呢度成個餐牌有好多港式菜式嘅選擇，基本上就係大家由細食到大嘅碟頭飯，價錢來講就比較進取，下次有機會一定要試吓。大家諗得出嘅碟頭飯呢度都有！另外呢度開始發展年輕人市場，推出左一啲健康飲品，原來沙田嘅四季芬芳都係呢度嘅，下次有機會去埋嗰邊食吓。

蛇王芬細細個就聽得多，趁今日下晝放假嚟試吓佢啲撚手小菜😎叫咗三樣嘢：粟米斑塊中式炒牛柳星洲炒米幾樣食物出到嚟熱辣辣，有鑊氣；雖然唔算大碟，不過勝在真材實料，而且食材新鮮，絕不欺場粟米魚食得出係新鮮斑片、牛柳無筋好軟熟、星洲炒米略嫌濕咗少少，如果再乾身啲會更加惹味🤤現場所見，有不少食客都係外國人同上咗年紀嘅客人，我覺得如果蛇王芬想招攬多一批新嘅年輕族群，可以同佢沙田嘅年輕副線偶然做crossover或者期間限定😂

趁天氣仲凍梗係要去食蛇羹🐍上網見到頗多人推薦港島區中環老字號蛇王芬🍲餐廳裝修好有傳統懷舊風味,地方企理整潔,員工服務態度好好,不定時會過黎斟茶😆—————————————————————📍 蛇王芬地址: 中環閣麟街30號地舖✍🏻/食評/◍ 秋冬鮑魚燴五蛇羹 每碗$140話明蛇王芬,黎到呢度唔食蛇真係對唔住自己ヽ(´o｀睇價錢真係唔算平,不過食落就知堅係真材實料,除咗一絲絲蛇肉之外,入面仲有配搭咗冬菇,鮑魚,花膠,果皮同木耳絲等等,上面仲有脆片增添口感😚好暖胃～◍腊味糯米飯 $150叫咗個細嘅糯米飯,份量已經足夠兩個人食! 食得出用料十足夠油香,好夠鑊氣,飯粒分明唔會痴埋一大塊!◍啫啫雞煲 $170熱辣辣上檯, 食啫啫雞煲我最講究配料入唔入味,豬膶冬菇都非常入味,而豬膶好嫩滑,放到最後食都唔會變乾, 雞件煮得好滑好惹味, 送糯米飯一流😝

今日喺中環收工，同同事食埋晚飯先返屋企，同事帶我嚟蛇王芬食小菜，初時我都驚訝唔係剩係得蛇羹食嘅咩原來呢度有唔少款式小菜，味道仲唔錯添！鋪頭好有年代感，新年期間都擺左盤大桃花，幾有氣氛福建炒飯炒飯材料有雞肉、魚肉、蝦、瑤柱絲、蔬菜粒，芡汁濃稠啱啱好，材料亦係啱啱熟，雞肉睇都知勁嫩滑而炒飯都夠乾身又好香蛋味，見到粒粒飯都係金黃色嫁西檸煎軟雞每件雞肉都炸得香脆，肉又嫩滑同有肉汁，加埋酸度適中嘅檸檬醬汁，完全冇油膩感，愈食愈開胃京都焗肉排肉排肉質嫩滑，完全唔鞋口！每塊肉排都有一大舊肉，配上酸甜既京都汁，食到好滿足蒜蓉椒絲炒A菜A菜係我哋平時食嘅油麥菜，簡單既蒜蓉椒絲調味，可以帶出油麥菜既清甜

今日嚟到中環蛇王芬，一間好傳統食蛇羹嘅地方，相信已經有好耐嘅歷史。之前食餐廳—天天海南雞飯亦都有同佢crossover，所以喺天天食到海南雞之餘亦食到蛇羹。同朋友叫咗兩個蛇羹餐。馳名鴦腸糯米飯+太史蛇羹 HKD 178 (我哋叫咗兩份) - 蛇羹本身已經配咗啲卜卜脆，一啲香草咁嘅嘢，所以我平時食蛇會落醋，但今次都覺得夠味唔使落，我覺得佢嘅蛇都幾足料，咁啱今日天氣凍，食完好暖身。糯米飯我略嫌佢比較淋，做唔到粒粒分明，生炒糯米飯新鮮香口嘅效果，所以有啲失望。性價比應該比起好多食蛇嘅地方低，屬於偏貴嘅價格，不過佢似係一間比較似酒家嘅地方，有好多唔同嘅小炒同埋煲仔飯，而且喺中環地區，同埋歷史悠久，我覺得都可以一試。

🔸️蛇王芬 🌏中菜📍中環閣麟街30號地舖呢排比較凍，上星期食完蛇羹番尋味，今次再同朋友試下呢間新式老字號。三人叫左以下試試佢：🗨蛇羹小窩 $450小窩大約分到三碗多啲，其實試左可以分到每人一碗多啲。老實講，甘嘅價錢，蛇肉實在太少，主要喺啲雞絲，冬菇，雲耳，少量魚肚（？），唔係太食到蛇肉，非常失望。不過佢既碎碎好好食，炸得鬆碎兼唔油。🗨蒜蓉椒絲炒A菜 $85似屋企炒菜，唔油唔重味，清清地，幾好🗨章魚雞粒蒜香荷葉籠仔飯 $190呢個份量都多，料足，蒜香好出，但一啲都食唔到同聞唔到荷葉味。總括來講，呢間名氣過大，收費都算貴（唔足料個真係好唔值）試過就算。想食蛇既話，我都會食番一啲地茂少少既蛇鋪。自己非常推介觀塘蛇王龐，勁多蛇肉，食完仲有蛇湯飲，個糯米飯好乾身，好正！#中環美食 #香港蛇王 #蛇王芬 #食蛇 #hkfoodies #hkguide #hkrestaurant

冬天真梗係要食蛇羹！嚟到中環，個個都會嚟蛇王芬食！平時好少食蛇，見今年真係好凍，所以就想試吓！呢間餐廳係一間有歷史嘅餐廳，基本上遊客呢度都會食，反而我呢個香港人從來都未食過🤣餐廳嘅裝修係有一種懷舊嘅感覺，但都唔會覺得污糟，反而覺得好有feel!我哋叫咗一碗細蛇羹.本身都唔知道會係啲咩味，原來都幾似雞肉，當然入邊一定有溝雞肉絲，識得出入邊有陳皮！食完個感覺好補身！我哋仲有叫咗個糯米飯以為細細碗，點知勁足料！入邊有超多臘腸同潤腸，啖啖都有料，超豐富！糯米又好冧！我哋再叫左啫啫雞煲！超香！原來係傳統做法，有埋豬潤！超惹味！如果無叫糯米飯，係應該叫白飯配！原來餐廳開始轉型，有好多新派菜式，但我哋發現得太遲，下次再黎試下