蝦棧 (已搬遷) 新店位置

同朋友係太子行完街，就周圍搵野食。見到間蝦棧，睇落唔錯，就入左去試下啦呢間餐廳既侍應主動幫我地開門而且侍應既態度殷勤，又會主動為客人詳細介紹菜式脆炸陳皮魚蛋配酸甜醬($58)以炸雲吞的方法，用雲吞皮包住陳皮魚蛋去炸，更能突顯陳皮既香味，配以酸甜醬，酸酸甜甜，是一道開胃既前菜三杯蝦($188)（300g)，有8隻落單時由水箱即刻撈上來，十分新鮮一上枱，一股香味撲鼻而來用九層塔、薑、蒜、辣椒、酒煮成，香味十足，廚師十分細心於蝦背劃一刀，使蝦入味，而蝦十分多蝦膏台式䓤油雞(半隻)($128)每日限量，只提供3-4隻，如果想吃需前一晚訂位時說明，因為制作十分需時，屬於功夫菜，需每朝早將雞浸至入味。雞上面的炸蔥十分惹味，味道偏咸，適合送飯小丁香油麥菜($78)小丁香屬於台灣其中一種小魚干，能帶出蔬菜鮮味，兩者味道非常配合，沒想到油麥菜可以這樣配搭，香港很少吃到這樣配搭的油麥菜，味道不錯清涼荔枝梳打（含酒精）($38)一入口就充滿荔枝既香味，慢慢滲出淡淡既香味，加上薄荷葉，感覺清新薄荷柚子梳打($38)柚子味本身十分甜，加入梳打水後令甜度變得適中，但又有濃郁的柚子味，加上用些少薄荷葉作點綴，帶出一

今日同朋友去花墟買花， 又唸起朋友介紹過一間好有台灣特色嘅餐廳在花墟附近叫「蝦棧」， 所以我哋就決定試一試。餐廳環境十分舒適， 仲播着流行台灣歌曲，使人十分放鬆！ 一入門口就見到幾個魚缸， 放入了好多蝦同魚， 果然係「蝦棧」， 有好多游水蝦游來游去， 大大隻既大頭蝦， 老闆話係羅氐蝦，啲蝦眼金金咁望住我， 好可愛呀！這裡嘅蝦鍋係主角， 有多種做法給客人選擇， 包括有胡椒蝦， 奶油蝦同檸檬辣蝦等等。每張檯都有一個鐵桶， 可以俾客人放蝦殼，真係又方便又細心。我叫咗大大隻嘅《奶油蝦 $188》，份量都唔少， 有八隻大蝦，香濃嘅奶油汁加上鮮甜嘅大蝦，十分惹味，蝦頭就更加滋味， 真係好多膏， 大蝦爽口彈牙， 食到我舔舔脷呀！《醉雞卷 $88》 ， 每件雞卷都卷得好紮實， 口感不錯，亦有香濃嘅花雕酒， 味道適中。 每件雞卷都放了一粒杞子，賣相相當美觀！ 《一口炸豆腐 $58》，外皮脆卜卜， 即叫即做， 上枱熱辣辣， 內𥚃鬆軟，還有香濃豆香， 味道不錯！ 《魯肉炒新竹米粉 $68》 係台灣常常食到， 新竹米粉好幼細， 囗感爽囗彈牙， 加入魯肉、韭菜同紅蘿白絲等材料一齊炒，材料豐富又好味，正！《荔枝梳

中午，去食午飯，叫左個魯肉飯加貢丸湯，完全唔掂，魯肉肉碎全瘦，又乾又鞋又無味，飯無汁，你如果叫港式魯肉飯，我就無野講，但餐廳標榜台式餐廳，魯肉飯做成咁，唉!我好鐘意食台灣菜，我到一間新餐廳，我都會叫魯肉飯，台式餐廳如果連基本魯肉飯都做唔好，其他，算把啦。

今次已經係第三次嚟食喇，但係仍然都覺得超好食蝦棧一坐低唔講咁多，就嗌咗蝦鍋先，因為都知道要等一段時間先有得食之前食過好幾種嘅蝦鍋，所以今次試吓呢排比較興嘅菜式：鹹蛋黃蝦鍋等咗應該有20分鐘，可能即叫即煮，時間長少少，見經理成日拎個網去捉蝦入去廚房鹹蛋黃蝦鍋：- 照舊每個鍋都有7隻蝦，肉眼睇蝦同以前一樣，冇縮水- 今次真係食到啲鹹蛋黃好似依附喺蝦嘅表面，好香之餘仲好惹味，一啲都唔油膩另外叫咗碟菜，淨係食蝦都唔得嘅菜都出色，用咗啲魚乾一齊炒，令到我男朋友平時唔太鐘意食菜都係咁dep dep當我地諗住叫魚嘅時候，啲魚望住我地，突然覺得佢地好慘仲叫咗條魚，佢有個特異功能就係識著火架燒完之後肉質仍鮮美一邊食，啲活魚一邊望住我，好有罪惡感最後叫翻個南瓜雪糕平衡翻我嘅心理呼，次次食呢個雪糕都有開心嘅感覺我已經嚟過3次都覺得好好食，超推薦鐘意食蝦嘅你您你

太子一向比人感覺舊區，唐樓林立，比較少大型商場，蝦棧可以話係太子區少數特色蝦料理餐廳。就咁睇個名就知，餐廳的菜式主要以蝦作為主題，用大頭蝦配以不同口味烹調，有胡椒蝦、麻油蝦等等，而其餘大多數都係台式風味料理。老實講，整蝦既話，呢間餐廳整既蝦真係會愈食愈滋味，我地叫左個，一鍋2個人分認真唔夠喉，但因為我地想試多少少唔同野食，所以決定留肚，否則一定再叫多鍋蝦呀！另外，臭豆腐亦值得一試，好多人對香港臭豆腐既印象係聞落好臭，食上去好yummy， 同呢度既臭豆腐有些許不同，聞上唔會好臭，食上去有種異地風情，係有另一番風味！而最有驚喜既當然係冰火魚，經理首先將油用火燒著，再將帶火既油倒落冰鎮左既魚度，令成條魚都著左火，成個過程好似睇表演咁，當火隨著時間逐漸熄滅，我地慢慢翻開僵硬既魚皮，發現入面既魚肉異常地咁滑，好嫩滑，只可以講，除左蝦以外，呢條魚都係必食之一！

實在太好了，竟然可以在香港食回曾經在台灣食過的蝦味道。就連店內風格都很有台灣清新風格，在這裡吃個豐富蝦蝦大餐，有如自身台灣當地。一入門口見到一缸生猛大蝦已經未食先興奮了。避風塘蝦 $208超級惹味，炸蒜片香口脆卜卜，都想食清，每一隻蝦都入味，這經典款式是必食之選。檸檬辣蝦 $188很有驚！必推介，最驚喜是那些綠綠的辣汁，味道像泰式生蝦的醬汁，清新美味几乎被我們飲清。每隻蝦大大隻又多膏，而且肉質彈牙新鮮，值得來吃。店家的細心，每隻蝦都已挑蝦腸。生燒海花螺 $138生燒味道果然鮮味很多，再配上特式醬食會更惹味，不過我比較清吃，因為食得出食材新鮮。火焰雪山焗鮮魚 $ 168以活鱸魚鹽焗燒， 大大條肉質嫩滑又新鮮，即時火焔燒一燒，更能帶出燒焗滋味。

難得又見到零負評的食肆，一於去指教下好多🦐啊，每次叫蝦煲，都會喺度捉新鮮的入去廚房即煮的今次我試左個奶油味先，食落好有奶油味，好味，不過可能蝦吾係季節，所以膏不是太多，但個味道就真係冇得輸食到個蝦煲底，我就叫個lee個餅去沾埋d汁食👍🏻👍🏻麻油雞d雞滑，味又夠加埋d米粉落個雞汁度，真係食幾碗都得👍🏻👍🏻lee 條火焰雪魚等得最耐，原來佢又係新鮮喺魚缸捉，之後即焗，所以要等耐d入面肉質真係好滑，魚亦清洗得好乾淨，食開魚的朋友會明白我的意思！個螺又係一定要試的贊完後，又係時候講下要改善的地方個醉雞我覺得個酒味麻麻個炸藕片係凍的，所以食兩片都已經吾想食lee個炒米粉咸到冇朋友，食完飲左幾杯水碟菜冇問題的，不過係我食吾慣這種菜最後係個珍珠奶茶，我覺得街邊嗰d好味好多整體黎講呢，主菜方面係真係見到用心煮同好味的，其他d配角只要改善下其實又不大問題，所以我會繼續黎試曬其他🦐的

蝦棧最近天氣轉涼，最岩就係打個煲，但雞煲都食到無咩新意，今次就試食蝦煲呢間最近都幾有人氣，所以打定電話book定枱穩陣啲一入去，就見到大大個魚箱，蝦勁新鮮，彈下彈下，都幾cute，而且蝦殼同蝦身好透，勁透明，就咁睇已經知啲蝦夠新鮮，同係靚貨色蝦煲有好多口味，最後揀左奶油蝦落左單，店員就會即刻去魚櫃撈蝦，蝦煲好快就上枱可以見到每隻蝦都好飽滿，圍成一個圓環，賣相唔錯而另一驚喜位係，隻隻蝦都有蝦膏! 超surprise 仲有2隻有蝦籽，都係第一次食，口感類似魚籽，都幾有鮮味講返個醬汁，甜甜地同蝦味都幾夾，特別在襯埋洋蔥，甜味更獨特，去到最後食哂啲蝦，我地仲清埋啲洋蔥今日主打係海鮮，所以仲有款生燒海花螺我估計係先清蒸再燒香，所以花螺前部份燒香左，但內部仲好飽滿、彈牙，食得出又係好新鮮差啲講漏左，每張枱都放有濕紙巾同細細個垃桶放殼香蔥滷水炸大腸，呢款係是日推介，寫左係board到本身以為係街頭炸大腸，最後發現更似潮式野炸大腸輕輕一炸，外皮微脆，所以腸仲係好彈同保持水份，主點係洗得好乾淨，無哂脂肪，食落零負擔最後介紹返碟菜，羽衣甘藍係新興既蔬菜，好似係長洲賣涼茶既鋪頭見過，都係第一次食賣相加上栒子

最近都好少出九龍食飯， 難得老公話出太子， 咁就係太子搵食啦。 行吓行吓就去咗花墟附近見到呢間蝦棧， 心諗應該係專食蝦啦。 一於同老公試吓。 一入去地址唔算大， 牆上滿滿嘅台灣裝飾品原來係食台灣菜。 睇睇餐牌佢地嘅主打菜係不同特色嘅蝦煲。 係咁多款式嘅蝦煲再加上店員嘅介紹， 我地決定叫個胡椒蝦煲。 落單後店員就去門口嘅蝦缸即撈上大頭蝦俾廚房。 即叫即撈即煮咁先叫新鮮嘛。一嚟到聞到香噴噴嘅胡椒味， 每鍋大頭蝦份量係300gms, 我地呢鍋足足有8隻大頭蝦。 蝦肉鮮甜而且仲有膏㗎。 胡椒味啱啱好。 之後我地叫咗個生燒海花螺， 生燒嘅關係可以食到原汁原味嘅花螺， 仲有陣燒烤香味， 螺肉爽甜， 再點上海鮮醬更加提升味道。之後叫咗2個小菜， 一口炸豆腐同小丁香油麥菜。 炸豆腐炸得好脆內裡好滑， 一口一件。無諗過油麥菜落埋銀魚仔一齊抄可以咁好味， 而且有 d 小丁香嘅香味， 而且油麥菜好新鮮。  店員推介我地叫咗個炒米粉， 新竹嘅米粉出名幼細， 抄得好乾身唔油膩， 加上 d 肉碎一陣我地就食哂喇。 另外我地叫咗杯薄荷菠蘿梳打， 以新鮮菠蘿打成汁加上梳打已經好好飲， 但

雞煲就食得多，蝦煲我真係未食過。一入到餐廳又比呢類燈吸引住。望住呢堆燈真係好有感覺，好靚醉雞卷冷盤黎凍食，將雞肉連皮整到卷物甘，雞皮好薄好薄幾乎無咩肥油基本上每片雞肉上都有一粒杞子作裝飾酒味好重，食左一塊個肚好暖。胡椒蝦蝦身偏細，有黑椒既辣味但唔係話好入味，不過勝在蝦膏一d都唔苦，平時既蝦頭蝦膏唔敢食因爲太苦，但呢到既食落好有鮮味同朋友算哂甘多隻蝦頭既膏台式香腸我的至愛，估唔到係到都食到香腸分豬肉同黑墨魚腸，墨魚腸我又係未食過同埋份量多。將香腸夾埋蒜一齊食真係極品，比左勁多蒜，重口味人士必食。水蜜桃雪葩甜品係最大驚喜，原隻水蜜桃上，入面就係水蜜桃雪葩，唔會好甜，口感真係好正好想黎多個但太飽，下次再戰食其他味匙羹都特別靚

之前已經想試，仲book埋檯，因為用openrice book檯有優惠，梳打買一送一，可惜朋友突然改食其他野.....今日終於食到啦😍😍😍😍不過太遲用唔到梳打買一送一優惠😥book左7：30, 餐廳已經差唔多已經坐滿，得返2張檯，好彩book左。 每張檯都有一個桶放蝦殼，好方便又衛生，唔會整到檯面周圍都係蝦殼。我地點左檸檬辣蝦$188，唔係好辣，酸味蓋過左辣味，個汁飲落似冬蔭公，好開胃，不過份量就少左d，得8隻蝦，如果多人黎就要叫多一個蝦煲先夠。$188一個平均一隻蝦要$23.5仲未計加一。滷水叉燒$78，十分出色有別於平時叉燒既做法，唔係用燒去做，用滷水滷，而且叉燒半肥瘦，有唔同層次既口感，值得一試 下次黎一定要再叫！！樹子冰菜，因為唔知樹子咩黎，亂叫應該就係菜上面果d 圓粒，類似梅，但因為同樣都用左蒜蓉炒，蒜味已經蓋左哂其他味，普通，不過我地要均衡飲食，要有菜先會揀一個，因為$98一碟菜，真係唔值 。黑白墨魚卷$98，好香腐皮味，好香脆，墨魚反而唔夠腐皮香。 仲點左薄荷柚子梳打＋薄荷菠蘿梳打

之前朋友係社交網站提過蝦棧，話佢小店得黎好好食，今日係太子比我見到佢個廣告牌，係緣份呀！既然係附近，一於去試下！一啲都唔難搵，係花園街隔離個條“食街”一直行到尾就見佢。是日係平日既3點多，佢竟然有開門，而且無論大餐牌定午餐餐牌都叫得！一入到門口比右手邊有一排大魚缸吸引住，好大隻蝦好靚仔好肥美姐😍😍令你覺得一定要食佢！平日既關係，得一個男人係度食緊午餐，食到後來我地仲包場到最尾！雖然有午餐餐牌，但一場黎到緊係試左佢主餐牌先啦！蝦既菜式唔平，$188平均6-8隻蝦，視乎大小。其他菜式都好好好吸引，最後叫左檸檬蝦同生燒海花螺，因為廚師推介同張相好吸引😂餐牌上有靚相絕對有優勢！下面呢個係午餐餐牌叫左一杯特飲：薄荷檸檬梳打，好檸檬，薄荷味唔夠，亦唔覺飲到梳打，係檸檬青檸水。檸檬蝦黎喇！好香呀！！呢個檸檬蝦汁出奇地好味，咸得黎有檸檬味，有檸檬味得黎又唔會覺得古怪。隻大蝦一食，不得了😍😍好鮮好甜好juicy好肥美呀！食得出“新鮮”兩個字！最緊要佢又煮得岩岩好，肉質超嫩，啲肥膏流哂出黎！個煲都應記一功，保留哂所有蝦汁精華，呢煲蝦真係不得了超好食！必食大大大推薦👍🏻👍🏻👍🏻👍🏻食完個蝦，回味緊既時候，碟

經過太子的話，很推薦這家餐廳。坐得很舒適（椅子很好坐）， 菜式又好食。在香港，很少看到有台灣菜餐廳主打蝦煲。蝦棧店面很有風味。入到裡頭，立刻見到幾個 水缸，有蝦同魚。 你們見到的藍色蝦，叫大頭蝦，也是這裡主打的主打-蝦煲裡的主角。醉雞卷， 酒味非常足夠。 對比之前吃過的 醉雞卷 嚟講，這家的算酒味濃的。但又未到食完會醉的程度。台灣香腸，黑色的很好吃，很香，雖然紅色的也好吃，但黑色的比紅的更好。台灣 香腸很流行配蒜頭吃，我覺得是很夾的。 可以增加味蕾上 豐富的感覺。炒羽衣甘藍， 這道菜有點過鹹， 一定要配飯食。 台灣菜也是挺重口味的， 所以如果你哋想試呢度賽果可以叫佢落少啲鹽啦。鹵糖心蛋， 溏心蛋再用鹵水鹵過， 好食我叫了 檸檬辣蝦， 唔食得辣，可以 調整個辣度。用的是 青檸，很開胃， 蝦頭有很多膏，千萬別錯過。水蜜桃雪葩同菠蘿雪芭都很好味唷。

太耐冇去台灣了，今日係太子食到一個台式風味食品真係要介紹下朋友食，從前去台灣必食奶油蝦及胡椒蝦，但現在連夜市已經很少，想不到在香港太子可以食到味道比從前食到的更啱口味，去到點了幾種我最想食的，見老闆從門口魚缸撈起最新鮮的水產拎去加工，未食已經感覺很食材新鮮！坐了一會先來兩個前菜香蔥滷水炸大腸及醉雞卷，前者聽老闆講係先滷好再炸所以我食落都覺脆口得來點點滷水味道，醉雞卷聞到很香酒味入口不會太濃雞肉入味好食！過了一會奶油蝦先到，個個放入口咬時第一個反應係嘩～好味喎咁香既奶油味好正啊，另外胡椒蝦亦差不多時候到，放入口第一個反應亦一樣好香啊好野味，兩種蝦的對比一個甜一個辣配合得好正！未食完這餐朋友已經講定下次可以食埋其他口味哈哈～！最後上埋火焰雪山焗鮮魚，上枱跟手就點火喇真係好特別，等到火沒了即搶著分來食，魚肉很滑很好味，來到都要試下佢啊！

朋友係要見，同相公约了兩位好友食飯，其中一位朋友提議食台灣菜，反正未在香港食過，就一於去試下小食叫了炸墨魚卷和炸豆腐，炸墨魚卷用腐皮包著來炸，好香口，裡面的墨魚冇被炸乾，仲好彈牙，有白色和加了墨汁兩種口味的，好好味炸豆腐炸粉唔厚，豆腐一囗一件，非常之嫩滑相公係一個飯筒，冇飯不歡，所以叫了一個魯肉飯比佢，魯肉份量多，唔油，同台灣的有得比鹽燒豬肋條，上菜時仲以為係牛肉😅，份量小咗小小，但，好細心地切開一小塊，非常之入味，送啤酒一流🤤避風塘蝦，全力推介，蝦非常新鮮，好入味，辣道十足生燒海花螺，我仲以為係似辣酒煮花螺😅，原來係碟上，螺好新鮮，無沙，以上三道菜，送啤酒一流，可惜我哋都唔太好🍺🍺黑麻油雞煲，一啲都唔油，好香麻油味，雞肉無雪味