蝦棧 (已搬遷) 新店位置

第一次到這店用餐，店主對食品很有要求，邊吃店主一邊介紹，很有人情味，餐廳主要台式菜式。我們先點了一個冰鎮墨魚鬚，在夏天享用真是一流，讓整個燥燥動動的心情平靜下來。餐廳主打吃大頭蝦，大頭蝦味道十分一流，也很新鮮，店內有魚缸養著蝦，所以即點即煮，與一般冰鮮的是不能比較的，而且店主研究了很多方法烹調大頭蝦，我們點了檸檬辣蝦，餐廳細心到連蝦腸也挑了，令食客食得很安心，夏天享用檸檬辣蝦也是一個十分好的選擇，令整個人也清新起來。另外也很喜歡餐廳的火焰雪山焗鮮魚，店主介紹是選用加洲鱸魚，味道鮮甜，肉質很滑，上枱是還會現場即點火焰，影相打咭也十分一流。台灣䓤肉餡餅更要一試，是我吃過最好味的䓤肉餡餅，咬下肉汁鮮美，連我一向不太喜歡䓤的都很愛吃。飲品方面，我們點了薄荷菠蘿梳打和士多啤梨梳打。我比較喜歡士多啤梨梳打，它有少量酒精，但不太重量，所以冰冰涼涼的，夏天吃一口已十分舒服。這店一定會再到，哪人情味和食物質素真的令人難忘。

Lunchv去食，兩個人叫左個蝦 188 有d貴其實，得6-8隻蝦，性價比唔高。蝦細隻。叫左個lunch set 60 酸辣粉，中規中矩，有d似台灣嘅最後覺得食唔飽，叫左個醉雞，88 ，d雞全部用雞腿部部分，但就真係酒味太濃，完全冇雞味，好似飲緊酒。我都算食幾鐘意食蝦，只可以講名過其實。性價比偏低，嘗鮮可以試試，唔推薦叫蝦。 唯一推薦Lunch set 不過不失。

等埋老公放工，都已經8點幾，諗住求求其其食個晚餐。行行下見到這間餐廳個招牌有隻大頭蝦，吸引了我們入去嚐嚐。其實餐牌見到好多不同的蝦煲，已經覺得目不暇給，樣樣都想試。最後都是選擇了奶油蝦煲，因為老公話不食辣，又想清清地。我們還點了醉雞卷，新竹米粉和木瓜牛奶。奶油蝦煲的賣相很好一隻隻肥嘟嘟的奶油蝦圍圈排放著在呼喚我們吃牠們！奶油味十分出眾，香氣在口中徘徊不散。真的太上癮了，我還把米粉浸在奶油中一會兒再吃，完全提昇了米粉的好味指數！其實這裡的湯米是用新竹米粉已很與別不同，囗感是爽爽的。醉雞卷也不錯，肉質頗滑，沾滿酒香。木瓜牛奶不重木瓜味，味道較淡。整體來說有驚喜會下次再來

今晚同朋友在花園街附近行完街, 正在搜索附近有什麼餐廳, 忽然下起大雨, 眼見附近有間名為蝦棧的食店, 便上前一試。店舗雖然不是很大, 但很整潔光猛。一入門口, 已見擺放了三個大魚缸, 有魚類蝦類等等。一直以為此店是泰國餐廳, 但看完餐牌, 餐廳的佈置, 才知道是台灣料理。😅我們點食物後, 我才發覺餐廳内還播放著台灣歌曲, 令人仿如身在台灣某處。😁秘製滷水叉燒 $78咪睇佢细细碟, 份量亦唔少。此叉燒與普通廣東叉燒不同之處就是冇燒過, 而且用上秘製滷水汁煮成, 故叉燒肉質𣺉滑, 味道很入味不會太咸。脆炸蓮藕片 $38師傅用新鲜蓮藕很小心地刨成, 每片刨到好似紙咁薄, 功夫真係一流👍。然後將蓮藕片炸得香脆金黄，美味香口, 好似食緊薯片咁脆口, 一片接一片接住食, 不能停口😋。另外附上Wasabi 沙律醬, 雖然是wasabi, 但沾上醬料又不會覺得攻鼻, 只有wasabi的香味。這個脆炸蓮藕片可作小食前菜, 如加埋冰凍啤酒, 一邊嘆住食一邊追劇, 真是樂透極了。麻油蝦 $188由於我朋友不想食辣, 故我們點了這款麻油蝦。我們點完菜後, 便見有人從魚缸撈起一些生蝦, 這證明真材實料, 即叫

奇怪了⋯⋯我的朋友抽起條筋 要求今晚去食蝦;天知地知我是個很有要事的港女假如我應約隨隨便便那仲會有人俾面？那料蝦棧一進門有個魚缸養新鮮中型大頭蝦而且薄荷冰做到專業一jar 冷飲很多薄荷葉，令等了一陣子位的我們：也氣順不少他們做淡水蝦好專注，原來是台灣人的風格，這種蝦肉質結實肥美，紅膏充分，那軟軟的蝦膏超級甜美多汁⋯⋯簡直有雄性大閘蟹當造的膏那麼美好朋友介紹一下黑麻油雞-一道十分客家黃酒雞般風味的酒煮雞件女人唔補好易老我們深信此真理:而這麼一個湯鍋才168$就會補身又健康⋯⋯簡直超抵我們的蝦原來是奶油蝦-188$基於我是第一次來蝦棧我朋友客氣禮讓；結果七成的蝦都是我食台灣人叫蔥抓餅做到脆皮內鬆化，扮晒食家的在下也覺得不錯👍蝦棧相當自信的炸物黑白卷原本由墨魚膠製餡難得是工序繁瑣，98$ 兩個魚滑炸到夠酥而沒油膩感怪不得晚上八點多門口仍要排隊等候。最愛吃奶油蝦最重要關鍵，薄荷菠蘿梳打珍珠奶茶⋯⋯一絲不苟的製作😋🤗很優越的作業！感覺優雅，明碼實價！

同好朋友係附近拎完野, 諗住食個lunch再去花墟報到,快速搜尋下見到呢間好似唔錯就去試試,我地叫左【醉雞卷】,【滋補四神湯粗面】(藥材, 豬肚, 豬粉腸) 同【西班牙橡果級黑毛豬肋條飯】【醉雞卷】我地食飯見到menu 有醉雞都多數會叫, 但呢個卷比平時的醉雞件真係相差太遠, 因係用雞扒卷成, 而且感覺煮得太耐, 肉質死實 (雪凍左肉質會更加硬)........我明白醉雞卷要卷實之後再扎住咁煮/ 焗,  但平時係屋企自己整都唔會實到咁.......【滋補四神湯粗面】(藥材, 豬肚, 豬粉腸) 四神湯有淡淡藥材味, 面質適中唔會淋, 而豬肚同粉腸都算淋, lunch set 有附 side dish 和湯 (另附茶/ 啡), 應該係粉葛湯, 味道清淡【西班牙橡果級黑毛豬肋條飯】配咖哩汁/ 黑椒汁我揀左黑椒汁, 個汁唔錯好夠辣重加左醋煮, 但份量真係太少喇, 汁同豬肉都係, "豬肋條"其實係豬柳條咁, 可能橡果級太矜貴只有6, 7 小條, 重要條條都隨心切咁長短不一, 而最大敗北係碗飯!!! 好似叮果時冇揾野cum住咁......又硬又un....汁又唔夠撈....食左2啖已經要揾粉葛湯撈

依家旺角警署後面開咗好多食肆CP值都好高，今晚第一次試依間蝦棧。好多人讚黑胡椒蝦，但我見出面食肆都好多有黑胡椒蝦供應，所以叫了奶油蝦。奶油蝦一窩上共8隻，個汁好多洋蔥，蝦肉爽口彈牙，啲蝦好新鮮，不過我略嫌個汁咸咗少少。台式蔥油雞，老闆極力推介，佢話一日只做幾隻賣晒就冇。老闆果然冇介紹錯，我啲朋友超愛，雞好滑冇肥膏，咸甜適中。蔥抓餅，我最愛依個，有點像印度薄餅，但佢比印度薄餅更香脆味更濃，真係食完想再encore 。雨衣甘藍，配上杞子清炒，帶出雨衣甘藍特別味道。我個人喜歡熟既雨衣甘藍，味道好過用作沙律菜。上湯北寄貝，亦是老闆推介，北寄貝都幾大隻，配上上湯，好鮮美。湯都飲晒。黑白墨魚卷，細細條，入面有白墨魚及加了墨魚汁的黑墨魚，雖然我食唔出黑白有甚麼分別，但依個卷真係幾好味，熱辣辣，墨魚肉彈牙，出面個卷好脆，總之好味啦南瓜雪糕，水蜜桃雪葩我鍾意南瓜雪糕多啲，雖然南瓜味唔夠濃，但味道不錯。 朋友就鍾意水蜜桃雪葩佢地覺得桃好香，但我覺得有點人做桃味唔夠天然。

這天晚上約了朋友到太子吃晚餐，我們決定吃「蝦棧」。很少有餐廳專門煮蝦，還要是蝦煲，當然不能錯過！店面：很日式的感覺，但其實是台灣菜來的。裡面裝飾得很美：小至餐牌也很講究，用不同顏色的粉筆去寫：餐單印刷精美，上面有各種食物的圖片：滷蛋 (2隻) $28溏心鮮嫩柔軟，容易咀嚼。適合老人和小孩。一口炸豆腐 $58外脆內軟，吃後齒頰留香。台式香腸 $88紅色的是豬肉，黑色加上了墨魚汁。個人比較喜歡黑色的。還有蒜可以夾在中間一起吃。羽衣甘藍 $98簡單以水煮熟，再加上點點調味料。羽衣甘藍在香港很難買到，價錢亦偏貴，估計是因為它能防癌，人們趨之若騖。三杯蝦 $188做法跟三杯雞類似，至少使用的醬料差不多。據店員所說，這個比較少人點，但其實很好吃。士多啤梨梳打 $38有酒精成份，士多啤梨的味道充足。薄荷柚子梳打 $38沒有酒精，很止渴，而且甜度適中。埋單$536，平均每人$268，沒有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

係附近開會後, 想試下特色菜, 見呢間多好評又有鍾意既蝦煲, 就相約蝦子餅放工一齊係蝦棧食蝦煲每張枱都有個杯俾你放殼, 又有濕紙巾俾你清潔, 好衛生好方便一入去店員安排坐低後, 就主動介紹餐廳的招牌菜, 蝦子餅話想食辣, 我地叫左3個餸,1個飯同1個甜品生辣生腸花($58)十分惹味, 呢個生腸同一般食開既唔同, 冇染色, 係新鮮買返黎自己洗乾淨再處理, 所以口感好特別, 比較有咬口, 而個汁十分開胃, 好想加埋青瓜落去食, 嗜辣或生腸既人不能錯過檸檬辣蝦($188)主角蝦煲黎喇, 呢個檸檬辣蝦酸酸辣辣, 有d似泰式冬陰功, 好好味, 我地狂飲個汁, 覺得呢個汁送飯一流. 蝦係大頭蝦, 全部蝦都好新鮮, 如果去街市買成本都好貴。d蝦個蝦頭有好多蝦膏同蝦腳有蝦籽, 我推介呢個蝦煲生燒海花螺($138)呢個花螺有d貴, 我地叫果陣都心大心細. 結果花螺都幾厚肉同新鮮, 係加左d水燒出黎既所以隻味好raw, 只有少少咸同好爽, 基本上食呢個螺隻手好忙, 食完真係好飽, 如果去街市買就冇咁乾淨同冇咁大隻, 所以呢個價錢係抵食既魯肉飯($58)呢個飯配上個生腸同蝦煲一流, 有蝦煲個汁我可以食2碗飯

最近，好久沒有和朋友一起出來吃飯了,於是相約於今晚出来見面。和好友相聚,一定找一個舒適又有好吃地方相聚。在網上查了資料,在太子站A出口,花園街有台式餐廳,叫蝦棧。太子站A出口一出,好易找到蝦棧,已訂了位,老板好熱情地安排我入座,還介紹了餐廳招牌菜。蝦棧門口裝修舒適簡約，店面不算大，是三五知己约食飯的好地方。今晚我們點了以下菜:鹽焗蝦,一口炸豆腐，小丁香油麥菜,魯肉伴面，蔥油雞，薄荷柚子梳打及薄荷菠蘿梳打。一口炸豆腐，非—般滑的豆腐，它是由台湾預訂，叫百頁豆腐，口感好特别，而且炸得香噴噴，是餐前小食，也是伴酒的小吃！薄荷菠蘿梳打及薄荷柚子梳打老板特别為我們預留，每天限量的葱油雞！如果想食，記得記得提早打電話向老板預訂喔！好好味葱油雞，咬下去肉質好滑，而且入晒味，至正是它的葱油拌魯肉伴面—齊吃。魯肉伴面，面條加葱油一起吃，又有另有一種享受，不到几分鐘就消滅了面條了。伴面要趁熱食來蝦棧必然要食它的招牌菜，今晚要食鹽焗蝦，不得不提，細心之處是出菜之前細心挑了蝦腸，現在很少餐廳會這様做呢！用鹽熱焗鮮蝦，真正品嚐到鮮蝦的鮮味！挑好蝦腸最好味當然是食蝦頭，满满蝦膏食完大頭蝦後，想清清地食下菜，點了小

一講食台灣野，第一時間就只會諗起牛肉麵、肉燥飯、滷水蛋、麵線、珍珠奶茶... 不外乎來來去去都係個幾樣。而今晚食既台灣菜終於都唔係平時成日食到既，而係食海鮮，台灣既海鮮菜呀！！！ 第一次聽晌香港有台灣海鮮菜，真係好神奇。夏天天氣太熱，所以叫兩個冷盤先。一個係醉雞卷、另一個係冰鎮八爪魚🐙 醉雞卷賣相幾靚。食落有濃烈既花雕酒味，又無骨，大大舊啖啖肉，最岩唔鐘意啐骨既懶人。冰鎮八爪魚切成薄片，一D都唔硬唔韌，仲有兩個汁可以配。一個係wasabi豉油，另一個係柚子醋，有啃有唔啃，任我點，鐘意點乜就點乜。朋友鐘意wasabi豉油，因為夠刺激。我就鐘意柚子醋多D，貪夠清新。太熱又忍唔住嗌野飲，嗌左一杯荔枝梳打、一杯柚蜜。荔枝梳打有少量酒精，但無所謂，好甜好易入口，又夠冰凍消暑，岩晒我。一飲透心涼。主菜嗌左奶油蝦，然後店員仲推介要叫埋蔥油餅，可以配點奶油一齊食。奶油蝦成鍋上，自己未食都可以相機食先😂 一路影一路流口水，因為勁香洋蔥奶油味。蝦🦐好新鮮，啖啖肉。店員推介好，配埋熱辣辣又香又鬆脆既蔥油餅，真係好好食。店員又介紹我地食今期時令菜，清炒羽衣甘藍。一上菜，望落大碟又新鮮，綠油油。食落仲會知用左上

老友突然心血來潮想食台灣野 咁就搵呢間大家都就腳既餐廳試試店鋪用左暖和既燈光配木質傢俬有一種休閒既感覺 可以放鬆同朋友食飯傾計再加上一啲台灣特色既小擺設成個環境設計好用心小食我地就叫左一份黑白墨魚卷同溏心蛋 作為一個蛋控點都要點一份黎試下溏心蛋睇落簡單但實際係揀蛋到煮既時間都好考功夫而呢間既蛋就冇令我失望啦主菜方面就決定試佢地既招牌菜 黑麻油雞同胡椒蝦啲大蝦完完全全咁吸收哂啲醬料外脆內軟 肉質彈牙而黑麻油雞一黎到已經聞到陣陣既麻油香味 每件雞都好入味 又唔會有好油膩既口感每舊雞肉唔會有煮得好老既口感同腥味亦都唔會見到有啲細碎既骨頭係煲入面細心度滿分值得一讚係員工既服務態度每上一樣菜都會簡單介紹一下佢既煮法 用咩食材 好有心下次再約大班朋友黎一定要試埋佢另外兩款招牌菜檸檬辣蝦同奶油蝦

喺太子酒吧附近行逛 突然落起大雨，同男友唯有匆匆走入一間餐廳醫肚。蝦棧店面有又一個個魚缸，裏面有魚有蝦，驟眼看會以為是海鮮店小菜店， 原來原來係台式食品小店。翻開餐牌，睇到呢度應該出名嘅係蝦煲， 於是我哋就嗌咗個鹹蛋黃蝦煲、另外仲有台式香腸滷肉鮮蝦湯米同醉雞卷。醉雞卷剪成一塊塊圓餅形凍上， 外表相當精緻， 而且酒味好香， 肉質亦嫩嫩的，前菜佳品👍🏻台式香腸有兩款口味，雖然唔知邊款口味打邊款好味，但個人特別推薦紅色嘅台式香腸非常有台灣嘅風味，每片香腸會搭一片蒜片風味更佳！🤗主菜來啦！鹹蛋王蝦煲未上枱，已經問到陣陣嘅鹹蛋黃香味， 店員話蝦嘅數量係以gram數計算， 一般會好似圖片咁有8隻，但如果蝦大隻啲，好似我哋呢煲咁就會係7隻。 每隻蝦仲好細心已經挑咗腸， 每隻蝦都黐住碎碎嘅 鹹鹹蛋粒， 蝦亦烹調得非常香口，幾乎可以連殻食😂魯肉鮮蝦湯米蝦湯非常清甜， 似乎 真係以鮮蝦淆成嘅湯底， 配搭魯肉粒一齊食，食落非常有口感👏🏻下次可以嘅話一定要再試下佢嘅奶油蝦同三杯雞蝦😘

今日放工同女朋友食飯，今次去左太子，open rice search 到都幾多like, 女友又鐘意食蝦，就揀左佢食下試下新野餐廳環境都唔錯，幾舒適，而佢亦播住台灣流行歌，好多我都鐘意聽😍睇老闆都算成熟，但流行觸覺都唔錯😏跟住我同女朋友2個叫左幾道菜，主要佢都比較台灣風味既菜式總體都幾好味台灣既豆腐食落有魚肉釀係入面的感覺，而豆腐亦保持到滑溜既感覺外皮非常鬆脆，內裏既墨魚肉熱辣辣，配上甜酸醬，口感都幾豐富，仲有黑白兩種口味奶油蝦聞落好大陣奶油香味，蝦背上見介左一刀，所以佢連入面既肉都比較入味再加上老闆推介我地連埋蒽抓餅，點上奶油蝦既汁，非常野味！咁既配搭唔錯！羽衣甘藍呢種菜真係非常少見，對身有益，食落有d似豆苗既感覺，值得一試啤酒都係台灣啤居多菠蘿薄荷特飲，菠蘿味好重，加上新鮮既菠蘿裝飾，同埋薄荷味唔太重，冇蓋過菠蘿味，沖得幾好士多啤梨酒精特飲味道就覺得淡左少少，酒味亦不太濃，不過不失總括而言，呢間蝦既整法都幾多種，而且用新鮮蝦整，食落質素有返咁上下，其他小食都唔錯，所以我下次都會想再黎食下！

期待已久想試ge餐廳, 事先經openrice book o左位20:15兩位用餐準時入座, 店內並冇座滿情況但卻未能安排較入位置用餐, 店員只係話有檯會再轉檯, 心裡疑問店中間有張四人檯而並未有留座ge字句卻不能安排我o地兩位入座, 覺得呢點需要改善, 以免客人有不必要ge誤會, 加上天氣開始熱, 要客人係唔滿座之下坐最近門口ge檯未必有d令人有hard feeling呢晚總共叫o左五樣o野, 奶油蝦, 柚子汁冰菜,  醉雞卷,  一口炸豆腐同菠蘿雪芭奶油蝦 (HKD$188)- 蝦有蝦膏, 洋蔥吸盡奶油味,  唔係食蝦ge專家所以唔識評論肉質, 但係d蝦係幾大隻ge醉雞卷 (HKD$88) - 肉質偏硬 , 冇所想咁好食, 唯酒味唔夠重, "醉"ge味道唔夠出菠蘿雪芭 (HKD$68)- 清新味道, 頗甜, 份量唔多, 典型雪芭口感柚子菜冰菜 (HKD$98) - 出街比較少可以食到冰菜, 好食, 但頗貴一口炸豆腐 (HKD$58) - 香口, 豆腐彈牙, 如果係想食滑口呢隻豆腐未必係你心目中所想果種最後埋單總共$506.8, 已包加一服務費, 未知係我o地唔識欣賞? 定物價真係有