蝦麵店 (荃新天地) (已結業)

今日老公要出荃新天地買嘢，久違的行街拍拖，梗係擺工唔煮飯，一心諗住撐枱腳，點知行到忘咗形，過咗6：00無堂食，正當盤旋食乜時，發現咗間馬拉麵館，叫蝦麵館，顧名思意係用蝦做主打~店舖充滿馬拉色彩，以黃白色為主，內外都具有濃厚嘅檳城風貌，以檳城秘方蝦麵見稱，除麵食外，亦有不小馬拉出品小食甜品，相對飯類較少。餐牌有散叫丶一人套餐同二人套餐，由於我樣樣都想食，所以分別叫咗一人餐同二人餐，二人餐有甜品丶飲品丶4個小食同兩款麵食，一人餐食物大同小異，但飲品或者甜品只可二選一。二人麵類分別揀咗蝦肉魷魚同海鮮麵(+$12)可自選湯底，小食就特定馬來香炸雞翼同馬來沙嗲雞髀肉串，另自選咗白胡椒肉骨油條(細)同唔香脆炸豆腐卜，外加摩摩喳喳同阿參脆多士。而一人餐麵係特定湯底，所以揀咗辣味蝦湯底嘅蝦肉肉片麵，小食就雞亦+馬拉盞通菜，甜品就係榴槤咖央多士先講蝦肉肉片，個湯有辣勁，蝦味濃郁且甜美，配摻摻（油麵+米粉)，香辣鮮甜，D麵吸晒D精華。而蝦肉魷魚就跟福建滷湯底，呢個湯底應該用羹嚟形容更為貼切，用滷肉熬製，加上雞蛋絲，有D似碗仔翅嘅質感，襯爽脆嘅魷魚同鮮甜嘅蝦肉，味道又不會蓋過主角，個人喜歡呢個配搭。最後海鮮

一年無得去旅行，好想食下其他地方菜式，懷緬去旅行的日子。今日就去荃灣新開的蝦麵店，食馬來西亞菜，同朋友一邊食，一邊回憶去馬來西亞的經歷。有個檳城尋味二人套餐$258,覺得最抵食， 包兩碗麵、兩款指定小食、一款自選小食、兩杯飲品、兩款甜品，可以食得好豐富！而且見到檳城食物，我哋又諗起當年在檳城的開心遊歷。我點的辣味蝦湯底配雞絲雞蛋摻摻，辣味蝦湯底其實不辣，但有辣椒幫助香味揮發，是任何人都食得到的惹味湯底，喜歡這湯底真的超香蝦味，連啖湯都飲埋。除了湯底，麵底都可以自選，隨個人口味自由配搭是最好的。摻摻是油麵加米粉的麵底，馬來西亞特色麵食；雞絲份量也不少，拌勻整碗麵， 吸收湯底味道才是重點，如果用肉片反而 無咁吸湯未，食落是超香蝦味的。還有 一隻溏心蛋，鹵水過，微微鹹香超好吃！朋友點的豬骨雞湯蝦肉肉片檬粉，湯底雖然清淡，但豬骨雞湯味道很鮮甜，有蝦肉和肉片一起煮味道更鮮，愛清淡的人就最適合。 這裏的餸菜毫不吝嗇，全部份量都夠多，蝦肉和肉片都爽口新鮮，朋友都讚原來馬來西亞菜不辣都可以很好味。小食馬來香炸雞翼，炸得外層超脆裏面雞翼 雞肉還有肉汁滑滑的，味道與一般炸雞翼不同，用了馬來西亞香料更惹味！

今日喺荃灣嘅荃新天地搵嘢食，經過呢一間馬來西亞食店，而都幾多人喺入面食得津津有味，所以就入去試下！😍😍入到去，得番一張吧枱向窗坐，不過都幾舒服，可以睇住窗外嘅風景一邊食，都幾寫意！🤫🤫🤫講返嘢食，首先嗌咗一大碗海鮮麵，有好多款海鮮配料，有大蝦，魷魚，青口，腐角，蟹柳等等，份量十足！而且有好濃味嘅咖哩喇沙湯底，啲河粉索晒啲汁，仲有加咗一件肉骨，非常入味！🤪🤪另外再叫咗碗白胡椒肉骨油條，充滿星洲風味，白胡椒湯底辣辣地好暖胃！😍😍😍仲叫咗碟馬來沙爹雞髀肉串，有4串，啲肉頗嫩口，肉香四溢，必食推介！🤩🤩至於碟通菜都好新鮮，加埋啲馬拉盞醬真係好好配搭！🥳🥳最後介紹埋2杯嘢飲，呢杯青檸梳打固然清新可口，而另一杯阿參冰茶幾特別，好似酸梅汁咁好好味！🤗🤗

是日諗住0係荃灣食飯諗起以前去過灣仔既蝦麵店覺得幾好味今次就黎試荃灣呢間點左~白胡椒肉骨茶其實佢有配油炸鬼既不過就淋淋地唔香口呀個湯同埋有少少油好似飲完有啖油0係口既感覺係有足夠胡椒味既同埋肉都算多但因為個湯油既關係就唔推介呀~蝦麵店特製亞參脆多士呢個未試過就試下呀個亞參味道係少少酸個人就麻麻地呀加上個多士黎到一碟係微暖一碟直情係凍既所以口感唔太好~蝦肉尤魚麵(辣味蝦湯底)呢個湯底幾濃味我幾鍾意而且只係微辣(唔食得辣既朋友都可以一試呀)蝦肉同尤魚就正常份量亦都剛好唔會太細碗

蝦麵店😂網上睇相好鬼吸引所以平日就同朋友走咗去試一黎到見到兩碗野好紅以為好辣但其實一啲都唔辣！！！得個樣，食辣既朋友會好失望😂咖哩喇沙湯底唔辣超普通椰香味可以再多番啲但幾好飲既蝦辣湯完全唔辣但麵加米粉一齊食係超好食😂所以超推薦大家粉底叫摻摻！一次過滿足曬我既心願連埋野飲$80又唔洗加一喺商場黎講價錢叫做平同正常份量多到細食既人唔會食得曬同埋佢地選擇好多 有選擇困難症嘅朋友會好痛苦如果呢間屯門有分店我諗我會成日encore😂😂😂

約了位知己好友行街同食飯，剛好行到荃新天地1期商場，坐扶手電梯上到1樓位置繼續向前行，突然飄來一陣陣特別的香味，行近呢間店門外，看見店名，就係呢陣說不出的蝦湯味道。當時也不須要等位，坐下來我們點了1個Set(包括辣味蝦湯蝦肉肉片檬粉+1人小吃有1隻雞中翼、2串馬來沙嗲雞肉串、1小份炸豆卜+1杯飲品)另外再單點了1碗辣味蝦湯海鮮麵加1杯飲品。很快兩碗麵已經送到面前，第1眼見到赤血紅色湯底，十分吸引，先品嘗一淡湯，原來係BB級的辣加上濃濃蝦膏湯味，還配了小小炸蝦乾仔，芽菜及蔬菜，新鮮蝦肉也不少及肉片食落有質感!另一碗海鮮麵有1隻青口，1隻大蝦，1片魚腐，鮮魷魚及蟹柳也配有芽菜及蔬菜，鮮味十足! 小食即做要等，熱辣辣送到面前，再配上醬汁，串燒入口剛好，燒得不會太乾身及太油膩!我們也配了凍青檸梳打作飲品。這間餐廳不錯，值得回味，可一試再試!

近排荃灣開左好多新野，小編自己一個真好好難試得曬所以餐廳。所以小編就揀左間想食好耐既蝦麵店，佢系馬來西亞菜，主要有四種唔同特色既湯底揀。當日小編可能早左去，所以裏面無乜人，坐耐左間舖都滿得七七八八。有四種湯底揀，咁啱戈日我想食下辣野，就諗都唔諗叫左辣味蝦湯底配蝦肉肉片。麵底就揀左摻摻，系兩種唔同既麵組合而成，有油麵同米粉。仲額外加左四串沙爹雞串！碗麵到左，小編就即刻可以聞到蝦既香料味，而貌相就比較普通，不過香味真系超惹味。但係聞落去同食落肚真系有好大岀入，一飲佢啖湯，只系感受到蝦味，就無其他味道了，有一刻懷疑我既味覺！雖然味道方面欠佳少少，佢既配料都做得唔錯，蝦肉有少少爽口，而豬肉都唔會太乾太硬。面既方面就無太大問題，口感不錯。令到小編崩潰既系佢依四串雞串。尼到既時候，佢既外觀同香氣都令我期待左好耐，不過食落去好乾同無味。加左青檸汁同沙爹醬，佢都起生回生唔到無味呀～

不好意思，此食評並沒附上相片，因我從來不寫食評，亦沒相機先食的習慣。入正題，我從二十多年前在灣仔舖開始光顧，一直都對出品滿意，但今天的食品不禁令我失望。我主要想談談兩個麵食-蝦湯蝦肉肉片麵少辣及咖哩叻沙湯蝦肉魷魚麵，兩款湯㡳依然合意，但蝦肉及魷魚可説是有形無味，是一丁點味都沒有，而且蝦肉乾得很。不知是否食材價格上升而要因價就貨，但這絕對會令舊客不欲回頭。其實可否考慮多加一個較貴的板本，配上較佳的食材？希望此店可改善，繼續好好做下去。

撇開政治因素，平心而論：麵底及配料方面尚算正常，平平奇奇，但最大問題係湯底首先辣蝦味湯底，聞上去有蝦味，味道完全係不辣，其次係喇沙湯，賣相色澤也算足夠，略缺香味，亦算可以接受，諗住加豆卜索下湯食，但食落完全唔覺自己食緊喇沙，色就有啦，味道方面有辱喇沙。 令我想問一句 貴店係咪唔夠材料熬湯？定溝大量水折省成本..但串燒聞落挺香，雖然食落肉質較柴一句總結兩款湯底淡而無味，特別係喇沙，衰過公仔麵雖然係黃店啫，但整得好食D得唔得呀，失望

味道：⭐️⭐️⭐️係一間正宗馬來西亞風味既黃店收銀位置有少量文宣💛❶福建滷麵 蝦肉肉片麵羹$62識落第一個感覺覺得佢好似蚵仔麵線🍜因為湯底唔似得我哋平時食嘅湯麵咁樣 係比較杰 入口濃郁順滑而且有微微既鮮蝦味呢碗麵主要嘅餸就係豬肉片同蝦🦐個人覺得豬肉片略為「鞋」而啲蝦嘅口感就係鮮蝦同埋蝦乾之間相信如果你係蚵仔麵線嘅fans一定會like呢碗麵Ps:分店分別係灣仔、鰂魚涌、銅鑼灣🙊

一日一黃店 深黃馬拉蝦湯麵呢間荃灣都幾出名 好早期就表態店面有文宣 收據有表態 義賣捐錢支援星火 文宣.呢間既重點當然係蝦湯啦食得出落左唔小蝦殼 洋蔥去煮 幾甜口 😋個湯我飲哂仲落左小小辣椒 大概bb 辣 岩番香港人口味呢日點左⭐️蝦肉肉辣蝦湯$70跟餐飲 同埋一樣小食 沙嗲雞肉2串小食串燒都高質 熱辣辣 唔會燒到乾哂配埋 一個好多花生粒既沙嗲醬 就岩岩好啦.香港成日食日式拉麵 反而好小試到蝦湯麵 有驚喜‼️.#蝦麵店 (荃灣)地址：荃灣楊屋道1號荃新天地一期1樓108及110號舖.⭐️評分：味道：4.5/5環境：4/5服務：4/5抵食：3.5/5

. 馬拉菜係香港都有唔少餐廳🇲🇾而且都幾貼近香港人既口味都係一啲好惹味既野😛.呢間良心餐廳之前都食過幾次幾次都覺得又抵食又幾好味💛一人套餐包野飲兩個小食最平都可以$100都唔使💰.🥢咖哩喇沙湯海鮮麵 油麵 $108黎到個湯都好紅下🟥對於唔食得辣既我黎講就覺得呢個麵好辣🌶不過都好重喇沙味而且食完都唔會覺得好油🧈海鮮份量都幾多🦑🦐不過就比喇沙遮曬個味.🥢福建滷麵 蝦肉肉片麵羹 油麵 $96呢個係我覺得超特別😮係湯羹但係好惹味 有少少似碗仔翅既感覺唔太建議落佢果啲醋食因為覺得佢啲醋個味怪怪地🍸個蝦肉幾好味 反而個肉片就硬啲🦐.🥢沙嗲醬雜錦魷魚秋葵樂樂 +$25呢個都係我覺得好辣既🌶但沙嗲醬好香秋葵切到細細粒都好易入口🥦.🥢馬來香炸雞翼2隻炸得幾香🐥個表皮都幾脆.🥢馬來沙嗲雞肉串 2串點肉串個花生醬幾香口但個雞肉就硬左啲🍢.🥢脆香魚皮呢個就好普通下🐠

記得上一次吃這間蝦麵店已是10多年前，當時在灣仔返工，蝦麵店在灣仔頗出名，所以就算午餐時間要排隊我們偶爾也會幫襯。得知這間蝦麵店在荃灣有分店便再去試試，週日下午大約12:00到達，排隊大約等了20分鐘才有得吃，除了單點，餐廳也有一人或二人套餐，我們兩人叫了一個套餐及一個單點，單點必食之辣味蝦湯蝦肉肉片米粉（可選擇油麵、米粉，檬粉、河粉或椮槮（即油麵併米粉）），看上去很深色的辣蝦湯，但學下去不是很濃的味道，有少少蝦味辣味更少，套餐選了豬骨雞湯冬菇雞絲麵（這個湯味比較清淡），可配兩款小食我們點了炸魚皮（新鮮好脆），一人小食盤包括雞串、雞翼、炸豆腐），還有飲品或甜品可選擇。我們想點白胡椒肉骨茶油條可惜當日售罄。總括來說分店的味道不及灣仔店舖當日的味道了。

🤤嚟到荃灣第一時間諗起呢間小店 一定要大大力懲罰下晚市套餐 包一碗麵、兩份小食再加杯嘢飲圖入邊嘅小食係兩份晚市套餐擺埋一齊但份量都係好多完全估唔到咁大碟😨-揀咗一碗咖喱叻沙湯魷魚蝦肉麵個湯好香椰奶味 睇落好多紅油但其實一啲都唔辣魷魚份量幾多 而且都幾新鮮爽脆蝦肉雖然比較細隻 但食落口感幾好建議大家可以試吓佢嘅摻摻麵 即係一半油麵一半米粉米粉可以掛多啲湯汁 但又可以食到油麵嫩滑嘅口感-另外一碗係辣味蝦湯肉片蝦肉麵佢個湯真係幾鮮甜 好濃蝦既味道 但唔會太辣男朋友試完就覺得辣味蝦湯惹味啲-到榴連咖央多士 我哋本身都唔食榴槤嘅不過上網睇啲人話唔會好重味 諗住試吓啦食完都覺得可以接受到 甜甜地 做飯後甜品幾正🤣好味評分😋：5 /5🌟🌟抵食指數🤑：5🌟/5 🌟🌟餐廳環境 🤪： 5/5🌟🌟價錢💰：$88（辣味蝦湯肉片蝦肉麵餐）$106（咖喱叻沙湯魷魚蝦肉麵）$19 半份榴連咖央多士

亞參脆多士—— 多士烤得剛剛好，非常鬆脆，配搭秘濃味的醬很夾，即使吃多幾件也不會感覺太油膩。白胡椒肉骨油條—— 白胡椒的湯底非常入味，配合金沙骨一起熬製，肉質軟淋，湯底不腥又暖胃，還有豆卜吸收了整個湯的精華，加上炸得香脆的油條，有一種吃早餐的感覺，味道很不錯。五香滷肉拼一口脆豆腐+馬來沙嗲雞髀肉串—— 滷肉味道非常濃厚，以五香混合新鮮豬肉，香芋，荸薺，洋蔥算等十多款食材及調味炸至金黃鬆脆，再配以特製滷汁及酸梅醬食用，一點也不覺得油膩。另外，雞髀肉串也醃得很入味，烤的火候控制也剛剛好，裡面肉汁被鎖住，香茅配合惹味沙嗲醬，令人食指大動。