蝦麵店 (荃新天地) (已結業)

今日去到荃新天地2樓既蝦麵店食下午茶，不得不說，蝦麵店既老闆真係好好人，成日會有啲優惠俾學生，今次二個人就嗌咗咖哩叻吵湯底既魚片四寶檬粉，碗野黎到，我第一個感覺就係好多餸，首先，個湯底好好飲，好香既咖哩香味，配埋檬粉好夾，而魚腐同魚片吸了湯汁好好食，咁另外我地都嗌咗咖哩雞飯，咖哩香味好吸引，唔太辣，但係椰汁味比較重，薯仔亦都煮到好淋，入灑味，我非常推薦大家去試下，佢仲有唔同湯底既食物，都算幾特別既湯底

疫情下 可以岀街坐低堂食既機會少之有少原本叫男朋友買外賣 但佢部電話壞左要整 都要等成個鐘先拎得所以我都岀埋去食個lunch 我地每人叫左一個一人餐可以揀個主食 加2款小食 再加杯飲品小食方面 我就揀左串燒雞脾肉同雞翼串燒雞脾肉 俾我感覺有啲翻炸感覺 好乾身 無油脂雞翼就正正常常 無特別男朋友小食就揀左馬拉盞通菜同加22蚊要個細肉骨茶通菜 佢唔講 我真係唔知係馬拉盞佢似係一碟白灼通菜加啲醬放係碟到啲菜望落好老 無光澤男朋友就叫咗咖喱叻沙湯底雞蛋雞絲麵一上枱 就嗅到好香既椰奶味 唔會辣雞蛋反而有驚喜 係溏心蛋感覺好似食緊拉麵既蛋🤣我就係為左佢而黎咖啦 白楜椒肉骨茶一上枱 唔理咁多 試左個湯先好失望 唔係我要既野 個湯係比較杰身的 楜椒味唔濃烈到食啲餸 反而芽菜同肉 就好重楜椒味仲濃烈過個湯不過肉骨茶裏面有芽菜 我都係第一次見肉就有2大舊 一條肉骨 一大舊肉啲肉唔會un 有楜椒味兩個人食lunch食咗200幾蚊 呢個質素 呢個價錢 我會無下次 不過員工服務質素係幾好食食吓隔離枱倒瀉嘢飲 啲員工都即刻黎清潔同俾紙巾男朋友喺走嗰陣時 仲漏左袋野我哋隔咗一個鐘先返轉頭拎 啲員工都有幫我哋keep

午市時間店內客人只有2-3檯, 網上看到很多人推介, 感覺應該不會太差, 人少少以為好彩唔洗掛隊, 誰不知食物質素真的好一般...我們分別點了2個午餐, 由於我們吃不了辣, 所以湯麵選擇不多!魚片四寶麵 $62蝦肉肉片麵羹 $70一人小食拼盤(雞翼, 雞串, 豆腐) 亞參脆多士炸魚皮這麼多食物中, 比較有點特別的是蝦肉肉片麵羹, 其次是炸魚皮, 其他真的可以不用在這裡點...因為一點都不值這價錢...蝦肉肉片麵羹的湯羹其實有點像碗仔翅...但味道較淡, 配了油麵食算不錯! 肉片好榎... 炸魚皮沒有一般魚蛋粉麵的脆, 放入湯裡沒有"炸炸"聲...一人小食拼盤(雞翼, 雞串, 豆腐)以一人來說, 份量算正常, 味道是可以的, 不過好乾...特別是雞串...乾到肉片好榎... 最後送上來的是亞參脆多士, 本來來這店就是想試這個, 誰不知極度酸, 酸得不能再放入口....整碟沒有食....可能沒有點辣的湯麵, 所以不能食辣的朋友要想想來不來食!

心想吃个喇沙面，送过来的与想象中效果甚远。南洋喇沙，不管是马来西亚或新加坡的都甚有食欲。这个味道还可以，不辣，不够椰浆味道，卖相有落差，虾只是切了小片的虾肉。不过这是黄店也支持一下吧。

我叫的是咖喱叻沙蝦肉魷魚麵，雖然望落湯底好紅，但一啲都唔辣，帶有椰奶🥥味。魷魚🦑夠多，不過蝦肉🦐就稍為細隻。馬拉盞通菜🥬雖然同我哋想像中的泰式不同，只係淥菜，但個馬拉盞超好食，帶有蝦嘅鮮味同鹹香，非常惹味。我同朋友食完想買個醬返屋企，可惜無得買。小食點了雞翼、雞串、脆豆腐同炸魚皮，全部都脆口而唔油膩😋炸魚皮（唔記得影相😂）連麵湯底一齊食，仲正😍我哋無點甜品，飲品就無乜特別啦～不得不題，小店服務態度好好。因為當日著白色衫，驚食麵會彈到就攝左張紙巾係領口，店員即刻向我哋提供左紙圍巾，非常細心！👍🏻👍🏻👍🏻$100唔洗就有咁多野食，好抵～～-Search my posts🔎 。。。😋 #kellydiscovery_food 。。。🦄 #kellydiscovery

蝦麵店馬來西亞菜AGAIN ~！最近天氣悶熱到令人食慾大減🥵，又無得去旅行，唯有食住啲東南亞菜式止止癮先二人套餐＄258蝦肉肉片摻摻＋咖哩叻沙湯摻摻即係油麵＋米粉，馬來西亞餐牌上都好常見，入口同時兩種唔同口感都幾過癮，蝦肉唔似平時食急凍蝦咁得個爽口。湯底望落濃郁，但飲上口無預期中嘅惹味，家常菜feel頗順口😅，食完成碗麵都唔覺得膩蝦肉魷魚摻摻＋辣味蝦湯招牌蝦湯！黎到無理由放過佢😆😆 湯底以蝦殼、洋蔥、辣椒、肉骨手等炒熬煮超過七小時，飲落去出乎地清爽，有海鮮嘅鮮甜味及充滿香氣，唔算太辣，如果平時唔食得辣嘅都可以試試亞參醬脆多士上網查先知道原來亞參即係羅望子，味道偏酸摩摩喳喳(熱)在東南亞地區是一個幾有代表性嘅甜品，濃郁嘅椰奶底配上番薯，芋頭等，煮得軟糯，幾有驚喜另外套餐仲包括小食拼盤、沙嗲醬秋葵魷魚樂樂（樂樂即係滾一滾白焯意思）、炸魚皮

這間蝦麵店在荃新天地，已經留意了一段時間，今天終於有機會來試下，黃色的門面，係我鍾意的顏色，可能我們早，就冇乜人。午餐都有好多配撘入面也是黃色的，感覺似在東南亞。同一時間也是叫了肉骨茶跟油炸鬼，一碗肉骨茶，一碗白飯，一碗油炸鬼，不是好大份的。胡椒湯的肉骨茶，有三件排骨左右，不算特別淋特別入味，如果淋d更好，有豆卜及芽菜。加了一個小食拼盤，這裏是兩份，豆腐，串燒雞肉，雞翼，感覺一般，不是好出色。整體感覺一般！

蝦麵店喺灣仔初開嘅時候，可能大約20年前?🤔🤔 我去過幾次，當時年紀非常小😆，印象中好食，但係已經忘記具體嘅味道😅，亦都唔知點解之後冇再去😅大約兩年前喺荃灣開分店，今日終於去午餐。叫咗佢嘅「辣味蝦湯底蝦肉肉片麵」，我另加芽菜。套餐包小食同飲品，我就叫咗「馬來香炸雞翼」同埋凍檸茶。好快啲嘢食就嚟晒。碗麵上枱嘅時候，血紅湯底都幾吸睛😅，以為好辣，飲一啖湯，隱約有蝦味，微辣，唔難飲。蝦肉似蝦乾浸水（靚嘅蝦乾係貴嘢🤣），我只係咁樣形容蝦嘅肉質同味道，並非認為佢真係蝦乾浸水；味道可以。肉片味道就非常一般。油麵就幾好食，全碗麵最好味就係啲麵，唔係配料或湯😅兩隻雞翼熱辣辣味道可以。凍檸茶係大熱天時當然清涼解渴啦😁印象中當年喺灣仔食，湯底好正好濃郁，但時間久遠，已經唔能夠講出具體滋味；今日荃灣鋪嘅評語就係非常一般。

今天晚上來到蝦麵店，有一人套餐， $100有找，可以選一碗麵、兩款小食、飲品。麵選了海鮮喇沙米粉，喇沙帶點香茅味道，湯底幾濃，但米粉難入味，吃起來比較淡。配料尚算OK，比較喜歡吃扁平的類似魚腐的東西，帶點甜味。小吃選了雞翼和魚皮。雞翼幾香口，不油膩，算好吃。炸魚皮很慷慨，份量很多，多得連喜歡吃魚皮的我也吃不完。炸得很乾身，一浸到喇沙湯裏會發出索索聲。飲品選了熱美祿，有點淡，普通。埋單$99，夫復何求？

［荃灣］蝦麵店 .蝦肉肉片麵食剩指數:5/100有3隻蝦蝦麵最重要係湯底佢既蝦湯好甜～唔算好辣蝦肉同肉片都好多麵底就揀摻摻即係麵加粉絲口感唔錯無咁單調.冬菇雞絲麵食剩指數:10/100唔鐘意食辣既人可以食雞湯雞絲麵係清雞湯底咸咸地咁雞絲同冬菇幾夾同樣地份量都幾多.馬來炸雞翼+五香炸豆卜食剩指數:30/100炸雞翼肉質好滑都好入味外皮夠脆而炸豆卜就乾左少少食左幾粒開始要放湯食.炸魚皮食剩指數:0/100 炸魚皮好脆厚度剛好唔會太硬太軟個人覺得點蝦湯食好夾.通菜食剩指數:10/100無咩特別😂不過兩個一人餐有四個小食全部炸野好似好唔健康就叫個菜平衡吓小食黎講算幾大碟

今日收工就唸住求其樓下搵間野食下算啦，見到e間平時排晒長龍嘅蝦麵店只係需要等好耐嘅蝦麵店今日只係需要等幾張枱嘅時候，就緊係等下啦！等左20分鐘左右，有位啦！首先店員就幫我地探熱，然後就安排就坐啦！望下個menu ，我地就點左個檳城尋味二人套餐啦！首先係我嘅蝦肉魷魚辣味蝦湯底油麵，店員話個份量唔係好大但係其實夠大呀！首先就試下個湯底先，唔係太辣但係都幾香口，而且都好重蝦味，配料充足，唔係得兩三舊，但係蝦肉就有d硬，唔係爽口果款，認真講就真係唔錯。跟住就係咖哩喇沙湯底蝦肉肉片麵，湯底濃而不膩，有微微咖哩香再加上喇沙味道都幾夾呀，有舊豆腐卜索下d湯就真係超正，兩碗麵個湯底都非常好，絕對可以係做招牌。跟住就係個小食，雞翼再加上雞脾肉，雞翼雖然細隻左少少，但係都係合格，皮脆同埋夠味道，相比之下雞脾肉就差少少啦，比較鞋口，但係味道都可以。至於果舊五香滷肉就真係麻麻地，可能就真係唔太岩我地嘅口味，我地都係食左一啖就放低左。之後就係個滷水豆腐豆干滷蛋，e個係要加15蚊呀，基本上都無咩大問題，滷水味道夠入味，豆干個口感好實在，好有口感，最欣賞嘅就係隻蛋，好入味，而且個皇重有d流心，收貨。最後就係食埋件榴

特意來試試，覺得食物還可以。蝦肉四寶麵，不知是否湯底加了辣椒的關係，蝦味很弱，如店舖以蝦為賣點，這個湯底真的一般，四寶正常，無特別，有些似是乾蝦，有食評提及一開二那些，其實不錯，蝦味濃。另叫了滷麵，反而湯底較好，蝦味較出，不膩。小食不多寫，正常。想建議店舖多考慮不同客人的需要，今天我是二人前來，後有4-5位客人是取3-4人飛，惟翻枱時，店面的嬸嬸全是先叫3-4人飛的號碼，嬸嬸更大叫另一店員先入3-4人飛。明白店家都要賺錢，先過一，二張3-4人飛也理解，但請店家也明白有些已輪候好一段時間的客人，畢竟店面不大，座位有限呀！

5月2號五一黃金週🖐🏻☝🏻外出用膳今日食咗兩個麵。一個檳城蝦麵🦐🍜一個福建滷麵🦐🍜。二個都好好食。好鮮蝦味不過如果鍾意食濃味蝦麵。建議落返兩三匙羹？佢哋自家製的森巴辣醬。。不得不讚佢哋蝦湯真係好鮮甜煲底的蝦湯最鮮甜。真係無錯。好甜👍🏻👍🏻 店舖衛生好乾淨。。可能係大商場裏便嘅關係。。員工態度好有善。有咩唔明可以直接問佢哋佢哋都好樂意解答。主動要求辣醬佢哋好樂意比好多你。整體消費平均一碗麵要$60左右。。兩個人食兩碗面加碟油菜150$埋單😋😋😋😋😋

今天來到荃灣蝦麵店，它的招牌菜是蝦麵，但我比較想吃味道濃郁的喇沙，所以點了一碗雞蛋雞蛋喇沙，配一人小食拼盤和熱奶茶。因為我不吃澱粉質，所以事先詢問店員能否不要麵條，換成芽菜。年輕的店員很友善，到廚房詢問後告訴我可以，用手機下單後我提醒他們，他們說早已跟廚房說好了，服務態度一流。後來發生了一個小插曲，就是廚房忘了下雞絲，我發現後幾名侍應都很關心幫忙，不錯。喇沙的湯底濃郁，不會像其他店的比較鹹或太鹹，調味適中。雞絲不會韌，雞蛋正常。小食拼盤附有三個醬汁，選擇多。豆卜比較乾，雞翼惹味，雞串普通。熱奶茶正常。

初嗜蝦麵店，久仰大名。下午茶時間去冇咩人，坐得好開。點餐係用QR code，係幾先進，但如果老人家黎食會唔會唔識用？下午茶幾抵，平時80幾蚊碗的麵而家40幾蚊，包一杯飲品，當然麵就細碗少少。我點左辣蝦湯摻摻配肉片。肉片幾有口感，但蝦就唔太鮮，有點失望；配料都幾豐富。我點的摻摻係油麵加米粉，咁食好新鮮，但又唔太慣，下次可能叫返一樣麵。值得一讚係個湯底都好香濃，唔會太辣，食完好想飲哂碗湯。值得再試！（下次想試埋喇沙湯底同小食）