蝦麵店 (荃新天地) (已結業)

今日係荃灣返工,4點鐘開始食野，就係附近搵左呢間蝦麵店💛，因為呢個唔係繁忙時間所以唔洗排隊😂。好快就入左去了。呢間係比個qr code你然後用手機下單的，咁因為肚餓得濟就揀左個假日下午茶套餐黎試下(其實都唔算飽😂)，個套餐就係比你揀一碗麵然後加24蚊可以多一份小食同一杯野飲。咁我就點了辣味蝦湯蝦肉墨魚丸麵，小食就雞脾肉串燒，飲品就凍ot少甜。先上一個雞脾肉串，上面鋪了一層馬來沙嗲，味道不錯。之後上了麵，如果唔食辣既朋友可以有其他湯底選擇，但我就覺得冇辣味蝦湯咁正。其實佢d餸同麵都不算太突出，但因為湯底搭救而轉變成一碗美食😋😋😋。總括黎講食物個份量略嫌不足，但算可以接受。味道方面不過不失，如果沒有了湯底老實說我覺得和普通麵店差不多。性價比方面我就覺得一般，唔算太貴但亦唔算平民。但都建議食下試下既😂👍👍

好耐好耐冇食東南亞嘢，今日忽然間好想食一碗肉骨茶！知道荃灣有蝦麵店，今晚晚餐就決定食呢間。佢個二人餐好抵，$258有好多嘢食！主食一個要咗豬骨湯底，一個要咗喇沙湯底。豬骨湯底清淡啲，喇沙湯底就濃味啲。我自己就鍾意個喇沙湯，香而不辣，好正！之後就到我最期待嘅肉骨茶，佢嘅藥材味道唔算好濃，豬骨炆得好淋，豆卜吸晒湯嘅道好好食！好鍾意佢配埋幾件油條之後仲有啲馬來小食。沙嗲雞肉串燒好食仲有個炸豆卜都好食，香脆熱辣辣！甜品可以揀兩份香茅凍好正，清涼消暑亞參多士就酸酸地，比較開胃！最後飲埋杯特飲，又飽又滿足

今日下晝肥妹仔去咗荃新天地度行街，行到咁上下肚餓見到呢一間嘅招牌，睇個樣都好吸引，所以就入咗去食。咖喱喇沙湯豐盛海鮮麵 $111肥妹仔同朋友叫咗一個咖喱喇沙湯豐盛海鮮麵，麵方面我哋叫咗油麵加米粉，佢嘅配料有超多，有兩隻大蝦，兩隻青口，肉丸，魷魚，魚腐等等，個味都幾香濃就兩個人食都冇問題。白胡椒肉骨茶油條配白飯 $79另外我哋就叫咗一個白胡椒肉骨茶油條配白飯。呢一個肥妹仔超鍾意食！佢係好香白胡椒味啲，肉一咬就溶，攞嚟撈飯最適合我哋呢啲大食怪。脆香魚皮 $20小食方面肥妹仔叫多一個脆香魚皮去點肉骨茶。檳城小食拼盤 $108另外在叫咗一個檳城小食拼盤。個小食拼盤入邊有好多嘢食，有炸豆卜，串燒，雞翼，真係令肥妹仔認識多啲馬來西亞嘅食物。

蝦麵店位於荃新天地一期1樓，餐廳以馬拉蝦麵馳名。餐廳主打4款湯底，辣味蝦湯底、咖喱叻沙湯底、豬骨雞湯底、福建滷湯底，有不同的款式可以選擇，而麵底可以選擇油麵、米粉、河粉、檬粉、摻摻，除了湯麵，亦有不同的飯類、小食甜品和特色飲品，種類多選擇。豬骨雞湯蝦蝦蝦麵-豬骨雞湯用產新鮮豬骨、鮮雞、洋蔥、其他材料熬煮多個小時製成，飲得出真材實料煲出來，湯底鮮甜美味，配料有大量的蝦蝦蝦蝦和蝦丸，蝦肉爽口彈牙，麵底我選擇了有檳城風味的摻摻（油麵+米粉），口感層次豐富。白胡椒肉骨油條-入面有兩條大肉骨，肉骨軟腍，豆卜吸盡湯汁，湯底的白胡椒味道非常濃郁，愈飲愈有辣勁，而且非常暖胃。脆香魚皮-我喜歡就咁食，一口接一口停不了。蝦麵店特製亞參脆多士-有3塊，多士烘得夠脆，特製醬酸酸地，食落幾開胃。凍美祿

差不多成年冇食過咖喱叻沙啦！今日經過蝦麵店，即刻入去食返碗咖喱叻沙先。餐廳裝潢以黃白色為主，用餐環境舒適。餐牌有單點和套餐選擇，而且不設加一服務費。蝦肉魷魚麵咖哩叻沙湯湯底我個人好喜愛，不算太辣，濃濃的香味料，咖喱味相當濃郁，反而椰奶味不算太重，入口順滑，飲落不會太油膩，喝罷不口喝，麵底選擇了油麵，油麵煙韌彈牙，配料有好多魷魚、蝦肉、豆卜，豆卜吸盡湯汁精華，好惹味。馬拉盞醬通菜份量好大碟，通菜幼嫩爽口，沾上馬拉盞醬鹹香惹味。馬拉雞拼盤有馬來炸雞翼4件和沙嗲雞髀肉串4串，炸雞翼食落好香口，帶有香茅味，而沙嗲雞髀串肉質嫩滑，加上自家製的沙嗲醬，口感一流。榴槤咖央多士竟然以到有榴連咖央多士，因為我唔食得榴槤，所以榴槤咖央多士可以滿足我榴槤隱。凍亞參冰茶飲落去酸酸甜甜，味道幾特別。

唔知點解影親相都係初一十五，即係腦細又要食齋，所以就去咗有素食供應嘅蝦麵店。呢間你望個門口都知黃到發金，幫同路人不遺餘力，好多手足都會係度寄賣。lunchset包麵、小食同嘢飲，多到搞手只求打個和。湯麵就正常，比較鍾意佢咖哩叻沙湯底，魚片四寶麵好多餸，有魚片、貢丸、墨丸、魚蛋、豆卜🍜小食方面，沙嗲雞串未如理想，乾柴到pk，亞參特製脆多士都係伏，完全唔知自己食咗咩落肚🤢大家都係叫返是日油菜最穩陣🤡當時中秋將近，我哋都喺蝦麵店買咗盒 @yellowbuckshk 月餅支持手足。雖然蝦麵店食物質素普通，但真係一間好有心、值得支持嘅黃店。特登去幫襯可能會失望，但如果屋企或者公司附近有就去支持下啦💛

9 0 後 的 味 蕾宜家既香港百物騰貴· 想喺大型商場搵一間好味而價錢合理既食肆都唔係一件容易嘅事- 不過我喺荃新天地就搵到一間食馬來西亞湯麵既餐廳-一碗咖喱喇沙麵·配一款小食·加多杯嘢飲·都只係盛惠$70左右·抵到喊-仲要佢個咖喱喇沙湯底係超級濃郁·帶帶微微嘅辣·好惹味-材料好豐富· 如果大食既男仔仲可以加幾蚊加大麵底- 小食都好用心製造 · 炸豆腐超脆口· 配埋酸酸甜甜嘅醬好開胃·鍾意食脆卜卜嘅豆腐愛好者記得要點黎食-最貼心既係餐廳會為食客提供圍肩呀❤️· 著淺色衫既朋友仔都可以食得好安落啦

我好少食星馬菜式但係唯有一樣我會吸引到我就係湯麵 🍜🤭因為我個人好鍾意飲湯今次試食呢間蝦麵店🌟今次食嘅全日二人餐🔸辣味蝦湯蝦肉魷魚米粉香濃嘅蝦頭頭油味配以辣味爽口蝦肉加爽脆魷魚，香辣惹味🔸咖喱喇沙湯蝦肉肉片油麵香濃咖喱味配喇沙湯，平時好少有肉片同豆卜吸收哂湯汁嘅香味🔸馬來香炸雞翼+馬來沙嗲雞髀肉串雞翼炸得好香脆沙嗲肉串啖啖肉🔸白胡椒肉骨茶油條白胡椒肉骨茶味道唔會好重中藥味大人細路都會鍾意嘅味道配以脆卜卜嘅油條一齊食，正🔸五香脆炸豆腐豆卜熱辣辣非常香脆，五香味道非常惹味🔸檳榔焦糖咖啡咖啡味濃，唔會被焦糖味蓋過🔸特製亞參脆多士果醬味都特別酸酸地幾開胃🔸摩摩喳喳顏色係粉紫色好可愛入面有好多芋頭紫薯同埋番薯

蝦麵店嘅檳城尋味二人套餐好抵食咖哩叻沙湯底+蝦肉肉骨：湯底好濃，偏辣重蝦味，有蝦肉、大條肉骨，肉骨夠腍！仲有豆卜，麵底揀左摻摻，正宗檳城風味馬來咖哩雞飯：呢個咖哩比叻沙更辣，杰杰地，撈飯一流！雞肉係先經過泡油，啖啖肉小食係炸雞翼+沙嗲雞串燒：雞翼炸到脆卜卜，雞串燒香口，唔乾，沙嗲濃濃花生香白胡椒肉骨油條：呢個係我必食嘅嘢，好鐘意湯果種白胡椒香味，飲完個胃暖暖好舒服，諗起我哋去新加坡30幾度係路邊飲肉骨茶嘅風味潮式滷水豆腐豆乾滷蛋食熱辣辣咖哩，配凍嘅潮式豆腐超正亞參脆多士、摩摩喳喳食到呢度已經飽，仲有甜品啊～好彩我有第二個胃，多士個醬酸酸地，解膩，摩摩喳喳椰汁味重飲品仲有咖啡同薏米水。劃上完美句號

檳城尋味二人套餐我地今日食蝦麵店，係一間傳統既馬來麵店。我地叫左二人套餐，只要$258 就有兩個主食、小食、兩個小菜、兩個飲品、兩個甜品。單點一個麵食約$50-70，所以呢個套餐係超值。辣味蝦湯海鮮麵蝦味好濃，飲得出果種鮮甜應該唔係用味精吊出黎。小小辣，好惹味開胃。海鮮麵配料有蝦、青口、蟹柳。蝦都算大隻，有咬口、彈牙。麵質爽口彈牙，唔知是否手工製，食得出同買到既有分別。咖喱叻沙湯蝦肉肉骨朦粉蝦肉肉骨朦粉配咖喱叻沙湯底，蝦湯之外，叻沙湯底也是這店的招牌。香料味好濃，伴隨椰汁清香，唯配朦粉掛湯能力一般，但湯底濃厚而順滑。肉骨雖然叫肉骨，但肉的部分十分足料，都可以食到啖啖肉。小食拼盤炸雞翼及雞脾肉串。炸雞翼係新鮮炸起，咬落十分脆皮，之後爆汁。雞脾肉串配沙嗲醬，沙嗲醬十分足料，滿滿花生香味，十分香口。梁野餐八咖喱番薯葉香濃咖喱配曲薯仔及番薯葉。椰香味十足，番薯葉鮮甜。秘製囉哋就咁聽個名真係唔知咩黎，抱住試一試既心態叫左。呢個其實係傳統醬汁撈生果、咸食。又咸又甜，但係又唔會覺得奇怪。醬汁既鮮味同水果又幾夾，好有馬拉味道。榴槤咖央多士、桔子香茅凍榴槤醬好香，多士焗得好香脆。桔子香茅凍幾清新，但係汁

今晚同朋友去左荃灣citywalk 1食飯行左一陣決定食蝦麵店未入餐廳之前，由外面望到餐廳既裝潢走簡約風，用左唔同既黃色幾sharp醒Menu選擇都幾多有唔同既湯底選擇，可以配搭唔同既麵我揀左咖喱喇沙海鮮河粉好少食到咖喱喇沙湯估唔到mix起黎都唔錯好香濃，又唔會辣，食得好開胃河粉份量都幾多每條都吸滿左湯汁，好正海鮮有青口同蝦仲有腐皮同豆腐卜豆腐卜都吸左湯汁，同樣好正朋友話想食得清一點佢要左豬骨雞湯海鮮檬粉佢話都好好食再share左一個檳城小食拼盤，再加左4串串燒小食拼盤好大碟有炸雞翼、沙嗲雞髀肉串、豆腐豆卜、滷肉雞翼同雞髀肉串都好正，味道入晒味肉食獸必點最後再叫左個甜品摩摩喳喳有芋頭、番薯、香蕉、粉圓，再加上椰汁製成加香蕉真係比較少見，但味道又意外地match

今晚收工 屋企人話唔想煮飯去咗荃新天地蝦麵店食晚飯好耐之前已經食過一次印象不錯 所以決定再過嚟食坐低staff就提我地可以用QR code點菜夠晒方便叫左個海鮮辣味蝦湯面$68係傳統福建蝦麵有大蝦、魷魚、青口、腐角同蟹柳湯頭鮮蝦味濃郁夾起既油麵掛滿左湯汁 每一啖鮮蝦既味道都非常香濃海鮮都好新鮮 成個麵份量唔少 一個女仔食絕對夠飽屋企人唔想食太濃 要左豬骨雞湯底 冬菇雞絲米粉 $56加左貢丸同腐角湯底味道清甜 貢丸好大粒 食落好彈牙仲加左個白胡椒肉骨油條 $65係傳統既星洲風味白胡椒湯頭非常香濃肉份量都好多 食落嫩滑軟嫩飲完全身好暖呢度最抵食既係佢唔收加一餐牌上面寫「蝦女郎及蝦兵仔服務免費」好搞笑🤣🤣性價比好高 推薦比大家！

呢間馬拉菜餐廳，主打四款特色湯底麵食分別係辣味蝦、咖哩叻沙、豬骨雞及福建滷湯底全日都有套餐優惠供應而且免加一服務費，價錢親民喔👍🏻-全日百搭套餐A ($124)🍜辣味蝦湯蝦蝦蝦麵湯底辣勁唔算太強，鮮甜濃郁🦐麵底有多款選擇，包括油麵、米粉、河粉、檬粉和摻摻而港女我就揀咗摻摻，即係米粉+油麵米粉吸盡湯底精華，油麵有咬口一次過食哂兩款麵條，好滿足呢🥰🍗馬來香炸雞翼雞皮非常香脆，唔會太油膩👍🏻落埋青檸汁，更加好味呀！🍋冰糖檸檬薏米水健脾清熱，夏天必飲呢！味道清新，唔會太甜！個人覺得如果多一片檸檬，再酸啲就更加好喇😁全日百搭套餐R ($94)🍲白胡椒肉骨油條配白飯肉骨茶以砂窩奉上，夠哂風味📸胡椒味非常重，辣勁十足！肉排軟腍，但就唔夠嫩滑喇！加入辣椒同醬油一齊食，更加惹味呀😋🐟脆香魚皮魚皮非常新鮮，咬落香脆無比浸一浸落肉骨茶先食，仲好味呀！🥤亞參蜜茶亞參果酸酸微微，加埋蜜糖🍯開胃又潤喉呀！

💛人氣良心馬來西亞蝦湯麵店🍜▫️呢間人氣蝦麵店係好出名！設有幾間分店偏佈港九新界，咁岩公司附近就有一間，所以就喺lunch time try try佢先～門外都有好多人排隊，而店內設有自助點餐店，可以自己點餐，好方便～▫️蝦肉肉片麵($67)雖然個湯底望落好紅，但其實食落唔算好辣，個湯好有蝦味，飲落好鮮甜，帶有少少微辣，好好飲😋！摻摻即係米粉溝油面，食落好爽滑，但豬肉片有點嚡，下次可以試下其他料🤣會想再飲下個湯！

蝦麵是近日好想食的東西，做好功課去光顧此蝦麵店，價錢略貴，同區用這個價，甚至低一點，都找到好多美食。首先唔講食物，店員零招呼，無一個有笑容餐枱上只有筷子、一樽水、一個安心出行填寫表，就係無杯，要叫人才拿來，所有調味料及牙簽都無。餐紙都係叫人才拿來。需要有小小服務的食客要注意這一點。到食物，我點了辣味蝦湯底、蝦肉四寶參參，湯底唔夠濃，味道不是星馬那個，可能抵港後迎合香港人口味而改，但我不喜歡，蝦肉失望，彈牙感欠奉，視覺上看似半干蝦，四寶，魚蛋硬、貢丸一般、墨魚丸同魚蛋分唔到、魚腐尚可以。麵底係參參，油麵+米粉，油麵徧硬無彈性，米粉尚可以。若要回味星馬的蝦麵，可以不來，若要食個比較貴價麵，鄰近的日本拉麵店的食物相比之下，超值之選。