蟹麵館 (已結業)

weekend梗係要同好友聚一聚，經過這間小店signature dish以蟹為題材，心郁郁就試下~坐底叫杯薑汁薏米水，正！唔算太甜又有濃濃薑味，友人就鐘意雪梨茶多d~ 自家製炸魚皮即叫即炸，鬆脆可口，加埋個酸甜醬，fushion得黎又開胃 竹炭蝦多士味道同普通多士差唔多，但感覺健康d，啖啖肉，加埋個泰式醬，開胃小食精選 蟹肉泡飯主菜黎啦！啖啖蟹肉，蟹湯鮮甜，唔駛五分鐘同友人連湯都ko埋😋 干燒蟹肉伊麵個伊麵，無對泡飯咁高期望，點知加埋店主自家製菜甫，堅好味，可能咁啱近期越來越鐘意食辣野，刺激 最後個柯華田布甸，為晚餐畫上完美句號 食飽飽之後繼續轉戰老蘭～

因為黎過幾次呢邊見客，行經聞到超級香，今日又經過就同朋友諗住食小小野打打底先飲野。地方唔算好大，長方形，裝修簡單，似茶餐廳既格局，始終係中環區，外國遊客都唔少，坐我地左邊係講英文，右邊係講普通話。我地兩個人share左個蟹肉干燒伊麵，跟上湯一碗，另叫左個蟹肉炸雲。首先價格真係好中環價，個干燒伊麵128，上枱我以為佢送錯，因為我睇唔到有蟹肉！我以為嗰小小既係瘦肉，整體黎講蟹肉係少得可憐不過就收你128,咁既價錢我俾多一倍都好，去holy crab食佔對龍蝦意粉啦，大大隻龍蝦鉗啖啖肉唔好？！不過個味道都叫ok 既，但個香味一定唔係來自嗰小小蟹肉。反而跟餐既湯就好鮮，飲到有蟹味，唔錯。蟹肉炸雲吞其實都唔係全蟹肉，入面有粒蝦同豬肉，我明要有d豬肉調返起個味先好食，雖然味道唔錯，但同樣地蟹肉既份量真係好少，我完全食唔岀呢個叫蟹肉炸雲吞！反之最好食係個自家制菜脯，夠辣夠惹味，我地食左好多。總括而言，試過一次就夠，唔係話唔好食，不過呢個價錢有好多選擇

每次經過呢間鋪頭都會嗅到好香既蟹味 ! 跟住再會見到門口有一條人龍終於有機會入黎一試唔洗問, 我當然叫左2個有蟹既set la ....1) 手拆蟹肉泡飯, 2) 手拆蟹肉E面1) 手拆蟹肉泡飯, 湯既蟹味都好重, 飯又好多, 上面有一層蟹肉, 但冇其他啦....味道ok香濃, but 比較悶, 因為真係得蟹肉同飯....$110, 我覺得太貴 !!!2) 手拆蟹肉E面, 湯味淡好多, 可能因為E面係有湯啦....上面再有幾條露筍同d雲耳, 唔明點解仲要比泡飯再貴多十幾蚊....露筍同d雲耳貴?? E面煮得比較淋...唔係話真係有咩咁特別試過一次就夠啦...反而泡飯比較出色最後...送上2個華田puddling, 最好味係個dessert, 味道香濃 ! 最後幫間鋪加返小小分

之前已經聽過朋友推介中環有一間以蟹湯做招牌既湯麵店，今次專程過嚟試下。先講小食，叫左一份葱油海蜇，海哲本身夠爽口，葱油亦香，可惜味道偏淡；醉蛋，一上台已經好香花雕酒味道，糖心蛋黃，入口半溶狀態，連女仔朋友都覺得好好味；鮮蟹肉干燒伊麵，一絲一絲既蟹肉混入干燒伊麵內，啖啖鮮味，而配上既蟹湯果然係招牌，香濃蟹味，好鮮甜，真係想問佢添飲；手拆鮮蟹肉泡飯，份量十足，鋪上大堆鮮蟹肉，真材實料，絕對比外面既"仿蟹肉"好食得多，而泡飯已經索哂蟹湯，粒粒蟹香味，比剛才配上既蟹湯更鮮甜，更香濃，難怪眼見旁邊有唔少人點呢個泡飯。值得提一提，佢地個自家製辣菜脯，辣得嚟有dd蒜香，令人不停咁加。

店內寫明無味精，唔知係咪用太多蟹既關係呢⋯⋯好咸！好彩係用團購買$68，如果比百幾蚊淨係食呢一啖仔蟹肉.... 會反檯😑泡飯係索晒湯既，入味的，不過真係好咸可能係比人飲酒前墊一墊個胃😅😅😅😅😅總結： $68 可以食更多的 貪平惹的禍😪

鐘意食蟹嘅人都應該會對「蟹麵館」呢間餐廳有興趣。星期五晚9點點去到，唔使等位可直接入。入到去已嗅到好香嘅蟹味，心諗冇死了，所以見價錢略貴都無阻我擦蟹嘅決心。環境方面，其實佢只係裝修靚啲嘅茶記格局，位窄，兩位去多數要Share枱。手拆鮮蟹肉菠菜麵 ($118)：大少想食蟹肉干燒伊麵但賣晒，轉食蟹肉菠菜麵，點知中了大伏！！1. 首先佢原來係湯麵，Menu冇寫明係湯麵, 冇圖又擺干燒伊麵下面，fake晒2. 啲蟹肉少過泡飯，份量完全不合格3. 啲蟹肉一掂湯就散晒，同冇食過冇乜分別4. 個湯同泡飯個湯底係兩回事，蟹味極度欠奉5. 配料勁hea，1條響鈴 + 1條菜 + 幾粒黑木耳，$118你俾啲咁嘅人食, are you kidding me????!結論係食碗$35車仔麵都好味過佢，大少越食越嬲，冇下次了。 手拆鮮蟹肉泡飯 ($128):　只有蟹湯、蟹肉，同飯，冇其他了......飯同蟹肉嘅份量算多，湯底蟹味都夠，俾飯索晒，味道OK，但以呢個價錢其實期望更高。凍杞子菊花蜜 ($26)尚算大杯，都足料多菊花同杞子，蜜味都重。＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿蟹肉泡飯其實味道

在中環的朋友推介這間食店, 主打蟹肉, (好少餐廳主打這個), 行過見不用排隊就來試試, 叫了兩樣試下, 1)手拆蟹肉泡飯 : 的確充滿了蟹味, 而且蟹肉亦是新鮮的, 沒有雪味, 湯底味道亦適中, 相當值得推介 , 另外還叫了蝦子撈麵 : 一般野, 蝦子味不重, 麵身亦普通, 可以啦,  , 但價錢就.....蘭桂坊左D!

成日唔鐘意食重覆野既我地，今次繼"蟹麵膳"後，食呢間都開左好幾個月既蟹麵館。其實之前都食過，今次再食發覺質素都幾維持到，但覺得個蟹味好似無之前噤清噤濃。。不過係好味既。。

於中環工作，放工想食快D返屋企休息，經過這店子，又聞到陣陣蟹肉味，就想試試。蟹肉雲呑蝦子撈麵($68) - 麵質幾彈牙，雖然顏色是深色，但很淡，至於蝦子，是食不出味道，一點咸香也沒有。蟹肉雲呑有4粒，說是蟹肉，但內裏大部分是豬肉和蝦，只有少量蟹肉，所以也食不出味道。炸響鈴 - 好油！手打牛肉餅蝦子撈麵（$68）- 手打牛肉餅幾特別，有4件，是變成了餅狀的牛丸。炸魚皮配香草酸甜醬（$30）- 魚皮很薄，炸得很香脆，像吃著薯片，好味。蟹湯時菜（$25）- 個湯算有蟹味，但唔係好重，菜嘅份量唔多。無花果薏米水 （加$12）- 過重薑味！應該改名叫薑汁薏米水 ！這店試一次就夠，本應以蟹肉為主，但主角並不突出，份量太少跟本無法吃出味道，有點不大方的感覺。

行過見到有間「蟹麵館」, 一聽到個名以經好吸引。店子不太大, 只有十張枱左右。裝潢簡約, 沒有浮誇的佈置, 驚喜不大。以為餐廳只提供蟹的菜式, 一看餐牌原來都有其他選擇。來到食蟹的專門店, 當然點有關蟹的菜式。招牌蟹肉雲吞河$60六十蚊的雲吞河內有木耳、粟米及響鈴作配料, 食物擺放隨意得很賣相不吸引。雲吞內有原隻蝦、豬肉及蟹肉。可是蟹肉不太突出, 味道差不多被蝦及豬肉味蓋過。湯頭有鮮甜的蟹味, 但煮河粉時把蟹湯味道開淡了, 味道遠不及蟹肉泡飯。餐牌標示河粉為手切河粉, 質感比較厚身而且硬身, 口感不夠順滑.手拆蟹肉泡飯$128一大碗蟹肉泡飯送上, 呈深黄色的湯頭加上蟹肉不大明顯, 賣相不是十分吸引。先嚐一口湯頭, 又濃郁又鮮甜的蟹湯, 好美味。早前tvb J2台有介紹這間餐廳, 店方每天用上過百斤活蟹並且用上3款不同的蟹(奄仔蟹、三點蟹及肉蟹), 再加入洋葱、紅蘿蔔、西芹熬足12小時。另外, 店方在蟹湯中加入大蝦膏才令湯頭這麼鮮甜。其實裡面好多蟹肉, 每啖泡飯都伴上啖啖蟹肉, 對於最怕拆蟹的我真是正正正! 雖然這個泡飯要$128, 但在酒樓隨便點個炒粉麵飯都要百幾蚊, 這裡不用加一。單

午餐約左2個朋友食飯 唸唔到食咩見大家公司附近開左間新野所以就決定試下午餐沒有太多選擇 而且價錢比散叫也差很多 只是餐多了飲品跟甜品所以最後散叫我點了花雕蝦米粉 朋友就分別點了藥膳雞湯麵同花雕雞翼湯麵本人覺得花雕蝦太重酒味 有點苦反而朋友個藥膳雞都不錯但重點唔係佢既食物 而係佢地個服務態度咁當我地食左一半時候 個服務員突然放低另外二張單好明顯係話我地知有其他人等位但個陣我朋友碗麵仲有一半之後過左一陣 個服務員放低左2杯野飲好明顯都係下一個客人既其實我地都知午飯時間係多人已經儘量配合 無奈受到咁既對待佢既野食就算幾好味都冇用 但事實其實又唔係所以一定沒有下次P.S. 我地途中叫左外賣又未有 迫住企係門口等 但我地發現那個時間已經冇人等位

每天午餐經過都覺得好香，一直想試，同埋同事勁推介話好好食，不過見到長長人龍，心想下次無咁多人先幫襯，結果下次又下次終於等到無咁多人去買個下午茶返公司慢慢嘆。兩點左右去到，全場滿九成客，排我之前有位外籍女仕點餐已經花咗幾分鐘同收銀姐姐溝通，諗住輪到我order, 收銀姐姐叫我等陣，原來收排响我後面兩枱客錢，終於皇恩浩蕩俾我order, 中間又叫我等等三、四次，因為同事問嘢, 又因為店中音樂太大聲，我order每樣嘢都要“吓”一次，但我都壓抑心中怒火，心諗無謂鬧人，大家都係打份工啫。企响counter前等份外賣，因為店出邊條路太窄，加上我又一抽二能，唯有儘量响唔阻人既情況下等啦，等等下有個侍應搞我放响地下袋supermarket嘢，仲唔止一次，我唔知佢當我袋嘢係垃圾袋定以為係公司嘢，我同佢講我個袋唔係垃圾袋，因為我見佢掉d嘢落去，咁佢都有講唔好意思，不過如果自己公司嗰個位有冇放垃圾桶都唔知就奇D囉。煎釀三寶唔錯，個蟹肉碗仔翅有d腥，蟹肉冇乜味，加杯凍檸茶下午茶價55，有D貴，但係外賣漏俾餐具，好彩我公司有物資，如果唔係都唔知行返轉頭好定係徒手撈翅好。真心唔會再幫襯 !!!!!!!!!!!!

回港後也是馬不停蹄, 先從機場直接去澳門, 再拿著重重的行李回港。稍事安頓, 又出發去葡萄酒場合, 之後音樂會。親愛的好久沒見, 音樂會後卻嚷著空肚子。從蘭桂坊下來把那蟹麵店外的鮮香記下了, 於是便打道回來再吃。差不多十時, 餐牌內已有多款售罄。掃興但又不想走, 只好硬著頭皮挑。點過餐, 還顧四週, 都是準備夜遊之人。夜遊人喜門面, 要派頭。而且在中環地區, 少一點Gimmick, 多一份平凡。 因此, 連調味架都要有些花款。內餡沒有午麼特別, 但自家製的菜甫味道不太鹹而惹味爽脆, 算是不錯。先來的是一個手拆鮮蟹肉泡飯。老實說, 蟹肉不少, 只是調味略淡。碗大, 份量不少, 也可飽肚。只是HK$12X, 感覺貴了一點。雖說是足料, 但質感卻可圈可點。一個要好的泡飯, 湯熱而飯仍有彈性, 可以這個明顯太淋, 徘徊潮州粥水與廣東粥之間。因黃酒雞及花雕雞湯麵已告售罄, 所以只好點撈麵。一般撈麵多以生蛋麵, 不論粗幼, 感覺地道。可惜, 餐廳蛋麵叫告缺貨, 建議用上生蕎麥麵。問題應該不大, 可是生蕎麥較蛋麵味輕, 而且質感較硬, 在灼麵與之後加工是不同的。但見餐廳千篇一律, 未有細心留意。麵拖

今早了去食LUNCH , 就同同事一起去試新嘢啦,去到是12:20PM, 我們等了15分先可以入座,不過去中環LUNCH 都預咗要等位, 我同我同事都是叫了SET LUNCH 我要了蟹肉伊麵, 吃完之後... 我內心只有失望,蟹肉完全沒有蟹味,而且最大件事是... 個麵來到的時候只暖.. 唉,而我同事叫既撈麵都是沒有味道... ... 總括而言我覺得成100 元碗麵 都沒有誠意,我想公仔麵都好味D。

蟹麵館未搬到徳忌立街之前已經有光顧的了,第一次來到新店, 要試試看食物質素能否維持啊!我們點了:手拆蟹肉泡飯、炸蟹肉雲吞、炸魚皮、蟹湯浸時菜。手拆蟹肉泡飯 - 我們2個人share呢個泡飯黎食, 手拆蟹肉啖啖肉都有幾多幾大舊, 而且味道鮮甜, 個湯都係好濃嘅海鮮味, 水準依舊的很好吃!炸魚皮 - 新鮮炸出的, 非常爽脆的同時又不會有油"憶"味山。配上附上的「香草酸甜醬」會更添惹味！蟹湯浸時菜 - 份量不算很多, 不過利用圓碗一棵棵的放, 看起來十分漂亮, 雖然只是十幾廿元的東西, 但看出店主的心思呢!炸蟹肉雲吞 - 這兒的炸物都很不錯, 都是香脆可口, 不過個人覺得蟹肉雲吞炸了以後的蟹肉就沒有太突出的鮮味, 感覺浪費了美味的食材呢! 下次如果再點蟹肉類的食物都是先選擇非炸類會更吸引吧!總括來說, 新店能保持一向的水準！期待下次再來, 或有機會試試遲些有沒有私房菜供應吧！