蟹點

营业中

休息中

話說成朝都好似陰陰地天，但係我哋都決定去行山，行完山之後，去到鴨脷洲有間好出名食蟹嘅舖頭，叫做蟹點。午餐嘅餐牌好抵，個個餐都好想食！佢係泰國為主嘅菜都有🥰🥰🥰最後我哋兩個人，叫咗兩個午餐，再加一個咖喱炒蟹。咖喱炒蟹一到嘅時候，大家都O咗嘴，超級無敵嘅大兜😂😂😂😂但係我哋都食得晒，因為真係超級好食，咖喱嘅香味，香辣得來又唔算辣到食唔到🤭🤭好好食。早知個咖喱汁咁好食，我就淨係嗌薄餅都夠。另外兩個午餐，我哋叫咗海南雞飯同埋黃咖喱雞飯，平時食開青咖喱雞嘅我，今次對黃咖喱改觀，呢個黃咖喱超級好食，甜甜地，有辣辣地。真係超級好食呀呢間餐廳😍😍😍雖然係午餐，但係我哋食到好似晚餐咁多。好彩啱啱行完山，如果唔係肥都肥死。不得不提嘅係，佢仲有個戶外座位，如果好天嘅時候一定係好chill😎😎😎不過因為個天好似就快想落雨，所以我哋坐咗陣就轉返入室內。下次一定要再嚟食！而且間舖算係好大，室內同室外嘅座位都好充足☺️☺️☺️

行山加美食這樣的安排很受歡迎。餐廳位於玉桂山附近，先去玉桂山行山，再去享用美食。餐廳的内部環境寬濶，桌大舒服，侍應有笑容。薑葱炒蟹(大蟹)598元，大蟹一隻，約重一斤半。薑葱炒蟹是用鐡板盛載的，上桌時發出吱吱聲響，香氣四溢。蟹膏甘香，蟹肉鮮甜，薑葱味和蟹味很夾，紫洋蔥吸收了蟹汁，十分滋味。金銀蛋肉崧浸翡翠苗88元，一大窩，翡翠苗翠嫩，金銀蛋惹味，豬肉味道正常，湯底清甜。自家製千層糕拼西米糕38元，每款兩件，熱千層糕煙韌，凍西米糕甜。白飯每碗15元，飯粒軟硬適中。總結：食物美味，環境寬濶。

暫時都未能外遊，唯有自製一日遊行山兼食海鮮，在網上推介行鴨脷洲玉桂山 近市區好方便，我哋選擇了較為簡單的小玉桂山路線，在利東邨出發行大約1小時行完落山就是海怡半島站，行至附近的西邨街市好有漁人碼頭感覺，被這間蟹點餐廳外貌吸引了，决定在這裡食海鮮。 經西邨街市搭𨋢上一樓，這間“蟹點”地方很寬敞，有室外又有室內， 估不到街市樓上的熟食檔可以這樣乾淨企理，有種東南亞排檔風味，旅遊感覺返哂來。這裏的招牌白胡椒炒蟹非常推介，熱辣辣鐵板上，白胡椒和九層塔很香濃帶起蟹肉鲜味，肉蟹大大隻啖啖肉$598都抵食 再配埋一支朝日大啤加埋冰凍的戰鬥碗絕配。這個花甲王蒸水蛋非常大碟，鋪滿大大隻的花甲，滑嘟嘟蒸蛋吸收了花甲的鲜甜味。泰國串燒豬牛雞各兩串， 這個值得一讚串燒肉大大串，外邊燶邊香，內裡有肉汁配沙爹醬好惹味，燒出水準來。食埋個芒果糯米飯甜品非常滿足。其實這裏除咗食海鮮粤菜，還有泰國菜、鑊氣小炒非常多樣化，下次call齊朋友挑戰行真玉桂山然後在這裏再拆餐豐富的。

喺港島行完山超級肚餓，急需要搵間好食嘅餐廳醫肚！呢間蟹點岩曬😍菜式選擇非常之多，最後決定揀招牌菜避風塘炒蟹😋避風塘炒蟹（大蟹，每隻約一斤半）$628避風塘炒蟹一向都係香港招牌滋味，正宗道地美食，令人難以抗拒！💗炒蟹色澤金黃，入口蒜香濃郁，蟹肉肥大肉厚，肥美結實，係新鮮喺飼養即叫即煮，蟹肉鮮甜可口，超級新鮮又大大隻。蟹鉗又大又入味，仲大個隻碗，簡直係啖啖肉，食到最後一口都不想放手。💗麻辣蒜酥香氣撲鼻，酥脆非常酥脆，火候、用料恰到好處，香蒜爆到粒粒鬆脆可口，完全滿足味蕾，色香味俱全，炸蒜送飯一流。💗蟹殼都有細心敲碎處理過，更入味而且方便食用。😋香脆炸蠔餅$88💗蠔餅即叫即炸，非常鬆脆而不油膩，蠔十分飽滿，又大隻又多，加上芫荽等配料，令味道更加香濃惹味，可口味美。💗蠔餅不會好厚粉，好足料，又厚又大份，而且蠔嘅份量好多，幾乎每一啖都食到蠔嘅鮮味。😋紅燒脆皮BB鴿 $58💗皮脆肉嫩，燒到熱辣辣上碟，肉質鮮嫩，汁多味美，色澤金黃，光滑油亮，十分惹味總結：食材新鮮足料，肉質鮮嫩美味，炒吓令人一次難忘， 香口惹味，會再來！😋👍🏻

MTR南港島線開通後，到玉桂山行山郊遊方便得多。累到半條人命，拖著半癱的身軀去西邨街市Food Court暴食一番犒賞自己！這間餐廳主打海鮮、泰國菜和潮州菜，Menu選擇花多眼亂。室內座位空間感足，整齊企理，還有露外雅座，邊吃邊感受日落兼吹吹風，寫意非常。為了在運動後補充蛋白質(藉口)，來個海鮮大餐！薑蔥炒蟹 $598從遠處已感受到其陣容，以鐵板上菜，滋滋聲和熱煙不斷，讓人垂涎欲滴。1斤半大蟹非常足秤，新鮮厚肉，連蟹腳也被我們肢解乾淨。薑蔥份量多，所以蟹肉也很入味，好味到連蔥蒜也清光。值得一讚，落Order後店員主動提供即棄手套、鐵鉗、蟹腳叉和圍裙，細心舉動讓我們吃得輕鬆方便。金沙黃金蝦 $48 原價$98，但禮拜一至四有限定優惠，而且份量不減，CP值很高！中蝦連殼與鹹蛋黃醬一同快炒，蝦殼已變脆身，不用剝殼直接進食也沒有問題。整體鹹蛋黃惹味的鹹香和沙沙感很容易入口，邪惡到令人一口接一口。椒鹽鮮魷 $98鮮魷雪白新鮮，份量頗多，炸粉漿有一點厚度，炸得很鬆脆。這種香口下酒菜如果配個啤酒就完美啦！

星期六晚七個人熄咗七餸一湯.杏汁豬肺湯，白胡椒蟹，鹹蛋黃蝦, 椒鹽鮮魷, 蒜蓉粉絲蒸蟶子，泰式燒雞，通菜馬拉盞，及雜菜.菜單好多嘢揀，基本上你諗的想要嘅一嗰度都有。地方乾淨價錢合理。食海鮮以後唔使去到西新界九龍咁遠。有啲似去咗泰國和星加坡大排檔食。除咗海鮮仲有其他泰式,潮州菜及小炒。啲海鮮都幾實惠，每人食咗＄290班朋友已經想約再去了

朋友安排早上先遠足登上鴨脷洲出名的玉桂山，然後落山到這別緻菜館吃風味海鲜😀藍色外型的舖位好有希臘小島海邊食店感，遠在對面街上已看到，極搶眼👍🏼店外更有典雅開揚露天座位😀侍應带引至內面座位，冷氣開放充足，甫坐下侍應便殷勤推介炒龍蝦菜式，看亦是主力菜式，不想推卻好意，點了薑蔥炒花龍蝦一隻😋以鐵板做盛器，上桌時熱氣騰騰，香氣四溢，龍蝦肉彈牙爽口，材料質素勁佳，廚房火候處理到位，好介紹無選錯👏👏😋😋再來了一道花甲王蒸水蛋，水蛋滑香燙，混了花甲鮮味，可以取代主食😋😋意猶未盡見店内有泰，潮菜 推廣海報，再點了泰式無骨海南雞半隻😀雞肉嫩滑鮮味，骨頭完全去掉，咬落啖啖肉，廚師好手勢😋😋👏👏街市上蓋一所難得有心機食肆👍🏼👍🏼

天氣清涼，約埋朋友一齊去港島行山玩樂！因為行左成日消耗體力太多啦⋯⋯去到鴨利洲當然要試下好多人都話不錯的蟹.點餐廳食蟹！餐廳位於街市上，座位好多好大個場。餐廳食物好多元化，有大排擋感覺但又有泰國菜，門口又有新鮮海鮮！所以一次過真試唔到咁多，只好下次再食過！今次就必試佢的白胡椒鐵板蟹，套餐仲配有啫啫生菜🥬上菜前比定食蟹用品，方便進食拆蟹肉，鐵板上到餐桌熱煙陣陣，真係見到隔離桌的人都忍唔住想叫個食！蟹🦀️肉好厚，配上白胡椒汁真係好好味😋朋友忍唔住叫左個菠蘿海鮮炒飯，佢話好味到越食越想食😅

同好朋友喺附近行完山佢話帶我嚟呢間街市入邊呢間食蟹嘅餐廳呢度環境好大! 係街市1樓嘅全層！ 仲有啲戶外座位添平日下午嚟到, 見到有好多街坊喺度食嘢! lunch set好抵食！ $52 ! 好多款式又大份呢度仲有好多唔同嘅泰國菜、中式小炒、粥粉麵飯同海鮮!真係多嘢食都唔知點揀好!!! 全部都好吸引因為我哋行完山太肚餓, 所以我哋嗌咗好多嘢食！叫咗一個午餐(泰式滷水豬手飯) 呢個豬手飯都好多豬手， 好足料！豬手有肥有瘦肉， 好入味、又好冧~  肉質好嫩滑！一啲都唔鞋! 配合埋酸辣汁， 同埋下面嘅醃酸菜~ 好開胃！ 撈飯食一流!! $52 超抵食!金沙鮮魷(108)  即係鹹蛋黃炸魷魚！ 一放低已經聞到好香嘅鹹蛋黃味， 外層炸得超級香脆可口！ 連我好嘴尖嘅朋友都食到讚不絕口, 話要再嚟食嚟到重頭戲：咖喱炒蟹!!! $598一嚟到, 睇到我哋心心眼!  好大盤! 超級香! 賣相好靚! 咖喱點蒜蓉包($38) 食真係一流! 索晒啲咖喱汁~ 咖喱汁唔辣， 椰汁好香滑~ 甜甜地好好食!餐廳提供左手套俾我哋, 仲有兩款開蟹嘅工具~ 隻蟹大約一斤半~ 好新鮮!  超大嘅蟹鉗! 啖啖肉好正!咖喱汁撈飯

👉見到介紹，鴨脷洲西邨街市連food court🈶️好多美食小擋。原來1️⃣樓仲🈶️食海鮮、泰國🇹🇭菜、潮洲打冷、點心、小炒⋯⋯1️⃣店攪掂晒‼️👍.👆《蟹 · 點》設🈶️露天雅座，夜晚涼涼哋坐出面都幾舒服！😉室內環境好大，每張枱都隔有一定距離，空間感十足。📌避風塘炒辣蟹 $478 ～ 大大隻肉蟹🦀️已走油處理，保持肉汁，全部沾上脆炸蒜。成隻蟹蓋都係膏，仲有一疏疏嘅蟹肉超新鮮。🦀呢度嘅《避風塘炒辣蟹》預設《麻辣》味道，麻辣🌶比例剛好，唔會蓋過蟹🦀️味，麻辣風沙夠冶味，喜愛麻辣味的必點。👏📌金沙黃金蝦 $48 ～ 星期一至四晚市特價$48，一客也🈶️十多隻。非常超值‼️中蝦🦐炸到脆卜卜，蝦肉新鮮爽口，超重手咸蛋黃包🈵️成隻🦐，連殼都食埋。😋❇️泰式必食孖寶D $198 ～ 📌鐵板香葉鮮胡椒炒海鮮 ～ 鐵板上熱辣辣🔥，🈶️蝦🦐、青口、魷魚🦑，加入大量配菜⋯胡椒、香茅味突出而不辣。🤩📌燒豬頸肉炒飯 ～ 飯底炒香唔油，乾身粒粒粒分明，配菜又多，豬頸肉濃邊脆口，好味道！🥳

朋友帶路行完山去咗鴨脷洲邨街市搵嘢食~這座就近地鐵出口嘅鴨脷洲西邨街市，結合了Food Court 和街市模式，裝修非常型格，乾淨企理，少有咁冷氣充足嘅街市！街市上一層有間 集合 咗廣東小炒，泰式，潮州菜的餐廳 …☀️🦀蟹點🦀。藍白色嘅裝修竟也有點地中海度假feel☀️⚓️⛴座位寬闊，有卡位也有大圓枱，啱晒一大班人聚餐。由於佔地全層，餐廳外圍設有露天座位，自成一各。一場嚟到梗係要食蟹～豈料餐廳話靚蟹返唔切貨，暫時提供唔到，又倦又餓突然之間個腦一片空白⋯⋯店員提議改食龍蝦，價錢同招牌炒蟹一樣，都好呀😍生猛游水南澳龍蝦🦞🦞薑蔥炒龍蝦$598（約一斤半）揀咗薑蔥炒龍蝦，夠晒原汁原味，最能突顯龍蝦嘅鮮味。以鐵板熱力再逼出香氣，果然冇介紹錯，龍蝦勁新鮮，啖啖肉，肉質結實鮮甜美味，伴以爆香嘅薑蔥，洋蔥，滋味滿瀉！不得不讚大廚功架十足，龍蝦處理得很好，薄薄的炸漿令龍蝦非常惹味！呢度仲有唔少泰式美食，店員解説堅係泰國師傅主理，味道正宗。👍🏻海南雞飯午市套餐$52海南雞肉質又幾嫩滑，仲好有雞味，泰式雞醬酸酸辣辣，啱我口味。海南雞飯附設嘅例湯～冬瓜湯夠清甜！油飯夠乾身而且份量好大！🙂🍚青檸梳打(跟餐+$10)🥤

行完玉桂山最好做乜？就係食海鮮，一路行一路諗住啲蟹呀蟶子呀，零舍行得快啲 蒜蓉粉絲蒸蟶子 (4隻$168)最鍾意就係粉絲蒜蓉好似唔洗錢咁，多到鋪過晒成條蟶子就啱嘞，非常滿意；蟶子都好彈牙鐵板薑蔥焗生蠔 ($238)聽到渣渣聲，就知鐵板嚟緊！夠多薑夠多蔥又多洋蔥，好香呀！蠔都大隻，夾埋啲薑蔥洋蔥一齊食，講起依家又好想食！薑蔥炒蟹 ($598)望返張相都已經流口水..... 店員有提供圍裙及手套，咁就唔洗怕污糟啦。隻蟹好多肉，而且非常新鮮，肉質鮮甜除咗海鮮，仲有泰國菜，總之成個menu就好多款式，淨係睇都睇咗好耐！而且坐得幾舒服喎，又乾淨。食完落樓下買餸返屋企，啱晒

是日諗住去香港仔水塘行山打卡影相，貪佢路程短又易而風景優美，行完山好餓，去左鴨脷洲西村街市搵食.呢間大大間座位舒服，食泰粵菜餐館，就決定試試佢.招牌白胡椒蟹 $598 （大蟹）每隻約一斤半.上菜時再淋上白胡椒濃汁，鐵板既熱度令白胡椒味撲鼻，吸引味蕾！.睇隻鉗就知隻蟹又大隻肉又厚，一咬落去就發現蟹肉新鮮彈牙，配合微辣惹味白胡椒醬汁，唔知以為自己去左轉新加坡，好好食！.紅燒脆皮BB鴿 $58BB鴿雖然肉唔多但勝在皮脆肉嫩，鴿肉稍為醃製了，配搭啤酒就一流啦.鐵板煎釀豆腐 $108呢個菜式好好味，豆腐件豆味濃郁而滑流流，釀係豆腐面既肉餅有冬菇蝦米粒，咸鮮味同豆腐一齊好夾.避風塘茄子 $58好香口既佐酒小食，茄子薄片沾上炸粉炸完再以避風塘式炒成，味道無得彈但略嫌炸粉偏厚了.下次係港島行山同朋友黎試埋佢地既泰國菜先！

終於征服了南港島玉桂山，無敵大海景一望無際。旅程完畢點都要醫肚，真係用了好多體力，食番啲好嘢才是完美。友人是地膽，帶去附近的一間中泰混合菜館。店內環境明亮舒適。薑蔥炒蟹中式做法。鐵板端上，隨著空氣中的香氣吸引眼球注視。薑蔥的味道樸鼻而來。簡直視覺，味覺的享受。啖啖蟹肉，夠曬鑊氣。咁大隻蟹，兩至四人份量，充足！豉椒炒花甲非常入味，花甲嫩滑。火喉恰到好處。原個椰青海皇焗飯飯粒滿滿是椰香，不會膩喉。海鮮有大蝦，青口，魷魚，口感豐富。

趁復活節假期天氣咁好，一早拉老公起身去行山，簡簡單單行下香港仔水塘，初級BB行程，非常適合新手老公去行。行完已經非常肚餓，決定搵間餐廳安撫一下肚皮。餐廳位置街市樓上，不過環境乾淨寬躺，空間感十足。原隻脆皮炸豬手侍應拿過來的時候真的有點嚇親，份量超級大，外皮炸到卜卜脆，肉嫩可口，而沾上少許酸醋汁可以減少油膩感，惹味可口，令人食不停口。咖哩炒蟹（大蟹）肉蟹體型龐大，蟹鉗差不多有手掌2/3長，蟹肉鮮甜美味，每一口都啖啖肉，超滿足，咖哩香滑而且充滿椰香，加上其他蔬菜鮮味，超贊👍🏻飛天通菜通菜炒得好有鑊氣，入口辛辣惹味，咸香得宜。鹹檸樂第一次見鹹檸樂當然要試吓，味道清新，而且估唔到又幾夾。