西苑酒家 (已結業)

這日路過一段時間沒有來過的上環西苑，便即興進去飲個茶，反正還沒有作午餐的安排。我們點了叉燒包，豉汁蒸排骨，陳皮泥鯭粥和大澳蝦乾炒粉絲。叉燒包：這裡的叉燒有名，不過我們不太想吃一碟叉燒，便來籠叉燒包吃吃吧。包做得很鬆軟，叉燒軟念而叉燒醬甜美。(4/5) 另外豉汁蒸排骨我沒吃，但聽友人說排骨好吃入味。陳皮泥鯭粥：粥底很棉，陳皮和泥鯭都溶在粥裡，令粥很鮮甜和帶陳皮香，我不好意思地一人吃了大半窩。(4.5/5)大澳蝦乾炒粉絲：這個炒粉絲最重要做得乾身不過濕和油，而這個做到了，讚！粉絲帶著蝦乾的香再與芽菜和蛋絲一起，味道和口感都豐富。(4/5)這日吃到各樣食物的味道都不錯，店內打理得整潔企理，而且店員服務到位，整體來說滿意。

I have been looking forward to this dinner for over a month. This is because our dinner menu has been finalised for that long and it included nearly all of West Villa's signature dishes. I have never been to this branch of West Villa before. The other 2 branches in Causeway Bay and Taikoo Shing I have been to a few times and they are both very different in terms of the service, the decor although most dishes are the same.West Villa Sheung Wan seems to be more quiet and tranquil that evening. It

2010 年三月中的一個星期五, 一心想去食西苑既弛名叉燒, 其他兩家西苑都去過, 就趁這次朋友聚會黎這間啦 ! 結果係難忘詫異的一晚, 寫出遇到的事情, 大家若來這裡, 可以警惕一點.(1) 要預訂的貴價大哥叉燒上檯凍凍地之餘, 仲要幾有咬口.(2) 星期五晚冇星期五晚的 ($128) 例湯粉葛鯪魚煲豬?, 侍應強烈推荐賣成 $298 的杏汁豬肺湯 (貴過陸羽一倍多)(3) 電話預訂炆班腩又話唔使, 話可以到時叫, 去到照菜譜柯打炆班腩 ($188) 就話冇, 侍應強烈推荐每兩賣 $54 的陳皮蒸方利(4) 照菜譜要醬爆聖子皇 ($208) 又係冇, 侍應強烈推荐唔知賣幾多 $ 一兩的龍蝦(5) 石蠔煲例牌佢話只得 5 隻, 侍應話要加 3 隻至夠我地 8 個人. 結果加 3 隻埋單就加左 $100, 大蠔當然 OK, 但原來只係 2 寸左右長 d 細石蠔(6) 蛋白杏仁茶又問要唔要加湯丸,但係又話加左湯丸就會冇蛋白. 唔明解, 但我地結果有幾位加左, 佢 d 細粒又 '岩讒'既湯丸要 $5 一粒實話實說, 除以上, 其他菜式烹調及服務係 OK 的. 佢既馳名叉燒, 又凍又實又韌,

星期天上午到中環開工，中午的時候，工友建議到中環文咸東街【西苑】吃飯，呵呵，六男女欣然同往！到了西苑，地方雖然狹窄，但佈置尚算乾淨雅潔，侍應有禮。看看點心紙，嘿嘿，嘿嘿，富貴啊，原來是富貴飯堂，怪不得星期天竟會門庭冷落，門堪羅雀喇。點心未到，細心研究一下內部裝修到員工人數的配置，看來西苑的老闆應該比較喜歡傳統和有人情味，可惜風水佈局上遇人不淑，恐怕是財來財去，內藏隱憂。結果，大約十個點心連小吃，一個福建炒飯，盛惠港幣$1100大元，哈哈，吃了些甚麼呢？馳名叉燒：肥瘦適中，製作用心，味道還好，可惜吃不出傳統柱候醬的香味。蝦卷：味道雖然不差，但蝦本身已經夠鮮味，何必落味精，可惜。豬皮蘿蔔：上湯浸泡，配上豆卜，可吃出蘿蔔的清甜，不落俗套，不錯。南乳燒雞翼：雞肉無南乳香，肯定腌製時間不足，雞肉未熟透，失敗。蝦子柚皮：雖然用料一樣，可是卻毫無驚喜，柚皮不夠綿，吃不出傳統味道。油菜：普通。炒齋腸粉：普通。豉油王炒齋河粉：乏善可陳。馬拉糕：夠傳統，蔗糖香，得。酥皮杏汁包：除了酥皮不夠酥脆外，味道真的不錯。福建炒飯：用料足，味道普通。總的來說，味道尚算不錯，可見經營者在食物製作上頗肯用心，至於是否抵食

星期日到上環西苑飲茶，環境潔淨企理，服務中規中矩啦！鳳爪：OK，無乜特別。蝦餃：蝦新鮮，幾好食。蘿蔔糕：OK。蛋撻：唔夠熱，酥皮腍咗，蛋亦唔夠香，差D。雪影杏汁包：Good！墨西哥包外皮夠脆，內裡有香噴噴嘅杏汁蓉，好食！蝦子柚皮：夠入味，OK。煎蠔餅：細碟了一點，味道OK。蜆介鯪魚球：鯪魚球口感唔夠彈牙，味道可以。蒜香牛柳粒：Good！牛柳粒好香好腍！叉燒：賣相一般，味道非常普通，如是招牌菜就有點言過其實！比起福臨門嘅叉燒，就差很遠了。咸魚雞粒炒飯：味道唔錯，炒飯夠乾身，咸魚味亦夠香。

飯,始終要食。何況係中國人重視既團年飯.....雖然家人在醫院,其他人都可以撐撐場既。順便拎埋糕一次過。寒愛食叉燒既樣又出現了，「冇叉燒都要食叉燒飽！！！」呢度既叉飽同其他既舖唔同，蠔油色好重，唔係紅色既，咕嚕肉亦一樣，佢用山楂代替左茄汁，Arm晒我呢D No-tomato人*去西苑如果唔叫爵士靚湯小心俾寒......好甜~!!!!!!!個蜜瓜茸同沙參玉竹好夾，感覺滋潤=)雖然好貴，大家四個人都係叫二人份，但係真係勁好飲@@"之後既兩個小菜*XO醬炒帶子蝦球辣唔算好辣，但真係份量太少啦@@"一人一件"枝竹豆腐煲個味好濃，紅燒感覺好重，不過爆入味*甜品我地揀左鮮奶雪山飽同生磨蛋白杏仁茶。前者鮮奶味OK唔搶飽本身鏡，外皮既甜同入面饀相得益章；而後者就好似同桃李爭一截距離@@"淡Wor直情......一定要BOOK叉燒是我今次食完的教訓><"

星期三晚飯來到西苑, 一心只係想試下佢地的名物爵士湯, 大哥叉燒同雪影杏汁包, 因為印象中去過銅鑼灣店, d名物全部都係餐牌上, 即叫即整, 但係來到上環店, 爵士湯竟然只係得星期六,日先有, 其他名物係晚飯餐牌上完全見唔到佢地的影踪, 心裡已涼了一截即管問問侍應有沒有大哥叉燒($68), 他說已售完了, 因為午餐時段售完即止, 正當本人失望之際, 侍應又反問我係唔係真係要, 廚房仲有一碟, 咁我就要左來試下, 等左十分鐘後送上, 顏色同香味對辦, 點知一咬落去, 有好香的麥芽糖味, 但可能厚切關係, 肉質好廋而且甚鞋口, 十多件叉燒中只有兩件係好d, 老實講如果以當日的水準計算, 香港唔少的燒腊店都比佢地出色, 唔知係佢地失準定係我唔好彩, 對此甚為失望想叫的雪影杏汁包當然沒有, 只好試下佢地的生磨蛋白杏仁茶($34), 可能係即整, 所以都等左十幾分鐘先送上, 份量係細細碗的, 聞落去有淡淡的杏香, 食落去有淡淡的杏仁味, 唔會好似杏仁糊咁太濃太傑, 亦唔會太稀, 甜度適中, 而且有著滑滑的蛋白, 水準極高, 我想呢個對於女仕美容甚有功效不過值得一讚係佢地的服務, 頗專業亦貼身,

Must say sweet and sour pork there is very good. Pork is crispy on the outside yet succulent inside. The sauce is amazing, they use old-school recipe with sour berry ("san jar") for the sauce.... it's light and clear, has the right sour-kick from the berry and yet aromatic... not the usual ketchuppy / syrupie thick paste you get from others. My father used to be a Chinese cook and my family loves sweet and sour pork, West Villa does it just as good as my dad!

好耐無同老公既大家姐飲茶啦,今日專登同奶奶一齊出上環同大姊飲下茶o入到去,間酒樓都好細,唔係好多張檯,所唔會太多人,亦唔會好似其他酒樓甘吵我地叫左好多野食呀….生菜魚肉湯--唔係唔好食,不過街邊個d滋味d..炒銀針粉,呢個ok..xo醬炒腸粉,不過不失..蜆介菱魚球--同出邊d水準差不多叉燒包,幾好咪,不過大喜慶仲好味d釀魚肉老虎椒--5隻有4隻唔辣既..叉燒..真係好好味,仲要叫碗白飯送,真係一流,阿POOH 話好食過再興…蝦交:合格大腸蘿蔔: 無食過,阿POOH叫既,佢話OK煎鍋貼: 一碟4隻,我無試,不過其他人一致好評,話外脆內多汁脆麻花: 呢個好好味,加埋D耶絲好好味,熱熱地菠蘿杏汁包: 幾特別,杏汁好香 蠔餅: 呢個煎到好似薄餅甘,唔太油總括黎講,呢到D野食全部都OK架,不過真係幾貴..

呢間酒家, 是間老字號, 價錢叫做貴貴地, 但又唔係超貴, 但食過就知道咁既價錢及咁既味道, 真係物有所值! 上次公司食飯, 食過魚, 义燒, 甜品 等等好多野, 不過最令我印象深刻的就係义燒, 我平時都唔食d 咁肥既义燒, 不過我食過呢間既义燒就知道咩叫正宗半肥瘦, 真係一層肥一層瘦再一層肥既.不過好似要早一日訂先有. 而且環保很高雅清靜, 又有房可分開, 上次公司食飯都好開心不過好嘈,有房就唔會嘈到其他食客. 不過地點就有d 唔就腳, 真係要特登先會去. 不過要比, 小肥羊而家越來越差既食物及服務都要成$300 一個人, 呢間我地豪食,都只係$250 一位.

我本人一向光顧西苑(CWB), 無論週本嘆點心或食晚飯, 我都覺它的食物創新又有水準, 一直是我心中本地酒家的前三位.可惜...... 銅鑼灣的西苑裝修至五月, 我唯有首次試這上環的分店. 結果是極之討厭, 我發誓永不再光顧, 原因有:- 我大約二時入去諗住嘆點心，佢一俾心點紙我睇，我心知不妙．基本上有的心點已經不多，大部分更是刪去（因為賣晒)．好,我基本上只有兩樣野可以選--蝦蛟同另一樣(唔記得).....轉頭侍應行黎話兩樣都無晒.所以即係乜點心都無!!!! 算，我點左個湯($78)同個蟹肉炒麵($130 <---好一般)- 食食下佢換個乾淨碗俾我. 我睇下碗底, 驚見有一塊大約一毫子的小瓷片.尖兼硬,絕對可以食死人.我大怒，叫個侍應黎,佢急忙拎走佢毀滅証據. 我同佢講好不滿但佢無反應.基本上佢地當無見事，我即埋單，叫個經理同佢投訴，佢淨係講左句唔好意思....... 心諗，我好好好後悔無影低佢最後我就嬲爆爆離開．個人諗西苑(CWB)絕對超水準,但如果keep唔到水準就好心唔好開上環分店(服務唔得,又少野食，食物又整得普通<----連出名ge叉燒都無!!!)，因為做唔

工作很忙碌，晚餐不想吃得太求其，就來了這裡。來個爵士湯，蒸了條細鼠斑，要個砂鍋蝦醬通菜，再來臘味煲仔飯，部長推介了富貴乾坤蝦，又試下。爵士湯已寫過很多，不細表，總之在作為一個廣東人，也要有啖靚湯對肚至舒服的；老鼠斑以前都是野生的，也只見大大條的，現在飼養業發達，而大家也要求縮短「回本期」，加上有幾何有人吃得起幾斤的老鼠斑，至令近年都有這些一斤上下的小鼠斑。肉質不算爽滑，太腍身，是養魚肉質的特色。蒸魚的火侯卻剛好，淋上熱醬油，剛離骨，二百元左右，都算是吃得過；這裡的沙窩蝦醬通菜，聞起來很香，吃起來也很對辦的，比起之前在城寨風情吃的那個吃起來沒味的，高幾班；這裡的煲仔飯，非炭燒的，但跟一眾有水準的粵菜館一樣，也是實而不華的。飯底夠乾身，臘味下得夠多，油份滲入白飯中，單是飯，也可以吃幾碗。這裡的臘味，勝在油份夠又味道不濃烈，而臘鴨是尤其出色，夠油香而不過鹹，肉質很軟熟，下次來，要叫一煲淨臘鴨飯，或油脾飯，同樣吸引；富貴乾坤蝦其實是將個子不大的瀨尿蝦的兩種吃法，頭尾就油炸，拆開蝦肉就油泡。創意就夠，亦有新意，不過效果麻麻。因為瀨尿蝦的蝦殼很硬，炸了也咬不入，完全做不到炸蝦頭那個鬆脆的效果。而蝦

我覺得這裡很寧靜，環境非常好，而且這裡非常好吃。而我們今餐吃了抽皮鮑汁扣鵝掌，竹笙魚湯浸時菜，青紅蘿蔔煲老雞，臘味煲仔飯，就算吃很多東西都不會太滯。那個煲仔飯的飯蕉很特別，混合上湯加芫茜皮蛋，我覺得味道適中和我是第一次吃。雖然這裏很好吃，但是很貴，不宜常常到這裏吃。

2007-10-15難得有機會和媽媽二人撐下檯腳﹐又礙於工作繁忙﹐只好在公司附近找間最靜局的酒家﹐而且這裡也是媽媽的至愛之一。天氣涼了點﹐可以要點煲仔菜式﹐不過就因掛住和媽媽傾計﹐沒有留心點菜﹐一點就點了兩個煲仔菜。先來了個鮑汁扣鵝掌﹐想不到有好多﹐起碼有5 隻﹐如果不是太好味﹐應該會吃不完了。這裡的鵝掌都幾大隻﹐鮑汁不會太鹹﹐淋得來還有黏口的膠質﹐口感不錯的。另一味是芋頭炆鴨。芋頭跟鴨肉都炆得好入味﹐而且鴨肉很鬆化﹐一點都不會黏牙﹐用來送飯一流。注意健康的我們當然少不得還要一碟蔬菜﹐那個蒜茸炒芥蘭我們order 少油多蒜茸﹐都做到了。食物是保持到平時的水準﹐不過這天的服務就真的不敢恭維﹐點了才成半個小時都不上菜﹐如果只得一小時午膳的打工一族就麻煩了﹐幸好我和媽媽這天都有悠閑的心情﹐等就等吧。經理推說是因為廚房跟樓面都有好幾個人因病請假﹐所以服務不周﹐所以最後送了兩個甜品給我們補數﹐不過我看根本就是忘了替我們入單!

2007-08-09雖然不能說是常客﹐但久不久都會去午飯﹐那女部長/經理居然都記得我們﹐可以用姓氏來招呼我們﹐都幾窩心的。附近要找好的酒家實在寥寥無幾﹐陶源不不好﹐不過茶市都是太過嘈吵﹐不適合和客人談話。大家都要保持健康﹐所以都是點了些清淡的食物。先要了個例湯﹐這天是紅蘿蔔粟米煲豬展﹐夠老火又清甜﹐應該沒有味精﹐一煲可分4-6 碗﹐不錯不錯。女部長記得我們不太吃豬肉﹐就介紹我們吃番茄蛋煮牛肉﹐很有家庭feel﹐其實不太適合請客的﹐不過和這個客人都很熟﹐知道他也喜歡家庭feel 的(食送) 菜﹐也就點了。這個酸酸甜甜的﹐又多汁﹐用來送飯一流。沒有給化學品醃過但都幾嫩滑的牛肉不多﹐不過我們都是少吃肉的﹐也ok 喎。紅燒豆腐枝竹﹐味道不會太濃﹐豆腐軟滑﹐但好像不見枝竹﹐是我太慢乎﹖本來想要蒜子香茅班腩煲的﹐不過大熱天時來兩個煲仔菜好像有點過份﹐所以改了個什麼芽菜炒班球算了﹐這個普普通通了﹐班球炒得算彈牙的﹐不過味道一般﹐不過d 芽菜爽口又沒有那股青草腥味﹐好。再來一個魚湯浸白菜仔﹐正﹐那個魚湯濃濃白白的好甜﹐真的想倒出來當湯喝了。甜品例牌的要了杏汁包(這次記得一坐下就預留一份﹐所以不用撲空)