豊勝手丼 (已結業)

又來到平日放假的日子，喜歡一個人的me time，可以自由地走走，逛街，吃飯，下午茶時間，人又不多，可以自由自在地，吃個豐富的一餐。我點了一個北海雲丹丼，一整板的海膽，一塊紫菜包一大片海膽，真的十分之滿足，呑拿魚蓉一大團，香葱芝麻提升更香口，牡丹蝦刺身鮮甜，油甘魚非常之肥美，各款都很新鮮。壽司飯份量剛好。另外點了甲羅燒，蟹膏蟹肉厚厚的，味道濃郁，適合重口味人士，配上脆脆的薄片，加上少許蟹籽。非常之吸引。日式炸豆腐，蘿蔔蓉拌勻醬油，炸豆腐吸收了精華，更加美味。我最推薦的是北海雲丹丼，非常足料。滿足！

登龍街選擇好多，真係眼花撩亂，入左一間日本菜，但好正🤣所以急不及待寫下贅沢蟹丼 $198呢個蟹丼簡直令我驚喜，因為佢嘅蟹膏蟹肉份量非常之多，之前食蟹膏蟹肉都係食壽司，好少成個飯都充滿着蟹膏味，今次就可以滿足晒我食蟹嘅願望了。而且佢仲有蟹子做配料，令到食飯嘅時候口感更上一層樓廚師發辦丼 $278超多款刺身！雖然價格都比較高，但係佢入面又大件又新鮮的刺身就好抵食🤪🤪有拖羅，鮑魚，帶子，三文魚子等等😋😋😋送飯岩哂，我就覺得拖羅最正，因為油脂分布平均，而且好新鮮。朋友就最欣賞鮑魚，因為口感冧身，配以獨家調配的醬油，味道昇華了完熟白桃梳打，信州蘋果梳打汽水已經滿足唔到我，所以叫咗果汁梳打，果味香，令我有雙重享受

今日同同事去食lunch, 試咗呢間日本菜豐盛刺身盛合有甜蝦、三文魚、吞拿魚等，全部都幾新鮮同無渣，海膽更加鮮甜，鹽度就輕微，唔係好鹹個種。 加拿大海膽軍艦因為壽司set有一件海膽壽司，同事話要平分，所以叫多舊，我始終覺得海膽要配壽司飯先好食，因為配埋紫菜嘅味會更正。 豐盛壽司盛合呢個set有12 件壽司，最吸睛嘅係其中一件壽司有原條穴子壽司，有微微燒過嘅脆香，非常滿足 火炎左口魚邊壽司一個字，爽！ 博燒牛肉沙律配和風汁牛肉非常好食，油脂分佈唔錯，提升咗口感，有d微溶嘅感覺，配上清新沙律，無哂油膩！ 吉列炸蠔呢樣真係好，蠔鮮而多汁，味濃。加上炸到非常脆口，下次一定會再叫！食飯之後又再繼續係公司抗戰！😂

這間位於銅鑼灣V Point 的「豐勝手丼」，我一人在銅鑼灣，最想食的日本丼飯頭三名的地方，食物質素高價錢合理而且位置方便就腳。廚師發辦丼廚師發辦板丼，六款刺身款款新鮮顏色與賣相都非常吸引，我最愛的拖羅入口甘香肥美，特大帶子香甜爽口，鮑魚味道濃郁肉緊致彈牙，配上用赤醋處理過的珍珠米，再加上Wasabi和日本醬油，絕對是完美的組合，完全把刺身的鮮甜味道一一提升，絕對有令人越食越想食的感覺。鹽燒安格斯牛肉鹽燒安格斯牛肉，鹽燒後的牛肉加上特製醬汁，油脂和肉的比例平均，入口甘香油潤牛味濃郁，而且份量十足絕對超值。信州蘋果梳打信州蘋果梳打，蘋果味突出略帶微酸加上有氣的緣故，令人越飲越開胃。

最近同朋友一齊去食日式料理餐廳 可以一邊傾計一邊享受美好時光，好多人收工都會過黎選擇多樣化又唔會好貴一入去 環境好有日本風味座位間隔都好寬闊最適合上班族黎聚一聚飲杯白桃梳打 日式包裝 甜甜感覺係好有特式嘅飲品朋友想食 薄燒牛肉沙律份量原來都好多 蔬菜新鮮配上特製醬汁，最重要係有幾片薄燒牛肉點綴燒到好香口 肉質超嫩滑主食有 海之幸丼鋪滿魚生丼飯係日本特色新鮮日本運送 珍珠米軟硬適中配上醬油大大淡食落去既滿足又有魚香味 好值得一試

講起日式料理相信每個人都好鐘意食香港都有好多日本特色餐廳呢一間位於銅鑼灣嘅日本食物除環境好有日本風味外食物質素都好高首先叫咗 吉列炸蠔黃金色外皮 外脆內軟蠔味依然新鮮 口感好特別呀！主食有 廚師發辦丼聽個名就知道係廚師精心設計將最新鮮最受歡迎嘅魚生，吞拿魚入口即融，帶子鮮甜可口製作成一個丼 會試到唔同嘅口味都係日本新鮮魚生 份量夠晒大仲有最愛的鮑魚，夠彈牙新鮮！好味又滿足呀！夏日飲品 蘋果梳打清清甜甜最岩配日式料理啦

話說，約咗一個好耐冇見嘅閨蜜食飯～話說，閨蜜住喺港島區，所以決定去登龍街食日本料理🍣～～.我哋曾經一齊去過大阪著和服👘，所以今次都揀返間裝修得好有日本feel嘅「豊勝手丼」～.有選擇障礙嘅我，最怕揀嘢食！呢度有「廚師發辦丼」，啱晒我乜都唔使諗👏🏻👏🏻第一件事，當然係食片飽魚先啦：夠鮮甜、口感亦唔錯！無揀錯🥳🥳.鰻魚迷一定要揀「豐盛壽司盛合」，有12件唔同口味嘅壽司，包括一件超長的鰻魚壽司😍～～.我地仲揀左一份「日式炸豆腐」，同埋「蟹甲羅燒」：香噴噴嘅蟹膏味，未食已經流口水🤤⋯⋯點形容好呢？！香、濃、滑、rich，總之超好味啦！好滿足🥳🥳

放工約咗朋友仔喺銅鑼灣行街，所以提早咗喺OpenRice訂位. 星期4晚6:30，餐廳店面得3-4個人. 正當我哋討論緊今日食咩好🤔店員主動嚟問我哋有冇啲嘢，特別想食？我哋問下有啲咩推介，佢話可以試吓九鼎丼. 1般餐廳好少會咁. 我哋叫咗呢個丼飯，亦叫咗三文魚腩、帶子、拖羅壽司、炸蠔，仲有2杯生啤. 食物方面，九鼎丼真喺唔錯，幾款刺生都新鮮，特別蟹肉有驚喜、三文魚子唔腥⋯我自己最鍾意佢嘅山葵Wasabi. 不過拖羅壽司麻麻地、帶子壽司較細粒.埋單個陣，發現成間舖頭坐滿8成客，總共700蚊左右. 日本嘢嚟講，食物質素唔錯、價錢都抵食.

這間「豊勝手井」和朋友吃過幾次丼飯，丼飯已經冇得彈，估唔到手握壽司一樣有水準👍🏻豊盛壽司盛合🍣豊勝盛合12件壽司，有拖羅，牡丹蝦，穴子，帶子，吞拿魚蓉等，件件新鮮，厚薄均勻。穴子壽司長過隻碟好多，外層輕輕讓火槍燒過煙燻味令穴子更升層次。拖羅更加唔使講入口即化，油脂滿滿。帶子軟軟有彈性鮮甜，吞拿魚蓉還加上小蔥花芝麻很惹味，總括來説一個盛合能滿足到我不同口味。薄燒牛肉沙律🥗薄燒牛肉燒得三成熟左右，油脂分布均勻紅潤鮮明，又不會狂飆血，軟熟牛味濃！完熟白桃梳打🍹白桃味足又有氣泡，完美配搭！

九鼎丼呢個九鼎丼啱哂唔知想食咩嘅人！入面有九種唔同嘅時令食材，包括有海膽、蟹膏、蟹肉、三文魚、拖羅、三文魚籽、油甘魚、鯛魚同鰻魚。一次過就可以享受九種滋味！海鮮五色丼驚人份量嘅海鮮丼！珍珠米上面鋪滿新鮮魚生，仲有我最鍾意嘅帶子，非常鮮甜，每一啖都超滿足！蟹甲羅燒呢個蟹甲羅燒係必食推介！燒過嘅蟹膏非常綿滑惹味，配以脆口嘅梳打餅加上葱花嘅點綴，一齊食味道非常夾同埋有層次嘅口感。越乃雪樁 花 純米吟釀呢款純米吟釀口感醇正，而且爽口頗為容易入口，非常適合飯後小酌一杯！

收工同朋友去銅鑼灣行街食下飯, 就選擇左呢間日本野.辛勞左一日, 坐低叫左支日本清酒試下, 輕鬆下先.越乃雪椿 「花」純米吟釀 - 口感細緻，清雅花香和米之旨味並存，酒質舒適，酒味柔和，酒香悠然，表達出雪椿花在寒冬後於初春盛放之意景九鼎丼 - 淨係個擺盤都贏左9條街, 超級靚, 打卡必點, 一次過可以試晒9種唔同既海鮮. 海膽十分鮮甜, 易入口. 蟹膏味道就非常濃郁, 鐘意食蟹既必試. 另外仲有現拆蟹肉, 啖啖都係蟹肉.蟹甲羅燒 - 松葉蟹膏釀蟹蓋, 蟹膏上面加咗些少蟹肉, 滿滿的蟹膏, 在烤爐上香氣不斷翻滾, 與清酒十分搭配

超普通質數食物， 全部魚生係已經切定， 放上面都等左30分鐘， 沒有海膽 說補turo. 來到只是turo蓉， 全枱人都聽到turo , 味道好一般， 不用再來，收費同質量不相符， 不會再來 ， 大把位沒坐滿， 問我有冇booking.

平日夜晚走入登龍街，一街美食林立，最後我地決定要試試日本菜，便來到豊勝手丼。店鋪不算太大，勝在裝潢充滿日式風味，而且座位都算寬敞，坐得幾舒服。首先叫了兩份炸物及燒物醒醒胃，一份是忌廉蟹肉薯餅，一份是蟹甲羅燒。先試試炸物，薯餅外層脆口，內層忌廉厚身，混住蟹肉食，感覺滿足。另一份蟹甲羅燒更是驚喜，一上桌已經有蟹膏香。再將蟹肉、蟹膏和蔥攪勻，配上梳打餅食，淡味的梳打餅完美呈現濃郁的蟹膏香，重點是「真。蟹膏」的味道充滿整個口內，絕不遜色於大閘蟹呢！ 接着上桌的是豊勝壽司盛合，十二貫的配搭最適合我這種貪心又有選擇困難症的人。待應貼心推薦我先吃白身魚，再吃赤身。深海池魚、立魚鮮甜爽口；油甘魚及赤蝦厚身軟嫩；兩款火灸絕對是亮點，左口魚肉質飽滿，大拖羅肥美無筋，兩者透過火灸再返魚身本來的油香，絕對是大滿足！還有拆絲蟹肉、原條穴子，絕對是值回票價！ 朋友對他的廚師發辦丼也讚不絕口呢，最後我們配上兩枝梳打，為晚餐畫上完美句號。

今日食呢間一直想試好耐又非常出名嘅勝手丼店，一試難忘決定要留個好評分享下。呢個地方雖然唔算大但空間感十足，坐落去都好舒服仲有陽光照射。一行入嚟已經見到門口有個木牌寫住歡迎任添日本壽司飯，對於非常愛吃飯嘅我覺得好吸引。我哋一開頭嗌左個簿燒牛肉沙律做頭盤，冇諗過有咁多牛肉，沙律菜非常爽口，倒啲燒汁落去好夾，酸酸甜甜非常開胃，牛肉算係入口即溶，亦都夠厚好有好感。啱啱好食完就即刻嚟咗兩個今日嘅重點——贅沢蟹丼同廚師發板丼。蟹丼入面嘅蟹肉絲、蟹膏同飯既比例幾乎係1:1，非常足料，蟹肉亦都好鮮甜，啖啖肉，食完個口都有一絲絲蟹膏味，配啖茶將個蟹味跟上一層樓作為蟹刺身嘅忠實粉絲，忍唔住嗌多個蟹甲羅燒，個蟹蓋入面非常多蟹肉絲同埋非常濃烈嘅蟹醬，配埋魚絲口感無得彈😋😋👍🏽建議大家唔使慳住啲蟹膏食，我哋兩個人分食極都食唔晒，好滿足！雖然最後都冇添加飯，但已經好滿足，份量和質素絕對對得住個價錢，絕對值得一試。

時代廣場入面嘅餐廳又貴又係連鎖舖頭，所以就去登龍街覓食下，見到呢間日本餐廳裝修好似幾特別好日本咁樣，所以就試吓。薄燒牛肉沙律配和風汁 $68唔好睇小普通沙律一定唔好食，佢嘅牛肉超高質，牛肉味好濃，，配埋佢嘅和風汁，成個沙律高咗層次豐盛刺身盛盒12切 $288雖然都成$300 ，但係佢嘅質素超值，除咗因為佢嘅刺身種類多之外，佢嘅新鮮程度亦都可以媲美喺日本食🤣🤣我最鍾意係食佢嘅三文魚同埋油甘魚，好香油脂味鹽燒鯖魚 $78雖然鯖魚好多舖頭都有得食，我就想讚佢個汁，佢個汁係柚子汁，令到食鯖魚嘅時候冇咁油膩，而且唔會燒得太過火，唔會乾，魚質啱啱好。總括來講，呢一間餐廳我都會再來試