豐信餃子店

营业中

休息中

📍 豐信餃子店📍 太子 𝗣𝗿𝗶𝗻𝗰𝗲 𝗘𝗱𝘄𝗮𝗿𝗱 • 汝州街17號地下A號舖-《豐信餃子店》位於太子，從太子地鐵站D出口走一兩分鐘就到了主打新鮮手工製作的餃子，餡料多款，煎餃、湯餃皆有，其中湯餃的湯底是無味精的椰子雞湯，好好喝的‼️每隻餃子大大隻，超足料、超飽肚🥟每次來到都大排長龍，人氣超高️‼️-芝士粟米鮮肉餃 金沙餃 ($59)餐廳在煎餃上加點新意思，裹上鹹蛋黃醬，變成超級邪惡跟好吃的【金沙餃】！粟米鮮肉餃一向是本人必點之選🌽，加入芝士也很搭，而且不會很膩！煎得香脆，再裹上鹹蛋黃醬，層次也太豐富！價錢為「煎餃」的價錢加$16 (芝士粟米鮮肉煎餃 $43/7隻；改成金沙餃就$43+$16=$59)•香菇鮮肉餃 拼 韭菜鮮肉餃- 酸辣湯 加 薯粉(香菇鮮肉餃 $53/10隻、雙拼+$2、酸辣+$10、配麵+$8) ($73)【香菇鮮肉餃】的菇味香濃，口口都吃到彈牙的香菇粒，超喜歡【韭菜鮮肉餃】同樣口味濃郁，韭菜迷必點！.有嚐過他們的椰子雞湯，能在吃餃子的同時，喝到鮮甜、可口、暖胃，還是無味精的湯，實在是一大享受❤️這次想加配麵食，於是點了【酸辣湯】配【薯粉】可惜酸辣湯的味道偏辣，沒什麼酸味😢

🔸湯餃/煎餃 @10隻 $45起🔸邪惡金沙煎餃 +$16🔸招牌袐汁拼盤 $45🔸羅漢果甘草茶 $10🔸菊花蜜 $10-每次經過太子想食餃子都會諗起依間豐信餃子店，係區內超人氣嘅排隊店，無論煎餃、湯餃都一樣咁正！同男朋友一人揀咗碗湯餃，湯底係標榜絕無味精嘅椰子海帶鮮雞豬骨濃湯，鮮甜好味。我揀咗麻辣白菜鮮肉同香菇鮮肉；男朋友就揀咗芫茜鮮肉、小棠菜鮮肉餃子。餃子粒粒都大大粒，皮薄爆餡，每枱仲有自家製炸菜、辣醬同豆瓣醬可以點。另外仲叫咗咖哩椰菜鮮肉、芝士粟米鮮肉煎餃，加咗邪惡嘅金沙喺面，煎得香脆而餡係最夾的，勁正！小食有袐汁拼盤都可以一試！

近呢幾個月都係嗌分湯又唔分，真係好燥，上次小食比錯嘢又要去換，淋哂啊啲麵，唔分湯，連湯都好粉。明明有得比人選擇分湯😅😅😅😅😅又唔做可唔可以睇下張單😅😅😅

小店長期出現人龍，人氣高企，餃子款式繁多，每顆足料飽滿脹卜卜，另設季節限定之餃子可供選擇。由於店內座位不算太多，食客需耐心等候片刻，才能入座。餃子店靈魂湯底是椰子海帶鮮雞豬骨濃湯，飲完不口喝，清甜可口，用心製作，餃子足料飽滿，皮薄餡靚，十分滋味！南瓜粟米鮮肉餃粒粒南瓜和粟米，口感十足，滿滿纖維，南瓜鮮甜，令餃子更清甜芫荽鮮肉餃芫荽控必食，內餡充滿芫荽香，感覺清新不油膩，清新之選椰菜鮮肉餃皇牌精選，片片椰菜混入鮮豬肉，滿載肉汁精華，十分滋味香菇鮮肉餃菇味重，內餡淡淡香菇味，齒頰留香涼拌海蜇 海蜇爽口彈牙，伴上葱花麻油，香口惹味香煎豆腐豆腐煎到微燻，與香葱華鹽一起吃，味道變得更豐富豐信餃子店📍地址: 太子汝州街17號地下A號舖(太子站D出口步行

夜晚六點幾經過太子見到有間好多人圍住嘅餃子店，跟人龍搵食一定冇死，於是決定試下等左十五分鐘先有位，兩個人要搭檯坐，坐得幾逼，不過食餃子都預左🤣睇落價錢幾經濟實惠，數量有7隻同10隻揀，加$2可雙拼，款式亦相當多，有十幾款餃子，不過有d款已經賣晒，例如薺菜、西洋菜，想試要早d去。我試左最傳統嘅白菜豬肉餃湯餃，湯底係椰子豬骨湯，無味精好好飲，值得一讚！餃子勁大隻，肉同菜比例大約8比2。另外雙拼咗麻辣白菜豬肉餃幾有驚喜，加左辣椒入去餡料更刺激。朋友叫左咖喱味同韮菜味，其中咖喱味嘅餃子好出，味道有多d層次，而韮菜亦唔錯，帶有韮菜香味小食試咗滷水拼盤，有雞翼、雞腎、牛展、雞蛋，滷得好夠味飲品都有多選擇，除左豆漿亦有特別嘅養生飲品，試左青檸蜜同柑桔蜜幾清新埋單百幾蚊幾抵食，走嘅時候仲有好多人排堂食同叫外賣，味道又唔錯又夠飽肚，想食就要多d腳骨力等一等啦

Bookmark咗超耐呢間餃子店🫦建議大家係GULU app拎定飛先,如果唔係就要係門口有排等啦🤨以當日平日嘅經驗大概7:00拎就等咗50分鐘左右🤞🏻🔺芝士粟米鮮肉金沙餃(10隻) $53+16呢一個餃子好耐之前已經好想食終於食到了💞餃子上面佈滿了鹹蛋黃碎係整到起沙💛鹹蛋黃唔算超級濃但已經很足夠再多嘅話就會好滯🥰而芝士餃煎得好脆入面快有好多芝士都好濃郁🧀反而粟米就唔係好食到~鹹蛋黃加芝士餃真係冇得頂但就好邪惡🤭🔺韭菜鮮肉餃拼椰菜鮮肉餃(10隻) $47兩款餃子都好大隻,皮都唔會好厚🥟內饀都滿滿而且調味都好足夠🙌🏻韭菜餃韭菜比例較多肉就少啲,唔會超濃味,朋友很喜歡💚個人就鐘意椰菜多啲,肉比例多啲,椰菜少啲但呢個就濃味少少💦🔺菊花蜜 +$10係餐廳自家制涼茶係健康的味道🤙🏻有涼茶的感覺但不苦同不甜,菊花味都重🌼🤤好味度 : 9/10🔙回頭率 : 9/10

呢間🌸豐順餃子店🌸喺太子都算出名，我淨係walk in都要等半個鐘至九個字先入到🥲🥲，仲要入到去有好多款餃子已經冇晒🥲，店舖面積又唔算大，坐落都非常逼夾🥲，不過又係可能有好評嘅關係，所以先吸引咁多人慕名而來，其實全香港都有超多餃子店，但暫時食過好過呢間大有人在😅🥟涼拌海蜇 $22 :呢款涼拌海蜇，價錢都唔算貴，不過賣相同色澤就差啲😅，首先食物溫度係室溫度數，完全唔算冷盤😅，食落都唔係太過爽，麻油都唔多，可能因為唔係凍嘅關係，加上個口感一般，新鮮度有待改善😅🥟韭菜鮮肉餃 $47 :叫咗兩款蒸餃，都係經典味道，韭菜鮮肉煎餃，煎到兩面金黃色，賣相都唔錯，大大件，一份總共有10件，價錢合理，不過佢隔油紙變咗透明都知咩事😅，皮唔算薄，菜多肉少🥟香菇鮮肉餃 $55 :另外一款係香菇鮮肉煎餃，都係10件份量，因為有冬菇嘅關係，所以都幾惹味，餡料方面份量都係咁豐富，只係本身餡料醃製出嚟嘅味道好一般😅🥟雲耳椰菜鮮肉餃 $50 :呢一款就係湯餃，佢哋係用咗椰子海帶鮮雞豬骨濃湯熬製而成，其實我覺得個湯底比較清淡，油份都多，但椰子味較為重，所以色澤睇落唔淡，佢哋嘅湯餃比煎既優勝，呢款加左雲耳椰菜嘅鮮肉食落口感

喜愛豐信的原因唔洗多講餃子隻隻飽滿實在，椰子海帶湯底冇味精，餃子有傳統口味，唔同季節又有新款式不過最喜愛還是便宜大眾化的價錢，即使糧尾無錢洗，你仍然會去食。-白菜湯餃 皮薄爆餡，芫白菜豬肉內餡包得飽滿實在的白菜 口感清脆， 清甜又新鮮新鮮。其實叫7隻已經好飽-韭菜湯餃傳統口味永遠唔會輸，韭菜餃子非常juicy多汁，差D連飯匙都裝唔起，內餡吃起來也夠香。-煎粟米芝士餃子十分推薦煎粟米芝士餃子芝士拉絲的咸香更突顯左粟米的香甜味，簡單7隻2人share食唔怕太熱氣。-仲有各款小食，唔好唔記得叫滷水牛展，滷水入味之餘，本身也淡淡肉，肉味香濃四溢大推🥰🥰

6:45 行過好似不多人、叫53 號飛、拎左70 號飛、－等居然－小時、眼見有啲3-4 個人食飽又唔走、係度吹水！平時我只會外賣，今日打算吃煎餃、所以等位，等左－小時，－坐低我就叫素餃同上海粗面、點知店員話賣曬、、平時都冇所謂叫第二D、但係今日初－齋期變咗乜都唔洗食、但係因為等左－粒鐘、唯有叫上海幼面、豆腐、菜、鹵蛋。大家如果係食素、幸好豆腐、上海幼面同鹵蛋也不錯！記得入店之前問清楚、又或者店舖考慮update 等位嘅人什麼餃沽清！

呢間餃子店人氣度高咁岩果日時間早就一於去食下點知黎到都係要排隊 犀利•芫茜鮮肉餃🌿身為芫茜粉當然係必點入面滿滿芫茜 重茜味呢個大推必點•芝士粟米鮮肉餃🌽一口咬落去 入面既芝士加埋粟米味道就還好 但唔食得多如果唔係會太膩•邪惡金沙餃 椰菜鮮肉餃呢個超級邪惡用鹹蛋黃整成嘅餃子餃子可以自由選擇鹹蛋黃食落唔太出同唔重味如果可以濃味少少會更加好🫶🏻

滿心期望揾到呢間餃子店，又上榜又甘多好評，諗住一定好好食，點知勁失望！無論你叫咩餃子都好，啲肉係醃死曬甘既味，好鹹同變左質😫呢啲肉都唔知擺左幾耐先煮來食。環境好逼下，衛生麻麻麻地，坐近廚房，聽到阿姐叫同事話煮左上面個盆餃子先，話擺左好耐😨我O曬嘴！炸餃好油，仲見到一盆醃左既生肉就甘擺左入雪櫃，無揾保鮮紙封，期間，啲客要既豆漿都係同一個雪櫃到，不停開開關關唔知幾多次😰呢間野無下次，幾多好評都係假！

汝洲街呢間餃子店真心唔錯 食物好食之外服務都唔錯👍🏻野食好快上枱 叫左兩款餃子 芫荽鮮肉餃同埋香菇鮮肉餃 兩款餃子都好大隻 餡料超級滿超多肉 仲好夠味!拼盤亦好大份好抵食👍🏻

想比樓面鬧就去幫襯 😡😡之前一直好想去試下呢間餃子 🥟趁今日放假想買少少生餃子番屋企試下啦 入到去 問餃子幾多錢 個樓面咩都無講 就咁隊menue 過泥 睇泥睇去都無寫生餃子幾多錢 於是就問下個後生女 點知好惡咁話：咪一樣價錢囉 🙄 之後我話要韭菜餃 同 西菜菜餃 條女大大聲話無西洋菜餃 咁你要幾多隻 我話你地都無一打賣 （因為menue 得10隻咁賣 ）佢應都無應機就去打單 事後10隻餃之後開始收多$4.5 1隻 其實無心做咪執左佢囉 做得樓面就要同客溝通 💬💬💬我唔係要你5星級服務 但唔需要比你呼呼喝喝 無禮貌對待 賣幾多廣告都無用 覺得d客係仇人 以後都唔會幫襯 寧願去後面食番美味餃子店仲開心 態度正常好多

真心咁大個人食過最差嘅餃子，冇之一。叫咗一份麻辣菜肉煎餃、一份芝士粟米煎餃、一份湯白菜豬肉餃，另加可樂、一支菊花茶同青檸蜜。先講衛生，想搵隻碟裝醋，拎第一隻，有菜渣依附，拎第二隻，又有啲乾咗嘅菜片，拎第三隻，終於冇嘢痴住，但一摸碟底….濕㗎喎…再拎多幾隻，都係濕嘅…明白小店人手有限，但衛生都要注意….見到係小店咁多人排隊，唔計較衛生太多啦！煎餃只屬正常水平，冇咩特別。皮夠硬淨，但整體唔係好驚為天人！好多餃子店都做到。重頭戲湯白菜豬肉水餃上場！耐過煎餃上場已經好奇怪，每隻湯餃都係穿嘅！睇到嗰陣都打個突…灣x碼頭都唔會穿到咁！係每隻都皮開肉綻！圖片隻餃係冇特登夾穿，上枱就係咁樣！都姑且食下咩味道…皮好滑，係夾唔起嗰隻滑。肉餡都係滑，係滑潺潺嗰隻滑，係放入口你係覺得奇怪口感嘅滑！望落去個肉餡似加咗浸薯粉之類嘅嘢，所以係好滑潺潺同奇異地反光。真心冇辦法食完呢碗餃。菊花茶味道好甜，而且味道並唔係平時飲開菊花茶嘅味，係有少少怪味。青檸蜜就冇乜青檸味。全餐最正常就係罐可樂！完全搵唔到一個理由點解呢間店係排晒長龍，食咗咁多年餃子比啲間店完全顛覆我對餃子嘅認知，每隻湯餃都皮肉分離，真心食灣x碼頭都好食過

上午十一時多在紅磡游完水，乘港鐵經何文田站去太子站附近暖心芝作買了兩樽芝麻醬，因為有些肚餓，所以就在附近覓食。見到這間餃子店，覺得價錢尚可，人客有幾個，因此便進內一試。叫了椰菜肉餃7隻湯上，價錢$38。侍應生端來時眼見每隻餃子都飽滿靚仔，頓時有所期待。咬上口味道及肉汁都合格，唯獨是喉嚨有些受不了，估計可能是味精影響關係。有點覺可惜，日後大概都不會再光顧了。本打算不用叫飲品的，最後估計是味精令我太口渴，不得不叫了樽凍豆漿。樽上有製造商標貼，是正遠豆品供應的。這樽豆漿可真的幫了我減去了約七成口渴。豆漿味道濃郁，甜味是淡淡的，感覺健康又舒服。因為我是吃完餃子才開始飲的，所以我是一啖一啖慢慢細嚐。豆漿需要改善的地方，可能是樽蓋。其白色的樽蓋有注明食用到期日，不過可能是因為黑色油墨緣故，有脫色情況污染了白色樽蓋，亦因此令我產生衞生考慮，所以在開蓋後，我用了紙巾抹乾淨樽口。我平時甚少會這樣做的。結賬是見到生意不錯，驟覺自己的味精忍受度實在太低了。我想是前三年疫情自家下煑多了，脫離了街外飲食味精太久了關係。