豚丼のぶたはげ (德福廣場1期)

营业中

休息中

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎🌟 日本產稀有豚肉天丼定食 𝗝𝗮𝗽𝗮𝗻𝗲𝘀𝗲 𝗣𝗿𝗲𝗺𝗶𝘂𝗺 𝗥𝗮𝗿𝗲 𝗣𝗼𝗿𝗸 𝗟𝗼𝗶𝗻 𝗧𝗲𝗻𝗱𝗼𝗻 𝗹𝘂𝗻𝗰𝗵 𝘀𝗲𝘁一上枱勁吸引，炸物鋪滿晒成個碗，而丼飯就好熱好香。炸衣超薄但非常香脆，豚肉既肉汁比個炸衣鎖住，少少都冇因為炸完而流失，正呀。另外，佢本身已落左d 調味係個飯道同埋已經好夠味，唔需要再加汁。白飯漲卜卜軟淋淋勁好味。豚肉湯一望就知好足料，味道都唔錯，但略嫌肥左少少。成個餐食完真係好滿足，非常高質，如果價錢平多少少就完美🥰📍 豚丼のぶたはげ九龍灣偉業街𝟯𝟯號德福廣場𝟭期地下𝗚𝟱𝟰𝗔𝟮號舖𝘚𝘩𝘰𝘱 𝘎54𝘈2, 𝘎/𝘍, 𝘗𝘩𝘢𝘴𝘦 1, 𝘛𝘦𝘭𝘧𝘰𝘳𝘥 𝘗𝘭𝘢𝘻𝘢, 33 𝘞𝘢𝘪 𝘠𝘪𝘱 𝘚𝘵𝘳𝘦𝘦𝘵, 𝘒𝘰𝘸𝘭𝘰𝘰𝘯 𝘉𝘢𝘺

來自日本人氣豚丼專門店⋯⋯睇到雜誌咁寫。呢個店舖位前身係丼丼屋，我仲認得某個服務員添，唔知係咪又係美心集團引入🧐 望一望餐牌個豚肉丼都似丼丼屋個個😝 呢一晚都算好彩，拎咗飛要等成十張枱，但好多未嚟到，係咁叫號碼⋯⋯好快就叫到我哋，好開心，好彩無走人🤣入到去，仲要係張靚枱😁😁 環境都幾好，係好似細咗啲。 好快可以睇完餐牌，對我倆嚟講，選擇唔算多，加$28可以變定食(包括味噌湯、野菜小食、茶碗蒸及甜品) 其實都幾抵，但我倆唔太肚餓，所以無加lu。我都係揀返以前嘅豚肉丼(並)要肉眼個隻，貴四蚊，因為我怕豚腩肥😛 女友就天婦羅，揀咗並天丼，有三隻蝦、魷魚、蕃薯、露筍、紫菜⋯⋯應該冇漏😛 用手機落單，食物都好快到，每個丼都跟都碟小前菜 (似芝麻菠菜)，好味👍🏼😋 我個豚肉好香，寫明係網燒😋 比起丼丼屋個個好味好多😛 肉質都好ok，個汁又好味，又夠熱，本人就覺得好好味👍🏼😋並天丼都好正！天婦羅炸得好好，唔油膩，又好味，成個丼都正，除咗塊紫菜，因為唔夠紫菜香味，搞到無咩味 🤭呢間我會再嚟，寫緊食評呢一刻都有少少掛住個丼飯😋😋😋

🍭九龍灣德福最近新開咗間豚丼，主打北海道帶廣名物豚丼，裝修都幾日式，以紅色及木條作簡約設計，午市限時75分鐘，用電話掃code落單，方便稀有豚肉即係豚肉眼，肉質有咬口，未去到好幼嫩，稍嫌有d韌，但有極香濃嘅豚肉味，加少少油脂，非常焦香，醬汁甘甜，ok啦🔸豚肉湯好足料，幾好飲，但應該好肥😂🔸茶碗蒸d蛋好嫩，好味😋🔸甜品可以解下膩天婦羅就有山藥，茄子，南瓜，紫菜，糖心蛋，當然唔少得4大塊豚肉啦🤩好大碗呀，實在太邪惡啦天婦羅嘅炸粉好薄好脆，又唔會太油，佢嘅飯係珍珠米，好煙韌撈埋d汁好好食第一次食天婦羅紫菜同埋溏心蛋，原來又幾好食😂紫菜就好似食薯片咁而天婦羅豚肉仲好食d，冇咁韌，好香豚肉味呢個湯係野菜味噌湯，清清地幾好飲整體可以一試，食物唔錯，座位有少少逼🙈有興趣嘅朋友可以手機拎飛先，去到唔使等咁耐

去過北海道內陸地區旅行的人，大概也知道富良野及道東之間的十勝帶廣一帶，係日本的重點農作物產地。如果講到美食，十勝以紅豆及乳制品最出名，帶廣就一定是豚丼。「美心集團」最愛引入日本當地食店，「千両」、「一風堂」是成功例子，最近又引入一間新店，今次就是來自帶廣市的「豚丼のぶたはげ」。其實美心集團早在幾年前已經在旗下的「丼丼屋」引入「豚丼のぶたはげ」的豚丼，只是當時並沒有大肆宣揚這碗丼源自帶廣的豚丼名店。估不到一直拖到近月，終於正式以帶廣名物「豚丼のぶたはげ」的名義開店。新店位於商場內，遠處望過去同日本火車站內、或大城市地下街商場內的小餐廳差不多，門口一樣掛了門簾，同樣有個小櫥窗；不過櫥窗內所展示的只是盒裝便當及豚丼醬汁，並非日式料理店必有的食物模型。內裏裝修同樣是典型日式小店風格，以淺色仿木材為主調，裝修簡約。設有一列矮身吧枱座位，前面就是封閉式廚房。雖然與拉麵小店的開放式廚房不同，但就安裝了一幅大玻璃，客人可清楚看見豚丼的炮製過程。忽然間看見紅紅烈火，站起來張望；原來正在用猛火烤豚肉。近幾年，「美心集團」旗下的連鎖餐廳小店（傳統「美心 MX」除外）都轉用了QR code自助點餐，甚至沒有餐

見佢冇乜人排隊，所以果斷入去食，本身諗住事但食餐就算，點知俾佢質素嚇咗一大跳！叫咗個刺身當頭盤。淨係望落都新鮮！個帶子好鮮甜，蝦都好爽脆，三文魚雖然唔係啲肥嘅位，但係都好香好有魚味！店舖都幾細心，隻放刺身嘅店係凍嘅！呢個做得好！叫咗個豚肉丼（跟餐）。份量都好大！野菜入面都有幾多種菜。味道清淡。茶碗蒸蛋味濃，非常滑！熱辣辣咁食，非常正！豚肉味噌湯，入面料好多，有紅蘿蔔、好多豚肉，仲有啲蒟蒻。正！戲肉一定係個丼飯！佢嘅豚肉非常軟嫩，有油脂嘅香氣，而且上面嘅焦香，都令成碗飯非常好食！底下嘅珍珠米都好有飽足感！最後個甜品都非常正！食完唔會口渴！成個set都好正！大推！

前一段時間已經留意呢間店裝修以前覺得上一手豚肉飯好吃見新店開張試一下食物內容少只能電子支付無發用現金叫左2個豚肉飯結果一個濃曬邊一個正常飯比較濕還是前一手好食！

九龍灣新開咗一間日式餐廳，睇名以為佢係貴版嘅吉野家😂所以陳記幾次話食，我都話無興趣~實際上佢係一間主打網燒，以北海道十勝帶廣稀有豚肉作招徠😋廣帶名物稀有豚肉丼 $92一碗豚肉丼有4片稀有豚肉，超香網燒香味，入口肥美細嫩！肉汁滲透至米飯，連每一啖珍珠米都有炭燒香😋

新開張來自北海道豚肉丼專門店豚丼のぶたはげ，喺日本歷史悠久，以獨有豚肉醬汁著名👍今晚有人接放工就去試下新嘢💕德福廣場果然多人開餐，7點黎到要等一陣先入座 稀有豚肉天丼($95) 💕喜歡天丼嘅朋友一定要試呢個豚肉天丼，豚肉天婦羅大概3-4塊，豚肉油脂分佈平均，外脆內軟，口感唔錯。配上獨有豚汁，好惹味。加上好多配料：蛋天婦羅、南瓜天婦羅、海苔天婦羅、露筍天婦羅、山藥天婦羅，夠哂豐富👍 單品加配定食(+$28)定食配有味噌湯、副菜、茶碗蒸及甜品味噌湯足料，似吉豚家嘅味噌湯，有蘿蔔薯仔副菜幾好食茶碗蒸係我最愛，黎返最後食🤣甜品係寒天，少少煙韌 稀有豚肉丼並盛($92)好味指數 🌕🌕🌕🌕🌗抵食指數 🌕🌕🌕🌕🌑打卡指數 🌕🌕🌕🌑🌑推介指數 🌕🌕🌕🌕🌑推介菜式會以💕表示

又有日本店進駐香港啦！已經有2間牛肉丼進駐左香港，今次等到豚肉丼啦！暫時只接受電子付款，環境幾闊落舒適。豚天丼個人認為係即叫即整因為都等咗10-15分鐘，天婦羅炸皮薄又脆，一咬開熱辣辣，即使入面係豚腩肉都唔會好油。豚肉經過日本專家嚴格評級架，獨創天婦羅汁，每一啖飯都有汁架，唔會乾爭爭。除咗豬腩肉，天婦羅仲有南瓜、秋葵、牛蒡同溏心蛋。隻蛋仲有少少流心好有驚喜，拌飯一流！豚肉眼肉眼雖然冇腩肉咁稔，但都唔會好韌，網燒又有另一種味道，燒得好香，祖傳醬汁比天婦羅汁味濃，可能會咸少少。並盛係正常size，如果覺得唔夠食可以要特盛。用電話自己落單，可以升級變定食，會有味噌湯、甜品等。不過我哋唔太肚餓所以冇升級。唔升級都有碟小沙律送架。

九龍灣開咗一間北海道過江龍，專食豚肉飯，非常思鄉嘅我，梗係第一時間去試吓啦！🍴帶廣名物稀有豚肉丼(並盛) 正常size $92升級套餐 (味增湯，前菜，茶碗蒸，甜品)+$28平時飲味增湯就真係好怕好鹹，但呢個唔會，淡淡味增味，加上好多蘿蔔嘅清甜，好好飲！茶碗蒸嘅蛋都好香滑，好香高湯嘅味道，裏面仲有好多小干貝，好食！前菜都係甜甜地，係雜菌菜同埋薯蓉撈埋一齊。呢個稀有豚肉即係豚肉眼，聽到好似好高級，肉質啱啱好，未去到好幼嫩，但極香濃嘅豚肉味，加少少油脂，非常焦香，醬汁甘甜，都好好食😋甜品係類似涼粉嘅物體？啲黑糖汁喺上面，識落就同涼粉一樣口感，偏硬身嘅啫喱，冇乜味，黑糖都好香甜，都唔錯。推薦指數: 8/10估唔到呢間比想像中好食，好似返咗去日本食豚肉丼咁，加嘅套餐$28個人覺得都幾抵食，食完真係好飽肚，都推薦大家去試吓！

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎德福開左新野，用左日式𝘮𝘶𝘫𝘪風作裝修，中午時間限時75分鐘。可以用電話黎電子落單，亦都有提供𝘱𝘢𝘱𝘦𝘳 𝘮𝘦𝘯𝘶，夠晒方便。同埋佢淨係收𝘦𝘗𝘢𝘺𝘮𝘦𝘯𝘵，一點三左右食完出黎已經大排長龍。🌟 野菜天丼 🥦𝗩𝗲𝗴𝗲𝘁𝗮𝗯𝗹𝗲 𝗧𝗲𝗻𝗱𝗼𝗻 ($𝟳𝟱)本身以為食野菜天丼既炸物唔會好豐富，點知黎到之後好有驚喜😍。有好多炸物鋪滿成碗飯! 有山藥、紅椒、茄子、大蔥、南瓜、紫菜... ...仲有好搞笑既菜，第一次見成𝘱𝘢𝘵 菜一齊點炸粉拎去炸，點知脆脆地又幾好味喎! 天婦羅既炸粉厚薄啱啱好，食料又好味同埋啱啱炸起，暖暖地幾正。 佢既飯係用左珍珠米，飽滿得夠幾有嚼勁，同埋本身已經淋左𝘥 醬汁係飯入面，所以都幾濃味，但係食到尾可能𝘥 醬汁係底我冇撈勻，所以覺得咸左少少。要讚既係𝘥 天婦羅雖然放係飯上面，但係食到底𝘥 天婦羅仲𝘬𝘦𝘦𝘱 到脆。🌟 有廣稀有豚肉丼 (並盛) 𝗢𝗯𝗶𝗵𝗶𝗿𝗼 𝗠𝗲𝗶𝗯𝘂𝘁𝘀𝘂 𝗣𝗿𝗲𝗺𝗶𝘂𝗺 𝗥𝗮𝗿𝗲 𝗣𝗼𝗿𝗸 𝗟𝗼𝗶𝗻 𝗗𝗼𝗻 (𝗥𝗲𝗴𝘂𝗹𝗮𝗿) ($𝟵𝟮)呢個係佢既招牌菜式，所以就試下。佢既豚肉丼有4

幾好食晤錯,可以再幫襯,價錢就貴咗少少,不過水準都幾高,塊豚肉就細塊咗啲,飯ok,可以揀叫set或淨丼飯,環境舒適整潔,店員態度親切,不過北海道帶廣正店豚肉大塊好多！