豚組 (已結業)

因要到銅鑼灣，看見這裏的好評也不少，就試試看。來到的時候沒有人排隊，店員知道我們沒有訂位，就請我們在門外等等，因在七樓，門外就是等升降機的小小空間，還算整齊。不久陸續有幾對也來了，也在門外站著，頓時有點擠逼。等不多久就有位了，我們被安排在近牆邊的二人位上，其他的有卡位（二至四人的有三至四張枱），中間一排的卡位，每一組最多可以坐約八個人，所以一大班人都可以在這裏聚聚。在座位上都有一兩個豬豬，作為裝飾或點綴都很有趣。桌上擺著三樽的醬汁，有兩樽知道是作沙律用，一壺白色的之後就知道是與磨碎的芝麻一起用。我們點了食品後，服務員小姐就先拿了一隻碗和一個樁來，碗內有芝麻，看見鄰桌的動作我們也略知它的目的，那位小姐似乎知道我們是第一次，便介紹如何處理芝麻、磨多少時間等，又囑咐我們之後可以加那些秘製醬汁，然後豬扒可以點這醬汁吃用。這是海鮮奄列，雖說是海鮮，但不易察覺裏面是有甚麼材料，但一口咬下去，很滿足和惹味。厚切豚肉辣湯烏冬，豚肉很大塊，腍之中又不會散，是煮過後再煎，層次分明，還有軟腍的軟骨，有三大塊，味道不錯。烏冬滑溜，湯也好味，但略嫌細小，想多喝點湯都不夠。芝士包包定食，薄薄的豬扒加上芝士，炸起後

行完銅鑼灣食dinner~見到好多人~就呢間la個名同豬有關~一定要食豬我叫左吉列極黑豬定食~~~~~~~好大塊:味道好~肉質好鬆~吉列好脆~女朋友叫左吉列大蝦定食~~~~~~都好大隻~~食入口係好新鮮~唔錯由於我地唔鍾意嘈既地方~~食完好快就走左~食物水準可以~係貴左少少~同好嘈~

自問都食過唔少吉列, 香港/日本/台灣都有. 但係今次先係第一次幫襯豚組. 因為係銅鑼灣想食吉列,通常都會去左某店. 今次食豚組好老實係因為佢平d,今時今日都唔可以餐餐都食貴野.六點幾上都去無咩人,可能因為早,又可能已經無初初開咁多人(自己估).坐位都可以選擇,唔會同你講訂晒位.點了一個白豚+蠔,一個蝦.白豚+蠔先來,蝦就遲十分鐘有多.唔知呢到有無 '一齊上share食'呢,佢地無問,所以等齊先食就唔夠熱了.睇價錢覺得質數都ok,蝦唔算大隻,不過有鮮味, 蠔夠大隻夠肥,白豚一般合格.整體都炸得唔錯.Service就怪少少,食完第一輪菜絲, 突然有人埋黎加菜,但係佢無出過一句聲.第二次想加菜及加飯,反而等左好耐都無人.其實唔明,食過好多吉列店,加菜加飯係指定動作,但呢道無論店員顧客都好似無呢一回事一樣.唔似其他店咁主動.不過,發生左件小插曲,肯定了除左經理外,其他staff都 "極不主動". 以百幾蚊per head嘅食店,佢地係唔合格.或者唔同價錢唔應該咁樣比較.一分錢佢有一分貨(服務另計).

今晚又兩支弓去老銅食飯。其實好多地方都食過，有點悶，所以大蚊提議去黃金廣場試試看。入到去唔知食乜好，所以就揀了豚組貪佢食豬扒夠穩陣。我点了炸極黑豬，而大蚊就揀了炸蘋果豬扒。不消一會，我們的豬扒就送到了。我落了梅汁落生菜裏，滿心歡喜地送進咀裏。梅汁比我以往食開的酸，冇乜胃口的人食佐當堂醒胃。極黑豬第一啖食落口都ok嘅，可能之前個口酸氣重係個口腔度陪迴，第二三口就見真章。其實如果要分開評論件豬扒，面嗰塊友係ok㗎，但如果大家好似我咁挑起塊皮剩係食入面塊肉，你就會發覺舊肉好似完全冇調味過，一丁點味道也沒有。我食了兩啖後都唔知應唔應該為了肚餓而繼續難為自己繼續食落去。反之，大蚊話佢嗰件蘋果豬扒ok喎，但我自己就覺得味道怪怪。

Walked in at 7:15pm with no wait time for dinner for a table of four. We were very lucky to come at that time because 15 mins later, there was a wait and there wasn't enough staff to serve all the customers. Very impressive, full on a Tuesday night.We ordered quite a few of the appetizers, some good and some not so good ~~ sorry for the fuzzy pics, my Blackberry camera sucks:The gyoza wasn't bad but the vinegar had no flavor, didn't even taste like vinegarBeef tongue was very salty and the beef

Felt like Tonkatsu so went to CWB to relieve my craving I've been here many times before, but never thought of writing a review till today......As usual, it's busy during lunch but the wait was short, only 5 mins so we didn't mind. The staff there is always nice and polite and serves you with a smile Just wanted to say that the food here is always good, with refillable veggies and rice with whatever meal you order. We ordered the pork loin and pork udon. Both very yummy dishes and under $15

近年興起的團購活動影響了很多人的生活及消費模式 (包括小妹和豬's), 而團購的種類也越來越多元化, 其中一種小妹最喜歡的就是團購餐廳美食優惠! 老實說起初會懷疑食物質素會因此而下降 (事實上的確偶然有此情況). 但聰明的餐廳東主應該不會這樣做, 因團購本是一個大好機會宣傳餐廳,吸引食客再次光顧, 只要把目光放得遠一點不會"歧視"團購客啦! 亦由於團購確實影響了我倆部分的搵食模式, 小妹決定來個 "團購系列", 方便大家參考早兩個星期小妹和豬去完潛水展在銅鑼灣游手好閒, 又沒有特別想試的餐廳, 就決定用已買下的團購券, 免得臨近到期時急著用提早兩多個小時訂座都仍然有位, 星期六來說算是難得! 而且還被安排坐卡位呢, 真幸福! 由於訂位時已說明要使用團購券, 所以差不多一坐下就有沙律端上! 是個典型的日式芝麻汁沙律, 味道中規中矩, 沒甚麼可評價的. 我倆也另叫了300ml的清酒, 也是很快就來到再來的是燒鰻魚, 鰻魚雖少但夠肥美, 又燒得香脆, 味道也對辦, 不過很大機會是來路貨... 不過這不是本餐的重點, 也不是這間餐廳的招牌, 所以也不太有所謂來到每人一份的吉列拼盤了! 這裡以豚

雖然好熱氣，不過睇完報紙見到豚組出左新包包豚，忍吾住搵個夜晚走左去試…呵呵呵之前食過芝士包包已經覺得好味，「爸爸」聲流芝士出來個感覺好正……所以今次鎖定目標食佢新生果包包……死啦好難揀…有蘋果同菠蘿味…諗左好耐最後揀左後者…原因好無聊…因為我怕蘋果唔爽……哈哈哈等左3個字，終於黎啦~~~~~~個樣同上次既芝士包包差吾多……嘩!!!!!!!!!!一切開好多芝士汁流出黎!!! 中間真係見到完整一粒粒菠蘿肉~~~~好靚仔呀~~~~仲幾香菠蘿味。芝士同菠蘿估唔到好MATCH......少少酸~~~~我諗佢加左菠蘿汁落芝士度一齊煮，所以個芝士本身已經有菠蘿味…因為事後先加菠蘿，個味無理由咁香。成個SET好似仲包過上次…相信女仔會食唔晒…SHARE食比較好..費事晒野…順帶一提，佢地D櫈度有堆豬豬Cushion，都幾舒服架。

次次去食親吉列，都俾朋友話我獨沽一味~~~~~蝦。今次都唔例外，去豚組試試，招牌黑豚都SAY NO，淨係食蝦。佢有兩款蝦揀，一款係北海道蝦，無咁大隻，另一樣貴D係大虎蝦。第一次食，自然係穩陣D叫個平既試左先，送到黎單睇表面個份量都算交足貨。成個定食，有兩樣野要讚，一樣要彈。講讚先，隻蝦夠肉夠爽口，我最怕係有肉得來唔爽，好多地方我都賴過野。食左兩隻之後其實有少少飽，真係唔好以為區區幾隻蝦係唔會飽。第二樣係服務態度。加菜加飯，唔使我提，加到你夠皮叫停為止，雖然我只係加左半碗飯，不過椰菜絲我加左3次，亦唔會趕收工執晒你張枱俾壓力你。仲會走過黎問今餐D蝦覺得點，叫人俾D意見。到彈，我覺得個飯可以再做好D。雖然佢都算有飯香，亦唔會好濕，不過D飯粒唔多夠圓身，食落總係唔夠珍珠，如果再粒粒均勻D會仲好。

7.1假前…拉朋友仔去食一餐!!...選址銅鑼灣…就揀左大家都未光顧過o既<豚組>試試…訂座6:30pm…到步人影吾多個…裝修以木材為主, 燈光昏暗, 加上兩排箱座位又掛上紗布裝飾…倍感自成一角, 特別放鬆暢懷, 係適合傾談o既地方!…整體氣氛幽靜又帶DD神秘感!!...好似可以品茗下棋o既茶居咁…更聯想到武俠小說!!...哈!!餐牌上o既選擇實在吾係多…先叫來數樣菜式再決定是否值得再”投資”落去...雜錦剌身拼盤…百多元一客, 包括甘蝦、帶子、劍魚、三文魚…新鮮但吾夠甜美…普通!厚切豚肉石鍋烏冬…湯底味濃, 加有粟米、青豆芽、昆布等…烏冬麵身夠柔韌, 厚切豚肉滷得入味, 肥美可口!!...這晚較欣賞係哩款!!吉列炸白豚…吉列炸皮都出色, 不過內裏o既白豚真係冇乜肉味喎!!...牛油蒜茸帶子…主角帶子淡而無味…居然下面墊底o既雜菜仲好食…吾推介o羅!!稻庭冷烏冬…烏冬好有韌勁…以醬油、鵪鶉蛋、薑茸、蔥茸, 青芥調和一齊食…清清淡!燒魷魚筒…好大一條, 肉身都夠軟潤, 燒醬汁味道吾算特別惹味, 整體可以!!雖然都未夠我地飽肚…但已決定留肚轉戰其他地方…

之前在網上訂了coupon,所以一早跟大人約好這個日子去吃這個吉列豬排任添的定食套餐。我已在1天前定位，但去到可能比較早，跟只有1台人，不用等就進去啦。。餐廳的格局就像一般日式擺設，沒特別。好是waitor/waitress夠多，好留意你的需要。我一坐下，waitress就問我拿coupon落order.在等的時候，大人話想order杯飲品。。之後就覺得中招。。但如你要吃好的吉列豬，這裡你可以嚐到。飲品跟甜品就強差人意了整體來說，來這店只吉列主菜的話，是不錯的選擇。但飲品和甜品就最好不要了，因為實在好難飲和吃。

本來LUM住食WASABI包包豚，點知去到豚組見到出左新口味，結果試左個蘋果包包啦..人係貪新鮮LA......呵呵呵呵一切開，D芝士真係漏晒出黎，的確個感覺係幾令人開心。不過我就點都唔會學似隔離卡位幾個女仔咁，佢地都係食包包豚，笑到勁誇張，仲大大聲話爆漿芝士，失禮人。最正係熱辣辣，一咬落去，D芝士已經"漿住"個口，蘋果就酸酸甜甜，估唔仲係爽口，而且同個鬆化嘅皮可以話係幾MATCH，總之食落去同食蘋果批個感覺好唔同。整體黎講，新嘅包包豚食落酸酸甜甜無咁漏。(感覺上)健康D無咁肥......自欺欺人........哈哈~~ > <我諗應該會再黎，下次會試埋個菠蘿味，不過要下個月先食LA~~~ 儲返D QUOTA先

A. & M.今晚約左Emily黎呢間野聚餐，招牌菜果然好啊！我地坐既位置比較入，所以舉親手要service都要等好耐，同一個人講同一堆說話，要講6次先幫你．吉列日本黑豚定食：吉列豬扒果然係鎮店之寶，雖有有少少肥膏，但食落口唔會覺得膩．冷稻庭烏冬加$15將飯轉為豬骨湯烏冬，湯底完全飲唔出係咩味囉！冷稻庭烏冬：不錯．鐵板香蒜牛油帶子：樣子同相片，天同地比，好比垃圾堆一樣，一個字～亂，不過不失．吉列北海道蝦：炸粉太多了，蝦味道中規中矩．芝麻雞翼：香而不膩，食落啖啖肉．一口芝士：普普通通，沒有特別．黑芝麻布甸：好香濃既黑芝麻，本人縑佢甜左ｄ．炸雪糕：超厚粉，外皮口感唔好，內裡雪糕好快溶晒．．吉列香蕉配紅豆雲呢拿雪糕：人氣喎！我地三個覺得係最難食，外皮食落口令人反胃，加埋太熟既香蕉．

在我心目中要數香港最好的日式炸豬排，真的要向豚組說句抱歉，三甲不入。但是，不代表豚組不值一來，這裡還有別的，味道是喜出望外的。厚切豚肉豬骨湯烏冬($58)絕對是一個做得用心的料理，以石鍋盛載熱騰騰的豬骨湯，鮮濃味美，厚切豚肉看似是令人討厭的肥膩，但那埋脂肪層入口即溶的感覺，是令人驚喜的。肉身腍滑入味，加上烤得微脆的邊位，這個有點像豚角煮的豚肉，很好吃。熱鍋中的讚岐烏冬實淨彈牙，質感煙韌入味，整體是水準以上的。如果到來，還是想吃一點Tonkatsu的話，來個芝士包包($95)也許比吉列黑豚更值得嘗試。豐郁的芝士被兩塊薄薄的豬肉夾住，炸得金黃香脆，破開時有如心太軟一般，半溶的芝士慢慢流出，放進白飯伴吃，口感十個滿足。論炸功，豚組不算最差勁，相比下肯定比近又及浪漫館做得更好，但豬排質素真的希望可以改進一點。銅鑼灣的豚組，正被老大哥丼吉及過江龍勝博殿夾擊中，腹背受敵下，倒想看看豚組有什麼反擊技倆。愛吃炸豬排的我，倒是很期待的...

這店也是久聞大名, 於是乎揀個”吉日”來試了一頓午餐,以這類價位來說,店方算是闊綽了,枱與枱之間的距離, 櫈的尺寸也相當寬敞, 稍為不便的是卡位的入口位加了一條木柵一定要舉腳誇過它才可入座, 比較奇怪的設計,說回食物, 這店也是以套餐做骨幹, 自己要了白豚豬扒套餐- 味噌湯一般, 漬物的醃黃瓜出奇的簿沒有咬口, 使唔使咁寒酸呀, 椰菜絲則切得半透明, 夠爽口, 豬扒表面的飽糠則是傳統粗片裝,雖然是粗片裝外表但並沒有太厚蛋漿所以還是合格的, 肉質都算夠淋身嘅不過油脂比例未算太豐厚, 肉汁都可算是有的,太座要的是吉列吉芝士包包套餐- 味噌湯同漬物的醃黃瓜大家都是一樣.但列吉芝士包包尺寸就似”生命麵包”size,內有兩層簿豬扒肉夾住厚片芝士,當一入去,就”銀刀子入,黃芝士出”係潟出來嗰隻,嗰下都幾澎湃睇得幾開心,不過想到要吃下去時真的幾頂住下,因為係芝士包包,有麵包糠,簿豬扒肉同流出來嘅芝心, 全部都放入自己個胃入面的話, 都咪話唔重負擔呀,唯有幫她分担一點吧,食到中途這裏還會有員工拎住個菜盤出來,為已經食完沙律菜的我們加菜,抵讚,最啱我地呢種草食人類, 送上的甜品可說是其貌不揚,但相當有內