豪園麵家 (已結業)

今日釣完魚，親愛的哥哥載我去呢喥食吓煲仔飯，我地點咗鹹魚肉餅煲仔飯，排骨滑雞煲仔飯同雲吞配水餃。煲仔飯啲醃料味道一般，尚算不過不失，反而雲吞同水餃有驚喜😋足料👍🏻唔欺場，啲蝦新鮮爽滑，肥肉唔多，啱晒我！😊

據朋友報料話黃大仙新開左間新派茶記好好食，雖然 baby 一聽落黃大仙有啲遠 😂 但係冇辦法啦，為食係絕症！唔通我病到我死下死下都堅持去搵食又話你聽咩！差唔到去到果時對面有個大大個獅子山，中意影相既朋友又可以影餐飽當食多餐 📸 位置唔難搵，一出地鐵站行幾分鐘就到，係現崇山商場既地鋪黎既，都幾大下容納到五六十人到啦，而裝飾都比較新穎，同果到既呀姐了解過呢到開左一個月都冇，岩哂中意熱潮既你地！見到佢地個餐牌各方面感覺都係一間好有心經營既食肆，經過呢區不妨一試！食肆，經過呢區不妨一試！< 豬軟骨鮮茄湯通粉餐 $45 >其實 baby 好中意食平民野，堪稱頹食 baby，呢個豬軟骨鮮茄湯通粉餐為必叫項目，唔係個通粉特別，而個湯真係好香濃 😍 茄味十足 🍎 岩哂班 "茄友" 😋 堅係用真材實料製作！個餐配埋個牛油飽、炒蛋，餐茶，真係 fit 到漏油！< 獨家刀削公仔麵餐 $48 >話說以前細個好中意食公仔麵，但係後尾食得太多食到厭，高峰時期係一餐食 6 個公仔麵 😂 諗落都幾癲，本身就冇諗過叫公仔麵食，可惜，人呀，就係犯賤，敗係獨家兩個字 😂 個公仔麵以豬頸肉為伴

足料老火湯味道濃郁、鮮甜！可惜的是沒有湯渣......排骨整得好腍身，而且夠入味！個汁有少許豆豉味帶少少甜，再加上紫洋蔥同青椒十分鮮甜！河粉亦炒得唔錯，係原整一條條嘅，唔會炒到碎哂咁！杯奶茶顔金黃、奶味同茶味平衡，有茶香而且好滑，而且有回甘味！

今次係我第二次到訪, 上次食完覺得呢到係一個人少少好清靜, 又坐得舒服既餐廳, 所以決定再次光臨。點了一個常餐, 才發現早晨時段食常餐並沒有特別優惠。姐係話其實我唔需要十一點前趕到黎, 都食到我想食既早餐。經典常餐之 沙嗲牛肉公仔麵我係一個不折不扣的沙嗲牛控, 最鐘意食沙嗲牛肉公仔麵, 有得揀都一定會揀食佢。呢到既沙嗲牛無咩特色, 入口雖然好滑同無筋, 但味道一點沙嗲香都無, 食落會覺得好沉悶。經典常餐之 沙嗲牛肉公仔麵方包烘底後都唔算太脆, 可能本來包身比較濕, 不過入面牛油搽得好足亦好均勻, 幾有誠意。火腿奄列用料好足, 滿滿都係火腿, 可惜都係患有茶餐廳通病, 就係煮得太老。就算我「鼻B」叫左個炒滑蛋, 睇落都係似煎芙蓉蛋一樣甘老。喜歡呢到既凍檸茶, 茶膽夠澀, 會飲到尾調既少少回甘。

夜媽媽9點幾10點先食晚飯，見到呢間門面光鮮，特餐包好多野食就入咗去。叫咗特餐$50（凍飲另加$3），有齊雞翼、薯條、沙律、牛油麵包和豬排湯意（可轉雞排），好抵食！味道一點也不差。豬排炸至金黃，外脆內嫰，湯意粉冇咩味，但硬度不錯。炸雞翼算是合格，因為同豬排一樣外脆內嫰，但略嫌雞皮太多「硬油泡」，感覺上食咗好影響健康 。沙津份量不多，但除了薯仔全是罐頭生果，很解渴，一流！薯條望落似麥記的，但較硬身，一般，建議落鹽，因為冇咩味。牛油麵包的牛油味亦唔太突出。凍檸茶茶味夠，合符期望。總括而言，炸豬排和沙律是亮點，其餘食物亦合格有餘，性價比很高！員工基本有禮。

今日經過見到呢間餐廳，就入去左食，睇落好似幾好食，點知食落真係幾正。首先，豬軟骨米粉既豬軟骨幾入味，和米粉味道幾夾，再加上濃濃的湯，油而不腻，令人想一食再食。咖哩牛腩飯既牛腩十分軟，不會太硬，咖哩更令人濃郁的，令我口齒留香，色味具佳。不過食物價錢幾貴，一個飯要$60，一兩星期食一次還可以。

Ok嘅意思系:所以野都唔錯（味道，價錢，環境，服務）之前，同阿麻食過早餐and午餐！見到下午茶嘅菜單好似唔算好貴（因為早午餐都幾貴）！所以，今次我同兩個阿哥and阿麻去食！下午茶一律$32（凍飲加$3）我推介大家去食下午茶（Mon~Fri 1430~1800）記住星期六,日冇下午茶㗎！又大碟，又好味！我發緊肉都食得胞，仲要系男仔！中意食茶記嘅大家可以試下！ 其他時段啲野都幾貴下，大家要留意！

around6:40落單，叫左個8月推介既豪園王牌麵，個名好似係咁… 麵可以揀米線/可粉/米粉/粗麵，而我選擇左米線，落單後等左大約10分鐘就到左，湯底好清不油膩，不過嫌過淡所以落左辣醬辣油米線略為冧左少少，蝦丸、雲吞、水餃好新鮮，有原隻蝦係入邊，而蝦丸咬一半睇到有用蝦肉整，食完曬忍唔住一啖接住一啖，飲左幾啖湯底 真係好清淡，唔似係用味精湯，價錢食材都算值

早前機緣巧合碰上了豪園，除了發現食物不俗之外，居然還有戶外的位置可供HAPPY HOUR，襯著周末專程和友人約了下午過來一邊享受陽光，一邊呷著冰凍啤酒。未知老闆是不是北角渣華道街市的粉絲，竟然有戰鬥碗！碗還要是雪冰凍了，這可令每一口的啤酒都是透心涼！今天因為喝酒的關係，食物吃的不多，就是只點了配酒的炸鯪魚球、潮州炸雙棗，個人覺得不錯！最怕魚腥味的我，但炸鯪魚球可香口，不點蜆介醬更嘗到真味。值得一提是啤酒的價錢比酒吧便宜多了，1664都要三十多塊，亦有菲律賓生力和其他選擇，室外亦有像馬來西亞戶外食肆的噴水風扇，令怕熱的我都可享受戶外抽煙的環境，哈哈！

今次去豪園順遂是想吃一碗好味的雲吞麵加碟靚油菜，點知碗雲吞好難食，d蝦不夠新鮮有腥味，湯底賣相完全唔點，麵底更難吃！油菜竟然把辣絲腐乳汁配介蘭，真是絕無僅有超難吃！！！還有叫碟牛雜撈粗，d上湯混濁完全調不到粗麵的味道，牛雜只有牛肚，牛腩，牛筋，竟然無肺，脯和腸！這樣點叫牛雜，揾人老襯！呢間豪園揾乜人再幫襯！！！佢呢間餐廳乜都有得吃，餐牌上有早餐，西式，有小炒，煲仔小菜，寫到包羅萬有！我就不敢恭維啦！咁啱隔離對小情人都話，點解呢間餐廳咁囃㗎乜嘢都有小炒，小菜，煲仔菜，咁鬼多嘢，最敝無樣精！   

今天到黃大仙工幹完畢已經中午，肚子忽然響起警報，唯有做一次孤獨的美食家，見此店裝修新潮，又有一蘭式自閉位，實在適合今天用餐。進內，可能因中午時份又近民居，餐廳已大半滿客，幸好一字排開的自閉位置還有空間，還有面對店外街道的高身吧檯位都頗有特色。初時以為是一般新潮茶餐廳，怎知一看檯紙，原來是一間有半百歷史的粉麵店，但本身於港島長大，對黃大仙一帶只限於黃大仙廟的煙火，故孤陋寡聞這間半百老店的真身。點了淨雙丸和炸醬撈麵，先上炸醬撈麵，味道和平時吃的有所不同，但實在不知古早味道，所以不知是否正宗，然而本身討厭的梘水味道丁點都沒有，麵身彃牙，最讚的是附送的熱湯，喝得出全無味精，有鮮味！淨雙丸送到時變了雙丸麵，不想浪費食物，故沒有作聲，墨丸不得了！外出食飯已很少點墨丸，最多是到牛丸哥哥買它的墨丸王或黑墨丸打火鍋或燒烤，這里的墨丸有墨丸肉，鮮味十足，彈性誇張得可以打乒乓我相信，蝦丸都吃得出是材料蝦味十足，但彈牙口感欠奉，就完全給墨丸給比下去。吃罷離開，親切的老闆娘問我食物質素，原來此店是新開業，老闆娘是老店的後代傳人，著實值得為她加油打氣，以傳承上一代美食，不令此貨真價實的傳統風味失傳，希望下次再來，

朋友介紹下，上星期六晚在豪園吃晚飯。雖然是街坊小厨，但菜式卻令人驚喜。潮和骨非常惹味。牛腩入味，肉香四射。蠔餅除了蛋香，外脆內軟，和各大潮洲酒家有得揮。炸雙棗也令我喜出望外，炸物卻一點也不油膩。所以又點了炸雞翼。雞皮炸得油也沒有，卻一點也不乾。餸菜份量一點也不少。最令我impressed 的是service 非常好。店內招呼熱情👍👍