豪園麵家 (已結業)

今日在黃大仙行行🚶‍♀️🚶‍♀️吓發現在現祟山入面有一間豪園麵家🍝🍜🥘，雖然只是一間茶餐廳，但環境不錯👍，座位闊落，裝修設計以木為主體，設有戶外及室內空間供客人選擇。餐廳7時多，戶外和室內座位已差不多坐滿，店員人人忙過不停，雖然如此但他們的服務態度仍然很好🙂，沒有暴躁的情緒出現，還能夠詳細講解套餐的選擇種類。餐牌上食物種繁多，有：粉麵、小菜、海鮮、小食、煲仔類等。這碟是豪園皇牌撈麵餐（有：水餃🥟、雲吞、魚蛋🐟和墨魚丸🦑）另加7元有豬手，豬手有淡淡南乳香，軟硬適中容易咀嚼，很入味啫啫通菜煲，配料有豬肉碎，洋蔥蒜頭和辣椒🌶️，很有鑊氣，份量很多。還附送濃郁例湯一碗😋這個特餐豐富非常，仔仔吃得很開心😃最後食埋個西多士和飲品，已經好飽啦！

今日 (20-10-2018 Sat) 晏晝同老公到現祟山商場捐衫後,就搵o野食,我o地兩個都唔餓,老公見到呢間有咩豬頸肉刀削公仔麵,好奇, 公仔麵都刀削?點刀削?我o地就試呢間.睇睇,有介紹話鹹蛋黃味炸一字雞翼,老公o係menu見到有餐,係$40.00o既超級BB餐,咁我就要呢個餐,飲紅豆冰.由於menu內搵唔到豬頸肉刀削公仔麵,但廚房頂上有相,就問職員,職員答冇供應了.啊.咁佢就要$50.00o既撈撈公仔麵餐,要香煎雞扒(跟薑蓉),加$8.00要紫菜上湯加兩粒雲吞,要熱奶茶.落完單,奶茶先到,之後係煎雞扒(跟薑蓉) 撈撈公仔麵,然後係紅豆冰,雲吞紫菜湯.最後到鹹蛋黃味炸一字雞翼6隻.鹹蛋黃味炸一字雞翼要趁熱食, 鹹蛋黃醬味道唔算好濃,亦唔太鹹香,唔算太邪惡,炸一字雞翼皮脆肉嫩,但我食到奴濃o既南乳味.紅豆冰OK唔太甜,紅豆又夠腍.雲吞紫菜湯, 雲吞幾好味,紫菜湯正常冇問題.最後我至食煎雞扒(跟薑蓉) 撈撈公仔麵, 薑蓉太少,根本唔夠撈,因為公仔麵完全冇調味食o左大半至發現佢o地放低一支美極俾我o地加落去,而煎雞扒似炸多啲,同樣係外脆內嫩,OK o既.熱奶茶口感滑,老公冇加糖飲,茶味

今日去左住現崇山既朋友屋企, 夜晚朋友帶左我落樓下間豪園食飯, 朋友話呢間豪園係老字號, 係佢地屋企人既飯堂, 所以要帶我試下。豪園既裝修好開揚, 座位好闊落, 除左有室內坐位, 仲有露天茶座, 朋友話佢地天氣涼涼地既時間必定坐露天, 方便帶寵物。揸車既朋友仲方便睇車。呢到夜晚都有好多唔同款式既小菜選擇, 仲有2 人餐同4人餐揀, 必定揀到自己心水。 今晚朋友揸主意, 叫左一個支竹豆腐班腩煲 ($88), 一個方魚炒芥蘭($78), 咖哩魷魚($48), 好滿足。每個小菜都有一個飯同例湯一碗。上菜速度快, 小菜夠熱, 份量足。支竹豆腐班腩煲 ($88),上枱仲滋滋聲, 好香, 好夠味, 班腩唔會好厚粉漿, 肉質仲好嫩滑, 支竹豆腐吸晒D 汁, 係最惹味。 每餐都要有菜, 今晚叫左比較少食既芥蘭, 方魚炒芥蘭($78), 方魚肉碎蠔仔粥就食得多, 方魚炒菜都係第1次食, 原來方魚炒菜好香, 芥蘭好脆口, 唔會炒到好油同老晒。咖哩魷魚($48),  D 水魷好爽口, 不過個咖哩汁先係精髓, 少少辣, 個汁唔會太杰, 我地唔浪費個汁, 用黎撈飯, 好味。豪園星期一至五晚飯仲有9折呀, 值得試

之前聽到朋友說豪園麵家好吃，查了一下發現原來豪園麵家很久以前已經創立，是老字號，一開始以為只是賣名氣，但真的來吃一次發現豪園麵家不僅有名氣、有裝潢，也真的很好吃呢。豪園麵家的座位寬敞，與一般麵店很不一樣，用餐起來舒服。剛坐下，店員馬上送上一碗熱氣滕滕的老火湯，喝上一口，便知道用料十足，完全把其他店的味精湯比下去。勺起湯渣，原來是松草花瘦肉湯，味帶清甜，不會肥膩。上菜速度也很快，先是來了個炸子雞，賣相超吸引，色澤金黃，外皮乾香，配上炸得通透翠綠的薄荷葉，這個做法還真是第一次見，看得我口水直流，逼不及待吃一口雞，雞肉外脆內嫩，味道鮮鹹，成為本次用餐的美味之最。蠔仔粥是我的最愛之一，MENU上有，我通常都一定會點，我已經吃過不同店的蠔仔粥啦，對於豪園麵家我也充滿期待的。一上菜就知用料新鮮也豐盛，熱氣滕滕是重點，蠔仔粒粒圓潤飽滿，充滿海解香味，添加鹹香的柴魚，也是一個不錯的新嘗試。最後飲品叫了檸檬茶BB，名字有趣，店員介紹說是把檸檬打成檸檬汁加進茶底再加檸檬片的，如此特別，向來喜歡喝檸檬茶的我也仔細品嘗。檸檬茶BB入口清新，茶底的茶香不俗，檸檬新鮮不會過澀，果然是值得一讚！

入左現崇山既商場，位置唔算好搵，估唔到食物好有質素，隱世既感覺！一家四口一坐低，店員態度好好，好快就比4個例湯我地飲，叫得例湯，估唔到原來係足料老火🔥湯蓮藕湯🥣見到呢版係中式茶記既小菜再望下魚既總類都幾多，我地就叫左鮮魷重點既潮州菜來了，一見到特色潮州菜就必叫胡椒豬肚湯！我地本身想叫四人餐，但我想自由配搭咁叫細既胡椒豬肚湯，好夠味，唔似出面不停溝水再加辣，呢個湯好重豬肚既甜味，支竹索曬d胡椒香味，胃口大大提升我作爲潮州仔推介呢個咸豬肉，令我回憶起家鄉味道，薄切既咸豬肉略為炸香，一d都唔硬仲帶少少脆，個咸香原全蓋過個菜！芥蘭都好爽脆支竹班腩，佢地仲叫得班腩令我好有信心係足料既，炆得好入味，班腩好厚肉好鮮甜脆皮鮮魷。正呀真正既脆皮椒鹽，出面食一係好咸一係好油，呢度望到都知唔多油，好脆，鮮魷好彈牙有咬口，仲好肥美，唔係瘦猛猛既位置好滿足，兩湯，一飯，四餸叫左呢個皇牌，係拔絲欖角骨，用炸過既香葉伴碟，好酥脆，用帶甜酸既欖角配半煎炸後既排骨，沒甜酸骨咁重口味同油膩，反而多左欖角帶黎既清甜，好食！排骨重要係淋既，唔會老到成口痴牙呢間「茶記」（其實裝修加味道好過好多茶記）有一人「吧」枱位，係咪好貼心

今日晏就又未食得晚餐,去左附近間豪園同屋企人食個下午茶,相比起一般茶餐廳,呢間豪園設有室外與室内既用餐區,而室外採用木製既枱,櫈.店家有設置一些盆栽🌵,坐在這樣的環境,真的別有ㄧ番風味🌳,就如置身於大自然中.室內用餐區没什麼特別與ㄧ般餐廳ㄧ樣,值得ㄧ提,店的壁紙和餐用紙都印有昔日獅子山下既景色,短短既用餐時間,上ㄧ輩的家人回味著昔日的光陰👴👵,分享往日的故事,亦拉近了我們的距離.😊呢間店的選擇有很多,有下午茶餐,午市套餐和各種港式套餐,如果唔係好餓的話,可以揀個BB餐,份量唔多但有杯餐飲,下午茶就剛剛好,而今次我地分別點左3份餐1個豬手 炸 醬撈麵,1個菜遠牛肉炒河加1份咸蛋黄味炸ㄧ字雞翼.撈麵的炸醬有小小偏甜,連麵ㄧ齊食味道就剛剛好,而豬手口感滑 嫩,味道都不錯👍.菜遠牛肉炒河賣相十分不錯,味道適中😋,不會太油或太乾.最後,咸蛋黄味炸ㄧ字雞翼,前ㄧ陣很流行咸蛋味薯片,魚皮,但ㄧ包太多食左好有罪惡感,但叫ㄧ客咸蛋黄味炸ㄧ字雞翼有6件,每件半隻雞翼,ㄧ客幾個人分,罪惡感都無咁多🙈遠離繁囂享受一個美好既下午茶既時光,帶著家人去重拾回香港既獅子山下既回憶🌄

今次食依間餐廳真心有驚喜。因為住黃大仙，老爺又只係鍾意食中菜，仲特別喜愛潮州野，今次依間又近又岩胃口，又多一個落腳點！起初老公揀依間餐廳....我仲以為係食麵架...點知....好多小菜揀！但餐廳唔算易見到，係現崇山商場室外直行就見到，但我一到現崇山直入商場..完全skip左佢，要問reception先見到佢😅😅有室內室外坐，環境幾舒服揀左室內坐，依間裝修好有心思。獅子山精神，坐既位都有獅子山logo食物都有好多選擇。每樣都好想嗌，但太眼闊肚窄，最後4人叫左4送1湯每樣都好好食！可能我太耐未食過咁有水準既潮州菜...我係食得好快.....驚佢凍左沒咁好食...椒鹽鮮尤，d鮮尤好嫩，個皮薄得黎又有咬口。拔絲欖角骨，依個最驚喜，d肉好滑，個汁好惹味，送飯真心一流！咸豬肉炒介蘭，d咸豬肉同我返潮州食既係一模一樣！好有水準，除左老爺整過之外，我第一間係香港食到咁有水準既咸豬肉！支竹豆腐班腩煲，依個份量好足，同埋味道都好好，不過比其他小菜搶左風頭。胡椒豬肚湯，佢d料真心好足！胡椒味濃，正！估唔到仲加左我最鍾意既枝竹！1個小菜1個飯，我地最後都食唔曬d飯，但送就清曬，因為真心好食！再送左個湯比我地

經常黎食午餐，因為泊車方便，而且價錢合理，食物比普通茶餐廳高。今日食左個蟲草蒸雞飯，賣相不錯，都幾入味，可惜全都係雞中翼，如果有啲雞胸，雞脾會好好多。今日又落錯左單，將凍飲同熱飲調轉左。

今晚經朋友介紹下去左黃大仙現崇山隔離間豪園麵家食晚飯，入去前有D茶餐廳feel，入到去就有種說不出的傳統感覺，特別是見到＂獅子山下老字號，傳統美食新文化＂，今次朋友真係好介紹。𥚃面裝修都吾錯，服務員都好友善。我們叫左個沙拉蝦球，送飯真係無得輸，見到急不及待即試，熱辣辣新鮮炸起，配上沙拉醬內熱外冷，𥚃面脆脆地，隻蝦又大隻，真係好好食，但記得要即刻食。另外加左個椒絲腐乳白灼生菜，D腐乳醬好好味，值得一試。

WTS can get quite crowded during dinner time, so went here to avoid the crowd.Ho Yuen Noodles has been in business for ages and they used to be located somewhere else.I have never heard of HY Noodles but funnily enough, I tried their Food Truck first in Central for the single boned chicken wings.Had dinner here and the food is good as well.Sometimes, I just want some simple food like Sweet and Sour and Curry.So had the fish in tomato sauce and curry beef.The fish was crispy in rich tomato sauce

喺黃大仙區長大嘅街坊對「豪園麵家」應該唔會陌生🤙🏻 #小秘書 亦一樣，細細個就跟住舅父、阿姨通街搵食🍽 而「豪園麵家」嘅「撈麵」同 「bite-size雲吞」就最得我心❤️最近同朋友仔傾開計，先知「豪園麵家」喺黃大仙現祟山開咗分店🍜 坐言起行，今晚收工就去懷舊吓🍻 打開餐牌，比以前多咗好多選擇，粉麵、焗飯、小菜... 真係花多眼亂🤪 為食嘅我哋，樣樣都想試👉🏻👈🏻 唯有每類揀一款，滿足吓大胃王！老闆真係好好人，一嚟到就請我哋飲咗兩碗「足料靚湯」👍🏻 餸菜陸續做起，先嚟嘅係 #小秘書 至愛嘅「鮮蝦雲吞」🍜，一口一啖，鮮味十足👍🏻 再嚟嘅係「椒絲腐乳白灼生菜」🥦，腐乳醬做得唔錯，好想打包一碟走😝 主菜「沙拉蝦球」🦐終於嚟到，當 #小秘書 仲為咗相機食先嘅時候，朋友已經起筷，佢嘅表現直頭似電視藝員拍緊飲食節目咁，七情上面咁演繹佢對蝦球嘅滿足感，齋係望佢個樣都知碟餸無得頂👍🏻 唔好以為嚟到呢度已經完，我哋最後仲K.O埋一個「焗咖哩牛筋腩飯」，咖哩醬汁味道同牛筋腩配合得天衣無縫，牛筋腩亦做得非常淋滑😋 不過 #小秘書 就鐘意較乾身嘅飯，所以下次會叫老闆輕手啲😄 就呢度嘅人情味+美味❤️ 我會比佢99

觀塘區中式小菜雖然多選擇， 不過我一向勇於出外覓食。 今次揾左呢間豪園，見佢餐牌又有潮洲菜又有廣東小炒蒸餸，選擇多籮籮。 豪園係現崇山商場向街舖位， 門口就可以泊車(有機抄牌的), 我地選擇左靠窗位置，可以望到架車。 叫小菜都跟例湯，是日例湯菜乾豬骨，非常足料，好飲。 我地叫左香橙骨，紅棗雲耳蒸雞同鹹魚蓉炒介蘭。 香橙骨炸得甘香鬆化，酸甜汁包住肉排，味道得宜好岩餸飯。份量方面都算多， 約有十多舊肉排。 蒸雞店員話係即叫即蒸，所以都等左約15分鐘。 上菜時，碟雞係好熱既，所以應該都係岩岩蒸好。 餐廳用約左半邊雞，雞肉嫩滑冇"鞋"口。 叫小菜跟左2個白飯，飯後仲有2 碗甜品送。 2 個人食左約$270 . 餐廳内當眼處都有電視，等上菜時都冇咁悶。

今日懸掛3號風球，就近近地去屋企附近既現崇山商場食晚飯，商場地舖有間豪園麵家，呢度環境恬靜，有室內和室外座位，雖然3號波，然而大部份食客都坐在戶外，見無咩位就坐回室內吧！點知呢個時候啱啱就下雨，戶外有瓦遮頭，無懼風雨，食客依然故我，這樣在雨中晚餐又幾浪漫喎我就無緣體驗呢種浪漫了，就快快叫野食吧！這裡很多選擇，粉麵類，中式小菜，西式焗飯，常餐，炒粉麵飯等…而食後感到相當滿意，食物烹調有水準，服務又親切友善，確是一間有質素的餐廳先來一碗老火蓮藕湯~夠火喉，煲得好入味，蓮藕夠爽口當紅炸子雞(半隻)~外皮好脆，雞肉十分嫩滑，紫穌葉伴碟，賣相吸引，隻雞真係整得好好味，不比酒家遜色，有過之而無不及，個人覺得好食過酒家好多，超香煎糖醋麵~面層煎得香脆金黃，裏頭的麵條鬆軟，蘸上醋和白糖一起吃，更加滋味鮮蝦淨雲吞~皮簿饀足，原隻蝦，夠彈牙咸魚蓉芥蘭~翠綠的芥蘭，用咸魚蓉去炒夠晒惹味這杯茶，飲起來發覺茶味好特別，細問之下得知是叫雪菊茶，茶味香濃，原來雪菊茶還有很多功效呢

成日黎間商場既甜品鋪食宵夜 今次黎試下呢間小炒 點知別有風味👹👹雖然餐廳主打麵 但係夜晚既小菜都好吸引 所以我地直接叫左三個小菜除左室內 仲有啲室外座位揀 但夏天熱到咁我都係坐番室內😂😂每款小菜都有跟是日餐湯同埋白飯一碗今日係赤小豆唐排老黃瓜湯 味道清甜 夏天飲岩哂 去濕降火魚香茄子煲上菜時聞到鍋氣十足食落去熱辣辣 好有香氣茄子煮得岩岩好 啲肉碎又入味送飯一流炒通菜 雖然無左個鍋裝住 但都感受到佢鍋氣十足嫩口惹味 爆炒牛柳粒啲四季豆同菌同青椒都好嫩同甜甜地🤩夾埋牛柳粒 整體口感肉味香濃得黎好有佬味🤓非常地道🤪下次要黎試埋啲海鮮類小菜😆😆

朋友去過黃大仙廟替家人買了平安符等，說是知道黃大仙有一家老麵店。來到現崇山，看到這間麵家，又有點像是茶餐廳，全是玻璃的裝修，在外邊看來也不錯。店員安排坐在接近門前的四人枱，在旁有一家人正在晚飯，從他們的餸菜看來，這店應該也不錯。舖面有著一排的相片，說著這店的名菜。枱上的枱紙，正訴說著是獅子山下的老店，推廣傳統美食為新文化。而牆畫也說明這店的來由，正是香港徙置區年代，經已經營麵食的生意，果然是香港難得的老店。從餐牌上看到，除了麵食，也有小菜，於是詢問一下店員可有介紹。店員告知這樣著名的是牛腩撈麵，當紅炸子雞，還有是檸茶BB。檸茶BB，是什麼，非常好奇，原來是自創飲品，除了紅茶香濃之外，檸檬還預先攪碎成粉狀，再加進紅茶之中。朋友們還想吃其他，要了牛腩撈麵，當紅炸子雞，還有其他小菜，當然各自也要一杯檸茶BB，真的非常期待。等了不久，店員先為我們送上例湯，那是蟲草花瘦肉湯，而油菜也稍後送上。油菜青嫩，新鮮不過，例湯清中帶甜，何謂清熱之選。正飲過例湯之後，檸茶BB隨之送上，從外表看來，茶中有很多粉狀物，該是檸檬磨成粉而成。雖是凍飲，茶的香，茶的味，依然存其中，明顯是錫蘭紅茶沖制而成，再加上檸檬味