貓咪貓咪HOME (已結業)

貓cafe早於多年前已經出現，可惜作為貓痴的我尚未曾去過最近就來到了貓咪home，一嘗被貓星人「圍困」的滋味一進店內就發現原來要先除鞋，有穿襪才可以內進朋友恰巧穿了涼鞋，原來店內可以即時購買及穿着可愛的貓貓襪，不怕無襪而手足無措了Cafe格局跟一般cafe相似，可能位於旺區的關係店面都較小不過環境不錯，牆身是店內貓貓相的牆紙，還有鋼琴、燈座作裝飾進去以後店員會給你一個透明膠袋，貼心的讓你的隨身物品不會被貓抓而有損傷而靠邊的座位都會有桶裝起貓玩具，可隨時執起隨意使用雖然店面較小，但貓的數量都有十數隻，品種亦各有不同，而牠們圍着的頸圈都有一塊刻上牠們名字的牌我去的時間已是八時多，可能太晚，貓星人們大多都處於休息狀態不過，亦有活潑的貓貓，就例如黑貓冬菇甫坐下牠就跳上桌伏在我面前，叫牠名字還真懂得回應！當然除了貓以外食物都很重要主要點了煙燻鴨胸配柏士圖意大利麵和雜菌忌廉意大利飯還加了$20要一件蛋糕，那天就選了tiramisu另外還有藍莓芝士蛋糕和紐約芝士蛋糕選擇煙鴨胸意粉是我點的，起初不知「柏士圖」是怎樣的味道原來味道是少少甜，鹹鹹的奶油味，還有一些香草的味道，好味!朋友的意大利飯也不錯，忌

自知道有喵cafe後一直很想去試試，坊間有d收費貴、有d就話咩呃義工d喵去cafe揾錢，最後揀左comment唔錯的貓咪貓咪home 。 一入呢間cafe就有指示話要除鞋同著襪，以保障喵咪的地方乾淨，又有酒精搓手液，地方乾淨冇異味，座位舒適有sofa位，四周又有愛喵指引如拍照禁用閃光燈，喵咪們係cafe度東歪西倒訓覺，悠然自得，整體感覺良好。 再睇menu, 野食以西式及日式為主, 有pasta/pizza/炸物/udon等，野飲除左basic茶餐廳選擇外,仲有花茶同特式咖啡等，選擇好多，左睇右睇後揀左千島海鮮三文魚6吋pizza 同 Green Tea Latte. 個pizza賣相唔錯，海鮮同三文魚都岀奇地多，味道也不錯, 批邊十分脆口，6吋的size 份量岩岩好。 選了熱飲的Green Tea Latte，奶味較重，緑茶味相對較弱，甜度岩岩好，是中規中舉之作。 最後意猶未盡仲想添食，加了個雪山心太軟，一切開見到流出的朱古力醬已經滿心歡喜，食落外脆內軟，甜度剛剛好,配埋雪糕一啖放入口，真係滋味無窮。 是次晚餐又玩又食真係好開心，希望下次可以再來！

貓咪貓咪Home ( Meow Mi Home ) 係一間貓Cafe, 全間cafe有1x 隻貓貓, 有大有細, 有熱血嘅, 亦都有傲嬌嘅, 每隻都各有特色, 真係好得意. 入面D貓貓用頸帶分係貓仔定貓女, 藍色係貓仔, 紅色係貓女. 而每隻貓貓亦都有自己嘅名, 都好襯.每個人入去之前都要除鞋, 餐廳有最低消費, 但價錢都正常, 唔算太貴.另外佢哋亦都有提供大量Board game, 除咗貓貓之外, 呢個不失為一個好嘅選擇. Cafe有少少細, 但都幾鍾意嘅Decoration, 好似佢嘅琴同放Board game嘅紅酒木箱.因為我朋友知道我鍾意貓貓, 佢約咗我去呢間貓Cafe.因為我嗰日冇咩點食嘢, 所以我嗰日我第一時間就睇個Menu. Meun 都好多選擇, 好正. 我最後都嗌咗個經典拼盤, 有雞翼, 餃子, 薯條同腸仔, 份量超級OK. 而另外我個朋友亦都嗌咗杯綠茶鮮奶, 佢亦都覺得唔差.

旺角越來越多貓cafe~ 這裡的喵喵真算多啦！ 上到來很full.. 連book 左枱都要等幾個字「入場」前要先脫鞋、穿襪、消毒雙手安排入座及點菜後，玩陣貓先，牠們大多懶洋洋在睡覺，但一點也不怕人呢花茶--叫「愛你一萬年」（蜂蜜玫瑰花茶） 紅色這壺便是了，用了糖漿加熱水開的茶，其實味道是洛神花味哦海鮮意大利飯有可愛的喵喵碟陪伴著，別以為份量很少，其實碟子中間有凹位，份量都幾多架！ 飯煮得合港人口味，欠"Al dente"口感， 加了蕃茄醬和一點點Tabasco 微辣開胃～ 海鮮配料是魷魚，不過不失^_^ 司華力腸沒令人失望的司華力腸，而且加了蜜糖，小食來說份量算是很多😂 5個人share 先得呀！ 花心西多因為我本人頗喜歡花生醬，所以覺得好吃雖然個邊炸得有點燶，碟底很多糖漿⋯⋯有機會再試下甜品先～

來到這cafe的，相信十居其九都是愛貓之人。沒想到上到來是如此旺場！等了一陣子才安排入座，入座前請先脫鞋，店內亦提供全新喵喵襪子供給客人，$10/對。駐場的主角——貓貓全部都很懶惰呢蜜糖司華力腸有驚喜！上面有pepper+芝麻，底部有甜甜的蜜糖，而且好夠份量！很讚味道咬落去很爽脆，很夠味！甜甜的peach tea~ and rose teaPeach tea 是用了茶包去炮， 清香的白桃味，很養顏呢吉列豬扒冷烏冬先說說炸豬排， 香脆可口！肉質嫩滑！烏冬加了芝麻醬，提升了整碟的層次份量也是滿滿的！晚上約9:30-10點就會叫醒喵喵起身吃東西，這時很多客人都會走出來湊湊熱鬧。非常可愛

本大少一向愛心爆棚, 是日女友要求要去貓咪cafe玩, 我一下就應承左! 話雖係黎玩貓, 其實都會食d野既, 呢個冷烏冬我本身期望唔大, 反而有驚喜喎! 烏冬既彈牙又爽口, 麻醬落得岩岩好, 甜甜酸酸咁, 炸豬排keep到熱辣辣, 夾埋一齊食真係幾唔錯! 不過就單調左DD, 如果可以加D沙律菜或者配菜就好好多啦甜品就真係一般般, 焦糖燉蛋有d死實, 面頭燒得又太焦, 不過唔算太甜, 控制得ok舊CREAM都係一般啦, 軟軟稔稔但冇乜味唯一個CREDIT(貓公仔畫得幾靚, 加分)呢度pr貓超多, 隻隻都有唔同性格, 有d好鐘意玩毛, 有d鐘意紙波波, 有d就鐘意訓覺, 有d鐘意跑黎跑去~不過好多都好乖, 絕對唔會咬人, 有時跳上黎抬面都幾驚, 但佢地又唔會食你d野~只係想同你玩, 幾有趣!

最近做野壓力真係好大，好想搵間舒服既cafe 坐下，最終搵到呢間🐱 Cafe，睇到open rice 見到整體正評唔錯，所以都來拜訪一下。門面位置。一出lift就見到，好易搵到。個名改得幾好，home sweet home一入門口即刻睇到鞋架，原來入去要除鞋。侍應即時上前服務，原來仲要消毒雙手添！個人覺得呢安排很好，一間舒服既cafe，就係可以點坐都得，加上消毒雙手，都係保護🐱同保持衛生既方法 另外餐廳有膠索袋提供，如果驚貓咪抓到自己個袋既，可以借用 (窩心)坐底之後真係分心不暇，都唔知同貓咪玩好，定揀餐好。本身唔算係貓痴，但見到佢地都覺得好可愛，好想撩佢地玩 相機不停影相📷📷📷 呢到貓咪都好乖下，有唔少都訓緊覺，有一兩隻都會坐上枱到，但都無搞食物。餐廳郁有提供貓咪玩具，可以用來撩佢地玩 又或者買零食 ($18) 去哄佢地，佢地會即刻痴身哂 仲有張愛貓守則。客人都要乖乖遵守，要好好對貓咪呀睇返餐牌，要留意返餐廳設有最低消費餐廳野食既款唔算多，不過都好吸引。(坐左係梳化位置，對面座有兩隻搭枱訓覺既🐱) 頭盤揀左一口花❤醬多士常言道，愈好味道既食物，就化表愈邪惡呢個有cream 有蜜蜂

去咗貓咪貓咪Home食晏，食晏係次要，重點都係睇貓嚟緊呢度有一半會改做塌塌米呀!!而家個環境暫時都麻麻哋，希望轉咗塌塌米之後會更吸引啦而家係貓貓甩毛嘅季節，貓Cafe真係要勤啲梳毛呀有貓知客陪坐凳底又有貓貓呢度啲飲品都係用貓命名，呢杯係藍眼淚青檸阿喵藍色好靚呀!!仲有啲菠蘿食吓添日式炭烤雞扒蕃茄芝士闊條麵，個雞扒好香口，夠晒入味個汁都唔錯，仲有攝石貓咪入鏡添仲嗌咗芝麻焗雞翼，同個雞扒一樣好入味架喎有甜品點忍到口唔食先，最後食返個法式焦糖燉蛋作為一間貓Cafe主角始終都係貓貓，食物同服務都尚有待改善不過都要讚其中一位哥哥服務態度係超好架!!

貓咪貓咪HOME系一间好有爱心嘅主题餐厅餐厅入面嘅猫咪都系流浪猫来嘅。小食、主菜方面都好有心思，味道都唔错，价钱又唔贵。一边同猫咪玩，一边食美食，又可以帮到猫咪真系唔错。我点左个蜜桃茶，甜甜地蜜桃味好香甜。意大利面放系个猫猫碟食得特别开胃。餐厅系旺角，地点方便，最岩爱猫人事去tea tea^_^

✏️環境：全場有十幾隻喵星人佢哋主要會係瞓 就睇佢哋係咪瞓你身邊😏我就忍唔住一反貓奴嘅習性花左$18買一個被愛嘅機會⋯一包貓糧😎就喺依一秒 我覺得自己做左班貓嘅精神領袖for大約5分鐘😂好過冇啦✏️食：牛油雜菌香草忌廉天使麵Creamy Angel Hair with Assorted Mushroom係足料嘅 可以啖啖都有菇係入面而且個angel hair好正 夠幼可以同個sauce混合得好好Cream sauce真係好有邪惡嘅奶油味可能係用左牛油而且個碟幾有心思👄👄👄香辣海鮮意大利飯Spicy Seafood Risotto要先提醒大家一下佢係有啲酸辣咁嘅我估係用左tabasco（戴個頭盔先👽）所以有機會唔like 視個人口味啦又係足料嘅 啖啖海鮮都係squid爲主啦意大利飯嘅口感做得好好同去旅行食到嘅一樣 正﹗👄👄👄👄經典拼盤Appetizer Platter小食！😻佢啲小食又係好generous下晝去有啲餓但又唔想食個主食食唔到飯（Well...我成日係咁嘅😂）可以叫依個 真係會有滿足感最like係雞翼 佢話係芝麻味我自己覺得係蜜糖味多啲但我又鍾意喎其他都不過不失啦唯獨是餃子炸得太

這次帶了愛貓的同事再次到訪貓咪貓咪home，貓貓依舊可愛，邊用餐邊看著貓貓在身旁熟睡，會讓人生出一股暖暖的閒適感呢。數月沒來，貓咪貓咪home也換上了新餐牌圖文對照，風格更簡潔青蘋果梳打(後)、西柚梳打(前)先上桌的是餐飲，晶瑩冰凍的有汽梳打最適合夏天降溫，還非常解渴！挪威煙燻三文魚配卡邦尼天使麵 $98天使麵中有滿滿的火腿、煙肉還有兩大片煙三文魚，再灑上香草與芝士粉，用料其實也頗豐富。碟邊還印有可愛的小貓掌圖案，賣相相當吸引！天使麵煮得軟身，配上沾滿每根麵的香濃卡邦尼汁，順滑易入口，推介！日式炭烤雞扒蕃茄芝士闊條麵 $88最喜歡吃貓咪home的炭烤雞扒，肉質嫩滑略帶炭烤香味，連雞皮下的脂肪都被烤掉可以放心大口吃囉！闊條麵質地比天使麵硬身有咬口，配合酸酸的蕃茄醬與芝香味很引人食慾！店內有不少貓貓，看牠們自在的模樣想必是生活得不錯吧？看到這麼多治癒系的可愛貓貓，再多煩惱也消散了，期待下次再去！

不得不說自己out，因為我係第一次去猫猫cafe。自從家裡多了2隻猫猫兄妹，就對猫猫多了一份親切感。最近聽朋友講在旺角有間猫猫cafe，今日終於同老公一齊來探猫猫。店員話店內到現時為止有15隻猫猫，有幾隻去了做絕育，大部分都係流浪猫。雖然係浪浪，不過佢都唔會對人發惡，但係都要守規矩，唔可以夾硬摸佢地。地方整潔乾淨，沒有很大猫味。平時會躲在一角，一餵食就立刻出來。店員推介的和式吉列豬扒麻醬烏冬，冷食啱哂熱辣辣的夏天。豬扒炸得很脆，麻醬味道很夾，食落好舒服。另外點了牛油雜菌香草忌廉天使麵。天使麵算是比較難處理的項目，好容易煮得太軟身食落似醬糊。不過呢間店處理得不錯，硬度適中，個sauce煮得夠rich。跟餐加$20有蛋糕，我們點了藍苺紐約芝士蛋糕，味道ok。對這裡印象幾好，乾乾淨淨，猫猫可愛乖乖的！要再來探猫猫！

炎夏好去處呢幾日天氣十分之熱，去旺角行街，行左一陣都攰到唔想行，成身大汗，最岩塭個地方坐下嘆杯嘢飲，嫌去鋪頭商場太多人，太嘈，樓上cafe係一個不錯嘅選擇。再加上有d貓貓相伴，算得上是忙裏偷閑。位於彌敦道的貓咪貓咪home係一個集休閒娛樂於一體嘅地方。入面有10多隻貓咪陪你一齊食一齊喝。10多隻貓貓嘅品種各有不同，性格都不用，有些特喜愛同人玩的(店內有提供同貓貓玩的玩具)，有些十分活躍，喜愛幾只一起追逐玩著。有些就比較懶，無論怎樣動它，它都照著睡，而且樣子搞笑，十分討好！我便是偏愛懶惰的那種，它可以乖乖嘅坐在你旁邊，陪著你吃喝^_^店內個牆身都掛滿了貓貓嘅一些資料，每一隻都有自己嘅名字，出身日期，愛好等等，很明顯店家係愛貓貓人士，所有貓貓嘅嘢都十分清楚。。貓貓真幸福啊。。為左貓貓嘅健康，店家規定入店必須除鞋，入口有一個鞋架用來放鞋的，如果沒有穿襪子的話店家提供4色的襪子供免費穿著，亦可以穿走(襪上還有可愛嘅貓貓圖案^_^)另外還要塭消毒酒精消毒雙手才可和貓貓玩啊。。Cafe除了要有一個休閒感覺，食物都係一個很重要嘅因素。店內有一些輕食，如炸薯條，雞翼。主食有意粉，飯等等。當然不小得就是

今次同朋友來到這家位於旺角的貓咪餐廳，因為朋友非常鐘意貓咪，所以今次我們就來了這家可以一邊吃一邊和可愛的貓咪玩的餐廳。入到餐廳店員會要求客人脫鞋才進入餐廳，因為餐廳內的貓咪都是自由走動的，所以脫鞋進餐廳可以免得弄傷貓咪。坐下後大家都立即先看餐牌點餐，餐廳的食物也非常多選擇，有小食,有飯,有麵還有甜品等等。我點了一個和式吉列豬扒麻醬烏冬 (冷食 ) $88 ，這個豬扒麻醬烏冬非常好味，豬扒肉質非常外脆內軟，而烏冬因為加上麻醬也非常野味可口，真的令人吃完想再叫一份。還有雖然這個豬扒麻醬烏冬是冷食的但因為豬扒是有微熱的所以連同一起也不會覺得烏冬太冷而不易入口。而飲品方面我就點了一個 橙貓咪 $58，這杯橙貓咪的材料主要是柳橙和密桃沖制，所以這杯橙貓咪有點酸酸甜甜的味道，加上全都是新鮮的生果沖制的，真非常適合這個炎熱的夏天飲用。這家餐廳不但只可以吃到好味的食物還可以和很可愛的貓咪一起玩，所以遲一下會再和朋友來。

A relaxing place in the heart of Mong Kok to enjoy food and play with the cats they have around. For someone who takes allergy meds just to visit a cat cafe, this is even more meaningful by giving these amazing animals somewhere they're cared for. Adopt, don't shop!Appetiser Platter-The sausage had a nice sweet taste to it, while the wings were really tender. The dumpling filling was a bit dry, but was very crisp. The only criticism was that the fries were slightly burned, but overall the platte