貓咪貓咪HOME (已結業)

Went here because I love cats.There is a minimum charge and the charges are listed clearly on the menu.Each person is provided a bag to put their bag in so that cats can't scratch them.Cats at the Cafe.The food there was ok especially the fries with cheese and bacon, the fries were perfectly done.The green tea latte was grassy and not too sweet.The only improvement would be the cutlery because they were not that clean when they were given to me.

朋友有天約我前來那些年才會去的樓上cafe，其實一聽之下理應知道是伏，但我乃愛小動物之人，聽到貓cafe還是去會一會貓兒和朋友。場地格局跟我十年前去的樓上cafe差不多，地方不算局促，但空氣不太流通。鼻敏感的我一下子就猛流鼻水。一坐下來，貓貓們就飛來彈去，摸就摸不到了，但是我見到他們在杯子旁行來行去，好像不太衛生。朋友和我各點了一客麵食，還點了一個薯條小食拼盤。先說一下沒可能出問題的小食拼盤，薯條炸過龍，除了炸得非常乾，整個小食拼盤都帶有一陣非常大的油益味。感覺上整個拼盤都好像是返炸再返炸。而我點的炸豬扒烏冬，他們在豬扒上加了一個很奇怪的麻醬，烏冬居然可以煮得那麼難吃也是十分難得。反正，整個組合都非常奇怪。而友人點的煙鴨胸白汁意粉，友人說未算太糟，但意粉卻煮過龍，煮得很爛。食物不達標也都算了，反正對樓上cafe本身沒甚要求，但吃的途中，有隻貓兒在我手袋上抓下抓下。我作狀撥了一下，他像發了狂的想抓我。我心想，還是算了吧。回到家，始發現貓兒的恶行這間東西真是連我這個愛貓之人也頂唔蒲。懇請老闆嚐一下自己的烏冬以及看管一下要人管的貓隻。

第一次去貓貓cafe🐱，望住咁多貓貓食野，佢地成日行尼行去聊人玩，真係好QQ！真心介紹呢個芝心西多士，好重芝士味而且有拉絲，8雖然好有罪惡感但真係不得不試！而2個闊條麵都調味調得好好，口感亦吾錯，剛剛好，特別中意煙三文魚，而且份量都吾小伽🙈！同埋如果幾個朋友去嗌個小食，再拎d遊戲玩下，同貓仔玩下又一日！

呢間係一間專收留流浪貓的cafe...第一次去貓貓cafe..充滿期待，而且地不太難搵，入去後，要除鞋，餐廳設有最低消費，但價錢尚算合理，不會太貴！餐廳內每隻貓頸都圈著一個名牌，分別係藍色紅色，代表男和女，有著可愛有趣的名字！ 相親相愛的貓貓 本身以為cafe水準麻麻，但估唔到係唔差，，特別係芝士薯條，薯條上滿佈芝士醬，薯條超脆身，烤雞扒天使面，麵質軟身，唔會癡埋一舊舊，雞扒大大塊切成一件件，唔洗成塊自己切咁麻煩，肉質鮮嫩，仲有吉列豬扒沙律醬烏冬，豬扒加沙律醬出奇地好食，凍凍地既烏冬，非常之彈牙，吉烈豬扒外層都唔會剪得太厚皮，都係推薦之選！

醉翁之意不在酒，在乎貓貓之間也！就在過年前，決定以後不再收利事，把新年收到的利事全數捐出，受惠機構就是香港群貓會。把支票送到貓會時，知道今年要助養的貓貓是有病的需長期吃藥，非常非常瘦，探望期間抱了他一小時，很乖的貓貓。臨走時義工說：「你鍾意就帶返屋企啦！」 好呀，我可以領養貓貓。但首先要有人領養我。希望多了解貓貓，去了貓 Cafe 探望貓貓。這裡有幾隻貓貓比較印象深刻，有的貪玩可抱可摸，有的細小精力充沛，有的文靜驚青，很是可愛，每一隻都各有特色！蕃薯貓貓：一隻有腸胃病的貓貓，舌頭經常外露，需要長期吃藥，膽小地特別縮在一角。朱古力貓貓：肥肥的一隻玳瑁，悠然坐在半身櫃上俯視著大局，不介意別人摸摸抱抱。芝心丸貓貓：全程都是陪食的貓，乖乖坐在餐牌上面，是盡責的小店員！玩了一大輪，是時候開始吃東西了～小食拼盤：雞翼，餃子，薯條，腸仔。一整碟的Party food，吃的是派對般的愉快心情。份量非常充足，跟貓貓玩一會兒又吃一會兒小食，十分襟吃。豬頸肉天使麵：卡邦尼汁好好味，用天使麵襯白汁好配合，每束麵條都沾到醬汁。卡邦尼本來已經有芝士煙肉，加上豬頸肉更加抵食。而且茄汁畫成的貓貓圖案很可愛，我很喜歡！

作品愛貓之人，現在沒辦法在家養貓貓了(>﹏<)除了久不久在IG上瀏覽一下貓貓相，以解我單思之情之外，也沒舍好做，總不能常常打擾我那些有養貓的朋友吧？！得知貓咪貓咪HOME原來有好多貓，會四圍走，可以一邊吃我的晚餐，還可以一邊和貓貓玩呀！咁開心我當然立刻捉埋我個friend上去啦！cafe地點都好方便，就位於旺角近油麻地，都好容易揾。一上到來就貼滿好多貓貓海報同貓貓相，一入到室內，原來要脫鞋，也不能光腳，怕不合衛生，可以向店家購買10蚊一對的貓耳襪。而且要先消毒雙手，咁大家在摸貓咪時就唔怕有細菌，又可以對貓咪有更好的保障~店內環境未算好大，不過咁反而可以和貓兒有更近距離接觸😁又唔知點解會有個真鋼琴放左喺度，莫非貓貓都需要陶冶性情？😂四圍都是貓咪的踪影，大胆的甚至可以抱起牠們來影相。我們就選擇了一張黑色貓咪正在睡覺的餐桌來進餐！哈，有貓咪陪住我，吃嘢都開胃啲啫！點了的一杯焦糖咖啡，有貓咪樣，好得意，雖然其實我覺得似兔仔多啲😂味道香濃，咖啡入口順滑，焦糖味都幾出，又不會太搶，我幾鍾意~先來個雞翼小吃，蜜糖雞翼倒也不過不失，沒有太大的驚喜，也不會難食而已。不過看着那自己行過來倒

早幾日，企鵝哥同朋友黎到貓咪貓咪Home玩貓仔，雖然企鵝好少接觸貓科動物，但都未算去到抗拒既程度，所以依到成為左企鵝哥遊歷香港美食第四站。呢到唔單止提供一個舒適既環境比客人用餐，仲可以同可愛既貓仔一齊玩，佢地好活潑，成日跳上枱偷食，對貓奴們實在係一個唔錯既CAFE  煙三文魚野菌汁天使麵企鵝我好中意食三文魚，味道咸得黎口感creamy，天使麵幼身易入口，野菌汁份量適中，唔錯唔錯。評分味道：7/10賣相：7/10抵食：5/10  雞扒日式麻醬烏冬爽口彈牙既烏冬配上酸酸地帶有芝麻既胡麻醬，特別開胃，份量適中。雞扒既味道亦都好鮮嫩，香濃既日式燒汁加上微微煎香既雞扒，非常惹味。評分味道：7/10賣相：6/10抵食：5/10 愛你一萬年個名幾特別，實際上係玫瑰花茶，聞落去好香，味道酸得黎帶香，玫瑰味多於茶味，份量幾抵飲。評分味道：6/10賣相：6/10抵食：6/10唔少得既係貓貓主角，好彩佢地唔怕我依隻企鵝，哈哈！好疑惑既眼神望住我，應該諗緊我係咩生物 企鵝哥遊歷香港美食報導完畢，多謝收睇！

放工後同幾個朋友去玩下貓仔, 然後順便聚一聚 發現呢道既貓貓好活潑, 唔怕人之外仲好愛周圍走, 食食下晚餐都跳上黎你大脾同你玩HAHA十分愉快     門口有好多貓貓相, 未入去已經感受到入面既氣氛!就係貓! 貓! 貓! HAHA    環境方面; 個場大細適中, 牆身都係全部都係貓貓既圖片,類似CAFE既佈置, 隨時都有貓貓係你身邊~順帶一提;為左乾淨, 入場既朋友全部都要脫下鞋子  - 藍眼淚青檸阿喵 ;呢度連飲品都係用貓咪黎命名，真係好有心，飲品調色方面好靚，唔會有種化學品既感覺，青檸梳打入口清新，剛好可以同主食作一個調和，飲品入面重有啲果肉過吓口癮添，值得一試 !   - 橙貓咪 ;飲品內含椰果、菠蘿果肉，非常具有夏威夷風格，飲品酸酸甜甜飲落去非常解渴既開胃飲品，值得一試 ~   - 小食拼盤 ;有聽聞呢度既小食拼盤係必食之一，咁我地都叫左個，拼盤有薯條，脆皮腸同雞翼，份量都好多好抵食，味道就不過不失，畢竟係小食，不過食個陣最好小心啲，因為真係即叫即整熱辣辣 HAHA~  - 煙三文魚扁意粉 煙三文魚味道優等，小小咸~ 十分軟身，可謂入口即溶 而且賣相不俗~ 可以引起我

自己本身養過兔子，身邊朋友多是養狗一族，不熟悉的貓貓一向給我一種高傲神秘的感覺。這天朋友帶我去貓貓Café體驗體驗，沒想到我竟被萌貓秒殺了…位於旺角僑建大廈2樓的貓咪貓咪Home已是第二間分店，店裡的貓貓全是收養的流浪貓或是領養的貓貓，也許沒有甚麼名貴品種，但是意義非凡，我也絕對支持領養代替購買。為了貓貓健康，進店前要先脫鞋及穿著襪子 (沒穿襪子的話店裡也有售賣可愛的貓貓襪)，也要用消毒潔手液清潔雙手，真正愛貓的店才會有如此衛生意識。店裡貓貓的數量不少，有的在睡，有的在進食，有的在四處遊走，有的睜著好奇的眼睛看看客人，毛毛的很乾淨很可愛。店內也有各種卡牌遊戲可以借取，有貓相伴，真能消磨一整天。貓咪貓咪Home除了有貓，也是家Café，餐牌用色、字體設計可愛，背後還列上愛貓守則，對貓貓不熟悉的客人可以先看一下，以免在無意中嚇到貓貓。店裡提供蛋糕、小食、飲料等，也有飽肚的簡餐如意粉、烏冬，不怕會餓著。小食拼盤滿滿的小食拼盤份量不少，有剛炸起的曲曲薯條、蜜汁雞翼、炸餃子和蜜汁焗腸，雞翼和脆皮腸上塗滿蜜汁很香甜，餃子外皮炸得卜卜脆，兩個女生邊聊邊吃很快的消滅整盤。日式麻醬烏冬配炭烤雞腿扒店裡的

近年好似開咗好多貓貓cafe，鐘意貓貓嘅我今日突然發貓癮，所以黎咗依間cafe同貓貓玩。入去之前要除鞋先，以防帶埋啲細菌入去。日式麻醬吉列豬排烏冬（＄88）同貓貓玩之前要食飽先，我地叫咗店長推薦嘅日式麻醬吉列豬排烏冬，客人亦可選擇其他配料，有雞排、煙三文魚等。烏冬口感都算彈牙，同麻醬好夾，豬排唔會太油，調味亦唔錯，但就唔夠鬆化，有少少硬。芝士西多士（＄58）完全俾menu幅圖吸引，叫咗客芝士西多士，諗住流心芝士一定好正，上枱時覺得外型都幾吸手，金金黃黃，但切開一啲都唔流心連芝士都唔太見到，同食一般西多士冇分別，有啲失望。小食拼盤（＄88）至於小食拼盤，一睇就知超熱氣，有炸薯條、蜜汁雞翼、餃子同蜜汁腸仔。蜜汁雞翼同腸仔整得幾好食，雞翼好juicy，腸仔有啲芝士 但薯條就冇咩薯味，好重麵粉味，同好硬，應該炸得有啲過弄，餃子都煎到燶燶地，塊皮勁硬。食完野終於可以同貓貓玩！依間cafe都算多貓貓，應該有十幾隻，比之前去嗰啲多。依隻貓貓真係好百厭！成日上黎偷人野食，所以建議盡快食哂啲野先玩貓貓！

呢家貓咪cafe既貓貓大多係領養／收養的流浪貓，值得支持呀！環境一般，有待改善。叫左兩個芝麻醬烏冬，雞排較煙三文魚香，麻醬落足料，正。小食拼盤雖然望落普通，但勝在份量多，幾抵食。甜品麻麻，餅底同蛋糕分開，有點失望。飲品略嫌普通。

最近小妹真係愈黎愈愛上貓了，感覺自己開始快變成貓癡! 每次見到佢地傻傻可愛的樣子，真係什麼煩惱都拋開了! 仲記得以前貓Cafe算係一種比較新穎的主題餐廳，經過多年黎，香港的貓Cafe也開始多了不少，光是熱門多人的旺角都有幾間，就好似小妹今晚去了其中一間「貓咪貓咪Home」，Cafe名稱改得好聽又特別，超易記的。.店子係樓上鋪，一入到去記得要除鞋後把鞋放在鞋架，仲要記得用消毒液消毒雙手才同貓貓玩啊! 環境就好似一般Cafe的格局，排了不少檯櫈，整個感覺有點迫狹，對於貓Cafe，小妹還是較喜歡能坐在地上和貓貓們玩耍。.另外，小妹也很喜歡這裡的貓相牆，看著不同角度的貓咪，這幅牆很美!.餐牌上有寫明了每人的最低消費和用餐時間為90分鐘，大約八點多，客人也愈黎愈多，最好還是先訂的位比較穩陣。.旁邊也有提供用黎和貓貓玩的玩具。.這次被安排坐的位置，一坐下已經發現有隻名叫「蕃薯」的可愛貓貓坐在隔離了，知道貓貓一向睡的時間都頗長，所以從小妹坐下到離開，「蕃薯」都一直在睡，偶然還會起身洗洗臉，很過癮。.Cafe內還有不少咪貓，大多都在睡覺，感覺很懶洋洋沒有煩惱的，真令人羨慕!.這隻黑色的貓咪樣子很英偉呢

同朋友行開旺角,咁岩想搵間野坐低傾下計就上左呢間貓貓CAFE一入到去好大幅貓貓牆,見到個心都己經融晒D貓貓好好動,係CAFE入面完全唔會驚悶入面好闊,係到食野好relax,真係可以坐足一日要讚既係D員工服務好好,我地落完單又改,好多野問都仲笑容滿面,抵讚!!我同朋友2個人一人一杯野飲,我叫左杯黑貓咪朱古力味好重,再加埋雪糕真係絕配呢杯係沙冰,好重益力多味,酸酸地好開胃必試份量夠晒大杯,好抵飲另外我地仲叫左一件蛋糕,蛋糕香濃軟滑,味道好有水準,而且價錢合理

筆者向來不太愛寵物貓狗，但由於先前工作環境的後巷，有不少貓隻在逗留，筆者亦間中餵小吃給貓隻，間或逗逗牠們，從而引發玩貓之心。這家貓咪cafe位置方便，在油麻地港鐵站附近，「前家樂商場」步行過來也只消五分鐘，旁邊是米線專門店。一進入此店，感覺非常衛生，門口有鞋架，供客人先脫下鞋子才進店。 眼看不少年輕男女來這cafe，可能他們沒地方hea，但更有可能是，家中養不得寵物，或其中一方不喜歡養寵物，於是二人齊來cafe玩貓「頂癮」。 黑貓、白貓、灰貓、肥貓、蠢貓，形形色色的貓隻都可以在此餐廳找到，店員指此餐廳已養有20多隻貓隻（但一進店時其實只有幾隻貓咪是清醒的，其餘則如上圖熟睡）。不喜歡貓的朋友也不用擔心，因為其實他們很懶惰，經常在窩内睡眠，一定不會無緣無故走過來騷擾你，店內有幾名客人更在店內開會討論事宜。看看餐牌，挺多選擇 吉列豬扒芝麻沙律醬烏冬 汁醬夠多，芝麻醬多得來總不會太酸，混烏冬吃所需芝麻醬甚多，但本人仍能吃到每條都有芝麻醬，難得。在冷烏冬上的吉列豬扒，因本人看到其面頭已淋有汁醬，以為冷卻了又沒生氣，豈料竟沒有冷卻變軟，外皮仍然脆香，肉質也不太鞋口，想不到ca

前幾日同朋友去左呢間貓貓CAFE 裡面全部貓仔都係流浪貓黎見到每次貓仔都健健康康真係好感恩哦!黎到貓cafe緊係黎玩🐱啦！呢到d貓貓超級可愛善良 仲可以比人任抱唔嬲😉 因為我去個時係冬天 個日都幾凍所以好多貓仔都堆埋晒訓教 超得意!目測有8-9隻左右 有肥有瘦有細有大😳 每隻貓頸上都有個貓牌 有寫有佢地既名因為冬天 所以d貓貓全部都超級懶呀 靜係掛住訓教食物方面野食都尚算不錯主食 甜品 飲品都有齊!呢到連綠茶蛋糕都有呀!賣相都唔錯 不過我就覺得味道唔太夠綠茶味唔夠濃!呢個鳥冬仲用茄汁畫上左貓貓既圖案員工用心之外 仲畫得好QQ!唔夠飽仲可以叫呢個小食拼盤岩晒3-4人 迎合各人既口味飲品方面 花茶兩款味道都唔錯而且份量都幾大 好似飲極都飲唔完咁 超抵飲不過裝潢有待改善🙈 btw 同朋友黎玩下貓仔同影下相都幾開心😉