財記辣蟹私房菜

营业中

休息中

真的很久沒有吃避風塘或大排檔美食了, 今日放假便相約朋友聚舊, 大家都好回味椒鹽鮮魷……… 找來附近的財記辣蟹私房菜食個早飯, 18:00入座, 不用等位, 呢間避風塘辣蟹喺香港其實幾出名的, 以前成日見香港明星/韓星都嚟食避風塘辣蟹及其他海鮮。財記辣蟹私房菜裝潢是酒樓格局, 主打避風塘美食及各式大排檔鑊氣小炒, 一般小菜價錢算大眾化。椒鹽鮮魷 ($100)惹味非常的大排檔美食, 鮮魷炸完即以蒜粒及椒鹽爆炒上枱, 鑊氣十足的佐酒美食, 鮮魷鹹鹹香香, 爽爽彈彈, 很嫩口, 鮮味十足, 沒讓我們失望霸王走地雞半隻 ($138)味道有點似豉油王雞, 醬汁豉味十足, 有微微的香甜, 雞肉很入味,  雞件有點彈性卻不失嫩滑, 走地雞好食之處係雞肉唔會梅梅腍腍的, 雞肉較結實及肉味較濃。豉椒炒蜆 ($98)豉椒炒蜆都係大排檔美食之一, 勝在香香辣辣, 爆炒過的豆豉及辣椒讓蜆肉更香鮮惹味, 味道適中不過鹹。辣蟹蒜蝦乾炒韭菜花 ($88)避風塘蒜粒油及椒絲, 再加很多有點嚼口及濃鮮的蝦乾爆炒, 韭菜花爽脆, 香口到不得了,  蒜香十足, 香香辣辣, 又一佐酒美食。呢間啲小炒夠鑊氣, 味道香口得黎唔會

係附近買完海味，又到搵地方開餐時間，友人提議近近地上去呢度叫小菜食飯。雖則店名有辣蟹，但唔食蟹食小菜亦係一個好地方。晚上天氣涼涼地，想要個湯羹暖吓個肚仔，家常大路之選，西湖牛肉羹 ($88)。呢個係例鍋，大約有4碗份量。加少少胡椒粉調味，唔會過咸，當作湯羹岩岩好，食到牛肉碎又有蛋白嘅滑度加芫茜嘅香度，飲完一碗幾暖肚。好耐無食過嘅豉椒炒蜆 ($98)，今餐有得食。目測隔離幾枱都有呢碟出現，應該無叫錯。豉椒味好惹味，偶然食到甜椒粒; 九成以上嘅都有肉，肉質鮮甜嫩滑，最緊要係一粒沙都無食到，可以放心食呢間選用嘅走地鷄，肉質比較有保證，既然係咁，就整碟蔥油走地雞($138/半隻)。成個碟面被蔥粒及薑蓉所遮住，勁呀。係蔥粒下成功”救出”件鷄，肉質好滑，夾埋D薑蔥粒一齊食，夠晒味道，唔食皮嘅可輕易撕走。用黎送白飯輕易乾掉一碗。清新鮮味嘅有上湯什菜煲 ($88)，材料除咗有幾款蔬菜如菜心，西蘭花及白菜仔，亦有蝦米，魷魚及粉絲。算係今餐嘅”清泉”。今餐有鷄有蜆有菜仲有湯，滿足同飽肚程度係十粒星。

今晚係海鮮宴。豉椒炒蜆大蜆好乾淨一啲沙都無，蜆肉同爆香嘅蒜蓉豆豉醬係絕配，濃烈嘅醬汁入面食到蜆肉鮮甜嘅味道。椒鹽鮮魷絕對係大人細路都愛不釋手嘅經典海鮮菜式，魷魚脆卜卜好爽口，金黃色嘅炸皮薄得來好香口，椒鹽調味適中唔會死鹹。芝士焗蝦球伊麵用大大粒嘅蝦球取代龍蝦依然咁好味，伊麵吸收咗濃濃嘅芝士醬汁特別入味，而且份量足料美味又飽肚。燒汁炒雜菌果然喺酒樓食先會鑊氣十足，屋企自己煮完全無得比，各種雜菌又香又多汁，而且保持住爽脆嘅口感，健康又美味。下次嚟一定要試埋佢嘅招牌辣蟹！

- 今日放假去開銅鑼灣附近，順便接個朋友收工一齊食晚餐，聽講呢間餐廳非常出名食蟹。- 上到樓上，門口有一大個魚缸，同埋好多新鮮蟹，勁大隻！而且環境非常熱鬧，滿滿都係客人。- 呢度感覺似中菜館，菜式有好多選擇，大多以海鮮為主。- 今次我地都唔例外，首先就叫左薑蔥美國生蠔。呢款係由煲仔送上，熱辣辣不在話下，生蠔非常新鮮，而且好大隻，絕對唔會配菜多過主菜，呢個價錢好抵食！- 由於我地唔想食太熱氣又唔想食飯，所以叫左粟米海皇羹🌽。原鍋送上，每個人至少飲左三碗🤣，仲飽肚過食飯。呢款海皇羹有魷魚、帶子、魚肚同蝦等等，全部係新鮮海鮮，加上胡椒粉一流！- 畢竟呢間餐廳主要食蟹，我地都叫左鮮蟹肉扒時蔬。係意料之外，呢款好多蟹肉，全部都係新鮮蟹肉，用心機拆出來，真係手工菜。而且西蘭花竟然係我覺得咁多款菜式，算係最好食，連蔬菜都做得咁好食，真係唔簡單！

豉椒炒蜆，🌶新鮮的蜆貝經由炒煮並添加豉椒調味。豉椒可以食得出豆豉和辣椒的香味，令蜆貝更濃郁和帶有少少微辣。🔥高溫快炒之後，蜆貝可以keep到口感鮮嫩。椒鹽九肚魚，含豐富的膠質，🐟經過油炸後，外皮特別酥脆，🧂少少椒鹽調味，香料令九肚魚更香脆。財記小炒皇，🥬小炒綜合多種食材，愛經典嘅韭菜花！經過高溫快炒烹調後，食材食得出新鮮，😙口味同樣豐富多樣。黑椒牛仔骨，🐮牛仔骨用黑椒去調味，肉質特別多汁。黑椒調味味道香辣，牛仔骨更是外酥內嫩，搭配黑椒的香氣，😍非常吸引。

又嚟食財記，生滾走地雞粥依然係必叫，粥食落熱粒粒，又夠鹹香，雞件大件又滑嫩，而且大大煲冇得輸❤️馬拉盞炒通菜炒落脆身，辣辣地食落好過癮👍🏻豉椒炒蜆都好有質素，值得就係份量超級足，而且啲蜆識落冇沙，新鮮又多肉，而且醬汁好濃郁，非常之入味🤤脆皮豆腐都非常之好食，外皮炸到好脆，金黃金黃色，豆腐又夠嫩滑，配埋啲椒鹽喺出邊，食落好有風味😋餐廳都非常闊落，而且上菜速度有救快，員工落單又好親切，值得再encore😍

位置非常方便，menu很多款式都係地道小炒，除了食蟹出名之外，其實小炒都非常有鑊氣。財記海鮮炒飯就係鑊氣之選，米飯炒得爽身，粒粒分明夠香口，再加埋炒香既午餐肉粒，更添香口層次感。而且份量都夠大碟，性價比幾高。海鮮雜菜煲湯底味道鮮甜，海鮮用料豐富，魷魚，蝦，帶子等，入口滋味豐富，還有粉絲，西蘭花，芥蘭，清甜自然又夠熱辣辣！椒鹽鮮魷味道香脆，椒鹽的香氣與鮮魷的鮮嫩口感相得益彰，吃起來酥脆可口，再加上喼汁更惹味！整體唔會太油膩，令人食指大動。

咕嚕肉的肉質鮮嫩多汁，外層炸得酥脆，每一口都能感受到那種脆嫩的口感和香氣四溢的味道。餐廳將咕嚕肉與甜酸醬汁完美結合，這種酸甜的調味讓人驚艷，口感豐富且平衡。此外，肉塊中的油脂被炸得恰到好處，既保持了肉質的鮮嫩，又帶來了香脆的口感。九肚魚炸得金黃酥脆，外層酥脆內裡嫩滑，讓人一口咬下即能感受到魚肉的鮮甜和肉質的細膩。椒鹽的香氣讓整道菜更加迷人，椒鹽的微辣和鹽味完美平衡，增添了整體的風味和口感。椒鹽豆腐，豆腐外層酥脆，內裡綿軟細滑，口感豐富。椒鹽的香氣讓這道菜更加迷人，椒鹽的微辣和鹽味與豆腐的鮮味完美結合，帶來了一種獨特的口感和風味。每一口都能品味到豆腐的細膩和椒鹽的滋味。豉油王炒麵，炒麵的麵條煮得剛剛好，彈牙有嚼勁，每一口都能感受到麵條的彈性和口感。豉油的味道濃郁，與麵條完美融合，讓每一條麵條都充滿了豉油的香氣和滋味。

如果你想吃地道的港式小炒 但又不想去大排檔的話財記會是不錯的選擇-♡ 脆皮炸豆腐外酥裡嫩的炸豆腐 內裡超級滑嫩 口感max搭配甜辣醬 味道一絕-♡ 椒鹽鮮魷🐙鮮魷鮮嫩肉質緊實 口感香酥Q彈有嚼勁-♡ 䜴椒炒蜆🦪🦪醬汁不會咸膩 辣辣的很夠味 肉質也飽滿-♡ 茄子煲🍆🍆茄子煲軟糯超級下飯 吸收了醬汁鮮香入味-🍽 店名：財記辣蟹私房菜 (銅鑼灣)📍地址：銅鑼灣駱克道447-449號中威商業大廈2-3樓🚇交通：銅鑼灣C

想食傳統炒小菜，但又唔想大排檔熱辣辣，呢間就啱哂~入到去好有嗰陣中菜餐館嘅味道~但又乾淨企理~🔹椒鹽魷魚🔹 熱辣辣上枱，分量都唔錯，炸粉唔太厚，魷魚都幾彈牙~🔹菠蘿咕嚕肉🔹酸甜適中，咕嚕肉唔會太肥，仲食到脆脆地~好開胃~🔹海鮮雜菜煲🔹超多料！有好多魚塊，又有帶子，魷魚，蝦~湯底都好濃清雞湯，啲什菜索哂味！🔹瑤柱蛋白炒飯🔹好有鑊氣！有瑤柱香，飯粒粒分明，食到一粒都無剩！

如果有外地人叫我說說香港飲食有甚麼特色介紹，我相信我會說雲吞麵，茶餐廳，燒臘，打邊爐，以及：炒嘢。炒甚麼嘢呢？我就不理炒甚麼，小炒好大炒好，香港的廚師炒嘢確實有一手。朋友約食飯聚會，約了來財記辣蟹私房菜，正正就是我心目中的炒嘢。以前還會去宵夜的年代，奢侈的會去佐敦打邊爐，或者去土瓜灣打冷，但更便捷的是開完OT收工去吃小炒，底氣十足疲勞盡消！年紀大了，不再夜宵，偶然來吃一餐炒嘢特別暖心。我認識財記也是銅鑼灣幾位因工作關系會經常吃宵夜的朋友介紹的，今餐我們訂了房間，自己人圍威喂大吃大喝一餐，這裡炒嘢鑊氣十足，炸嘢夠味但不油膩，椒鹽九肚魚好味，炸蝦多士更好味，特別要推介的是咕嚕釀油炸鬼！咕嚕肉就食得多，咕嚕釀油炸鬼我還真是第一次食，回味無窮！這店的名稱擺明車馬叫財記辣蟹，當然也要點一味他們的辣蟹吧。朋友點了中辣，全枱人都手腳並用吃得勁滋味。這樣吃一餐炒嘢，我不需要去想那些甚麼星級評價，因為我對飲食，不是為了追星而來，本身就是為了吃那一種地道的味道。

40年老字號的財記辣蟹，是今夜開餐的地方。環境乾淨企理，座位舒適。典型中式酒樓格局，不過不失！自設偌大魚缸，確保海鮮質素 👍👍，游水的瀨尿蝦，極吸睛 😍😍點了幾款小菜，先是菜膽走地雞半隻$138，雞肉嫩滑 😋😋雞有醃過，鹹淡適中，半隻份量也不少，加上有生菜墊底，十分抵食👍再來燒汁雜菌豬頸肉$98，份量適中。燒汁惹味，豬頸肉夾口彈牙，味道甚好！還有海鮮雜菜煲$118海鮮有爽口大蝦、鮮魷、嫩滑斑塊，粉絲吸滿了湯的鮮味 😋😋，美味！沒有點湯的飯餐裏，是另類湯水。主食沒有如常的點碗白飯，反而選了乾炒牛河 $78 河粉滑溜，牛肉唔韌，芽菜爽口！簡簡單單的中式晚餐，吃得甚是開懷 😁😁

💬一班朋友盡興嘈喧巴閉就要揀啱地方，環境合適大伙兒傾吓偈同埋食物有鑊氣又夠好食，呢一間私房菜就係其中一個好選擇，傾到興高采烈之際飲啖啤酒🍻啤啤佢先，飲啖先❗️.———————————————————————————.🥢避風塘炒蟹🦀/胡椒炒蟹🦀💬兩款都係招牌動作，雖然係時價，真係比較「揦脷」💰，又坦白講都係非常出色，無論避風塘同胡椒都好滋味，但一試無妨，唔捨得再食❗️.🥢海鮮荷葉飯🍚💬平時都唔多叫荷葉飯，因為喜歡比較乾爽嘅感覺，淋得滯嘅飯會好滯；不過呢個荷葉飯蒸完之後再在上面加上充滿海鮮嘅獻汁，增加咗一個層次，好味❗️.🥢薑蔥美國生蠔煲🦪💬將大大隻嘅生蠔🦪走一走油，比較挺身，加入薑粒同蔥爆炒再砂鍋上碟，非常乾身又夠鑊氣❗️.🥢鹹蛋黃涼瓜💬非常驚喜，涼瓜一啲都唔苦仲好爽口，外面包住鹹蛋黃，味道出奇地夾❗️.🥢粟米海皇羹🌽💬食咁多好嘢都想濕下口，除咗湯水之外可以叫窩湯羹飲下，粟米海皇羹非常濃郁同足料，一啲都唔馬虎❗️.🥢椒鹽排骨🐽/椒鹽鮮魷🦑💬大家都鍾意食香口嘢，最緊要唔油膩同淮鹽嘅控制，炸得剛好，兩款都不錯❗️.🥢鍋貼蝦多士🦐🥪💬又係人氣之選，咬唔出油就係成功，好香脆同彈牙，加埋沙律醬係指定動作❗️.🥢脆

姜蔥美國生蠔每一隻生蠔都大隻，蠔肉豐富，蠔味夠香 。加上五花肉、姜、蔥，醬汁濃濃，又香又惹味！蒜蓉蝦乾蒸勝瓜份量很足，勝瓜多汁，蒜味香濃入味，底下有粉絲，吸滿咗甜甜既湯汁。八珍海鮮豆腐煲有蝦、魷魚、豆腐、魚塊、冬菇、白菜仔、帶子、紅蘿蔔，成煲好豐盛。豆腐外面煎香，入面豆腐滑嫩；魚塊、蝦肉質結實彈牙；帶子清甜；冬菇入味，白菜仔又軟又甜。

叫得私房菜，菜式方面已經同一般菜館所提供的不同，還要注明辣蟹，以食海鮮一定不差。但更沒想到，除了海鮮以外，小菜都一樣好。******************************-財記辣蟹私房菜位於銅鑼灣區，共佔2層，入座不久就已經滿座，大部份人前來都為海鮮而來，偏偏我和朋友，就選上海鮮以外小菜。餐牌之中，海鮮以時價計算，小菜方便由幾都蚊起，還有些小菜菜式比較特別。收費都有加一，除了茶芥還有小食花生。飲品有啤酒，支裝汽水和王老吉。蝦醬蝦乾蒸豬頸肉 HKD105，蝦乾咸香味十足，再配上蝦醬，鮮味更加提昇不少，豬頸肉又滑溜，有點喜出望外，配白飯吃一流。咸蛋黃涼瓜 HKD78，涼瓜厚切，吃上口帶點甘甘地味道，完全不苦，再用咸蛋黃炸成薄脆漿，增加香口感。咕嚕蝦油條 HKD168，巿面上相對較少有此菜式，油條搽上一層蝦膠炸得非常香脆，咕嚕汁已經夠開胃，還加上不少菠蘿肉，甜甜酸酸，必須要白飯一碗備吃，才覺滿足。如此多炸物，配上王老吉清下熱氣都不怕。