越男仔 (已搬遷) 新店位置

話說早前去過越男仔的大埔店，覺得好食又抵食，所以這次來到旺角，就來總店試試~ 原來這店相當細間，開放式的廚房以及吧枱位，有如一間日式拉麵店格局. 這店沒有下午茶餐，選了主菜，可加配小食及飲品，應該是旺角租金太貴的關係了. 越式生牛肉牛骨湯河粉 ($62) 先呷一口湯，湯底熱燙香甜，不會過鹹. 牛肉嫩滑且偏瘦，配上滑滑的河粉，是一客幾有水準的越式湯河~ 鴛鴦雞飯 送秘製清雞湯 ($82) 鴛鴦雞飯即海南雞& 牛油雞扒，海南雞雞肉嫩滑，不過如果是去了骨則更好; 牛油雞扒則太油膩，油份太多，個人不太喜歡. 至於雞油飯熱辣可口，有水準! 越式素春卷 (正價 $49 跟餐$42) 即炸的素春卷，內裡有木耳、胡蘿蔔& 粉絲等，以爽脆生菜捲着吃，既清新又可解油膩感~ 凍香茅薑蜜 (正價 $38 跟餐$29) 薑蜜就飲得多，但加埋香茅就未試過! 薑蜜不會過甜，配上香茅獨有的香氣，原來都幾夾的，個人幾喜歡. 雖然餐廳細細，但食物即點即製，都幾有heart的.旺角廣華街2-20號翠園大樓二期地下8號舖24889191

是日同朋友去了旺角行街，經過廣華街的時候，見到呢間餐廳早前電視台到訪過，於是就入去試下。餐廳入面大概有20個位左右，是小店來的，我地被安排坐近廚房位置的bar枱。店員還為我們介紹了菜牌，很親切。我們二人共店了兩個粉、兩個小食同兩杯飲品，足以食到飽住個肚走啦!海膽手撕雞檬紙卷，這個小食夠創新，平時食越南野絕對唔會食到有海膽既紙卷。海膽鮮甜，紙卷中間有手撕雞同埋夾有少少酸蘿蔔，很開胃，層次豐富!法式芝心蝦多士，芝麻多士中間夾有流心既芝士同埋蝦膠，蝦膠彈牙有蝦味，配上芝士一齊食，口感非常豐富。而且多士亦不會炸到好油!招牌海鮮椰汁酸湯檬粉，海鮮包括了生蠔、海蝦及青口。湯底很特別，好少在越南餐廳能夠食到有酸湯，湯底飲落去有點像沒有辣的冬蔭功，帶有香茅味，飲落去不會有滯的感覺。海鮮也很新鮮，蝦非常鮮甜彈牙。胡志明市紅蕃茄四寶湯檬粉，四寶包括了扎肉、豬扒、豬頸肉同埋脆豬肉粒。湯底很濃，有D似飲緊羅宋湯，很開胃。扎肉有微微的烤過，帶出左扎肉既味道，豬頸肉不會很肥，脆豬肉粒咬落脆脆地又細細粒，可以一口咁食，而豬扒亦不會太「鞋」，很入味!青檸梳打，用上泰國牌子的梳打水，飲落酸甜，很醒胃。而且擺法亦很特別。

📍旺角📍抵食❗️人氣海膽+手撕雞♥️檬紙卷🤤之前睇openrice就係俾呢個海膽+手撕雞檬紙卷吸引住😍一早就bookmark咗，一定要去試下，究竟海膽+手撕雞係點😆😆其實係越南米紙卷嘅做法，上面舖滿鮮甜嘅海膽，下面就係手撕雞+青瓜+生菜+薄荷葉🌿一定❗️一定❗️要一啖放入口食🤤個口感超豐富，有海膽嘅鮮味，再加惹味嘅手撕雞，配埋青瓜絲同生菜，超級開胃😍😍❗️❗️❗️之後仲叫咗招牌椒鹽軟殼蟹，上枱個陣已經好多陣椒鹽味❤️食落好脆卜卜，仲有好多紅椒，好惹味🤤同埋個招牌生蠔藍青口椰汁酸湯湯檬粉🍜隻隻青口都大大隻，仲有幾隻好鮮甜嘅生蠔，好重蠔味，真係有啲意外🤣估唔到一個湯檬粉用料都咁落本👍🏻不過杯雙檸紅茶偏淡，可能係因為啲嘢食都偏濃味，所以就想淡啲，清清喉嚨咁😌但整體都幾好食😎

今日有朋友生日，咁大家都中意越南野食就士旦揀左間越南野。出面廣告就賣緊呢個炙燒扎肉同埋手撕雞米湯檬。咁入到去就當然叫一碗黎試下，又唔係話唔好食，不過真係有啲失望。湯好似喇沙湯，因為用椰汁，但係冇喇沙湯咁惹味，但係又失去左越式湯底嘅香料味道，最後邯鄲學步，兩頭唔到岸。☹️☹️非常可惜。另外我地又叫左個窩蛋牛肉生菜包撈檬，呢個終於食得返平時食開越南野嘅味道😂😂本身入黎就係想食越南野，所以對呢個撈檬嘅評價都會高啲。其中窩蛋牛肉生菜包幾特別。咸辣嘅牛肉用菜包住，即刻覺得好fresh，食落冇乜罪惡感🙊🙊最後咸檸七，好淡。似溝左水。而且面到有層油，好影響觀感。總結，不過不失。

之前有電視介紹過這位越男仔，所以即管去搵下這個越男仔有幾好。舖面細細的，只得數十個座位，設開放式廚房，以吧枱設計為主，所以清楚見到廚房內的煮食環境，很乾淨整齊，大家都食得開心放心。牆上貼上一些攪鬼字句。雖然地方細細，但餐牌款式都有不少選擇，還有特式的粉麵及小食，還可以自選湯底及配料，更有一款岩自己的。餐廳的招牌是椰汁酸湯，當然要試一下吧，配料選了滑雞，上枱熱啦啦，大大碗，滑雞的確很滑，無骨，無皮，岩晒我們怕肥的一族。招牌椰汁酸湯的確好味，有椰香味，酸酸咪咪的，湯面還配上洋蔥, 乾蔥, 令湯底更香，配上比較吸湯的金邊粉，好味。老公選了胡志明市紅蕃茄四寶湯檬粉，四寶包括扎肉，豬扒，豬頸肉及脆豬肉，份量十足，岩晒食肉獸的朋友。紅蕃茄湯底濃郁香甜。牛油雞翼，坐係吧枱前，望住廚房新鮮炸起的，粉漿不會太厚，外層脆卜卜，肉質仍然嫩滑。手撕雞檬紙卷，平時的米紙卷是將所以材料包起的，但這個越男仔就攪攪新意思，將雞絲堆放於檬紙卷上，幾特別!食越南野，當然要支青檸梳打配一配吧!

自己未去過越南🇻🇳旅行 但就一直好鐘意食越南菜 前幾日朋友提起話上次食過唔錯就叫我同佢再去食 咁我當然唔會拒絕❌「越男仔」店名玩味十足 相信唔少人會比佢個名吸引咗 餐廳地方唔大 但有種幾溫馨舒服既感覺 牆既周遭都貼滿咗唔同既相片 大多都係餐廳美食推介 相當有趣😚雞翼🐔有三款 我地嗌咗款蒜香牛油味 有濃濃既牛油香 雞翼肉嫩 咬得出一絲絲既雞肉 亦唔算太油膩 係會想encore既選擇🤩朋友點左杯凍咸檸柚子蜜 咸檸檬🍋酸酸咪咪 加上柚子蜜甜甜地 無任何衝突 好岩依個秋涼既天氣🍂 潤喉一流皇牌拼盤📣係我地想試多幾款小食既選擇 包括咗三樣 無骨鳳爪 蒜香牛油雞翼 同埋越式素春卷 份量岩哂兩個女仔👭食 米紙卷厚薄岩岩好 素春卷食落唔單調 反而幾有飽滿感 無骨鳳爪微辣 帶點酸 相當開胃兼惹味💃🏻主食我地點咗8號 生牛肉🍖拼滑雞拼扎肉拼牛丸牛骨湯菜 內容睇名都夠哂豐富 材料有齊生牛肉 扎肉 滑雞 牛丸同牛骨湯 份量都好大碗 鐘意既話可以加粉 但我地就怕飽又想試多幾樣就無加 生牛肉口感滑嫩 牛丸夠牛味 彈牙 滑雞都幾好食 湯頭清甜 配埋入面既生菜可以將成碗湯飲哂👍🏻👍🏻

今日放工同老公去廣華醫院探患病的姨婆，還好姨婆病情不嚴重，不阻姨婆休息，我們逗留一陣就離開，老公說食埋晚餐至回家，記起附近有食越南菜的越男仔分店，之前在銅鑼灣食過好好味，今晚就去旺角分店回味一下吧！旺角分店地方不大，但都整潔。胡志明市紅蕃茄四寶湯檬粉，材料有扎肉、豬扒、豬頸肉、脆豬肉，份量都好大碗，豬扒、豬頸肉、脆豬肉都入味有口感。湯底是用新鮮蕃茄和洋蔥豬等熬製，濃郁香甜，檬粉幼滑，吸收了蕃茄濃湯，十分惹味！招牌生蠔椰汁酸湯湯檬粉：生蠔新鮮又大隻，湯底鮮甜帶酸味，椰汁味香，檬粉配芽菜，幼滑得來又爽口。法式芝心蝦多士：外層沾滿芝麻炸得酥脆，蝦膠彈牙，中間的芝士流心好惹味。蒜香牛油脆雞翼：外層香脆，肉質鮮嫩，牛油味香濃。咸檸七喜：咸檸檬酸中帶咸，配七喜好夾。

越南🇻🇳近年成為不少旅客的熱門旅遊之選，雖然我仲未有機會去越南，但對越南菜絕不陌生，偶爾也會找找尋訪香港好吃的越南菜 朋友推介我到這間越南店子，搜尋下才發現原來玩「食字」店名—越男仔在港九新界已有四間分店🔍 我也太遲發現吧位於旺角食街廣華街內，店鋪地方狹小，沿牆左右的吧枱設計，像日式的拉麵小店，眼看幾乎坐無虛席，雖然座位不多但人流轉得很快，所以不用擔心沒位店鋪帶點潮意且別具特色，有不少香港特色的潮語/口頭禪牆上貼滿一張張的即影即有相片，有些更是打了卡並有哂#Hashtag的IG美食帖子，這樣除了可以吸引食客注意外，光看這些美食相經已令人垂涎三尺🤤 客人若在餐牌都找不到自己的心水，絕不要緊，餐廳貼心地讓客人從湯底、配料、醬汁及粉麵中自選搭配，十足車仔麵咁，製作到一碗100%「度身訂造」的越南風味粉這杯青檸梳打的容量已令我很滿意，用上泰國🇹🇭原枝冰凍過的梳打水倒插在透明杯內，賣相很美，青檸酸酸加上氣泡持久的梳打水，絕對是吃越南菜的不二之選這道法式芝士蝦多士可謂店家必點菜，更獲得高雄得獎菜的殊榮，外形呈三角形，用麵包包裹著爽口鮮味的蝦膠🦐，炸至吸引的金黃色，面層全是滿滿的白芝麻，濃郁的芝麻香

我好鐘意食越南野，但香港既越南野食花款好少，有時都食到悶。直至有日係旺角發現左越男仔，令我發現新大陸招牌椰汁酸湯滑雞檬粉: 奶黃色既湯底傳來陣陣椰香味，飲一啖仲有少少酸甜味，好醒胃。檬粉份量多，唔會痴埋一舊。最頂鋪左好多件雞，睇落似鹽焗雞有少少乾，但食落原來係好滑好爽口。湯上撒滿生洋蔥、蔥花、炸蒜，吊出湯既鮮甜味。雙層芝士炸醬(牛)豬頸肉撈檬: 呢碟撈檬一上枱，我以為係沙律黎，因為上面既餸+菜完全遮蓋下面既檬粉。豬頸肉份量多，起碼有7-8塊，上面仲有一大塊火炙過既半溶芝士而炸醬牛食落似罐頭咸牛肉，撈檬一流，啖啖肉。本身我驚撈檬會唔夠味，落左鋪頭自家製既蒜蓉汁&魚露，所以食落更加香口蒜香牛油脆雞翼: 我同朋友都係雞翼發燒友~呢個雞翼我地俾9分啊！因為佢真係炸到表皮勁脆，每一啖咬落去都會聽到聲，但係肉又滑嫩多汁，唔會老，係生炸無誤! 而扣1分就係價錢太貴$38兩隻…招牌椒鹽軟殼蟹: 其實呢次係我第一次食咁大隻咁完整既軟殼蟹。呢隻軟殼蟹好多肉，炸完冇油膉味，而且鋪頭落左大量新鮮辣椒、蔥段、炸蒜去炒，好有避風塘既感覺咸檸柚子蜜: 唔算特別，但幾好飲，咸咸甜甜咁，都幾解渴。薄荷青檸梳打: 造型滿

星期六去陪朋友去了旺角軍事商場買war game用品，之後過了隔離街食越南粉。下午茶時間都幾多人，但這裏無下午菜，不會點主菜可以特價加小食及飲品。雙檸紅茶及香茅薑蜜：檸茶就飲得多，但青檸加黃檸都是第一次飲，有青檸的清香同時有黃檸的酸味，非常解渴；香茅及薑味突出，而且不太甜。越式蝦餅：蝦餅細細件，但食得出蝦膠是新鮮蝦肉打成，非常彈牙。芝士軟殼蟹焗蒜蓉包：一大隻軟殼蟹舖在蒜蓉包表面，還蓋上一大片半溶芝士，軟殼蟹不算油膩，蒜蓉包焗得鬆脆，而且有三大片，非常飽肚。越式火車頭湯金邊粉：有牛柏葉、牛丸、生牛肉及牛筋等配料，金邊粉爽滑，因為是牛骨湯底，味道較清。

生牛肉好正！經常跟朋友周圍去找好的食物吃，今次就去到旺角一間叫做越男仔的餐廳。我覺得這間餐廳幾特別，地方雖然細細，但是食物的質素幾好，而且食物的賣相也十分吸引。我叫了一個越式生牛肉牛骨濕河粉。上面的生牛肉真是很好味，新鮮，而且軟滑。生牛肉送到我面前的時候，牛肉仍然有1至2分是生的，於是我就將牛肉浸在湯裏面，很快牛肉就已經熟了。剛熟透的牛肉十分嫩，肉質很鬆軟。不得不提的是它的湯底，湯底有着濃郁的牛肉味，好好飲，一邊飲牛肉湯，一邊吃粉，再配上一口生牛肉，真是好味道啊。另外，有叫了一碟煙三文魚檬紙卷，煙三文魚一點兒都不腥，再加上這間餐廳的特製醬汁，就是專門用來撈檬粉的醬汁，這個醬汁有點兒像泰式辣醬的，酸酸的。沾在一起吃，未到幾好。忘了說我還叫了一碟三色雞翼拼盤，這個拼盤一共有六隻雞翼，兩隻雞翼是蒜香牛油味，兩隻雞翼是火辣蒜椒味，最後兩隻雞翼是叫做金蒜脆雞翼。我個人覺得蒜香牛油味雞翼最好味，雞翼肉質很嫩，而且雞翼外皮脆而有濃濃牛油蒜香味，真心好吃。火辣蒜椒雞翼都不錯，肉質一樣好嫩，微辣，幾好幾好。

去醫院探完病，去了對面的廣華街搵食，這間越男仔舖仔細細，所以下午茶時間都坐滿。點主食配小食有跟餐優惠。法式芝心蝦多士多士表面釀上很厚的蝦膠，蝦肉爽口彈牙，不會多士比較油膩。招牌越男仔海南雞配黃薑飯海南雞肉質嫩滑，雞皮脂妨不太多所以不會太油膩，平時多數是心配雞油飯，但這裏的是黃薑飯，比較健康，另外還有清湯，裏面有些洋葱及菜。火炙薄燒燒牛肉拼脆雞檬牛肉表面燒至半生熟，肉質嫩腍而且油脂不多，炸雞塊外脆內嫩，外層粉漿不會太厚，撈檬還配上生菜、青瓜及酸蘿蔔等配料，淋上酸甜汁非常開胃。香茅薑蜜&薄荷青檸梳打兩者都不會太甜，前者有濃郁的香茅及薑味；後者味道清新去暑氣。

下班後，約同好友到旺角購物，最後來到廣華街一帶。廣華街近年也越來越多食店，於是在這附近走走看，來到此店前，是越式粉麵店舖，於是決定試一下這裡的味道。店內並不太大，兩旁都是依著牆，一列式枱椅，看來是配合菜式的設計。牆上卻貼滿各式各樣的食品相片，角落也掛著得獎的旗幟。簡單的餐牌，兩大張，有各式各樣的食品配搭，也可以自選喜愛的味道。最後我們選擇兩個飲品，兩個主食及兩份小食。先送上飲品，是青檸梳打和雙檸紅茶，份量上不錯，已經值回票值。梳打是原支送上，青檸的清香與梳打很是配合，雙檸紅茶友人說雙檸配搭非常合適，而且紅茶味香濃。招牌椰汁酸湯滑雞湯檬粉，黃色是越式雞湯特色，椰汁味香卻不會過濃，湯中帶點點酸，令湯入口反顯得沒有膩口感，令雞湯的味道更突出，雞口真的很滑，還有肉汁在內的口感，檬粉入口爽滑，很有咀嚼感，並不是一般太軟，粉團般的口感，好友說是從未嚐過這個味道，好吃得不能停口。生牛肉拼滑雞拼札肉拼牛丸牛骨湯菜，牛骨湯味濃，骨的味道很香及突出，雖濃不鹹，濃香的湯配合生菜，令生菜也變得香滑。滑雞很滑，沒有過熟，與好友說的一樣，好像還有肉汁在內的感覺，牛肉札肉也不錯，最為突出就是牛丸，入口有著肉的羶味，

今晚約了友人在旺角一聚，原本覺得已經太晏，於是步向旺角糖水街。 途中，見到一間越南菜 店鋪外貼滿明星合照留下回憶。由外而內見到整體格局摩登貼近潮流，貼在窗上的餐牌菜式吸引並且普遍適合大眾口味，馬上提升了食慾。正所謂麻雀雖小但五臟俱全！店內格局似日式店鋪，但是享受著越式料理 也是別有一番風味。先來一碗越式生牛肉牛骨湯河粉，友人見到端上檯的是一片片生牛肉 表示十分興奮！ 應該是她近期內食得最稱心的生牛肉牛骨湯味道濃郁 再配合餐廳提供的醬料 味道簡直層出不窮。另外，招牌手撕雞拼扎肉椰汁酸湯檬粉，手撕雞食得出有特別烹調過。湯底酸酸清甜，食粉之餘亦會不禁想飲乾整碗湯的衝動。法式芝心蝦多士，應該係餐廳最多人點，最受歡迎的菜式之一！除了在場的其他食客有落單之外，牆上貼滿的照片評價，均有呢道菜的蹤影。咬下去那一下啖啖蝦肉，再配流心芝士餡，簡直係魔鬼級誘惑。海膽手撕雞檬紙卷，海膽非常新鮮之餘食落口非常鮮甜，入口即溶，再配合手撕雞及檬紙卷，整體的口感絕佳。

第一次食冰鎮番茄，好正因為有朋友已經用eatigo 這一個apps來做事先預約，所以當我們到這一間餐廳時，只要朋友出示預約訊息，我們賣單的時候就可以半價了。所以當朋友問我要不要一起吃晚飯，我當然義不容辭說好，因為有半價優惠，賣單找數的時候價錢又可以減一半，你說有多好呢，哈哈。而我印象最難忘的是，越男仔這間餐廳的冰鎮蜜糖凍番茄。(正價$39，跟餐$29)。平時食蕃茄都是蕃茄炒蛋，又或者一個生的蕃茄切片去夾三文治。從來沒有想過原來冰鎮番茄是可以如此好味。而且番茄的外皮被脫掉，令到我吃下去的時候吃不到番茄的外皮，所以我覺得口感更好。蕃茄周邊又有蜜糖，蜜糖和番茄的配搭亦好匹配，加上番茄是冰凍的，在這個夏天吃這一個菜，我覺得真是涼爽。另外，因為今天我不想吃牛肉，但我見到其中有一道菜叫做3+2檬粉，（$72），看圖賣相幾吸引，所以心思思想吃。侍應好像聽到我的嘴巴在說不想吃牛肉，於是他跟我說可以將牛肉轉其他配菜，結果原本這一道菜的配料是越式扎肉，古法烤牛肉，豬頸肉絲和手撕雞等等，侍應就將古法烤牛肉剔除，然後將其他配菜的比例加大。我覺得侍應這個做法幾細心。一來可以滿足到我想吃這個菜，二來又可以滿足到我