越蘆越南牛肉粉

营业中

休息中

之前成日行經水坑口街嘅「越蘆越南牛肉粉」，但都無乜興趣幫襯，因為覺得佢係連鎖店🙈。不過呢晚趕時間，唔得閒慢慢揀食乜，就決定一於入去試吓，反正簡簡單單又一餐。呢度環境幾舒服，卡位好坐，而且整體算幾乾淨企理👍。另一邊廂，我睇完餐牌後亦對餐廳有所改觀，皆因佢提供嘅菜式選擇繁多，甚至乎有一啲幾特別嘅菜式，例如鴨仔蛋同會安蕃茄檬粉。我同朋友一人叫咗一個主食，再加小食同甜品，估唔到食物份量咁驚人😱，食完飽到一個點。雖然食物定價稍高，但真係畀足嘢你食！家鄉豬腩肉丸伴檬粉($138)，嗌佢主要係因為想試吓啲豬肉類菜式🐷，呢款有兩味就啱晒！第一款係烤手工檳榔肉丸，肉丸質感偏淋身，並非爽彈嗰類，而且味道特別，加入咗黑椒吊味，另外亦附有軟骨粒粒以添口感。第二款係河內烤豬五花，豬腩大大片，肥瘦適中唔乾身，有一定厚度兼咬口，並滲透出啖啖香茅味😋。菜式無論餸定麵都好多，檬粉雖然大堆頭，但無漿成一餅，倒魚露撈嚟食幾惹味，🌶不過辣度都唔野小。生牛肉牛腩片牛肉丸湯河($86)，🐮牛三寶Pho係穩陣地好食。湯底幾濃郁，又唔油，飲完唔覺口乾，證明應該唔重味精🤤。河粉幾滑，唔碎濕濕，連埋洋蔥、芽菜同香花菜一齊食，口味正宗。三

越蘆越南牛肉粉 上環皇后大道西2-12號聯發商業中心地下B舖-----家人剛好有節目，加班收工完之後，就嚟呢度食個一個人的晚餐。.餐牌選擇唔多唔少，有啲大大份，適合分享，亦有一個人都適合食嘅。.香茅豬扒撈檬 $72鮮蝦柚子沙律 $86.一個人食就決定食light少少，一個沙律一個撈檬，自覺低卡嘅選擇，感覺良好。.豬扒同撈檬，兩隻嘅份量都好多。豬扒柔嫩彈牙，味道香甜，撈檬則冰凍爽彈，加上胡蘿蔔絲、花生、青瓜絲等等嘅材料，仲有越南🐟魚露汁，飽肚又不會覺得膩，好refresh。.鮮蝦柚子沙律同撈檬亦有異曲同工之妙，同樣開胃酸甜，柚子沙律非常juicy，令鮮蝦鮮中帶有淡淡柚子清香，不錯。

媽子話今晚唔想煮晚飯，所以就近近地，帶咗佢去呢間屋企附近嘅越南嘢到食晚餐。～～～話說呢間餐廳喺屋企附近都開咗一段時間，一直都未嚟拜訪過，今日行到入嚟先發現原來入邊空間感好大，裝修都幾靚。～～～睇完餐牌之後，我同爹哋媽咪就叫咗會安蕃茄蝦檬（加油條$18）、原個菠蘿海鮮炒飯、越南蟹肉春卷，同埋芒果軟殼蟹米紙卷。～～～會安番茄蝦檬裡面嘅材料有皮皮蝦、豬肉、蝦丸、扎肉，都幾豐富，所謂嘅皮皮蝦其實就係賴尿蝦。扎肉扎實，蝦丸彈牙，湯底香甜帶微微酸香，好開胃，加埋油條索盡湯汁就更好食。～～～原個菠蘿海鮮炒飯亦不錯，菠蘿香甜，上面好多肉鬆，飯粒比較有咬口，個人鍾意比較軟身嘅，媽咪就好鍾意呢種有咬口嘅米。～～～兩款小食各有千秋，蟹肉春卷香脆爆餡，帶有少少胡椒味，幾暖身。而芒果軟殼蟹米紙卷就好refresh，係好泰越嘅口味，幾開胃。～～～越蘆越南牛肉粉 (上環)上環皇后大道西2-12號聯發商業中心地下B舖

今晚去上環文娛中心睇完表演之後，同友人去了一間越南餐廳，室內地方整潔光猛， 越南菜式特別多款，我們不妨試試會安番茄蟹檬粉🍅🦀蕃茄湯底味濃郁， 新鮮蟹鉗肉質鮮嫩， 有扎肉及魚旦，湯底以蕃茄、豬骨及鮮蟹熬造，鮮甜開胃咖哩牛腩配蒜蓉包🥘🥖濃烈的椰香咖喱味，法包配合咖哩汁味道絕配，咖喱牛腩好軟腍，蒜蓉包痛烘得香脆，真係想要多幾塊來配咖喱汁芒果鴨肉米紙卷🫓🥭芒果香甜，鴨肉味香濃，可惜米紙比較硬，中間有大量生菜和紅蘿蔔🥕，味道清新健康熱話梅咸桔水🍊清熱潤喉，冬天啱飲椰汁珍多冰，椰奶味濃

《越食越正🇻🇳》———————————————-#越蘆越南牛肉粉 🐮-上次食過越式火鍋之後，一直好想再去下香港仲有無其他餐廳有得食，竟然比我係越蘆再遇上🤤-👒 帽子火鍋呢款特色火鍋個爐就一如其名，成個越式草帽咁樣，周圍放滿牛肉鍋片、牛坑腩片、越南扎肉、招牌牛丸同越式扎蹄，肉質嫩滑，相當豐富💖 我哋揀咗河內酸鍋，味道香濃，有啲似羅宋湯帶點酸甜，十分開胃，再放入洋蔥同生菜微微灼熟，帶出清爽味道😆-椰汁珍多冰味道香甜，透心涼❄️最後我哋仲叫咗個甜品，自家製椰青糕十分爽口，清甜可口，解膩一流🥥-⭐ 參考價錢︰帽子火鍋： $228自家椰青糕： $28椰汁珍多冰： $28🍌 抵deal 指數：7/10💰 人均消費︰$160

放工去上環隨便找一個餐廳吃，見到這家越南🇻🇳餐廳🍴挺寬敞就進去一試。裝修乾淨光猛，天花燈的燈都是以越南傳統竹帽製成，非常有趣。.🦴燒牛骨髓配蒜蓉法包$98，越式風味，沒想過在越南🇻🇳餐廳也能嚐到這道菜，配以軟呼呼的法包味道一流。.會安番茄🍅蟹檬$88，濃濃的番茄湯底配蟹肉，豬肉，蝦🦐丸，扎肉，份量豐富。.🥩越南蛋餅香茅豬排飯$78，蛋餅厚實有趣，增添味道，香茅豬排非常入味，整塊豬排也是較大的份量👍🏿.⭐️性價比：4/5星💰人均：$100港元

天氣轉凍，又係食火鍋的季節！川式火鍋、台式火鍋、日式火鍋等等你一定不會覺得陌生，但越南地道的帽子火鍋你又試過未呢？今日來到這家越南餐廳，本來只想吃碗 pho 和吃些越南小吃，但看到這個越南帽子火鍋，造型特別，材料豐富又地道，喜歡吃火鍋的朋友，一定要嚐一嚐這個越式火鍋。越南地道帽子火鍋（HK$228)火鍋的配料有牛肉鍋片、牛坑腩片、越南扎肉、招牌牛丸、越式扎蹄、越南濱海、蓮藕片、唐生菜，各款配料整齊圍著中間的牛骨湯底。湯底有三款選擇，另外還可以額外追加配料。牛肉鍋片 - 牛肉切成薄片，放在鍋內淥幾秒就可以吃到鮮嫩的牛肉。牛坑腩片 - 牛坑腩切得比較厚身，由於腩片已預先煮熟，只需放入湯內略滾即可。越南扎肉 - 扎肉大多以凍食為主，但熱食同樣爽口。招牌牛丸 - 牛丸預先切半，爽彈又有牛肉味。越式扎蹄 - 扎蹄有少許煙燻的香味，外層的啫喱狀的骨膠原，十分滑溜。唐生菜 - 吃火鍋又點可以無生菜，套餐包一碟蔬菜。三色咸檸七（HK$28）三色檸七有檸檬、青檸和咸檸，味道咸咸甜甜又有少少酸味。越南老薑蜜（HK$28）老薑片果然很辣，蜜糖的甜味可以中和一下辣味。Storefront Menu

望一望餐牌，發覺呢度比一般嘅越南餐廳更多特色選擇， 有法包、鴨蛋、仲有醉蝦，款式都幾特別會安蕃茄蝦金邊粉($86)用番茄做湯底， 有三隻瀨尿蝦，金邊粉份量好多， 仲有豬肉碎、蝦丸和扎肉生牛肉金邊粉($68) 大大碗，牛肉不過不失牛油果素米紙卷($62)， 除了牛油果，還有紅蘿蔔絲、紫椰菜和青瓜，食落香脆， 味道較單一， 配搭甜甜的醬汁更好食自家製椰青糕($28) 清甜好食， 口感像啫喱，食到一絲絲的椰子肉， 真材實料咸柑桔青檸($28) 足料好飲

餐廳去到八、九點都仲旺場，原因可能喺附近比較多寫字樓，好多打工仔OT都會揀落嚟食碗越南河當晚餐，食完就返返上去繼續工作（本人都唔例外😟）餐廳環境都幾大幾寬敞， 有好多卡位，令人坐得舒服，感覺lunch都經常滿場！越蘆生牛肉牛腩片湯粉 肉同粉嘅份量真係好多好足料，我諗女仔自己一個未必食得曬， 而份量對我男仔朋友嚟講都好夠飽！第一啖飲落個湯係好香甜，單單係湯底已經好加分，牛肉件數特別多，CP值到幾高，都幾抵食㗎！牛油果沙冰唔知點解食餐越南餐廳，都會嗌牛油果沙冰嚟飲🤣呢杯勁濃牛油果味，感覺似飲緊原隻嘅牛油果，鍾意牛油果嘅人真係一定要試！

今日同同事講起咁耐無得旅行，想搵翻啲東南亞口味既餐廳，行行下就到左上環既越蘆。午餐餐牌其實都幾豐富，我同同事一人一個餐再加3個小食再加2個飲品，超級滿足！我叫左招牌越蘆牛肉粉，勁多料，又大碗，超正！入面有生牛肉、牛腩片、牛丸、牛百葉，啲牛煮到好入味，口感都好好。同事叫左個雞絲扎肉撈檬，口感清爽，一樣超級多料。奇妙在，佢配埋個薄荷青檸梳打，佢話食完之後完全為下午差曬電，因為真係超級夾，強烈推薦大家！係一個好開胃好清新既配搭！而我個滴漏咖啡口感柔滑，同我係越南飲既味道一樣，超級正！（越南咖啡唔係個個習慣，但係愛上就欲罷不能，試過你就知道）你以為就咁完結？嗰3個小食真係亮點！其中我最中意既係順寧胡椒豬肉串，入口首先係微微煙熏味道，然後豬肉既味出緊黎，夾雜住少少胡椒既想味係入面，一條豬肉串，3個層次既味道！第二個係越南蟹肉春卷，呢個無得Dislike, 香口野，炸到脆脆，春卷本身已經like, 仲要係蟹肉春卷，作為伴餐小食一流。最後就係東南亞盛行既烤豬頸肉，外面烤到焦香，入面鎖住肉汁，豬頸肉真係好難抗拒，所以明明3個小食係有點over，但係既然係回味東南亞，我明知食完要跑多兩個圈都要食埋個豬頸

去完探病見到呢間就食落單後25分鐘都未黎眼見遲我入嘅3張枱都食緊隔離位都一樣未黎佢追問之後才有職員俾張落單紙我和她原來漏左單無落無言唔好意思都無句再等10分鐘後終於有得食個越南咖啡要加12蚊但佢塞住左又等左好耐佢都唔滴食呢餐飯真是好考耐性其實我只是食咖哩牛腩飯飲杯咖啡啫味道係可以嘅但78蚊得4塊細牛腩又真是少左d反而4小塊薯仔好似仲大舊d

1️⃣香茅豬扒撈檬 $62 🤍4/5🌩 香茅豬扒炸得好香✨熱辣辣咁上到嚟，卜卜脆之餘配住檬粉食又唔會有油膩感💕🌩檬粉同伴菜嘅份量都好多😋配上魚露汁，清爽得嚟又開胃👍🏼2️⃣傳統越南法包 $58 🤍5/5🌩法包有驚喜⭐️⭐️攤耐左食都依然超級卜卜脆⭐️🌩好大個而且分量超多，建議(+)2個人share嚟食☺️🌩扎肉、燻蹄、豬頸肉、大量伴菜一層疊一層，口感十足💕感覺一個包有齊晒越南嘅特色小食😋🌩食到中間仲會食到肝醬，味道有啲似平時食酸辣粉嗰種炸醬，就咁食可能會覺得有啲鹹，但係配埋包，同埋清爽嘅伴菜可以話係絕配✨👍🏼3️⃣ 生牛肉湯粉 $58 🤍3/5🌩生牛肉上枱嗰陣仲帶紅，而且偏瘦同薄片，一上枱嗰陣時食啱啱好👍🏼等淥熟咗先食就會變老變鞋🤔🌩湯底唔錯幾有鮮味，清甜唔油膩😋

行上環行到攰，一於去搵嘢食。咁啱附近有間越南餐廳就走去試吓一望menu第一次見越南餐廳有蕃茄湯底就試吓，估唔到味道唔錯喎入面仲有2隻蟹腳同各種丸類，加埋杯青檸紅茶，正呀

上環放工， 經過呢間越南餐廳裝修唔錯地方寬敞， 即刻入去試試😋夏日炎炎， 叫咗個鮮蝦柚子沙律， 柚子甜，鮮蝦爽， 口感清新越南蟹肉春卷， 炸得爽脆， 一啲都唔油， 夾住生菜來吃， 一啲都唔漏👍 泰式鮑魚，爽口夠酒味， 食到想叫多一碟串燒， 豬牛雞都一樣咁好味， 點埋秘製沙爹醬， 食到舐舐脷 最後點咗個甜品， 完美 ! 幾個女仔傾下食下， 好快就到晚上十點了。 大家都已經約定下次聚會再來

呢間越南餐廳性價比真係好高，先黎滴漏咖啡好香好滑，椰汁珍多冰又香又滑，行到熱辣辣可以解下渴先😋😋先食個鮮蝦柚子沙律，感覺好清新，醒神又開胃👍🏻👍🏻👍🏻食下貴價貨先—冰鎮鮑魚，每隻都好大隻，好爽口，配上酒味好夾😋😋😋然後食過西貢醉蝦，蝦好新鮮👍🏻👍🏻👍🏻再食會安烤豬頸肉，肉質好爽脆，加埋啲汁一流😋😋😋最後食過燒牛骨髓配蒜蓉法包，未試過呢個配搭，但一定要試，牛骨髓整得好好味加上法包好香口，正👍🏻👍🏻👍🏻估唔到佢做外賣個紙袋都靚過人💃💃