趣亭餐飲館 (已結業)

我哋今次嘅聚會呢就係旺角都舉行，我哋一行10人一早已經預訂左依間餐廳。因為係星期五嘅晚上，我哋早一星期book位，好怕會無位。我哋早左10分鐘左右上到去，佢冇人開門，原來佢哋未返工，咁我哋就等到佢哋返工開門俾我哋，我哋先入到去。係好窄嘅等位空間入邊，完全冇冷氣，我哋好熱。其實都唔緊要，最緊要入到去食啫，10個人一齊，你就冇得咁計較。入到去啦，我啲朋友話佢個廚房好污糟，都唔緊要嘅，佢開放式廚房，所以會比客人見到，可能平時Cafe嘅廚房都好做但係我哋見唔到啫。咁我哋就坐好，有啲同學就去咗廁所，有啲同學就睇緊餐牌，睇下食乜。有個同學見到佢隔離嗰張沙發底下面有隻老鼠標出嚟，嚇到大叫，即刻話走，我哋都勁驚，地方污糟到有老鼠，我哋都第一次見，第一次完全食都未食就急急腳走，真心好驚嚇。。。

琴日同朋友慶祝生日，見到呢間Cafe訂座有八折，所以就過嚟試吓其實五熟路就比較難搵，因為佢係先達廣場，文記小食旁邊嘅入口lift 上去，唔太顯眼因為見到餐牌上邊寫咗＄50切餅費，所以朝頭早打上去問清楚，佢話唔使收👍🏽只有兩位店員，所以要執枱、要水嗰啲都係出去同佢講呢個係招牌每季雞翼，唔知點解我影到咁朦，好貼心，返咗出嚟，可以方便進食，有淡淡玫瑰味，記特別肉醬意粉$78芝士味好濃，肉醬都幾重蕃茄味，女仔一個未必食得晒，因為都幾滯蜆肉炒意粉正正常常，蜆肉都多，但係我覺得冇乜海鮮味仲有一個青口海鮮飯$88唔知點解我唔記得影相，呢個係白汁嘅，其實我冇諗過係白汁，啲青口全部都好細隻，海鮮方面應該係急凍海鮮，個魷魚好假💀啲飯係普通白飯，其實呢個價錢我冇expect過係普通白飯，我以為係西班牙飯！又係勁滯店員忘記咗我哋係OpenRice度book枱，唔記得咗比八折我哋，提醒返到即刻俾咗，另外，好失望地返到屋企見到餐廳話我冇出席到，好彩appeal左之後都計反我出席左

旺角人多擠逼，一年365日都是逼！逼！逼！！食野要等。等。等。想找一個寧靜而坐得舒服的，確是少之極少，云云之中都給我遇上，不得不分享一下 ～趣亭餐飲館那天跟我的honey芝芝聚會，好久沒見我這位老朋友，所以甚為重視,我早兩星期已訂好座位，第一次用openrice apps 訂位功能，超級方便，先讚一下我倆當晚各自各走上cafe,起初到埗先施大廈，望一望「水牌」才知道大廈內有很多賓館，感覺有點「雜」，少見多怪的我硬著頭皮走上去，這裡只有一部lift到4樓，一出lift,一直行到最尾再轉左就會見到塊很細的門牌，一推開門便可內進。內部裝修簡潔，位子不多，但勝在空間寬敞，坐得很舒服，加上今日得我一個booking,早到的我像包場一樣。等了一會，我老朋友都到達，還多了二位美女walk in,無緣包場了。我倆餓得要命，立即看看黑色手寫的menu,全部食物價格合宜，雖沒有圖片或相片再參考，但感覺所有食物好好吃似的，我地叫了招牌玫瑰雞翼玫瑰雞翼，熱辣辣鬆脆外皮，合上眼睛也嗅到淡淡的花香味及聽到脆皮聲，就係望，聞已經知好食食埋落口，真係好食到暈，仲要炸到骨都脆埋，難怪稱為招牌菜，一定要試試，雖然它算很細

好友從澳洲放假回港， 大人細路一行12 人， 時間緊拙下朋友在open rice找到 Chatting Cafe, 見到食評不俗，但有post 說出餐時間嚇人的慢，但奈何可以有布簾房間供應， 於是便膽粗粗一試。 由於有小朋友關係及前車可鑑，於是我地上到 Cafe未齊人就即刻叫左幾款食物， 點知轉頭 20-30分鍾， 食物已陸續上枱， 可能後期改善了， 所以並無前文所說 2-3 小時才上菜的情況， 我地掛住傾計及照顧小朋友， 故無影食物相， 但味道整體是可以的。 美中不足係後期想order窩夫及其他甜品都沒有供應， 希望可改善， 在客人到步後便要知會。

同老公兩個去食，叫咗個漢堡包，一個蜆肉意，一客炸雞翼。蜆肉有沙，而且好油，雞翼仲有少少紅，唔係熟透。漢堡包還可以。最好味係杯梳打...盛惠2百70幾蚊。味道算係咁...

今天與朋友看完音樂會，之後就去左旺角cafe 坐下relax 下個happy sunday~Menu 以手寫為主, 非常有特色~餐廳放置了很多公仔佈罝~非常有home feel~先來一杯熱飲我朋友就叫了一杯花茶~望出去是繁華的旺角鬧市登登登登!!!!!這個玫瑰雞翼是店主推介~招牌玫瑰雞翼（$48/4隻）賣相好靚呀~這是店內招牌食物雞翼肉嫩，淡淡的蜜糖味配上清香的, 玫瑰花味再配上蜜糖，肉質嫩滑！個番茄是用心思雕出來~雞翼醃得好好食，不會太咸而且bonus 是雞鬢翼也是切成玫瑰花形狀!!!!特盛日式汁燒鰻魚炒飯（$138）原條的鰻魚非常厚切，肉質肥美, 配上燒汁非常香口，炒飯亦炒得很夠火喉！卡邦尼意粉（$88）, 卡邦尼夠濃味又很香口，但又不會太"漏"~食完仲有位食甜品於是叫左2款share心型窩夫配雪糕$48, 窩夫夠脆，心形非常吸引呢這款affogato $48這款濃縮的熱咖啡再倒在雪糕上, 雪糕與咖啡的交熔口感非常豐富潤滑~是日的晚餐非常完滿, 這實在是一間好的旺角樓上cafe 推介之選

安排差、服務態度差：1. 朋友早在一星期前book已左話呢間cafe，今天事前一小時再致電到confirm好會安我們坐「塔塔咪」。上到去卻無左回事！2. 以上只是少事，最大問題是上餐時間極差極慢！我跟朋友們7點鐘來到，7點半落order 一份醬意粉，要到8點30才能端上一份「暖」的意粉。3. 簡單的一杯暖水，服務員都忘記了，待20分鐘過後再追問，才能有一杯水。4. 到了8點半左右，所有朋友都來齊了，一共10位要點餐，但到10點半時餐仍未黎齊！一句抱歉都無！

我地order 炒意粉，焗飯同小食拼盤，每一份食物都要等一個鐘，服務態度又唔好，食物又唔係特別出色。總結:等野食等到忟，野食部分係凍，不會推介比朋友........

周末下班想好好放鬆聊天，樓上Café會是不錯的選擇。這天跟著朋友到了Chatting Café，地方舒適之餘，食物質素也有驚喜！ 第一次踏進先達大廈這裡老式大樓，感覺有點微妙，沒想到Chatting Café內裡別有洞天。舒適軟綿的大沙發，加上手邊的抱枕公仔，在這裡坐上一整天也不會累，的確是非常適合朋友聚會聊天的好地方。 全手寫的餐牌字體工整，應該很用心去寫吧？ 食物除了一般Café會提供的小食飲品，還有飯類和意粉，不比餐廳遜色。 飲品選擇不少，我選了抹茶布甸特飲，濃郁奶味中的一絲甘苦綠茶味相當突出，布甸軟滑，輕輕一啜非常順暢不會卡在吸管中，是最理想的軟度，整體偏甜但正合我的口味！ 招牌玫瑰雞翼以胡麻蕃茄沙律伴碟，主角是玫瑰狀的雞翼，還灑上玫瑰花瓣跟玫瑰糖漿，賣相漂亮。雞翼去剩單骨，再將肉翻到頂部變成一朵玫瑰，沾上玫瑰糖漿一起吃既焦脆又有花香，這設計非常有心思。情侶約會時點這款雞翼應該很能逗女生歡喜呢！ 特盛日式汁燒鰻魚炒飯 用上全條燒鰻魚的特盛日式汁燒鰻魚炒飯，作為鰻魚迷不可錯過！ 燒鰻魚肉質軟稔，澆上甜甜的鰻魚燒汁味道一流，要是鰻魚皮能再燒乾身脆身一點會更

😛旺角既cafe 除左登打士之外都有好多選擇既😏今次發現左間係先達隔離先施大廈既cafe上到去有大大張既梳化同埋公仔超級得意😍。店主推介嘅玫瑰雞翼更加係精心之作本身以為只係普通有玫瑰味既蜜糖雞翼點知佢係成隻雞翼都變左做玫瑰花啊🌹每一隻玫瑰雞翼都係手工之作至少要幾分鐘先整到一隻玫瑰形狀既🐓食嘅時候又可以一啖食晒夠晒方便而且重好好味 真係有玫瑰味同埋蜜糖既甜味。鰻魚炒飯既原條鰻魚同時令到我地好驚喜份量特盛得黎又燒得好好味配埋鰻魚汁炒飯簡直無得頂👍🏻係cafe食都咁高水準嘅鰻魚飯真係估你唔到😼。鎮店芝寶 如圖所見溶咗嘅芝士非常誘人❤️足三兩過足三兩嘅牛肉漢堡扒好juicy配埋鬆軟嘅漢堡包真係好邪惡😈食完個包飽到已經食唔落啲薯條😂。最後飲品方面推介牛乳抹茶沙冰🍵值得一讚係抹茶味比想像中濃香無被牛奶蓋過茶味 而且冇普通cafe飲品死甜嘅敗筆就係甜度適中自然 冰粒細滑👍🏻😍。總括而言呢間Cafe真係比到好多驚喜我哋食物嘅水準超出想像好😱 最緊要係唔會好多人去嘈到乜緊下次大家去旺角cafe 又多個選擇😏👍🏻價錢： 人均消費約 $120抵食：4好食：5（1最低 5**最高）💥指數：💥💥💥💥地址：chat

今天是Happy Friday, 同朋友約左係旺角食晚飯。見Chatting Cafe 評語唔錯，就決定同朋友試下！司華力腸拼薯條（$36）賣相不是錯通，味道沒有太大特別，作為飯前小食絕無挑剔。 招牌玫瑰雞翼（$48/4隻）是店內招牌食物之一，清香玫瑰花味再配上蜜糖，肉質嫩滑，甜甜地，好香！ 蟹肉卡邦尼意粉（$98）卡邦尼濃郁美味，掛汁力高，蟹肉鮮味且夠多，略嫌意粉不夠彈牙。 特盛日式汁燒鰻魚炒飯（$138）有原條的鰻魚，燒汁配上肉質肥美的鰻魚嫩滑可口，炒飯香口，很好吃！ 吃完晚飯，和朋友再來一壺藍莓水果花茶（$58）消消濟，入面有蘋果肉、洛神花、玫瑰果、黑加侖子、太陽花瓣、乳酪、藍莓，配有蜜糖，味道酸酸甜甜。 牛乳抹茶沙𣲙（$52）抹茶布甸特飲（$52） 最後以心型窩夫配雪糕為晚餐畫上完美的句號！ Chattingcafe係一間樓上cafe座位唔多岩曬幾個朋友約埋吹水見面野食充滿特色，推介玫瑰雞翼清香玫瑰花味再配上蜜糖，甜甜地，好香

共有兩款鰻魚飯🍱特上才會有一整條鰻魚喔😻飯底也是用鰻魚汁炒成的👍🏻👍🏻配合大條的鰻魚超級滿足👅但價錢略有點貴🤔飯粒也略嫌太濕潤。驚喜是在於呢個脆雞漢堡岩岩好炸起的超大大塊雞扒脆身之餘好juicy💦配合泰式辣醬甜甜辣辣超正👍🏻薯菜也keep 到脆口🍟最後黎杯清甜的荔枝沙冰🍹爽哂！

我身邊嘅朋友每逢放假，都想捉我四圍去，知我鍾意搵新餐廳食好嘢，今日就去咗旺角呢間唔錯嘅小店！Cafe就係先達商場上面，喺大廈旁邊有升降機。入到餐廳，環境比較寧靜，地方整齊播住一啲音樂，可以靜靜哋坐一嗰下晝！餐廳有多張沙發，毛公仔陪伴，跟窗口位置有榻榻米高台設計，可以比一班朋友去包場玩！大約三點到餐廳，啱啱開門，今日餐廳只有一位店員坐鎮，食物一道道送上，仲時不時過嚟問吓我哋意見，感覺親切。另外，餐廳有好多卡game遊戲玩！餐牌用人手寫上，好比公式化嘅餐牌，小食由$32起，飯同意粉就$78起，我哋嗌咗一個甜品，同兩個主菜！先嚟一杯玫瑰生果紅茶，香氣隨着熱力飄出，果味酸甜好開胃。襯托深啡色木紋餐枱，影相都特別靚。三文魚蘑菇忌廉汁意粉雖然意粉份量好多，蘑菇味香濃，忌廉汁豐富，但都比三文魚搶哂風頭，金黃色嘅表面好吸引，魚皮煎成脆身，魚肉帶有脂肪，唔會乾身。升級鰻魚日式炒飯炒飯上面足足有一整條鰻魚，係餐廳食真係好少有，如果去超級市場買一條都要80蚊，餐廳真係落我重本，上面放啲紫菜，令賣相更加精緻，炒飯用燒汁調味，加上蔬菜顏色變得豐富，食起上嚟好輕鬆，鰻魚好肥美，同炒飯好配合！最後都有啲飽啦，就嗌一

🍱特盛日式汁燒鰻魚炒飯$138🍗招牌玫瑰雞亦$48/4隻🍠紫薯布丁特飲$52🍏青蘋果梳打$38係先達附近發現尼間樓上cafe，店內放左好多勁qq既公仔，cafe感覺上好似係自己屋企咁，真係好好hea🌝小店仲可以包半場/全場添，半場8～9人，全第20人以上！如果成班fd包場開party真係好開心🙊叫左餐牌上推介既野食，特盛日式汁燒鰻魚炒飯🍱鰻魚飯有兩款我簡左個重量級d ga😋炒飯入面有栗米粒、豆、紅蘿蔔粒、蛋。炒飯加左鰻魚汁落去炒炒得好香😍同埋夠乾身👍上面既鰻魚好大條😍好啖啖肉，鰻魚一d都唔腥架同冇乜骨架。估唔到係小店會食到驚喜既鰻魚飯～yummy😋餐牌上推介既招牌玫瑰雞亦，個樣睇落都好靚，單骨雞亦好似玫瑰既樣🌹雞亦超嫩滑😍好啖啖肉仲好香口，好食紫薯布丁特飲，紫色就已經好靚了💜特飲既底有布丁啊，可以用匙羹不黎食😛紫薯特飲有紫薯味仲飲到細細粒既紫薯肉～

依加晚上食飯時間好多時也有限時, 想多坐一會, 慢慢食和傾下計也較為困難, 所以我地選擇了樓上CAFÉ, 貪佢唔限時, 又坐得舒服. 今次我地去了位於旺角的ChattingCafe食飯.一踏入店內, 見到坐位是梳化.而且梳化上還放了鬆弛態公仔, 有點屋企的感覺. 餐牌是人手寫, 特別有親切感.我地見這裡有不少小食, 想試多幾款, 所以點了小食拼盤.當中包括雞翼, 司華力腸, 鴨胸和薯條.雞翼外層幾香脆, 內裡雞肉尚算嫩滑.薯條是我愛食的粗身波浪薯條, 薯味相對較濃, 較有口感.另一款小食是招牌玫瑰雞翼.上枱時被佢的賣相所吸引, 因為真係整成一支支玫瑰花咁樣, 這個真係要花一點時間.雞翼外皮帶點脆身, 這個是甜, 蜜糖汁, 入口時有淡淡的玫瑰味.飲品點了熱棉花糖奶蓋抹茶.抹茶面加上了棉花糖, 味道一般, 抹茶味再多一點會更好.主食點了特盛日式汁燒鰻魚炒飯.上枱時已經香味撲鼻.份量都幾大碟, 可以兩個人一齊Share食.原條鰻魚肉質幾嫩口, 算幾厚身和肥美, 而且不會整到好乾身.炒飯較平日食的好食, 除了飯是一粒粒, 不會痴埋一齊.另外, 還加入了鰻魚粒和醬一齊炒, 所以特別入味和增加口感